1. {#1നിർവിചാരികൾക്കു ഹാ കഷ്ടം } [QS]സീയോനിൽ നിർവിചാരികളായിരിക്കുന്നവർക്കും [QE][QS2]ശമര്യാപർവതത്തിൽ നിർഭയരായിരിക്കുന്നവർക്കും [QE][QS]യെഹൂദേതരരിൽ പ്രധാനികളായി [QE][QS2]ഇസ്രായേൽജനം അന്വേഷിക്കുന്ന ശ്രേഷ്ഠന്മാർക്കും ഹാ കഷ്ടം! [QE]
2. [QS]കൽനെയിൽച്ചെന്ന് അതിനെ നോക്കുക; [QE][QS2]അവിടെനിന്നു മഹാനഗരമായ ഹമാത്തിലേക്കു പോകുക; [QE][QS2]അവിടെനിന്നു ഫെലിസ്ത്യരുടെ ഗത്തിലേക്കും പോകുക. [QE][QS]ഇവർ നിങ്ങളുടെ രണ്ടു രാജ്യങ്ങളെക്കാൾ നന്നായിരിക്കുന്നോ? [QE][QS2]അവരുടെ ദേശം നിങ്ങളുടേതിനെക്കാൾ വിശാലമോ? [QE]
3. [QS]നിങ്ങൾ ദുർദിനം നീട്ടിവെക്കുന്നു, [QE][QS2]ഭീകരവാഴ്ചയെ സമീപസ്ഥമാക്കുന്നു. [QE]
4. [QS]ദന്താലംകൃതമായ കട്ടിലുകളിൽ നിങ്ങൾ കിടക്കുന്നു [QE][QS2]ചാരുകട്ടിലുകളിൽ ചാരിക്കിടക്കുകയും ചെയ്യുന്നു. [QE][QS]കുഞ്ഞാടുകളെയും തടിപ്പിച്ച കാളക്കിടാങ്ങളെയും [QE][QS2]നിങ്ങൾ ഭക്ഷിക്കുന്നു. [QE]
5. [QS]നിങ്ങൾ ദാവീദിനെപ്പോലെ കിന്നരങ്ങൾ ഉപയോഗിക്കുന്നു; [QE][QS2]സംഗീതോപകരണങ്ങൾ യാതൊരു മുന്നൊരുക്കവുമില്ലാതെ മീട്ടുന്നു. [QE]
6. [QS]നിങ്ങൾ ചഷകങ്ങൾ നിറയെ വീഞ്ഞു കുടിക്കുന്നു [QE][QS2]വിശേഷതൈലങ്ങൾ തേക്കുകയും ചെയ്യുന്നു. [QE][QS2]എന്നാൽ, യോസേഫിന്റെ നഷ്ടാവശിഷ്ടങ്ങളിൽ നിങ്ങൾ ദുഃഖിക്കുന്നില്ല. [QE]
7. [QS]അതുകൊണ്ടു, നിങ്ങൾ ആദ്യം പ്രവാസത്തിലേക്കു പോകേണ്ടിവരും; [QE][QS2]നിങ്ങളുടെ വിരുന്നും സുഖശയനവും അവസാനിക്കും. [QE]
8. {#1യഹോവ ഇസ്രായേലിന്റെ നിഗളത്തെ വെറുക്കുന്നു } [PS]യഹോവയായ കർത്താവു തന്നെക്കൊണ്ടുതന്നെ ശപഥംചെയ്യുന്നു; സൈന്യങ്ങളുടെ ദൈവമായ യഹോവ പ്രഖ്യാപിക്കുന്നു: [PE][QS]“ഞാൻ യാക്കോബിന്റെ നിഗളത്തെ വെറുക്കുന്നു; [QE][QS2]അവന്റെ കോട്ടകളിൽ എനിക്കു പ്രിയമില്ല, [QE][QS]ഞാൻ പട്ടണത്തെയും [QE][QS2]അതിലുള്ള സകലത്തെയും ഏൽപ്പിച്ചുകൊടുക്കും.” [QE]
9. [PS]ഒരു വീട്ടിൽ പത്തു പുരുഷന്മാർ ശേഷിച്ചിരുന്നാൽ അവരും മരിച്ചുപോകും.
10. മൃതശരീരങ്ങളെ ദഹിപ്പിക്കേണ്ടതിനു വീട്ടിൽനിന്ന് പുറത്തുകൊണ്ടുപോകാൻ അവരുടെ ഒരു ബന്ധു വന്നു, ആ വീട്ടിൽ ഒളിച്ചിരിക്കുന്ന ഒരുവനോടു “നിന്റെ അടുക്കൽ ആരെങ്കിലും ഉണ്ടോ?” എന്നു ചോദിക്കും. അപ്പോൾ: “ഇല്ല, ശബ്ദിക്കരുത്; നാം യഹോവയുടെ നാമം ഉച്ചരിക്കരുത്.” എന്ന് അവൻ പറയും. [PE]
11. [QS]യഹോവ കൽപ്പന അയച്ചുകഴിഞ്ഞു, [QE][QS2]യഹോവ വലിയ വീട് തകർത്തുകളയും [QE][QS2]ചെറിയ വീട് ഛിന്നഭിന്നമാകും. [QE][PBR]
12. [QS]കുതിര പാറപ്പുറത്ത് ഓടുമോ? [QE][QS2]അവിടെ ആരെങ്കിലും കാളയെ പൂട്ടി ഉഴുമോ? [QE][QS]എന്നാൽ, നിങ്ങൾ ന്യായത്തെ വിഷമാക്കി; [QE][QS2]നീതിയിൻ ഫലത്തെ കയ്‌പാക്കിയുമിരിക്കുന്നു. [QE]
13. [QS]ലോ-ദേബാരിനെ[* ശൂന്യം എന്നർഥം. ] കീഴടക്കിയതിൽ ആനന്ദിച്ചുകൊണ്ട്, [QE][QS2]“നമ്മുടെ സ്വന്തശക്തികൊണ്ടു കർണയിമിനെ [† കൊമ്പ് എന്നർഥം. കൊമ്പ് ഇവിടെ ശക്തിയുടെ പ്രതീകമാണ്. ] നാം പിടിച്ചടക്കിയില്ലയോ” എന്നു പറയുന്നവരേ, [QE]
14. [QS]സൈന്യങ്ങളുടെ ദൈവമായ യഹോവ പ്രഖ്യാപിക്കുന്നു: [QE][QS2]“ഇസ്രായേൽഗൃഹമേ, ഞാൻ നിനക്കെതിരേ ഒരു രാജ്യത്തെ ഉണർത്തും; [QE][QS]അവർ നിങ്ങളെ ലെബോ-ഹമാത്തുമുതൽ അരാബാ താഴ്വരവരെ [QE][QS2]എല്ലാ നിലകളിലും പീഡിപ്പിക്കും.” [QE]