1. ഞാൻ പൂർണ്ണഹൃദയത്തോടെ യഹോവയെ സ്തുതിക്കും; [QBR] നിന്റെ അത്ഭുതങ്ങളെയെല്ലാം ഞാൻ വർണ്ണിക്കും. [QBR]
2. ഞാൻ നിന്നിൽ സന്തോഷിച്ചുല്ലസിക്കും; [QBR] അത്യുന്നതനായുള്ള യഹോവേ, ഞാൻ നിന്റെ നാമത്തെ കീർത്തിക്കും. [QBR]
3. എന്റെ ശത്രുക്കൾ പിൻവാങ്ങുമ്പോൾ, [QBR] നിന്റെ സന്നിധിയിൽ ഇടറിവീണ് നശിച്ചു പോകും. [QBR]
4. നീ എന്റെ കാര്യവും വ്യവഹാരവും നടത്തിയിരിക്കുന്നു; [QBR] നീ നീതിയോടെ വിധിച്ചുകൊണ്ട് സിംഹാസനത്തിൽ ഇരിക്കുന്നു; [QBR]
5. നീ ജനതതികളെ ശാസിച്ച്, ദുഷ്ടനെ നശിപ്പിച്ചിരിക്കുന്നു; [QBR] അവരുടെ നാമംപോലും നീ സദാകാലത്തേക്കും മായിച്ചുകളഞ്ഞു. [QBR]
6. ശത്രുക്കൾ സദാകാലത്തേക്കും നശിച്ചിരിക്കുന്നു; [QBR] അവരുടെ പട്ടണങ്ങളെയും നീ മറിച്ചുകളഞ്ഞിരിക്കുന്നു; [QBR] അവയുടെ ഓർമ്മയും ഇല്ലാതെയായിരിക്കുന്നു. [QBR]
7. എന്നാൽ യഹോവ എന്നേക്കും വാഴുന്നു; [QBR] ന്യായവിധിക്കായി അവൻ സിംഹാസനം ഒരുക്കിയിരിക്കുന്നു. [QBR]
8. അവൻ ലോകത്തെ നീതിയോടെ വിധിക്കും; [QBR] ജനതതികൾക്ക് നേരോടെ ന്യായപാലനം ചെയ്യും. [QBR]
9. യഹോവ പീഡിതന് ഒരു അഭയസ്ഥാനം; [QBR] കഷ്ടകാലത്ത് ഒരഭയസ്ഥാനം തന്നെ. [QBR]
10. നിന്റെ നാമത്തെ അറിയുന്നവർ നിന്നിൽ ആശ്രയിക്കും; [QBR] യഹോവേ, നിന്നെ അന്വേഷിക്കുന്നവരെ നീ ഉപേക്ഷിക്കുന്നില്ലല്ലോ. [QBR]
11. സീയോനിൽ വസിക്കുന്ന യഹോവയ്ക്ക് സ്തോത്രം പാടുവീൻ; [QBR] അവന്റെ പ്രവൃത്തികളെ ജനതതിയുടെ ഇടയിൽ ഘോഷിപ്പീൻ. [QBR]
12. രക്തപാതകത്തിന് പ്രതികാരം ചെയ്യുന്നവൻ അവരെ ഓർക്കുന്നു; [QBR] എളിയവരുടെ നിലവിളി അവൻ മറക്കുന്നതുമില്ല. [QBR]
13. യഹോവേ, എന്നോട് കരുണയുണ്ടാകണമേ; [QBR] മരണവാതിലുകളിൽനിന്ന് എന്നെ ഉദ്ധരിക്കുന്നവനേ, [QBR] എന്നെ പകയ്ക്കുന്നവരാൽ എനിക്കു നേരിടുന്ന കഷ്ടം നോക്കണമേ. [QBR]
14. ഞാൻ സീയോൻപുത്രിയുടെ പടിവാതിലുകളിൽ നിന്നെ സ്തുതിച്ച് [QBR] നിന്റെ രക്ഷയിൽ സന്തോഷിക്കേണ്ടതിനു തന്നെ. [QBR]
15. ജനതകൾ അവർ ഉണ്ടാക്കിയ കുഴിയിൽ താണുപോയി; [QBR] അവർ ഒളിച്ചുവെച്ച വലയിൽ അവരുടെ കാൽ തന്നെ അകപ്പെട്ടിരിക്കുന്നു. [QBR]
16. യഹോവ തന്നെത്താൻ വെളിപ്പെടുത്തി ന്യായവിധി നടത്തിയിരിക്കുന്നു; [QBR] ദുഷ്ടൻ സ്വന്തകൈകളുടെ പ്രവൃത്തിയിൽ കുടുങ്ങിയിരിക്കുന്നു. തന്ത്രിനാദം. സേലാ.
17. ദുഷ്ടന്മാരും ദൈവത്തെ മറക്കുന്ന സകലജനതതിയും [QBR] പാതാളത്തിലേക്കു തിരിയും. [QBR]
18. ദരിദ്രനെ എന്നേക്കും മറന്നു പോകുകയില്ല; [QBR] സാധുക്കളുടെ പ്രത്യാശയ്ക്ക് എന്നും ഭംഗം വരുകയുമില്ല. [QBR]
19. യഹോവേ, എഴുന്നേല്ക്കണമേ, മർത്യൻ പ്രബലനാകരുതേ; [QBR] ജനതതികൾ നിന്റെ സന്നിധിയിൽ വിധിക്കപ്പെടുമാറാകട്ടെ. [QBR]
20. യഹോവേ, തങ്ങൾ കേവലം മർത്യരാകുന്നു എന്ന് ജനതതികൾ അറിയേണ്ടതിന് [QBR] അവർക്ക് ഭയം വരുത്തണമേ. സേലാ. [PE]