1. [QS]യൗവനകാലത്തുതന്നെ [QE][QS2]നിന്റെ സ്രഷ്ടാവിനെ ഓർത്തുകൊള്ളുക, [QE][QS]ദുഷ്കാലങ്ങൾ വരുന്നതിനുമുമ്പ്, [QE][QS2]“ഒന്നിലും എനിക്കൊരു താത്പര്യം തോന്നുന്നില്ല” [QE][QS2]എന്നു നീ പറയുന്ന വർഷങ്ങൾ നിന്നെ സമീപിക്കുകയും ചെയ്യുന്നതിനുമുമ്പ്— [QE]
2. [QS]സൂര്യനും വെളിച്ചവും [QE][QS2]ചന്ദ്രനും നക്ഷത്രങ്ങളും ഇരുളുന്നതിനുമുമ്പ്, [QE][QS2]മഴയ്ക്കുശേഷം മേഘങ്ങൾ മടങ്ങിവരുന്നതിനു മുമ്പേതന്നെ— [QE]
3. [QS]അന്ന് വീട്ടുകാവൽക്കാർ വിറയ്ക്കും [QE][QS2]ബലിഷ്ഠരായവർ കുനിയും [QE][QS]അരയ്ക്കുന്നവരുടെ എണ്ണം കുറഞ്ഞുപോയതിനാൽ അവരും ജോലി നിർത്തിവെക്കും [QE][QS2]ജനാലകളിലൂടെ നോക്കുന്നവർ കാഴ്ചയറ്റവരാകും; [QE]
4. [QS]തെരുവിലേക്കുള്ള കവാടങ്ങൾ അടയ്ക്കപ്പെടും [QE][QS2]പൊടിക്കുന്ന ശബ്ദം അവ്യക്തമാകും; [QE][QS]പക്ഷികളുടെ കലപിലശബ്ദത്തിൽ നീ ഉണരും, [QE][QS2]എന്നാൽ അവരുടെയും സംഗീതധ്വനി മന്ദമാകും; [QE]
5. [QS]മനുഷ്യർ ഉയരങ്ങളെ ഭയക്കും; [QE][QS2]തെരുവോരങ്ങളിലെ അപകടങ്ങളെയും! [QE][QS]ബദാംവൃക്ഷം പൂക്കുമ്പോൾ [QE][QS2]വിട്ടിൽ ഇഴഞ്ഞുനടക്കും. [QE][QS2]അഭിലാഷങ്ങൾ ഉണരുകയില്ല.[* നിന്റെ മുടി നരച്ച്, മരണാസന്നമായ ഒരു വിട്ടിൽ ശക്തിയറ്റ് ഇഴഞ്ഞുനടക്കുന്നതുപോലെ നീയും ഇഴഞ്ഞുനടക്കും എന്നു വിവക്ഷ. ] [QE][QS]അപ്പോൾ മനുഷ്യൻ തന്റെ ശാശ്വതഭവനത്തിലേക്കു പോകും, [QE][QS2]വിലാപക്കാർ തെരുവീഥികളിൽ ചുറ്റിസഞ്ചരിക്കും. [QE][PBR]
6. [QS]അതേ, നിന്റെ സ്രഷ്ടാവിനെ ഓർക്കുക—വെള്ളിച്ചരട് അറ്റുപോകുംമുമ്പേ, [QE][QS2]സ്വർണക്കിണ്ണം ഉടയുംമുമ്പേതന്നെ; [QE][QS]ഉറവിങ്കലെ കുടം ഉടയുന്നതിനും [QE][QS2]കിണറ്റിങ്കലെ ചക്രം തകരുന്നതിനും മുമ്പുതന്നെ, [QE]
7. [QS]പൂഴി അതു വന്ന മണ്ണിലേക്കും [QE][QS2]ആത്മാവ് അതിന്റെ ധാതാവായ ദൈവത്തിങ്കലേക്കും മടങ്ങുന്നതിനുമുമ്പേതന്നെ. [QE][PBR]
8. [QS]“അർഥശൂന്യം! അർഥശൂന്യം!” സഭാപ്രസംഗി പറയുന്നു. [QE][QS2]“ഓരോന്നും അർഥശൂന്യമാകുന്നു!” [QE]
9. {#1സഭാപ്രസംഗിയുടെ ഉപസംഹാരചിന്ത } [PS]സഭാപ്രസംഗി ജ്ഞാനിയായിരുന്നു എന്നുമാത്രമല്ല, ജനത്തിന് പരിജ്ഞാനം പകർന്നുനൽകുകയും ചെയ്തു. അദ്ദേഹം ചിന്തിച്ച് നിരീക്ഷിച്ച് അനേകം സുഭാഷിതങ്ങൾ ചമയ്ക്കുകയും ചെയ്തു.
10. സഭാപ്രസംഗി ഉചിത വാക്യങ്ങൾ തേടി, താൻ എഴുതിയതെല്ലാം സത്യസന്ധവും വസ്തുനിഷ്ഠവും ആയിരുന്നു. [PE]
11. [PS]ജ്ഞാനിയുടെ വചസ്സുകൾ ഇടയന്മാരുടെ വടിപോലെയും; ജ്ഞാനവചസ്സുകളുടെ ശേഖരം യജമാനന്റെ വടിയിൽ തറച്ചുവെച്ചിരിക്കുന്ന ആണികൾപോലെയും ആകുന്നു—ഇവയെല്ലാം ഒരു ഇടയന്റെ അനുശാസനമാണ്.
12. എന്റെ കുഞ്ഞേ[† മൂ.ഭാ. എന്റെ മകനേ ] ഇതിനെല്ലാമുപരി, ജാഗ്രതപുലർത്തുക. [PE]
13. [PS]പുസ്തകം ചമയ്ക്കുന്നതിന് അവസാനമില്ല; അധികം പഠനം ശരീരത്തെ തളർത്തുന്നു. [PE][QS]ഇപ്പോൾ എല്ലാം ശ്രവിച്ചുകഴിഞ്ഞല്ലോ; [QE][QS2]ഇതാകുന്നു എല്ലാറ്റിന്റെയും സംഗ്രഹം: [QE][QS]ദൈവത്തെ ഭയപ്പെട്ട് അവിടത്തെ കൽപ്പനകൾ പ്രമാണിക്കുക, [QE][QS2]ഇതാകുന്നു എല്ലാവർക്കും കരണീയം. [QE]
14. [QS]കാരണം ദൈവം, എല്ലാവിധ പ്രവൃത്തികളെയും രഹസ്യമായതുൾപ്പെടെ, [QE][QS2]നല്ലതോ തീയതോ ആയ ഓരോന്നിനെയും [QE][QS2]ന്യായവിസ്താരത്തിലേക്കു നടത്തുമല്ലോ. [QE]