1. {#1സോരിനെക്കുറിച്ച് ഒരു വിലാപഗാനം } [PS]യഹോവയുടെ അരുളപ്പാട് എനിക്കുണ്ടായി:
2. “മനുഷ്യപുത്രാ, സോരിനെക്കുറിച്ച് ഒരു ദുഃഖാചരണം നടത്തുക.
3. സോരിനോടു പറയുക: സമുദ്രത്തിലേക്കുള്ള കവാടത്തിൽ സ്ഥിതിചെയ്ത്, അനേകം തീരപ്രദേശങ്ങൾക്കു വ്യാപാരിയായിത്തീർന്ന നഗരമേ, കർത്താവായ യഹോവ ഇപ്രകാരം അരുളിച്ചെയ്യുന്നു: [PE][QS]“ ‘ “അല്ലയോ സോരേ, [QE][QS2]ഞാൻ സൗന്ദര്യസമ്പൂർണ,” എന്നു നീ പറയുന്നല്ലോ. [QE]
4. [QS]നിന്റെ അധികാരസീമ സമുദ്രമധ്യേ ആയിരുന്നല്ലോ; [QE][QS2]നിന്റെ നിർമാതാക്കൾ നിന്റെ സൗന്ദര്യത്തിനു പൂർണതവരുത്തി. [QE]
5. [QS]സെനീരിലെ[* അഥവാ, ഹെർമോനിലെ ] സരളമരംകൊണ്ട് [QE][QS2]അവർ നിന്റെ മരപ്പണിയെല്ലാം ചെയ്തു; [QE][QS]നിനക്കൊരു പാമരം പണിയാൻ [QE][QS2]അവർ ലെബാനോനിൽനിന്ന് ഒരു ദേവദാരു കൊണ്ടുവന്നു. [QE]
6. [QS]ബാശാനിലെ കരുവേലകംകൊണ്ട് [QE][QS2]അവർ നിനക്കു തുഴകൾ നിർമിച്ചു; [QE][QS]കിത്തീം തീരങ്ങളിലെ പുന്നമരംകൊണ്ട് [QE][QS2]അവർ നിനക്കു മേൽത്തട്ടുണ്ടാക്കി, അതിൽ ആനക്കൊമ്പു പതിച്ച് അലങ്കരിച്ചു. [QE]
7. [QS]ഈജിപ്റ്റിൽനിന്നുള്ള ചിത്രത്തയ്യലുള്ള നേർമയേറിയ ചണവസ്ത്രത്തിൽ അവർ നിനക്കു കപ്പൽപ്പായുണ്ടാക്കി; [QE][QS2]അതു നിനക്കു കൊടിയായിത്തീർന്നു; [QE][QS]എലീശാദ്വീപിന്റെ തീരത്തുനിന്നുള്ള [QE][QS2]നീലവസ്ത്രവും ഊതവർണവസ്ത്രവും നിന്റെ വിതാനമായിരുന്നു. [QE]
8. [QS]സീദോനിലെയും അർവാദിലെയും പുരുഷന്മാർ നിന്റെ തുഴകൾ വലിക്കുന്നവരായി; [QE][QS2]സോരേ, വിദഗ്ദ്ധരായ കപ്പിത്താന്മാർ നിനക്കുണ്ടായിരുന്നു. [QE]
9. [QS]ഗിബാലിലെ തഴക്കംവന്ന പണിക്കാരും [QE][QS2]നിന്റെ പലകകൾചേർത്ത് വിടവ് അടച്ചു. [QE][QS]കടലിലെ എല്ലാ കപ്പലുകളും കപ്പൽക്കാരും [QE][QS2]നിന്റെ അടുക്കൽ കച്ചവടത്തിനു വന്നുചേർന്നു. [QE][PBR]
10. [QS]“ ‘പാർസിയിലെയും ലുദിയയിലെയും പൂത്തിലെയും പുരുഷന്മാർ [QE][QS2]നിന്റെ സൈന്യത്തിൽ ഭടന്മാരായി സേവനമനുഷ്ഠിച്ചു. [QE][QS]അവർ തങ്ങളുടെ പരിചകളും ശിരോകവചങ്ങളും നിന്റെ ചുമരുകളിൽ തൂക്കി, [QE][QS2]അതു നിനക്ക് അഴകുവരുത്തി. [QE]
11. [QS]അർവാദിലെയും ഹേലെക്കിലെയും പുരുഷന്മാർ [QE][QS2]നിന്റെ മതിലുകളുടെ എല്ലാഭാഗത്തും; [QE][QS]ഗമ്മാദിലെ പുരുഷന്മാർ [QE][QS2]നിന്റെ ഗോപുരങ്ങളിലും നിലയുറപ്പിച്ചു. [QE][QS]അവർ തങ്ങളുടെ പരിചകൾ നിന്റെ ചുമരുകളിൽ തൂക്കിയിട്ട്, [QE][QS2]നിന്റെ സൗന്ദര്യം പൂർണമാക്കിത്തീർത്തു. [QE]
12.
13. [PS]“ ‘നിന്റെ വിഭവസമൃദ്ധിയാൽ തർശീശ് നീയുമായി വാണിജ്യത്തിലേർപ്പെട്ടു. നിന്റെ വിഭവങ്ങൾക്കുപകരം അവർ വെള്ളിയും ഇരുമ്പും വെളുത്തീയവും കറുത്തീയവും നിനക്കു നൽകി. [PE]
14. [PS]“ ‘ഗ്രീസും[† മൂ.ഭാ. യവന ] തൂബാലും മേശെക്കും, നീയുമായി വ്യാപാരം നടത്തി; നിന്റെ പാത്രങ്ങൾക്കു പകരം അവർ അടിമകളെയും വെങ്കലംകൊണ്ടുള്ള ഉപകരണങ്ങളും നിനക്കു നൽകി. [PE]
15. [PS]“ ‘ബെത്ത്-തോഗർമക്കാർ നിന്റെ കച്ചവടസാധനങ്ങൾക്കുപകരം കുതിരകളെയും പടക്കുതിരകളെയും കോവർകഴുതകളെയും നൽകി. [PE]
16. [PS]“ ‘ദേദാന്യർ[‡ അഥവാ, രൊദോസ്യർ ] നിന്റെ വ്യാപാരികളും നിരവധി തീരപ്രദേശങ്ങൾ നിനക്കു ഉപഭോക്താക്കളുമായിരുന്നു; അവർ ആനക്കൊമ്പും കരിമരവും നിനക്കു വിലയായിത്തന്നു. [PE]
17. [PS]“ ‘നിന്റെ വിഭവസമൃദ്ധമായ ഉൽപന്നങ്ങൾനിമിത്തം അരാമ്യർ[§ ചി.കൈ.പ്ര. ഏദോം ] നിന്നോടു വാണിജ്യത്തിലേർപ്പെട്ടു. നിന്റെ കച്ചവടച്ചരക്കുകൾക്കുപകരം അവർ മാണിക്യവും ധൂമ്രവസ്ത്രവും ചിത്രത്തയ്യലുള്ള വസ്ത്രവും മൃദുലചണനൂൽവസ്ത്രവും പവിഴവും മാണിക്യവും നിനക്കു തന്നു. [PE]
18. [PS]“ ‘യെഹൂദയും ഇസ്രായേലും നിന്നോടു കച്ചവടത്തിലേർപ്പെട്ടു, നിന്റെ വിഭവങ്ങൾക്കുപകരം അവർ മിന്നീത്തിലെ ഗോതമ്പും[* ഈ വാക്കിനുള്ള എബ്രായപദത്തിന്റെ അർഥം വ്യക്തമല്ല. ] പലഹാരങ്ങളും തേനും ഒലിവെണ്ണയും പരിമളതൈലവും നൽകി. [PE][PS]“ ‘നിന്റെ പലതരം ഉൽപന്നങ്ങളും കച്ചവടച്ചരക്കിന്റെ സമൃദ്ധിയും നിമിത്തം ദമസ്കോസ് നീയുമായി വ്യാപാരം നടത്തി. ഹെൽബോനിലെ വീഞ്ഞും സഹാരിലെ വെളുത്ത കമ്പിളിയും
19. ഊസാലിലെ വീഞ്ഞുവീപ്പകളും നിന്റെ ചരക്കുകളായ പച്ചിരുമ്പും വഴനത്തോലും വയമ്പും അവർ പകരം നൽകി. [PE]
20.
21. [PS]“ ‘ദേദാൻ, കുതിരപ്പുറത്തു വിരിക്കുന്ന വിശേഷവസ്ത്രംകൊണ്ട് നിന്നോടു വ്യാപാരം നടത്തി. [PE]
22. [PS]“ ‘അറേബ്യരും കേദാരിലെ പ്രഭുക്കന്മാരും നിന്റെ ഉപഭോക്താക്കളായി; അവർ കുഞ്ഞാടുകൾ, ആട്ടുകൊറ്റന്മാർ, കോലാടുകൾ എന്നിവകൊണ്ട് നീയുമായി വാണിജ്യത്തിലേർപ്പെട്ടു. [PE]
23. [PS]“ ‘ശേബയിലെയും രാമായിലെയും വ്യാപാരികൾ നീയുമായി വ്യാപാരം ചെയ്തു. ഏറ്റവും വിശിഷ്ടമായ പരിമളതൈലവും രത്നങ്ങളും സ്വർണവും അവർ നിനക്കു വിലയ്ക്കു തന്നു. [PE][PS]“ ‘ഹാരാനും കാനെഹും ഏദനും ശേബായിലുള്ള വ്യാപാരികളും അശ്ശൂരും കിൽമാദും നിന്നോടു കച്ചവടം നടത്തി.
24. നിന്റെ വിപണികളിൽ അവർ വിശേഷവസ്ത്രങ്ങളും നീലവസ്ത്രങ്ങളും ചരടുകൾ പിരിച്ചു ബലവത്തായി കെട്ടിയിട്ടുള്ള വർണശബളവുമായ ചിത്രത്തയ്യലുള്ള പരവതാനികളും വിൽപ്പന നടത്തി. [PE]
25. [QS]“ ‘തർശീശ് കപ്പലുകൾ [QE][QS2]നിന്റെ വിഭവം കൊണ്ടുപോകുന്ന വാഹനങ്ങളായി. [QE][QS]സമുദ്രമധ്യത്തിലൂടെ [QE][QS2]നിറയെ ചരക്കുകളുമായി നീ സഞ്ചരിച്ചു. [QE]
26. [QS]നിന്റെ തുഴകൾവലിക്കുന്നവർ [QE][QS2]പുറം കടലുകളിലേക്കു നിന്നെ നയിക്കും; [QE][QS]എന്നാൽ നടുക്കടലിൽവെച്ച് [QE][QS2]കിഴക്കൻകാറ്റു നിന്നെ തകർത്തുകളയും. [QE]
27. [QS]നിന്റെ കപ്പൽച്ചേതനാളിൽ [QE][QS2]നിന്റെ സമ്പത്തും കച്ചവടസാധനങ്ങളും വിഭവങ്ങളും [QE][QS]കപ്പൽക്കാരും കപ്പിത്താന്മാരും പലകകൾചേർത്തു വിടവടയ്ക്കുന്നവരും [QE][QS2]നിന്റെ കച്ചവടക്കാരും സൈനികർ എല്ലാവരും [QE][QS]കപ്പലിലുള്ള മറ്റെല്ലാവരുംതന്നെ [QE][QS2]സമുദ്രമധ്യേ താണുപോകും. [QE]
28. [QS]നിന്റെ കപ്പൽയാത്രികരുടെ നിലവിളികേട്ട് [QE][QS2]തീരദേശങ്ങൾ നടുങ്ങിപ്പോകും. [QE]
29. [QS]തുഴകൾവലിക്കുന്നവർ എല്ലാവരും [QE][QS2]തങ്ങളുടെ കപ്പലുകൾ ഉപേക്ഷിക്കും; [QE][QS]കപ്പൽക്കാരും കപ്പിത്താന്മാരും [QE][QS2]കരയിൽ നിലയുറപ്പിക്കും. [QE]
30. [QS]അവർ ശബ്ദമുയർത്തി [QE][QS2]നിങ്ങളെപ്രതി അതിദാരുണമായി വിലപിക്കും; [QE][QS]അവർ തലയിൽ പൊടിവാരിയിട്ട് [QE][QS2]ചാരത്തിൽ കിടന്ന് ഉരുളും. [QE]
31. [QS]നീ നിമിത്തം അവർ തല മൊട്ടയടിച്ച്, [QE][QS2]ചാക്കുശീല ഉടുക്കും; [QE][QS]അതിവേദനയോടെ അവർ നിന്നെപ്പറ്റി കരയുകയും [QE][QS2]കയ്‌പോടെ വിലപിക്കുകയും ചെയ്യും. [QE]
32. [QS]നിന്നെയോർത്തു ദുഃഖിച്ചുകൊണ്ട് [QE][QS2]അവർ നിന്നെപ്പറ്റി ഇങ്ങനെയൊരു വിലാപഗാനം ആലപിക്കും: [QE][QS]“സമുദ്രത്താൽ ചുറ്റപ്പെട്ട സോരിനെപ്പോലെ നിശ്ശബ്ദമാക്കപ്പെട്ട [QE][QS2]വേറെ ഏതു നഗരമാണുള്ളത്?” [QE]
33. [QS]നിന്റെ വാണിജ്യവിഭവങ്ങൾ കടലിലൂടെ കടന്നുപോയപ്പോൾ [QE][QS2]ഒട്ടനേകം രാഷ്ട്രങ്ങളെ നീ സംതൃപ്തരാക്കി; [QE][QS]നിന്റെ വലിയ സമ്പത്തും വസ്തുവകകളുംകൊണ്ട് [QE][QS2]ഭൂമിയിലെ രാജാക്കന്മാരെ നീ സമ്പന്നരാക്കി. [QE]
34. [QS]ഇപ്പോഴോ, കടൽ നിന്നെ തകർത്തുകളഞ്ഞു, [QE][QS2]നീ ആഴിയുടെ ആഴത്തിലേക്ക് ആഴ്ന്നുപോയി; [QE][QS]നിന്റെ വിഭവങ്ങളും നിന്റെ എല്ലാ പങ്കുകാരും [QE][QS2]നിന്നോടൊപ്പം പോയിമറഞ്ഞു. [QE]
35. [QS]തീരദേശങ്ങളിൽ വസിക്കുന്നവരെല്ലാം [QE][QS2]നിന്റെ വിനാശത്തിൽ സ്തബ്ധരായി; [QE][QS]അവരുടെ രാജാക്കന്മാർ ഭീതിയാൽ നടുങ്ങുന്നു, [QE][QS2]ഭയംകൊണ്ട് അവരുടെ മുഖം വാടിയിരിക്കുന്നു. [QE]
36. [QS]വിവിധ രാഷ്ട്രങ്ങളിലെ വ്യാപാരികൾ നിന്റെനേരേ പരിഹസിക്കുന്നു; [QE][QS2]ഭയാനകമായ ഒരു അന്ത്യമാണല്ലോ നിനക്കുണ്ടായത്, [QE][QS2]നീ എന്നേക്കുമായി ഇല്ലാതെയായിരിക്കുന്നു.’ ” [QE]