1. {#1ജെറുശലേമിന്റെയും യെഹൂദയുടെയുംമേലുമുള്ള ന്യായവിധി } [QS]കണ്ടാലും, കർത്താവ്, [QE][QS2]സൈന്യങ്ങളുടെ യഹോവേ, [QE][QS]ജെറുശലേമിൽനിന്നും യെഹൂദ്യയിൽനിന്നും [QE][QS2]ശേഖരണവും വിതരണവും: [QE][QS]അപ്പത്തിന്റെ എല്ലാ ശേഖരവും വെള്ളത്തിന്റെ എല്ലാ സ്രോതസ്സുകളും നീക്കിക്കളയും; [QE]
2. [QS2]വീരന്മാർ, യോദ്ധാക്കൾ, [QE][QS]ന്യായാധിപന്മാർ, പ്രവാചകന്മാർ, [QE][QS2]ദേവപ്രശ്നംവെക്കുന്നവർ, നേതാക്കന്മാർ, [QE]
3. [QS]സൈന്യത്തിൽ അൻപതുപേർക്ക് അധിപർ, വിവിധ പദവികൾ അലങ്കരിക്കുന്നവർ, [QE][QS2]ഉപദേഷ്ടാക്കൾ, കരകൗശലപ്പണിക്കാർ, സമർഥരായ മാന്ത്രികർ, എന്നിങ്ങനെയുള്ള എല്ലാവരെയും നീക്കിക്കളയും. [QE][PBR]
4. [QS]“ഞാൻ കേവലം ബാലന്മാരെ അവരുടെ അധിപരായി നിയമിക്കും; [QE][QS2]ശിശുക്കൾ അവരുടെമേൽ ഭരണംനടത്തും.” [QE][PBR]
5. [QS]ജനം പരസ്പരം പീഡിപ്പിക്കും— [QE][QS2]ഒരാൾ മറ്റൊരാളെയും അയൽവാസി അയൽവാസിയെയുംതന്നെ. [QE][QS]യുവാക്കൾ വൃദ്ധർക്കെതിരേയും [QE][QS2]ഹീനജനം ബഹുമാനിതർക്കെതിരേയും എഴുന്നേൽക്കും. [QE][PBR]
6. [QS]ഒരു മനുഷ്യൻ തന്റെ പിതൃഭവനത്തിലുള്ള [QE][QS2]ഒരു സഹോദരനെ പിടിച്ച്, [QE][QS]“നിനക്കൊരു മേലങ്കിയുണ്ടല്ലോ, നീ ഞങ്ങൾക്ക് അധിപതിയായിരിക്കുക; [QE][QS2]ഈ നാശനഷ്ടങ്ങളുടെ കൂമ്പാരത്തിന്റെ ഭരണം ഏറ്റെടുത്താലും!” എന്നു പറയും. [QE]
7. [QS]എന്നാൽ അന്ന്, “എന്റെപക്കൽ യാതൊരു പ്രതിവിധിയുമില്ല, [QE][QS2]എന്റെ ഭവനത്തിൽ ഭക്ഷണമോ വസ്ത്രമോ ഇല്ല, [QE][QS]എന്നെ നിങ്ങൾ ജനത്തിന് അധിപതിയായി നിയമിക്കരുത്” [QE][QS2]എന്നിങ്ങനെ അയാൾ നിലവിളിക്കും. [QE][PBR]
8. [QS]ജെറുശലേം വേച്ചുനടക്കുന്നു, [QE][QS2]യെഹൂദാ വീഴുന്നു; [QE][QS]കാരണം, അവരുടെ വാക്കുകളും പ്രവൃത്തികളും [QE][QS2]യഹോവയുടെ തേജോമയനയനങ്ങൾക്ക് എതിരായിരിക്കുന്നു. [QE]
9. [QS]അവരുടെ മുഖഭാവം അവർക്കെതിരേ സാക്ഷിയായിരിക്കുന്നു; [QE][QS2]അവർ തങ്ങളുടെ പാപം സൊദോമിനെപ്പോലെ പ്രദർശിപ്പിക്കുന്നു; [QE][QS2]അതു മറച്ചുവെക്കുന്നില്ലതാനും. [QE][QS]അവർ തങ്ങൾക്കുതന്നെ ദോഷം വരുത്തിയിരിക്കുകയാൽ, [QE][QS2]അവർക്ക് അയ്യോ കഷ്ടം! [QE][PBR]
10. [QS]നീതിനിഷ്ഠരോടു നിങ്ങൾക്കു നന്മ വരും എന്നു പറയുക; [QE][QS2]കാരണം അവരുടെ പ്രവൃത്തികളുടെ ഫലം അവർ അനുഭവിക്കും. [QE]
11. [QS]ദുഷ്ടർക്ക് അയ്യോ കഷ്ടം! [QE][QS2]വിനാശം അവരുടെമേൽ വന്നുഭവിക്കും! [QE][QS]അവരുടെ കൈകളുടെ പ്രവൃത്തികൾക്ക് അനുസൃതമായ [QE][QS2]പ്രതിഫലം അവർക്കു ലഭിക്കും. [QE][PBR]
12. [QS]യുവാക്കൾ എന്റെ ജനത്തെ പീഡിപ്പിക്കുന്നു, [QE][QS2]സ്ത്രീകൾ അവരെ ഭരിക്കുന്നു. [QE][QS]എന്റെ ജനമേ, നിങ്ങളെ നയിക്കുന്നവർതന്നെ നിങ്ങളെ വഴിതെറ്റിക്കുന്നു; [QE][QS2]അവർ നിങ്ങളെ തെറ്റായ വഴിയിലൂടെ നയിക്കുന്നു. [QE][PBR]
13. [QS]യഹോവ കോടതിയിൽ ന്യായാധിപസ്ഥാനം ഏറ്റെടുത്തിരിക്കുന്നു; [QE][QS2]അവിടന്ന് ജനത്തെ ന്യായംവിധിക്കാൻ എഴുന്നേൽക്കുന്നു. [QE]
14. [QS]തന്റെ ജനത്തിന്റെ നേതാക്കന്മാർക്കും പ്രഭുക്കന്മാർക്കും എതിരായി [QE][QS2]യഹോവ ന്യായവിധി പുറപ്പെടുവിക്കുന്നു: [QE][QS]“നിങ്ങളാണ് എന്റെ മുന്തിരിത്തോപ്പ് നശിപ്പിച്ചുകളഞ്ഞവർ; [QE][QS2]ദരിദ്രരിൽനിന്നു കവർച്ചചെയ്തതു, നിങ്ങളുടെ ഭവനങ്ങളിലുണ്ട്. [QE]
15. [QS]എന്റെ ജനത്തെ തകർക്കുന്നതിലൂടെയും [QE][QS2]ദരിദ്രരെ പീഡിപ്പിക്കുന്നതിലൂടെയും നിങ്ങൾ എന്താണ് അർഥമാക്കുന്നത്?” [QE][QS4]എന്നു സൈന്യങ്ങളുടെ യഹോവയായ കർത്താവ് അരുളിച്ചെയ്യുന്നു. [QE][PBR]
16. [QS]യഹോവ പിന്നെയും അരുളിച്ചെയ്തത്: [QE][QS2]“സീയോൻ പുത്രിമാർ അഹങ്കാരികളായിരിക്കുന്നു, [QE][QS]അവർ തലയുയർത്തി നടക്കുന്നു, [QE][QS2]കണ്ണുകൾകൊണ്ട് ശൃംഗരിക്കുന്നു, [QE][QS]അഹങ്കാരത്തോടെ നിതംബം കുലുക്കി നടക്കുന്നു, [QE][QS2]കാൽച്ചിലമ്പൊച്ച കേൾപ്പിക്കുകയും ചെയ്യുന്നു. [QE]
17. [QS]അതിനാൽ കർത്താവ് സീയോൻപുത്രിമാരുടെ നെറ്റിയിൽ ചൊറി പിടിപ്പിക്കും; [QE][QS2]യഹോവ അവരുടെ തലയോട്ടി കഷണ്ടിയാക്കും.” [QE]
18. [PS]ആ ദിവസത്തിൽ കർത്താവ് അവരുടെ പാദസരം, നെറ്റിപ്പട്ടം, ചന്ദ്രക്കല,
19. കാതില, കടകം, കവിണി,
20. തലപ്പാവ്, കാൽത്തള, പട്ടുകച്ച, പരിമളപ്പെട്ടി, ഏലസ്,
21. മുദ്രമോതിരം, മൂക്കുത്തി,
22. മാർദവവസ്ത്രം, ഷാൾ, പുറങ്കുപ്പായം, ചെറുസഞ്ചി,
23. ദർപ്പണം, നേർമയേറിയ ചണവസ്ത്രം, കിരീടം, മൂടുപടം എന്നിവ നീക്കിക്കളയും. [PE]
24. [QS]അന്ന് പരിമളത്തിനുപകരം ദുർഗന്ധവും, [QE][QS2]അരക്കച്ചയ്ക്കുപകരം കയറും; [QE][QS]കേശസൗന്ദര്യത്തിനുപകരം കഷണ്ടിയും [QE][QS2]ഉടയാടയ്ക്കു പകരം ചാക്കുശീലയും; [QE][QS2]സൗന്ദര്യത്തിനു പകരം കരുവാളിപ്പും ഉണ്ടാകും. [QE]
25. [QS]നിന്റെ പുരുഷന്മാർ വാളിനാൽ വീഴും; [QE][QS2]നിന്റെ യോദ്ധാക്കൾ യുദ്ധത്തിൽ കൊല്ലപ്പെടും. [QE]
26. [QS]സീയോന്റെ കവാടങ്ങൾ വിലപിച്ചു ദുഃഖിക്കും; [QE][QS2]ഉപേക്ഷിക്കപ്പെട്ടവളായി അവൾ നിലത്ത് ഇരിക്കും. [QE]