1. {#1സകലതും അർഥശൂന്യം }
2. [PS]ജെറുശലേം രാജാവും ദാവീദിന്റെ പുത്രനുമായ സഭാപ്രസംഗിയുടെ വാക്കുകൾ: [PE][QS]“അർഥശൂന്യം! അർഥശൂന്യം!” [QE][QS2]സഭാപ്രസംഗി പറയുന്നു. [QE][QS]“നിശ്ശേഷം അർഥശൂന്യം! [QE][QS2]സകലതും അർഥശൂന്യമാകുന്നു.” [QE][PBR]
3. [QS]സൂര്യനുകീഴിൽ അധ്വാനിക്കുന്ന മനുഷ്യൻ [QE][QS2]തന്റെ പ്രയത്നത്തിൽനിന്നും എന്തു നേടുന്നു? [QE]
4. [QS]തലമുറകൾ വരുന്നു, തലമുറകൾ പോകുന്നു; [QE][QS2]എന്നാൽ ഭൂമി ശാശ്വതമായി നിലനിൽക്കുന്നു. [QE]
5. [QS]സൂര്യൻ ഉദിക്കുകയും സൂര്യൻ അസ്തമിക്കുകയും ചെയ്യുന്നു, [QE][QS2]അത് അതിന്റെ ഉദയസ്ഥാനത്തേക്കു ദ്രുതഗതിയിൽ മടങ്ങിപ്പോകുകയും ചെയ്യുന്നു. [QE]
6. [QS]കാറ്റ് തെക്കോട്ട് വീശുന്നു, [QE][QS2]വടക്കോട്ടത് തിരിഞ്ഞുകറങ്ങുന്നു; [QE][QS]നിരന്തരം തന്റെ ഗതി ആവർത്തിച്ച് [QE][QS2]ചുറ്റിച്ചുറ്റി കറങ്ങുന്നു. [QE]
7. [QS]എല്ലാ നീരൊഴുക്കുകളും സമുദ്രത്തിലേക്കൊഴുകുന്നു, [QE][QS2]എന്നിട്ടും സമുദ്രമൊരിക്കലും നിറയുന്നില്ല. [QE][QS]അരുവികൾ എവിടെനിന്ന് ആരംഭിച്ചുവോ [QE][QS2]അവിടേക്കുതന്നെ അവ പിന്നെയും മടങ്ങിപ്പോകുന്നു. [QE]
8. [QS]എല്ലാ വസ്തുതകളും ക്ലേശഭരിതമാണ്, [QE][QS2]അത് ഒരാൾക്ക് വർണിക്കാവുന്നതിലുമധികം. [QE][QS]കണ്ടിട്ടു കണ്ണിന് മതിവരികയോ [QE][QS2]കേട്ടിട്ടു ചെവിക്ക് തൃപ്തിവരികയോ ചെയ്യുന്നില്ല. [QE]
9. [QS]ഒരിക്കൽ ഉണ്ടായിരുന്നതു പിന്നെയും ഉണ്ടാകും, [QE][QS2]മുൻകാലചെയ്തികൾ പിന്നെയും ആവർത്തിക്കും; [QE][QS2]സൂര്യനുകീഴിൽ പുതിയതായി ഒന്നുംതന്നെയില്ല. [QE]
10. [QS]ഏതിനെയെങ്കിലും ചൂണ്ടി ആർക്കെങ്കിലും പറയാൻ കഴിയുമോ, [QE][QS2]“നോക്കൂ! ഇതു തികച്ചും പുത്തനായ ഒന്നാണ്?” [QE][QS]പണ്ടുപണ്ടേ ഇത് ഇവിടെ ഉണ്ടായിരുന്നു; [QE][QS2]നമ്മുടെ കാലത്തിനുമുമ്പുതന്നെ ഇത് ഇവിടെ ഉണ്ടായിരുന്നു. [QE]
11. [QS]പോയ തലമുറയെക്കുറിച്ച് ആരും ഓർക്കുന്നില്ല, [QE][QS2]വരാനിരിക്കുന്ന തലമുറയെ, [QE][QS]അവരുടെ പിന്നാലെ വരുന്നവരും [QE][QS2]സ്മരിക്കുന്നില്ല. [QE]
12. {#1ജ്ഞാനം അർഥശൂന്യം } [PS]സഭാപ്രസംഗിയായ ഞാൻ ജെറുശലേമിൽ ഇസ്രായേലിന്റെ രാജാവായിരുന്നു.
13. ആകാശത്തിനു കീഴിലുള്ള പ്രയത്നങ്ങളെല്ലാം പഠിക്കുന്നതിനും ജ്ഞാനത്തോടെ അപഗ്രഥിക്കുന്നതിനും ഞാൻ ബദ്ധശ്രദ്ധനായിരുന്നു. മാനവരാശിയുടെമേൽ ദൈവം എത്ര ഭീമയായ ഭാരമാണ് വെച്ചിരിക്കുന്നത്!
14. സൂര്യനുകീഴിൽ നിറവേറ്റപ്പെടുന്ന എല്ലാം ഞാൻ കണ്ടിട്ടുണ്ട്; അവയെല്ലാം അർഥശൂന്യമാണ്; കാറ്റിനുപിന്നാലെയുള്ള ഓട്ടമാണ്. [PE]
15. [QS]വളഞ്ഞതിനെ നേരേയാക്കാൻ സാധിക്കുകയില്ല; [QE][QS2]ഇല്ലാത്തത് എണ്ണിത്തിട്ടപ്പെടുത്താനും കഴിയുകയില്ല. [QE]
16. [PS]ഞാൻ എന്നോടുതന്നെ പറഞ്ഞു: “നോക്കൂ, എനിക്കുമുമ്പേ ജെറുശലേമിൽ ഭരണം നടത്തിയ മറ്റാരെക്കാളും അധികം ജ്ഞാനത്തിൽ ഞാൻ മുന്നേറിയിരിക്കുന്നു. അവരെക്കാളധികം ജ്ഞാനവും പരിജ്ഞാനവും എന്റെ ഹൃദയം സമ്പാദിച്ചിരിക്കുന്നു.”
17. പിന്നെ ഞാൻ ജ്ഞാനം ഗ്രഹിക്കാൻ ബദ്ധശ്രദ്ധനായി, അതോടൊപ്പം മതിഭ്രമവും ഭോഷത്വവും. എന്നാൽ ഇതും കാറ്റിനുപിന്നാലെയുള്ള ഓട്ടമാണെന്ന് ഞാൻ പഠിച്ചു. [PE]
18. [QS]ജ്ഞാനം ഏറുന്നതോടെ ശോകവും ഏറുന്നു; [QE][QS2]പരിജ്ഞാനത്തിന്റെ ആധിക്യം അധികവ്യഥയും നൽകുന്നു. [QE]