1. {#1ജെറുശലേമിനെക്കുറിച്ചുള്ള പ്രവചനം } [PS]ദർശനത്താഴ്വരയ്ക്കെതിരേയുള്ള പ്രവചനം: [PE][QS]നിങ്ങൾ എല്ലാവരും പുരമുകളിൽ കയറേണ്ടതിന് [QE][QS2]നിങ്ങൾക്ക് എന്തു സംഭവിച്ചു? [QE]
2. [QS]കലാപകലുഷിതവും [QE][QS2]ഒച്ചപ്പാടും അഴിഞ്ഞാട്ടവും നിറഞ്ഞ നഗരമേ, [QE][QS]നിങ്ങളുടെ ഹതന്മാർ വാളാൽ കൊല്ലപ്പെട്ടവരല്ല, [QE][QS2]അവർ യുദ്ധത്തിൽ പട്ടുപോയവരുമല്ല. [QE]
3. [QS]നിന്റെ ഭരണാധിപന്മാർ എല്ലാവരും ഒരുമിച്ച് ഓടിപ്പോയി; [QE][QS2]വില്ല് ഉപയോഗിക്കാതെതന്നെ അവർ പിടിക്കപ്പെട്ടു. [QE][QS]ശത്രുക്കൾ വളരെദൂരെ ആയിരുന്നപ്പോൾത്തന്നെ ഓടിപ്പോയിട്ടും [QE][QS2]നിങ്ങൾ എല്ലാവരും ഒരുമിച്ച് ബന്ദികളാക്കപ്പെട്ടു. [QE]
4. [QS]അതിനാൽ ഞാൻ പറഞ്ഞു, “എന്നെവിട്ടു പിന്മാറുക; [QE][QS2]ഞാൻ പൊട്ടിക്കരയട്ടെ. [QE][QS]എന്റെ ജനത്തിന്റെ പുത്രിയുടെ നാശത്തെച്ചൊല്ലി [QE][QS2]നിങ്ങൾ എന്നെ ആശ്വസിപ്പിക്കാൻ ശ്രമിക്കരുത്.” [QE][PBR]
5. [QS]സൈന്യങ്ങളുടെ യഹോവയായ കർത്താവിൽനിന്ന് [QE][QS2]ദർശനത്താഴ്വരയിൽ [QE][QS2]ഭീതിയും സംഹാരവും പരിഭ്രമവും നിറഞ്ഞ ഒരു ദിവസം, [QE][QS]മതിലുകൾ ഇടിക്കപ്പെടുകയും പർവതങ്ങളോടു [QE][QS2]നിലവിളിക്കുകയും ചെയ്യുന്ന ഒരു ദിവസം വരുന്നു. [QE]
6. [QS]രഥങ്ങളോടും കുതിരപ്പടയോടുംകൂടെ [QE][QS2]ഏലാം ആവനാഴിയെടുക്കുന്നു; [QE][QS2]കീർ പരിചയുടെ ഉറനീക്കുന്നു. [QE]
7. [QS]നിന്റെ അതിമനോഹരമായ താഴ്വരകളിൽ രഥങ്ങൾ നിറഞ്ഞു; [QE][QS2]കുതിരച്ചേവകർ നഗരകവാടങ്ങളിൽ അണിനിരന്നു. [QE][PBR]
8. [QS]അവിടന്ന് യെഹൂദയുടെ പ്രതിരോധം നീക്കിക്കളഞ്ഞു, [QE][QS2]അന്നു നിങ്ങൾ [QE][QS2]വനസൗധത്തിലെ ആയുധങ്ങൾ നോക്കി. [QE]
9. [QS]ദാവീദിന്റെ നഗരത്തിന്റെ കോട്ടമതിലുകളിൽ [QE][QS2]വിള്ളലുകൾ നിരവധിയെന്നു നിങ്ങൾ കണ്ടു; [QE][QS]താഴത്തെ കുളത്തിൽ നിങ്ങൾ [QE][QS2]വെള്ളം കെട്ടിനിർത്തി. [QE]
10. [QS]നിങ്ങൾ ജെറുശലേമിലെ വീടുകൾ എണ്ണിനോക്കി, [QE][QS2]കോട്ട ബലപ്പെടുത്തുന്നതിന് നിങ്ങൾ വീടുകൾ ഇടിച്ചുകളഞ്ഞു. [QE]
11. [QS]പഴയ കുളത്തിലെ[* ജെറുശലേം പട്ടണത്തിനു തെക്കുപടിഞ്ഞാറു ഭാഗത്തുള്ള ഒരു ജലസംഭരണി എന്നു കരുതപ്പെടുന്നു. ] ജലത്തിനായി [QE][QS2]നിങ്ങൾ രണ്ടു മതിലുകൾക്കിടയിൽ ഒരു ജലാശയമുണ്ടാക്കി, [QE][QS]എങ്കിലും അതിനെ നിർമിച്ചവനിലേക്കു നിങ്ങൾ തിരിയുകയോ [QE][QS2]വളരെക്കാലംമുമ്പേ അത് ആസൂത്രണം ചെയ്തവനെപ്പറ്റി നിങ്ങൾ ചിന്തിക്കുകയോ ചെയ്തില്ല. [QE][PBR]
12. [QS]കർത്താവ്, സൈന്യങ്ങളുടെ യഹോവ, [QE][QS2]ആ ദിവസം നിങ്ങളെ കരയുന്നതിനും വിലപിക്കുന്നതിനും [QE][QS]ശിരോമുണ്ഡനംചെയ്ത് ചാക്കുശീലധരിക്കുന്നതിനും [QE][QS2]ആഹ്വാനംചെയ്തു, [QE]
13. [QS]എന്നാൽ അതിനുപകരം നിങ്ങൾ ആഹ്ലാദിച്ചു തിമിർത്തു; [QE][QS2]കന്നുകാലികളെ കശാപ്പുചെയ്ത് ആടിനെ അറത്ത് [QE][QS2]മാംസം ഭക്ഷിച്ചു വീഞ്ഞു പാനംചെയ്തു. [QE][QS]“നമുക്കു തിന്നുകുടിക്കാം, [QE][QS2]നാളെ നാം മരിക്കുമല്ലോ,” എന്നു നിങ്ങൾ പറയുന്നു! [QE]
14.
15. [PS]സൈന്യങ്ങളുടെ യഹോവ ഞാൻ കേൾക്കുംവിധം എനിക്കു വെളിപ്പെടുത്തിയത്: “നിങ്ങൾ മരിക്കുന്ന ദിവസംവരെ നിങ്ങളുടെ ഈ പാപത്തിന് പ്രായശ്ചിത്തം ലഭിക്കുകയില്ല,” എന്ന് സൈന്യങ്ങളുടെ യഹോവയായ കർത്താവ് അരുളിച്ചെയ്യുന്നു. [PE][PS]സൈന്യങ്ങളുടെ യഹോവയായ കർത്താവ്, ഇപ്രകാരം കൽപ്പിക്കുന്നു: [PE][QS]“നീ പോയി, കാര്യസ്ഥനും കൊട്ടാരം ഭരണാധിപനുമായ [QE][QS2]ശെബ്നയോട് ഇപ്രകാരം പറയുക: [QE]
16. [QS]നീ ഇവിടെ എന്താണ് ചെയ്യുന്നത്? [QE][QS2]ഇവിടെ നിനക്കുവേണ്ടി ഒരു കല്ലറ വെട്ടുന്നതിന് ആരാണ് നിനക്ക് അനുമതി നൽകിയത്? [QE][QS]ഉയർന്നസ്ഥാനത്ത് നീ കല്ലറ വെട്ടുന്നു; [QE][QS2]പാറയിൽ ഒരു പാർപ്പിടം നിർമിക്കുന്നു. [QE][PBR]
17. [QS]“കരുതിയിരിക്കുക, യഹോവ നിന്നെ താഴോട്ട് ചുഴറ്റി എറിഞ്ഞുകളയും, [QE][QS2]അവിടന്നു നിന്നെ ബലമായി പിടിക്കാൻ പോകുന്നു. [QE]
18. [QS]യഹോവ നിന്നെ ഒരു പന്തുപോലെ ചുരുട്ടിയെടുത്ത് [QE][QS2]വളരെ വിശാലമായൊരു രാജ്യത്തേക്ക് ഉരുട്ടിക്കളയും, [QE][QS]അവിടെ നീ മരിക്കും. [QE][QS2]നീ അഭിമാനംകൊണ്ടിരുന്ന നിന്റെ രഥങ്ങൾ [QE][QS2]നിന്റെ യജമാനന്റെ ഗൃഹത്തിന് ഒരു ലജ്ജയായി മാറും. [QE]
19. [QS]നിന്റെ ഉദ്യോഗത്തിൽനിന്ന് ഞാൻ നിന്നെ സ്ഥാനഭ്രഷ്ടനാക്കും [QE][QS2]നിന്റെ സ്ഥാനത്തുനിന്ന് നീ നീക്കപ്പെടും. [QE]
20. [PS]“ആ ദിവസത്തിൽ എന്റെ ദാസനായ ഹിൽക്കിയാവിന്റെ മകനായ എല്യാക്കീമിനെ ഞാൻ വിളിച്ചുവരുത്തും.
21. അദ്ദേഹത്തെ ഞാൻ നിന്റെ അങ്കി ധരിപ്പിക്കും; നിന്റെ അരക്കച്ചകൊണ്ട് അദ്ദേഹത്തിന്റെ അര കെട്ടും. നിന്റെ അധികാരം ഞാൻ അദ്ദേഹത്തിനു നൽകും. ജെറുശലേംനിവാസികൾക്കും യെഹൂദാജനത്തിനും അദ്ദേഹം ഒരു പിതാവായിത്തീരും.
22. ഞാൻ ദാവീദുഗൃഹത്തിന്റെ താക്കോൽ അദ്ദേഹത്തിന്റെ തോളിൽ വെക്കും; അദ്ദേഹം തുറക്കുന്നത് അടയ്ക്കാൻ ആർക്കും കഴിയുകയില്ല, അദ്ദേഹം അടയ്ക്കുന്നത് തുറക്കാൻ ആർക്കും കഴിയുകയുമില്ല.
23. ഉറപ്പുള്ള സ്ഥലത്ത് ഒരു ആണിപോലെ ഞാൻ അദ്ദേഹത്തെ തറയ്ക്കും; തന്റെ പിതൃഭവനത്തിന് അദ്ദേഹം മഹത്ത്വമുള്ള ഒരു സിംഹാസനം ആയിത്തീരും.
24. അദ്ദേഹത്തിന്റെ പിതൃഭവനത്തിന്റെ എല്ലാ മഹത്ത്വവും അവർ അദ്ദേഹത്തിന്റെമേൽ തൂക്കിയിടും; സന്തതിയെയും പിൻഗാമികളെയും—കിണ്ണംമുതൽ ഭരണിവരെയുള്ള സകലചെറുപാത്രങ്ങളെയും തന്നെ.” [PE]
25. [PS]സൈന്യങ്ങളുടെ യഹോവ അരുളിച്ചെയ്യുന്നു, “അന്നാളിൽ, ഉറപ്പുള്ള സ്ഥലത്തു തറച്ച ആണി ഇളകിപ്പോകും, അതു മുറിക്കപ്പെട്ട് താഴെവീഴും, അതിന്മേൽ തൂങ്ങുന്ന ഭാരവും വീണുപോകും.” യഹോവയല്ലോ അരുളിച്ചെയ്യുന്നത്. [PE]