1. [PS]എന്റെ പ്രിയേ, നീ സുന്ദരി; നീ സുന്ദരി തന്നെ; [PE][QS]നിന്റെ മൂടുപടത്തിൻ മദ്ധ്യേ നിന്റെ കണ്ണ് [QE][QS]പ്രാവിൻ കണ്ണുപോലെ ഇരിക്കുന്നു; [QE][QS]നിന്റെ തലമുടി ഗിലെയാദ് മലഞ്ചരിവിൽ [QE][QS]കിടക്കുന്ന കോലാട്ടിൻകൂട്ടം പോലെയാകുന്നു. [QE]
2. [QS]നിന്റെ പല്ല്, രോമം കത്രിച്ചിട്ട് കുളിച്ചു കയറിവരുന്ന [QE][QS]ആടുകളെപ്പോലെ ഇരിക്കുന്നു; [QE][QS]അവയിൽ ഒന്നും മച്ചിയായിരിക്കാതെ [QE][QS]എല്ലാം ഇരട്ടപ്രസവിക്കുന്നു. [QE]
3. [QS]നിന്റെ അധരം കടുംചുവപ്പുനൂൽപോലെയും [QE][QS]നിന്റെ വായ് മനോഹരവും ആകുന്നു; [QE][QS]നിന്റെ ചെന്നികൾ നിന്റെ മൂടുപടത്തിനുള്ളിൽ [QE][QS]മാതളപ്പഴത്തിൻ ഖണ്ഡംപോലെ ഇരിക്കുന്നു. [QE]
4. [QS]നിന്റെ കഴുത്ത് ആയുധശാലയായി പണിതിരിക്കുന്ന ദാവീദിൻ ഗോപുരത്തോടു സമം; [QE][QS]അതിൽ ആയിരം പരിച തൂക്കിയിരിക്കുന്നു; [QE][QS]അവ ഒക്കെയും വീരന്മാരുടെ പരിച തന്നെ. [QE]
5. [QS]നിന്റെ സ്തനം രണ്ടും താമരയ്ക്കിടയിൽ മേയുന്ന [QE][QS]ഇരട്ട പിറന്ന രണ്ട് മാൻകുട്ടികൾക്ക് സമം. [QE]
6. [QS]വെയലാറി നിഴൽ കാണാതെയാകുവോളം [QE][QS]ഞാൻ മൂറിൻമലയിലും കുന്തുരുക്കക്കുന്നിലും ചെന്നിരിക്കാം. [QE]
7. [QS]എന്റെ പ്രിയേ, നീ സർവ്വാംഗസുന്ദരി; [QE][QS]നിന്നിൽ യാതൊരു ഊനവും ഇല്ല. [QE]
8. [QS]കാന്തേ ലെബാനോനെ വിട്ട് എന്നോടുകൂടി, [QE][QS]ലെബാനോനെ വിട്ട് എന്നോടുകൂടി വരുക; [QE][QS]അമാനാമുകളും ശെനീർ ഹെർമ്മോൻ കൊടുമുടികളും സിംഹങ്ങളുടെ ഗുഹകളും [QE][QS]പുള്ളിപ്പുലികളുടെ പർവ്വതങ്ങളും വിട്ടു പോരുക. [QE]
9. [QS]എന്റെ സഹോദരീ, എന്റെ കാന്തേ, [QE][QS]നീ എന്റെ ഹൃദയം അപഹരിച്ചിരിക്കുന്നു; [QE][QS]ഒരു നോട്ടംകൊണ്ടും കഴുത്തിലെ മാല കൊണ്ടും [QE][QS]നീ എന്റെ ഹൃദയം അപഹരിച്ചിരിക്കുന്നു. [QE]
10. [QS]എന്റെ സഹോദരീ, എന്റെ കാന്തേ, [QE][QS]നിന്റെ പ്രേമം എത്ര മനോഹരം! [QE][QS]വീഞ്ഞിനെക്കാൾ നിന്റെ പ്രേമവും [QE][QS]സകലവിധ സുഗന്ധവർഗ്ഗത്തെക്കാൾ നിന്റെ തൈലത്തിന്റെ പരിമളവും എത്ര രസകരം! [QE]
11. [QS]അല്ലയോ കാന്തേ, നിന്റെ അധരം തേൻകട്ട പൊഴിക്കുന്നു; [QE][QS]നിന്റെ നാവിൻ കീഴിൽ തേനും പാലും ഉണ്ട്; [QE][QS]നിന്റെ വസ്ത്രത്തിന്റെ സൗരഭ്യം ലെബാനോന്റെ സൗരഭ്യം പോലെ ഇരിക്കുന്നു. [QE]
12. [QS]എന്റെ സഹോദരി, എന്റെ കാന്ത കെട്ടി അടച്ചിരിക്കുന്ന ഒരു തോട്ടം, [QE][QS]അടച്ചിരിക്കുന്ന ഒരു നീരുറവ്, [QE][QS]മുദ്രയിട്ടിരിക്കുന്ന ഒരു കിണറ്. [QE]
13. [QS]നിന്റെ ചെടികൾ വിശിഷ്ടഫലങ്ങളോടു കൂടിയ മാതളത്തോട്ടം; [QE][QS]മയിലാഞ്ചിയോടുകൂടി ജടാമാംസിയും, [QE]
14. [QS]ജടാമാംസിയും കുങ്കുമവും, വയമ്പും ലവംഗവും, [QE][QS]സകലവിധ കുന്തുരുക്കവൃക്ഷങ്ങളും, [QE][QS]മൂറും അകിലും മേൽത്തരമായ എല്ലാ സുഗന്ധവർഗ്ഗവും തന്നെ. [QE]
15. [QS]നീ തോട്ടങ്ങൾക്ക് ഒരു നീരുറവും, വറ്റിപ്പോകാത്ത കിണറും [QE][QS]ലെബാനോനിൽനിന്ന് ഒഴുകുന്ന ഒഴുക്കുകളും തന്നെ. [QE]
16. [QS]വടക്കൻകാറ്റേ ഉണരുക; തെക്കൻ കാറ്റേ വരുക; [QE][QS]എന്റെ തോട്ടത്തിൽനിന്ന് സുഗന്ധം വീശേണ്ടതിന് [QE][QS]അതിന്മേൽ ഊതുക; [QE][QS]എന്റെ പ്രിയൻ തന്റെ തോട്ടത്തിൽ വന്ന് [QE][QS]അതിലെ വിശിഷ്ടഫലം ആസ്വദിക്കട്ടെ. [QE]