1. യഹോവേ, ദുഷ്ടമനുഷ്യരുടെ കൈയിൽ നിന്ന് എന്നെ വിടുവിച്ച് [QBR] സാഹസക്കാരുടെ പക്കൽനിന്ന് എന്നെ പരിപാലിക്കണമേ. [QBR]
2. അവർ ഹൃദയത്തിൽ തിന്മ നിരൂപിക്കുന്നു; [QBR] അവർ ഇടവിടാതെ പോരാട്ടത്തിനായി കൂട്ടം കൂടുന്നു; [QBR]
3. അവർ സർപ്പംപോലെ അവരുടെ നാവുകൾക്ക് മൂർച്ചകൂട്ടുന്നു; [QBR] അവരുടെ അധരങ്ങൾക്കു കീഴിൽ അണലിവിഷം ഉണ്ട്. സേലാ.
4. യഹോവേ, ദുഷ്ടന്റെ കൈയിൽനിന്ന് എന്നെ കാക്കണമേ; [QBR] സാഹസക്കാരനിൽനിന്ന് എന്നെ പരിപാലിക്കണമേ; [QBR] അവർ എന്റെ കാലടികൾ മറിച്ചുകളയുവാൻ ഭാവിക്കുന്നു. [QBR]
5. ഗർവ്വിഷ്ഠന്മാർ എനിക്കായി കെണിയും കയറും മറച്ചുവച്ചിരിക്കുന്നു; [QBR] വഴിയരികിൽ അവർ വല വിരിച്ചിരിക്കുന്നു; [QBR] അവർ എനിക്കായി കുടുക്കുകൾ വച്ചിരിക്കുന്നു. സേലാ.
6. “നീ എന്റെ ദൈവം” എന്ന് ഞാൻ യഹോവയോടു പറഞ്ഞു; [QBR] യഹോവേ, എന്റെ യാചനകൾ കേൾക്കണമേ. [QBR]
7. എന്റെ രക്ഷയുടെ ബലമായ കർത്താവായ യഹോവേ, [QBR] യുദ്ധദിവസത്തിൽ നീ എന്റെ തലയിൽ ശിരസ്ത്രം വയ്ക്കുന്നു. [QBR]
8. യഹോവേ, ദുഷ്ടന്റെ ആഗ്രഹങ്ങൾ നടത്തരുതേ; [QBR] നിഗളിച്ചുപോകാതിരിക്കേണ്ടതിന് [QBR] അവന്റെ ദുരുപായം സാധിപ്പിക്കുകയും അരുതേ. സേലാ.
9. എന്നെ വളഞ്ഞിരിക്കുന്നവരുടെ തലയോ, - [QBR] അവരുടെ അധരങ്ങളുടെ തിന്മ അവരെ മൂടിക്കളയട്ടെ. [QBR]
10. തീക്കനൽ അവരുടെ മേൽ വീഴട്ടെ; [QBR] അവൻ അവരെ തീയിലും [QBR] എഴുന്നേല്ക്കാത്തവിധം കുഴിയിലും ഇട്ടുകളയട്ടെ. [QBR]
11. വാവിഷ്ഠാണക്കാരൻ ഭൂമിയിൽ നിലനില്ക്കുകയില്ല; [QBR] സാഹസക്കാരനെ അനർത്ഥം നായാടി ഉന്മൂലനാശം വരുത്തും. [QBR]
12. യഹോവ പീഡിതന്റെ വ്യവഹാരവും [QBR] ദരിദ്രന്മാരുടെ ന്യായവും നടത്തും എന്ന് ഞാൻ അറിയുന്നു. [QBR]
13. അതേ, നീതിമാന്മാർ നിന്റെ നാമത്തിനു സ്തോത്രം ചെയ്യും; [QBR] നേരുള്ളവർ നിന്റെ സന്നിധിയിൽ വസിക്കും. [PE]