1. {#1ഇസ്രായേലിനോടുള്ള ദൈവത്തിന്റെ സ്നേഹം } [QS]“ഇസ്രായേൽ ബാലനായിരുന്നപ്പോൾ ഞാൻ അവനെ സ്നേഹിച്ചു, [QE][QS2]ഈജിപ്റ്റിൽനിന്ന് ഞാൻ എന്റെ പുത്രനെ വിളിച്ചുവരുത്തി. [QE]
2. [QS]എന്നാൽ, ഞാൻ ഇസ്രായേലിനെ വിളിക്കുന്തോറും [QE][QS2]അവർ എന്നെ വിട്ടകന്നുപോയി. [QE][QS]അവർ ബാലിനു ബലിയർപ്പിച്ചു [QE][QS2]വിഗ്രഹങ്ങൾക്കു ധൂപംകാട്ടി. [QE]
3. [QS]എഫ്രയീമിനെ നടക്കാൻ ശീലിപ്പിച്ചത് ഞാനാണ്, [QE][QS2]ഞാൻ അവരെ ഭുജങ്ങളിൽ എടുത്തു; [QE][QS]എങ്കിലും, അവരെ സൗഖ്യമാക്കിയത് ഞാൻ ആണെന്ന് [QE][QS2]അവർ മനസ്സിലാക്കിയില്ല. [QE]
4. [QS]ഞാൻ മനുഷ്യകരുണയുടെ ചരടുകൾകൊണ്ടും [QE][QS2]സ്നേഹത്തിന്റെ ബന്ധനങ്ങൾകൊണ്ടും അവരെ നടത്തി; [QE][QS]ഞാൻ അവരുടെ കഴുത്തിൽനിന്ന് നുകം നീക്കി, [QE][QS2]ഒരു ശിശുവിനെ തലോടാനായി ഉയർത്തുന്ന ഒരുവനെപ്പോലെ ആയിരുന്നു ഞാൻ അവർക്ക്, [QE][QS2]അവരെ തീറ്റുന്നതിനായി ഞാൻ കുനിഞ്ഞു. [QE][PBR]
5. [QS]“അവർ ഈജിപ്റ്റിലേക്കു മടങ്ങുകയില്ലേ [QE][QS2]അവർ എങ്കലേക്കു മടങ്ങിവരാൻ വിസമ്മതിച്ചതിനാൽ [QE][QS2]അശ്ശൂർ അവരുടെമേൽ ഭരണംനടത്തുകയില്ലേ? [QE]
6. [QS]അവരുടെ പട്ടണങ്ങളിൽ വാൾ മിന്നും; [QE][QS2]അത് അവരുടെ വ്യാജപ്രവാചകരെ വിഴുങ്ങിക്കളയുകയും [QE][QS2]അവരുടെ പദ്ധതികൾ അവസാനിപ്പിക്കുകയും ചെയ്യും. [QE]
7. [QS]എന്റെ ജനം എന്നെ വിട്ടുപോകാൻ ഉറച്ചിരിക്കുന്നു. [QE][QS2]അവർ പരമോന്നതനെ വിളിച്ചപേക്ഷിച്ചാലും [QE][QS2]അവിടന്ന് അവരെ ഉദ്ധരിക്കുകയില്ല. [QE][PBR]
8. [QS]“എഫ്രയീമേ, നിന്നെ ഉപേക്ഷിക്കാൻ എനിക്കെങ്ങനെ കഴിയും? [QE][QS2]ഇസ്രായേലേ, നിന്നെ ഏൽപ്പിച്ചുകൊടുക്കാൻ എനിക്കെങ്ങനെ കഴിയും? [QE][QS]ആദ്മയോടു ചെയ്തതുപോലെ നിന്നോടു ചെയ്യാൻ എനിക്കു കഴിയുമോ? [QE][QS2]സെബോയിമിനെപ്പോലെ നിന്നെ ആക്കാൻ എനിക്കു കഴിയുമോ? [QE][QS]എന്റെ ഹൃദയം എന്റെ ഉള്ളിൽ മറിയുന്നു; [QE][QS2]എന്നിൽ ആർദ്രത കത്തിജ്വലിക്കുന്നു. [QE]
9. [QS]ഞാൻ എന്റെ ഭയങ്കരകോപം നടപ്പിലാക്കുകയില്ല, [QE][QS2]ഞാൻ എഫ്രയീമിനെ ഒരിക്കൽക്കൂടി പൂർണമായി നശിപ്പിക്കയുമില്ല. [QE][QS]കാരണം ഞാൻ ദൈവമാണ്, മനുഷ്യനല്ല; [QE][QS2]നിങ്ങളുടെ മധ്യേയുള്ള പരിശുദ്ധൻതന്നെ. [QE][QS2]ഞാൻ ക്രോധത്തോടെ വരികയുമില്ല. [QE]
10. [QS]അവർ യഹോവയെ അനുഗമിക്കും. [QE][QS2]അവിടന്ന് സിംഹംപോലെ ഗർജിക്കും; [QE][QS]അവിടന്ന് ഗർജിക്കുമ്പോൾ [QE][QS2]അവിടത്തെ മക്കൾ പടിഞ്ഞാറുനിന്നു വിറച്ചുകൊണ്ടുവരും. [QE]
11. [QS]അവർ പക്ഷികളെപ്പോലെ ഈജിപ്റ്റിൽനിന്നും [QE][QS2]പ്രാവുകളെപ്പോലെ അശ്ശൂരിൽനിന്നും [QE][QS2]വിറച്ചുകൊണ്ടുവരും. [QE][QS]ഞാൻ അവരെ തങ്ങളുടെ വീടുകളിൽ പാർപ്പിക്കും,” [QE][QS2]എന്ന് യഹോവ അരുളിച്ചെയ്യുന്നു. [QE]
12. {#1ഇസ്രായേലിന്റെ പാപം } [QS]എഫ്രയീം വ്യാജങ്ങളാലും [QE][QS2]ഇസ്രായേൽഗൃഹം വഞ്ചനയാലും എന്നെ ചുറ്റിയിരിക്കുന്നു. [QE][QS]യെഹൂദയും ദൈവത്തോട് അനുസരണ കാണിക്കുന്നില്ല; [QE][QS2]വിശ്വസ്തനും പരിശുദ്ധനുമായവനുനേരേ മത്സരിച്ചിരിക്കുന്നു. [QE]