1. {#1ഇസ്രായേലിലെ പ്രഭുക്കന്മാരെക്കുറിച്ച് ഒരു വിലാപഗാനം }
2. [PS]“നീ ഇസ്രായേലിലെ പ്രഭുക്കന്മാരെക്കുറിച്ച് ഇപ്രകാരം ഒരു വിലാപഗാനം ആലപിക്കുക: [PE][QS]“ ‘സിംഹങ്ങളുടെ മധ്യത്തിൽ എന്തൊരു സിംഹിയായിരുന്നു [QE][QS2]നിന്റെ മാതാവ് ആരായിരുന്നു! [QE][QS]അവൾ സിംഹക്കുട്ടികളുടെ ഇടയിൽക്കിടന്ന്, [QE][QS2]അവളുടെ കുട്ടികളെ വളർത്തിക്കൊണ്ടുവന്നു. [QE]
3. [QS]തന്റെ കുട്ടികളിൽ ഒന്നിനെ അവൾ വളർത്തിക്കൊണ്ടുവന്നു; [QE][QS2]അവൻ ഒരു ശക്തനായ സിംഹമായിത്തീർന്നു. [QE][QS]ഇരകളെ കടിച്ചുചീന്തുന്നതിന് അവൻ ശീലിച്ചു. [QE][QS2]മനുഷ്യരെ അവൻ വിഴുങ്ങിക്കളഞ്ഞു. [QE]
4. [QS]രാഷ്ട്രങ്ങൾ അവനെപ്പറ്റി കേട്ടു, [QE][QS2]അവർ കുഴിച്ച കുഴിയിൽ അവൻ പിടിക്കപ്പെട്ടു. [QE][QS]അവർ അവനെ ചങ്ങലയ്ക്കിട്ട് [QE][QS2]ഈജിപ്റ്റുദേശത്തു കൊണ്ടുവന്നു. [QE][PBR]
5. [QS]“ ‘അവൾ തന്റെ ആഗ്രഹത്തിനു [QE][QS2]ഭംഗം സംഭവിച്ചതുകണ്ട് [QE][QS]തന്റെ സിംഹക്കുട്ടികളിൽ മറ്റൊന്നിനെ വളർത്തി [QE][QS2]ശക്തനായ ഒരു സിംഹമാക്കിമാറ്റി. [QE]
6. [QS]അവൻ സിംഹങ്ങൾക്കിടയിൽ സഞ്ചരിച്ച്, [QE][QS2]ഇപ്പോൾ ശക്തനായ ഒരു സിംഹമായിത്തീർന്നു. [QE][QS]ഇരയെ കടിച്ചുചീന്തുവാൻ അവൻ ശീലിച്ചു; [QE][QS2]അവനും മനുഷ്യരെ വിഴുങ്ങിക്കളഞ്ഞു. [QE]
7. [QS]അവരുടെ ബലമേറിയ ശക്തികേന്ദ്രങ്ങൾ അവൻ തകർത്തു; [QE][QS2]അവരുടെ നഗരങ്ങളെ അവൻ ശൂന്യമാക്കി. [QE][QS]അവന്റെ ഗർജനം കേട്ട് [QE][QS2]ദേശവും അതിലെ സകലനിവാസികളും നടുങ്ങി. [QE]
8. [QS]രാഷ്ട്രങ്ങൾ തങ്ങളുടെ പ്രവിശ്യകളിലുള്ള [QE][QS2]എല്ലാ ദിക്കുകളിൽനിന്നും അവന്റെനേരേ ആക്രമിച്ചു. [QE][QS]അവർ അവനായി വല വിരിച്ചു; [QE][QS2]അവർ കുഴിച്ച കുഴിയിൽ അവൻ പിടിക്കപ്പെട്ടു. [QE]
9. [QS]അവർ അവനെ ചങ്ങലയിട്ട് ഒരു കൂട്ടിലാക്കി; [QE][QS2]അവനെ ബാബേൽരാജാവിന്റെ അടുക്കൽ കൊണ്ടുവന്നു. [QE][QS]ഇസ്രായേൽ പർവതങ്ങളിൽ [QE][QS2]അവന്റെ ഗർജനം ഇനി കേൾക്കാതിരിക്കേണ്ടതിന് [QE][QS2]അവർ അവനെ കാരാഗൃഹത്തിൽ അടച്ചു. [QE][PBR]
10. [QS]“ ‘നിന്റെ അമ്മ നിന്റെ മുന്തിരിത്തോപ്പിൽ [QE][QS2]വെള്ളങ്ങൾക്കരികെ നട്ട ഒരു മുന്തിരിവള്ളിപോലെ ആയിരുന്നു; [QE][QS]ജലസമൃദ്ധിനിമിത്തം അത് ഫലഭൂയിഷ്ഠവും [QE][QS2]ശാഖകൾ നിറഞ്ഞതും ആയിരുന്നു. [QE]
11. [QS]രാജാക്കന്മാർക്കു ചെങ്കോൽ നിർമിക്കാൻ പറ്റിയ [QE][QS2]കടുപ്പമുള്ള ശാഖകൾ അതിന് ഉണ്ടായിരുന്നു. [QE][QS]തിങ്ങിനിറഞ്ഞ പച്ചിലച്ചാർത്തിനുമീതേ [QE][QS2]അത് ഉയർന്നുനിന്നിരുന്നു. [QE][QS]അതിന്റെ ഉയരംകൊണ്ടും അനവധി ശാഖകൾകൊണ്ടും [QE][QS2]അതു സുവ്യക്തമായി കാണാമായിരുന്നു. [QE]
12. [QS]എന്നാൽ കോപത്തോടെ അതിനെ പിഴുതെടുത്തു; [QE][QS2]അതിനെ നിലത്തു തള്ളിയിട്ടു; [QE][QS]കിഴക്കൻകാറ്റ് അതിനെ ഉണക്കിക്കളഞ്ഞു, [QE][QS2]അതിലെ കായ്കൾ ഉതിർന്നുപോയി. [QE][QS]അതിന്റെ ബലമേറിയ കൊമ്പുകൾ ഉണങ്ങിപ്പോയി, [QE][QS2]അഗ്നി അതിനെ ദഹിപ്പിച്ചുകളഞ്ഞു. [QE]
13. [QS]ഇപ്പോൾ അതിനെ മരുഭൂമിയിൽ, [QE][QS2]ഉണങ്ങിവരണ്ട നിലത്തു നട്ടിരിക്കുന്നു. [QE]
14. [QS]പ്രധാന ശാഖയിൽനിന്ന് അഗ്നി പടർന്ന് [QE][QS2]അതിന്റെ ഫലങ്ങൾ ചുട്ടെരിക്കപ്പെട്ടു. [QE][QS]അധിപതിയുടെ ഒരു ചെങ്കോലിന് ഉപയുക്തമായ [QE][QS2]ഒരു ശാഖയും അതിൽ അവശേഷിച്ചില്ല.’ [QE][MS]ഇത് ഒരു വിലാപം; ഒരു വിലാപഗീതമായി ഉപയോഗിക്കപ്പെടേണ്ടതുമാണ്.” [ME]