1. {#1ദാവീദിന്റെ പട്ടണത്തിന് അയ്യോ, കഷ്ടം! } [QS]അരീയേലേ, അരീയേലേ, [QE][QS2]ദാവീദ് വസിച്ചിരുന്ന നഗരമേ, നിനക്കു ഹാ, കഷ്ടം! [QE][QS]വർഷത്തോടു വർഷം ചേർത്തുകൊള്ളുക, [QE][QS2]നിങ്ങളുടെ ഉത്സവങ്ങൾ പതിവുപോലെ ആഘോഷിക്കുക. [QE]
2. [QS]ഞാൻ അരീയേലിനു ദുരിതംവരുത്തും; [QE][QS2]അവൾ വിലപിക്കുകയും ദുഃഖിക്കുകയും ചെയ്യും, [QE][QS2]അവൾ എനിക്ക് ഒരു ബലിപീഠത്തിന്റെ അടുപ്പുപോലെ ആയിരിക്കും. [QE]
3. [QS]ഞാൻ നിന്നെ വളഞ്ഞു നിനക്കുചുറ്റും പാളയമടിക്കും; [QE][QS2]നിനക്കുചുറ്റും ഉപരോധക്കോട്ടകൾ തീർക്കും, [QE][QS2]ഞാൻ നിനക്കെതിരേ കൊത്തളങ്ങൾ പണിയിക്കുകയും ചെയ്യും. [QE]
4. [QS]അപ്പോൾ നീ താഴ്ത്തപ്പെടും, നിലത്തുനിന്നുകൊണ്ട് നീ സംസാരിക്കും; [QE][QS2]നീ സാഷ്ടാംഗം വീണുകിടക്കുന്ന പൂഴിയിൽനിന്ന് നിന്റെ വാക്കുകൾ പുറപ്പെടും. [QE][QS]ഭൂമിയിൽനിന്നു ഭൂതം പുറപ്പെട്ടുവരുന്നതുപോലെ നിന്റെ ശബ്ദം വരും; [QE][QS2]പൊടിയിൽനിന്ന് നിന്റെ ഭാഷണം മന്ത്രിക്കും. [QE][PBR]
5. [QS]നിന്റെ ശത്രുസമൂഹം നേരിയ പൊടിപോലെയും [QE][QS2]ക്രൂരരായ കവർച്ചസംഘം പാറിപ്പോകുന്ന പതിർപോലെയും ആകും. [QE][QS]അതു ക്ഷണനേരംകൊണ്ട്, പെട്ടെന്നുതന്നെ സംഭവിക്കും. [QE]
2. [QS2]ഇടിമുഴക്കം, ഭൂകമ്പം, വലിയശബ്ദം, [QE][QS]കൊടുങ്കാറ്റ്, ചുഴലിക്കാറ്റ്, ദഹിപ്പിക്കുന്ന അഗ്നിജ്വാല എന്നിവയോടുകൂടെ [QE][QS2]സൈന്യങ്ങളുടെ യഹോവ എഴുന്നള്ളും. [QE]
7. [QS]അരീയേലിനെതിരേ യുദ്ധംചെയ്യുന്ന എല്ലാ രാഷ്ട്രങ്ങളുടെയും കവർച്ചസംഘം, [QE][QS2]അവൾക്കും അവളുടെ കോട്ടയ്ക്കുമെതിരേ ഉപരോധംതീർക്കും. [QE][QS]അവളെ ആക്രമിക്കുന്നവർ ഒരു സ്വപ്നംപോലെ, [QE][QS2]രാത്രിയിൽ കാണുന്ന ഒരു ദർശനംപോലെ ആയിത്തീരും— [QE]
8. [QS]വിശപ്പുള്ളയാൾ ഭക്ഷിക്കുന്നത് സ്വപ്നംകാണുകയും [QE][QS2]ഉണരുമ്പോൾ വിശപ്പു ശമിച്ചിട്ടില്ലാത്തതുപോലെയും [QE][QS]ദാഹമുള്ളയാൾ പാനംചെയ്യുന്നത് സ്വപ്നംകാണുകയും [QE][QS2]ഉണരുമ്പോൾ ദാഹം ശമിക്കാതെ ക്ഷീണിതനായിരിക്കുന്നതുപോലെയും ആകും. [QE][QS]സീയോൻപർവതത്തെ ആക്രമിക്കുന്ന [QE][QS2]എല്ലാ രാഷ്ട്രങ്ങളുടെയും സൈന്യത്തിന്റെ ഗതി ഇതുതന്നെ ആയിരിക്കും. [QE][PBR]
9. [QS]സ്തബ്ധരാകുക, അത്ഭുതംകൂറുക, [QE][QS2]അന്ധത പിടിച്ച് കുരുടരാകുക; [QE][QS]അവർ മത്തരായിരിക്കുന്നു, വീഞ്ഞുകൊണ്ടല്ലതാനും, [QE][QS2]അവർ ചാഞ്ചാടി നടക്കുന്നു; മദ്യപാനംകൊണ്ടല്ലതാനും. [QE]
10. [QS]യഹോവ നിങ്ങളുടെമേൽ ഗാഢനിദ്ര അയച്ചിരിക്കുന്നു: [QE][QS2]നിങ്ങളുടെ പ്രവാചകന്മാരാകുന്ന കണ്ണുകളെ അവിടന്ന് അടച്ചുകളഞ്ഞു; [QE][QS2]ദർശകന്മാരാകുന്ന ശിരസ്സുകളെ അവിടന്നു മൂടിക്കളഞ്ഞു. [QE]
11. [PS]എല്ലാ ദർശനവും നിങ്ങൾക്ക് മുദ്രയിട്ട പുസ്തകച്ചുരുളിലെ വചനങ്ങൾപോലെ ആയിത്തീരും. അത് അക്ഷരാഭ്യാസമുള്ള ഒരുവന്റെ പക്കൽ കൊടുത്ത്, “വായിച്ചാലും” എന്നു പറഞ്ഞാൽ, “എനിക്കു കഴിയില്ല, ഇതു മുദ്രയിട്ടിരിക്കുന്നു” എന്ന് അയാൾ മറുപടി പറയും.
12. അപ്പോൾ ആ പുസ്തകച്ചുരുൾ അക്ഷരാഭ്യാസമില്ലാത്തവന്റെ പക്കൽ കൊടുത്ത്, “വായിച്ചാലും” എന്നു പറഞ്ഞാൽ. “എനിക്ക് വായിക്കാൻ അറിഞ്ഞുകൂടാ,” എന്ന് അയാളും ഉത്തരം പറയും. [PE]
13. [PS]അപ്പോൾ കർത്താവ് അരുളിച്ചെയ്തു: [PE][QS]“ഈ ജനം വാകൊണ്ട് എന്നോട് അടുത്തു വരികയും [QE][QS2]അധരംകൊണ്ട് എന്നെ ബഹുമാനിക്കുകയും ചെയ്യുന്നു, [QE][QS2]എങ്കിലും അവരുടെ ഹൃദയം എന്നെ വിട്ട് അകന്നിരിക്കുന്നു. [QE][QS]അവർ എന്നെ ആരാധിക്കുന്നത് [QE][QS2]പഠിച്ചുവെച്ച മാനുഷകൽപ്പനകൾ ആധാരമാക്കിയാണ്. [QE]
14. [QS]അതിനാൽ അത്ഭുതത്തിന്മേൽ അത്ഭുതം പ്രവർത്തിച്ചുകൊണ്ട് ഞാൻ ഈ ജനത്തെ ഒരിക്കൽക്കൂടി സ്തബ്ധരാക്കും. [QE][QS2]ഏറ്റവും അത്ഭുതകരമായിത്തന്നെ അവരോട് ഇടപെടും; [QE][QS]അവരുടെ ജ്ഞാനികളുടെ ജ്ഞാനം നശിച്ചുപോകും, [QE][QS2]ബുദ്ധിമാന്മാരുടെ ബുദ്ധിയും മാഞ്ഞുപോകും.” [QE]
15. [QS]തങ്ങളുടെ പദ്ധതികൾ യഹോവയിൽനിന്ന് മറച്ചുവെക്കാനായി [QE][QS2]ആഴങ്ങളിലേക്ക് ഇറങ്ങിച്ചെല്ലുന്നവർക്ക്, [QE][QS]തങ്ങളുടെ പ്രവൃത്തികൾ അന്ധകാരത്തിൽ ചെയ്തിട്ട്, “ആർ കാണും? ആർ അറിയും?” [QE][QS2]എന്നു ചിന്തിക്കുന്നവർക്ക്, ഹാ, കഷ്ടം! [QE]
16. [QS]നിങ്ങൾ കാര്യങ്ങൾ കീഴ്‌മേൽ മറിച്ചുകളയുന്നു, [QE][QS2]കുശവനും കളിമണ്ണും സമമെന്നു കരുതുന്നതുപോലെ! [QE][QS]നിർമിതമായ വസ്തു തന്നെ നിർമിച്ചവനെപ്പറ്റി, [QE][QS2]“അയാളല്ല എന്നെ നിർമിച്ചത്” എന്നു പറയുമോ? [QE][QS]മൺപാത്രം കുശവനെക്കുറിച്ച്, [QE][QS2]“അയാൾക്കു വിവേകമില്ല” എന്നു പ്രസ്താവിക്കുമോ? [QE][PBR]
17. [QS]ഇനി അൽപ്പസമയത്തിനുള്ളിൽ ലെബാനോൻ ഫലസമൃദ്ധമായ ഒരു വയലായിത്തീരുകയില്ലേ, [QE][QS2]ആ വയൽ വനമായി കാണപ്പെടുകയുമില്ലേ? [QE]
18. [QS]ആ ദിവസത്തിൽ ചെകിടന്മാർ പുസ്തകച്ചുരുളിലെ വചനങ്ങൾ കേൾക്കുകയും [QE][QS2]അന്ധരുടെ കണ്ണുകൾ [QE][QS2]അന്ധതനീങ്ങി കാഴ്ചനേടുകയും ചെയ്യും. [QE]
19. [QS]അപ്പോൾ സൗമ്യതയുള്ളവർക്ക് യഹോവയിലുള്ള സന്തോഷം വർധിക്കുകയും [QE][QS2]ദരിദ്രർ ഇസ്രായേലിന്റെ പരിശുദ്ധനിൽ ആനന്ദിക്കുകയും ചെയ്യും. [QE]
20. [QS]ക്രൂരർ ഇല്ലാതെയാകും, [QE][QS2]പരിഹാസികൾ നാമാവശേഷമാകും, [QE][QS2]ദോഷം ചെയ്യാൻ മുതിരുന്ന എല്ലാവരും ഛേദിക്കപ്പെടും— [QE]
21. [QS]മനുഷ്യരെ വാക്കിൽ കുടുക്കി കുറ്റക്കാരാക്കുന്നവർ, [QE][QS2]നഗരകവാടത്തിൽ ന്യായം വിസ്തരിക്കുന്നവനു കെണി വെക്കുന്നവർ, [QE][QS2]നീതിനിഷ്ഠരെ വ്യാജവാദങ്ങളാൽ വഞ്ചിക്കുന്നവർ എന്നിവരെയെല്ലാംതന്നെ. [QE]
22. [PS]അതിനാൽ അബ്രാഹാമിനെ വീണ്ടെടുത്ത യഹോവ യാക്കോബിന്റെ സന്തതികളോട് ഇപ്രകാരം അരുളിച്ചെയ്യുന്നു: [QE][QS]“യാക്കോബ് ഇനി ലജ്ജിതനാകുകയില്ല; [QE][QS2]അവന്റെ മുഖം ഇനിയൊരിക്കലും വിളറുകയുമില്ല. [QE]
23. [QS]എന്നാൽ അവർ അവരുടെ മക്കളുടെ മധ്യേ, [QE][QS2]എന്റെ കൈകളുടെ പ്രവൃത്തി കാണുമ്പോൾ, [QE][QS]അവർ എന്റെ നാമത്തെ വിശുദ്ധീകരിക്കും; [QE][QS2]അതേ, അവർ യാക്കോബിന്റെ പരിശുദ്ധന്റെ വിശുദ്ധി അംഗീകരിക്കുകയും [QE][QS2]ഇസ്രായേലിന്റെ ദൈവത്തെ ഭയപ്പെടുകയും ചെയ്യും. [QE]
24. [QS]മനോവിഭ്രമം ബാധിച്ചു തെറ്റിപ്പോയവർ വിവേകബുദ്ധിനേടുകയും [QE][QS2]പിറുപിറുത്തവർ ഉപദേശം സ്വീകരിക്കുകയും ചെയ്യും.” [QE]