1. വരുവിൻ, നാം യഹോവയ്ക്കു പാടുക; [QBR] നമ്മുടെ രക്ഷയുടെ പാറയ്ക്ക് ആനന്ദത്തോടെ ആർപ്പിടുക. [QBR]
2. നാം സ്തോത്രത്തോടെ അവന്റെ സന്നിധിയിൽ ചെല്ലുക; [QBR] സങ്കീർത്തനങ്ങളോടെ അവന്റെ മുമ്പാകെ ഘോഷിക്കുക. [QBR]
3. യഹോവ മഹാദൈവമല്ലോ; [QBR] അവൻ സകലദേവന്മാർക്കും മീതെ മഹാരാജാവു തന്നെ. [QBR]
4. ഭൂമിയുടെ അധോഭാഗങ്ങൾ അവന്റെ കയ്യിൽ ആകുന്നു; [QBR] പർവ്വതങ്ങളുടെ ശിഖരങ്ങളും അവനുള്ളവ. [QBR]
5. സമുദ്രം അവനുള്ളത്; അവൻ അതിനെ ഉണ്ടാക്കി; [QBR] കരയെയും അവന്റെ കൈകൾ മനഞ്ഞിരിക്കുന്നു. [QBR]
6. വരുവിൻ, നാം വണങ്ങി നമസ്കരിക്കുക; [QBR] നമ്മെ നിർമ്മിച്ച യഹോവയുടെ മുമ്പിൽ മുട്ടുകുത്തുക. [QBR]
7. അവൻ നമ്മുടെ ദൈവമാകുന്നു; [QBR] നാമോ അവൻ മേയിക്കുന്ന ജനവും അവന്റെ കൈക്കീഴിലെ ആടുകളും തന്നെ. [QBR]
8. ഇന്ന് നിങ്ങൾ അവന്റെ ശബ്ദം കേൾക്കുന്നു എങ്കിൽ, [QBR] മെരീബയിലെപ്പോലെയും മരുഭൂമിയിൽ മസ്സാനാളിലെപ്പോലെയും [QBR] നിങ്ങളുടെ ഹൃദയം കഠിനമാക്കരുത്. [QBR]
9. അവിടെവച്ച് നിങ്ങളുടെ പിതാക്കന്മാർ എന്നെ പരീക്ഷിച്ചു; [QBR] എന്റെ പ്രവൃത്തി അവർ കണ്ടിട്ടും എന്നെ ശോധന ചെയ്തു. [QBR]
10. നാല്പത് വർഷം ഞാൻ ആ തലമുറയെക്കുറിച്ച് ദു:ഖിച്ചു. [QBR] “അവർ തെറ്റിപ്പോകുന്ന ഹൃദയമുള്ള ഒരു ജനം എന്നും [QBR] എന്റെ വഴികൾ അറിഞ്ഞിട്ടില്ലാത്തവർ” എന്നും ഞാൻ പറഞ്ഞു. [QBR]
11. “ആകയാൽ അവർ എന്റെ സ്വസ്ഥതയിൽ പ്രവേശിക്കുകയില്ല” എന്ന് [QBR] ഞാൻ എന്റെ ക്രോധത്തിൽ സത്യം ചെയ്തു. [PE]