1. രാത്രിസമയത്ത് എന്റെ കിടക്കയിൽ [QBR] ഞാൻ എന്റെ പ്രാണപ്രിയനെ അന്വേഷിച്ചു; [QBR] ഞാൻ അവനെ അന്വേഷിച്ചു; കണ്ടില്ലതാനും. [QBR]
2. ഞാൻ എഴുന്നേറ്റ് നഗരത്തിൽ സഞ്ചരിച്ചു; [QBR] “വീഥികളിലും വിശാലസ്ഥലങ്ങളിലും എന്റെ പ്രാണപ്രിയനെ അന്വേഷിക്കും” എന്ന് ഞാൻ പറഞ്ഞു; [QBR] ഞാൻ അവനെ അന്വേഷിച്ചു; കണ്ടില്ല താനും. [QBR]
3. നഗരത്തിൽ സഞ്ചരിക്കുന്ന കാവല്ക്കാർ എന്നെ കണ്ടു; [QBR] “എന്റെ പ്രാണപ്രിയനെ കണ്ടുവോ” എന്ന് ഞാൻ അവരോട് ചോദിച്ചു. [QBR]
4. അവരെ വിട്ട് അല്പം മുന്നോട്ട് ചെന്നപ്പോൾ [QBR] ഞാൻ എന്റെ പ്രാണപ്രിയനെ കണ്ടു. [QBR] ഞാൻ അവനെ പിടിച്ച്, എന്റെ അമ്മയുടെ വീട്ടിലേക്കും [QBR] എന്നെ പ്രസവിച്ചവളുടെ അറയിലേക്കും കൊണ്ടുവരുന്നതുവരെ അവനെ വിട്ടില്ല. [QBR]
5. യെരൂശലേംപുത്രിമാരേ, ചെറുമാനുകളാണ, പേടമാനുകളാണ, [QBR] പ്രേമത്തിന് ഇഷ്ടമാകുവോളം അതിനെ ഇളക്കരുത് ഉണർത്തുകയുമരുത്. [QBR]
6. മൂറും കുന്തുരുക്കവും കൊണ്ടും [QBR] കച്ചവടക്കാരന്റെ സകലവിധ സുഗന്ധചൂർണ്ണങ്ങൾകൊണ്ടും [QBR] പരിമളമാക്കപ്പെട്ട പുകത്തൂൺപോലെ മരുഭൂമിയിൽനിന്ന് കയറിവരുന്നോരിവൻ ആര്? [QBR]
7. ശലോമോന്റെ പല്ലക്ക് തന്നെ; [QBR] യിസ്രായേൽ വീരന്മാരിൽ അറുപത് വീരന്മാർ അതിന്റെ ചുറ്റും ഉണ്ട്. [QBR]
8. അവരെല്ലാവരും വാളെടുത്ത യുദ്ധസമർത്ഥന്മാർ; [QBR] രാത്രിയിലെ ഭയം നിമിത്തം ഓരോരുത്തൻ അരയ്ക്ക് വാൾ കെട്ടിയിരിക്കുന്നു. [QBR]
9. ശലോമോൻരാജാവ് ലെബാനോനിലെ മരംകൊണ്ട് [QBR] തനിക്ക് ഒരു പല്ലക്ക് ഉണ്ടാക്കി. [QBR]
10. അതിന്റെ തൂണുകൾ അവൻ വെള്ളി കൊണ്ടും [QBR] ചാര് പൊന്നുകൊണ്ടും ഇരിപ്പിടം രക്താംബരംകൊണ്ടും ഉണ്ടാക്കി; [QBR] അതിന്റെ അന്തർഭാഗം യെരൂശലേംപുത്രിമാരുടെ പ്രേമംകൊണ്ട് [QBR] ചിത്രലിഖിതമായിരിക്കുന്നു. [QBR]
11. സീയോൻ പുത്രിമാരേ, നിങ്ങൾ പുറപ്പെട്ടു ചെന്ന് [QBR] ശലോമോൻരാജാവിനെ അവന്റെ കല്യാണ ദിവസത്തിൽ, [QBR] അവന്റെ ഹൃദയത്തിന്റെ ആനന്ദദിവസത്തിൽ തന്നെ, [QBR] അവന്റെ അമ്മ അവനെ ധരിപ്പിച്ച കിരീടത്തോടുകൂടി കാണുവിൻ. [PE]