1. യിസ്രായേൽ പറയേണ്ടത്: [QBR] “അവർ എന്റെ ബാല്യംമുതൽ പലപ്പോഴും എന്നെ ഉപദ്രവിച്ചു; [QBR]
2. അതെ,അവർ എന്റെ ബാല്യംമുതൽ പലപ്പോഴും എന്നെ ഉപദ്രവിച്ചു; [QBR] എങ്കിലും അവർ എന്നെ ജയിച്ചില്ല. [QBR]
3. ഉഴവുകാർ എന്റെ മുതുകിന്മേൽ ഉഴുതു; [QBR] ഉഴവു ചാലുകൾ അവർ നീളത്തിൽ കീറി.” [QBR]
4. യഹോവ നീതിമാനാകുന്നു; [QBR] അവൻ ദുഷ്ടന്മാരുടെ കയറുകൾ അറുത്തുകളഞ്ഞിരിക്കുന്നു. [QBR]
5. സീയോനെ വെറുക്കുന്നവരെല്ലാം [QBR] ലജ്ജിച്ച് പിന്തിരിഞ്ഞുപോകട്ടെ. [QBR]
6. വളരുന്നതിനുമുമ്പ് ഉണങ്ങിപ്പോകുന്ന [QBR] പുരപ്പുറത്തെ പുല്ലുപോലെ അവർ ആകട്ടെ. [QBR]
7. കൊയ്യുന്നവൻ അത്തരം പുല്ലുകൊണ്ട് തന്റെ കൈയോ [QBR] കറ്റ കെട്ടുന്നവൻ തന്റെ ഭുജങ്ങളോ നിറയ്ക്കുകയില്ല. [QBR]
8. “യഹോവയുടെ അനുഗ്രഹം നിങ്ങൾക്കുണ്ടാകട്ടെ; [QBR] യഹോവയുടെ നാമത്തിൽ ഞങ്ങൾ നിങ്ങളെ അനുഗ്രഹിക്കുന്നു” [QBR] എന്നിങ്ങനെ വഴിപോകുന്നവർ പറയുന്നതും ഇല്ല. [PE]