1. യഹോവയെ സ്തുതിക്കുവിൻ; [QBR] സ്വർഗ്ഗത്തിൽനിന്ന് യഹോവയെ സ്തുതിക്കുവിൻ; [QBR] ഉന്നതങ്ങളിൽ അവനെ സ്തുതിക്കുവിൻ. [QBR]
2. അവന്റെ സകല ദൂതന്മാരുമേ, അവനെ സ്തുതിക്കുവിൻ; [QBR] അവന്റെ സർവ്വസൈന്യവുമേ, അവനെ സ്തുതിക്കുവിൻ; [QBR]
3. സൂര്യചന്ദ്രന്മാരെ അവനെ സ്തുതിക്കുവിൻ; [QBR] പ്രകാശമുള്ള സകല നക്ഷത്രങ്ങളുമേ, അവനെ സ്തുതിക്കുവിൻ. [QBR]
4. സ്വർഗ്ഗാധിസ്വർഗ്ഗവും ആകാശത്തിനു മീതെയുള്ള വെള്ളവും [QBR] ആയുള്ളവയേ, അവനെ സ്തുതിക്കുവിൻ. [QBR]
5. അവൻ കല്പിച്ചിട്ട് അവ സൃഷ്ടിക്കപ്പെട്ടിരിക്കുകയാൽ [QBR] അവ യഹോവയുടെ നാമത്തെ സ്തുതിക്കട്ടെ. [QBR]
6. അവൻ അവയെ സദാകാലത്തേക്കും സ്ഥിരമാക്കി; [QBR] ലംഘിക്കരുതാത്ത ഒരു നിയമം വച്ചിരിക്കുന്നു. [QBR]
7. തിമിംഗലങ്ങളും എല്ലാ ആഴികളുമേ, [QBR] ഭൂമിയിൽനിന്ന് യഹോവയെ സ്തുതിക്കുവിൻ. [QBR]
8. തീയും കല്മഴയും ഹിമവും, കാർമേഘവും [QBR] അവന്റെ വചനം അനുസരിക്കുന്ന കൊടുങ്കാറ്റും, [QBR]
9. പർവ്വതങ്ങളും എല്ലാ കുന്നുകളും, [QBR] ഫലവൃക്ഷങ്ങളും സകലദേവദാരുക്കളും, [QBR]
10. മൃഗങ്ങളും സകല കന്നുകാലികളും, [QBR] ഇഴജന്തുക്കളും പറവജാതികളും, [QBR]
11. ഭൂമിയിലെ രാജാക്കന്മാരും സകലവംശങ്ങളും, [QBR] ഭൂമിയിലെ പ്രഭുക്കന്മാരും സകലന്യായാധിപന്മാരും, [QBR]
12. യുവാക്കളും യുവതികളും, [QBR] വൃദ്ധന്മാരും ബാലന്മാരും, [QBR]
13. ഇവരൊക്കയും യഹോവയുടെ നാമത്തെ സ്തുതിക്കട്ടെ; [QBR] അവന്റെ നാമം മാത്രമാകുന്നു ഉയർന്നിരിക്കുന്നത്. [QBR] അവന്റെ മഹത്വം ഭൂമിക്കും ആകാശത്തിനും മുകളിലായിരിക്കുന്നു. [QBR]
14. തന്നോട് അടുത്തിരിക്കുന്ന ജനമായി [QBR] യിസ്രായേൽമക്കളായ തന്റെ സകലഭക്തന്മാർക്കും പുകഴ്ചയായി [QBR] അവൻ സ്വജനത്തിന് ഒരു കൊമ്പ് ഉയർത്തിയിരിക്കുന്നു. [QBR] യഹോവയെ സ്തുതിക്കുവിൻ. [PE]