1. യഹോവയ്ക്ക് ഒരു പുതിയ പാട്ടു പാടുവിൻ; [QBR] അവൻ അത്ഭുതകാര്യങ്ങൾ പ്രവർത്തിച്ചിരിക്കുന്നു; [QBR] അവന്റെ വലങ്കയ്യും അവന്റെ വിശുദ്ധഭുജവും [QBR] അവന് ജയം നേടിയിരിക്കുന്നു. [QBR]
2. യഹോവ തന്റെ രക്ഷ അറിയിച്ചും ജനതകളുടെ കാഴ്ചയിൽ തന്റെ നീതി വെളിപ്പെടുത്തിയുമിരിക്കുന്നു. [QBR]
3. അവൻ യിസ്രായേൽഗൃഹത്തോടുള്ള തന്റെ ദയയും വിശ്വസ്തതയും ഓർമ്മിച്ചിരിക്കുന്നു; [QBR] ഭൂമിയുടെ അറുതികളിലുള്ളവരും നമ്മുടെ ദൈവത്തിന്റെ രക്ഷ കണ്ടിരിക്കുന്നു. [QBR]
4. സകല ഭൂവാസികളുമേ, യഹോവയ്ക്ക് ആർപ്പിടുവിൻ; [QBR] ആനന്ദഘോഷത്തോടെ കീർത്തനം ചെയ്യുവിൻ. [QBR]
5. കിന്നരത്തോടെ യഹോവയ്ക്കു കീർത്തനം ചെയ്യുവിൻ; [QBR] കിന്നരത്തോടും സംഗീതസ്വരത്തോടും കൂടി തന്നെ. [QBR]
6. കൊമ്പും കാഹളവും ഊതി രാജാവായ യഹോവയുടെ സന്നിധിയിൽ ഘോഷിക്കുവിൻ! [QBR]
7. സമുദ്രവും അതിലുള്ളതും [QBR] ഭൂതലവും അതിൽ വസിക്കുന്നവരും ആരവം മുഴക്കട്ടെ. [QBR]
8. നദികൾ കൈ കൊട്ടട്ടെ; [QBR] പർവ്വതങ്ങൾ ഒരുപോലെ യഹോവയുടെ മുമ്പാകെ ഉല്ലസിച്ചുഘോഷിക്കട്ടെ. [QBR]
9. അവൻ ഭൂമിയെ ന്യായം വിധിക്കുവാൻ വരുന്നു; [QBR] ഭൂലോകത്തെ നീതിയോടും ജനതകളെ നേരോടുംകൂടി വിധിക്കും. [PE]