1. {#1തെരഞ്ഞെടുക്കപ്പെട്ട ഇസ്രായേൽ } [QS]“ഇപ്പോൾ എന്റെ ദാസനായ യാക്കോബേ, [QE][QS2]ഞാൻ തെരഞ്ഞെടുത്ത ഇസ്രായേലേ, കേട്ടുകൊൾക. [QE]
2. [QS]നിന്നെ നിർമിച്ചവനും ഗർഭത്തിൽ ഉരുവാക്കിയവനും [QE][QS2]നിന്നെ സഹായിക്കുന്നവനുമായ യഹോവ [QE][QS2]ഇപ്രകാരം അരുളിച്ചെയ്യുന്നു: [QE][QS]എന്റെ ദാസനായ യാക്കോബേ, [QE][QS2]ഞാൻ തെരഞ്ഞെടുത്ത യെശൂരൂനേ,[* നീതിനിഷ്ഠർ എന്നർഥം. അതായത്, ഇസ്രായേൽ ] ഭയപ്പെടേണ്ട. [QE]
3. [QS]ദാഹിക്കുന്ന ഭൂമിയിൽ ഞാൻ ജലം പകർന്നുകൊടുക്കും, [QE][QS2]ഉണങ്ങിവരണ്ട നിലത്ത് ഞാൻ അരുവികൾ ഒഴുക്കും; [QE][QS]നിന്റെ സന്തതിയുടെമേൽ ഞാൻ എന്റെ ആത്മാവിനെയും [QE][QS2]നിന്റെ പിൻഗാമികളുടെമേൽ എന്റെ അനുഗ്രഹത്തെയും വർഷിക്കും. [QE]
4. [QS]അവർ പുൽമേടുകൾക്കിടയിലെ പുല്ലുപോലെ പൊട്ടിമുളയ്ക്കും, [QE][QS2]അരുവികൾക്കരികെയുള്ള അലരിവൃക്ഷങ്ങൾപോലെ തഴച്ചുവളരും. [QE]
5. [QS]ചിലർ, ‘ഞാൻ യഹോവയുടെ സ്വന്തം’ എന്നു പറയും; [QE][QS2]മറ്റുചിലർ യാക്കോബിന്റെ പേരു സ്വീകരിക്കും; [QE][QS]ഇനിയും ചിലർ തങ്ങളുടെ കൈമേൽ, ‘യഹോവയുടേത്’ എന്നെഴുതി [QE][QS2]ഇസ്രായേൽ എന്ന പേര് സ്വന്തമാക്കും. [QE]
6. {#1വിഗ്രഹങ്ങളെ വിട്ടുതിരിയുക } [QS]“യഹോവ ഇപ്രകാരം അരുളിച്ചെയ്യുന്നു— [QE][QS2]ഇസ്രായേലിന്റെ രാജാവും വീണ്ടെടുപ്പുകാരനുമായ സൈന്യങ്ങളുടെ യഹോവതന്നെ അരുളുന്നു: [QE][QS]ഞാൻ ആകുന്നു ആദ്യനും ഞാൻ ആകുന്നു അന്ത്യനും; [QE][QS2]ഞാനല്ലാതെ ഒരു ദൈവവുമില്ല. [QE]
7. [QS]എന്നെപ്പോലെ മറ്റൊരാൾ ആരുണ്ട്? അവർ അതു പ്രഘോഷിക്കട്ടെ. [QE][QS2]ഞാൻ എന്റെ പുരാതന ജനതയെ സ്ഥാപിച്ചതുമുതൽ [QE][QS]ഇന്നുവരെ സംഭവിച്ചതും ഇനി സംഭവിക്കാനിരിക്കുന്നതുമായ കാര്യങ്ങൾ [QE][QS2]എന്റെ മുന്നിൽ അയാൾ വർണിക്കട്ടെ— [QE][QS2]അതേ, എന്താണ് സംഭവിക്കാനിരിക്കുന്നത്; അവർ പ്രവചിക്കട്ടെ. [QE]
8. [QS]ഭയപ്പെടേണ്ട, പരിഭ്രമിക്കുകയും വേണ്ടാ. [QE][QS2]ഞാൻ പണ്ടുമുതലേ അത് അറിയിക്കുകയും പ്രഖ്യാപിക്കുകയും ചെയ്തിട്ടില്ലേ? [QE][QS]നിങ്ങൾ എന്റെ സാക്ഷികൾ ആകുന്നു. ഞാനല്ലാതെ മറ്റൊരു ദൈവമുണ്ടോ? [QE][QS2]ഇല്ല, ഞാനല്ലാതെ മറ്റൊരു പാറയില്ല; അങ്ങനെ ഒരുവനെ ഞാൻ അറിയുന്നില്ല.” [QE][PBR]
9. [QS]വിഗ്രഹത്തെ ഉണ്ടാക്കുന്നവർ എല്ലാവരും കേവലം മൂഢരാണ്, [QE][QS2]അവരുടെ വിലയേറിയ വസ്തുക്കൾ ഒരു വിലയുമില്ലാത്തവതന്നെ. [QE][QS]അവയ്ക്കുവേണ്ടി സംസാരിക്കുന്നവർ അന്ധരാണ്; [QE][QS2]അവരുടെ അജ്ഞത ലജ്ജാകരമാണ്. [QE]
10. [QS]നിഷ്‌പ്രയോജനകരമായ ഒരു ദേവതയെ രൂപപ്പെടുത്തുകയും [QE][QS2]വിഗ്രഹം വാർത്തെടുക്കുകയും ചെയ്യുന്നവർ ആർ? [QE]
11. [QS]ഇതാ, അവരുടെ കൂട്ടരെല്ലാം ലജ്ജിതരാക്കപ്പെടുന്നു; [QE][QS2]അതിന്റെ ശില്പിയോ, കേവലം മനുഷ്യരാണ്. [QE][QS]അവരെല്ലാം ഒരുമിച്ചുകൂടി ഒരു നിലപാട് എടുക്കട്ടെ; [QE][QS2]അവർ ഭയന്നുവിറച്ച് ഒരുപോലെ ലജ്ജിതരായിത്തീരും. [QE][PBR]
12. [QS]ഇരുമ്പുപണിക്കാരൻ ഒരു ആയുധം എടുത്ത് [QE][QS2]അതുപയോഗിച്ച് കനലിൽവെച്ച് പണിയുന്നു. [QE][QS]ചുറ്റികകൾകൊണ്ടടിച്ച് ഒരു വിഗ്രഹത്തിനു രൂപംനൽകുന്നു [QE][QS2]അയാളുടെ ഭുജബലത്താൽ അത് അടിച്ചു രൂപപ്പെടുത്തുന്നു. [QE][QS]അയാൾ വിശന്നു തളർന്നുപോകുന്നു; [QE][QS2]വെള്ളം കുടിക്കാതെ അവശനായിത്തീരുന്നു. [QE]
13. [QS]മരപ്പണിക്കാരൻ തടിക്കഷണത്തിൽ അളവുനൂലുകൊണ്ടു [QE][QS2]തോതുപിടിച്ചു രൂപം അടയാളപ്പെടുത്തുന്നു; [QE][QS]അയാൾ വൃത്തയന്ത്രംകൊണ്ടു വരയ്ക്കുന്നു, [QE][QS2]ചീകുളികൊണ്ടു പരുപരുത്തഭാഗം ചെത്തിമാറ്റുന്നു. [QE][QS]അയാൾ അതിനു മനുഷ്യാകാരംനൽകുന്നു; [QE][QS2]ക്ഷേത്രത്തിൽ വെക്കാനായി [QE][QS2]മനുഷ്യന്റെ എല്ലാ ആകാരവടിവും വരുത്തുന്നു. [QE]
14. [QS]അവൻ ദേവദാരു മുറിച്ചെടുക്കുന്നു, [QE][QS2]അയാൾ പുന്നമരവും കരുവേലകവും കൈവശപ്പെടുത്തുന്നു. [QE][QS]അവൻ കാട്ടിലെ മരങ്ങളുടെ കൂട്ടത്തിൽ തനിക്കുവേണ്ടി അവയെ വളർത്തിക്കൊണ്ടുവരുന്നു, [QE][QS2]അയാൾ ഒരു അശോകം നട്ടുപിടിപ്പിക്കുന്നു; മഴ അതിനെ വളർത്തുന്നു. [QE]
15. [QS]അത് ഒരുവൻ തീ കത്തിക്കാൻ ഉപയോഗിക്കുന്നു [QE][QS2]അതിൽ ഒരുഭാഗം എടുത്തു കത്തിച്ചു തീ കായുന്നു, [QE][QS2]അയാൾ അതു കത്തിച്ച് അപ്പം ചുടുന്നു. [QE][QS]എന്നാൽ അയാൾ അതുകൊണ്ട് ഒരു വിഗ്രഹം ഉണ്ടാക്കി അതിനെ ആരാധിക്കുന്നു; [QE][QS2]ഒരു രൂപം കൊത്തിയുണ്ടാക്കി അതിന്റെ മുമ്പിൽ സാഷ്ടാംഗം വീഴുകയുംചെയ്യുന്നു. [QE]
16. [QS]അതിന്റെ പകുതി അയാൾ തീ കത്തിക്കുന്നു; [QE][QS2]അതിന്മീതേ ഭക്ഷണം പാകംചെയ്യുന്നു, [QE][QS2]അയാൾ മാംസം ചുട്ടു മതിയാകുവോളം തിന്നുന്നു. [QE][QS]അവൻ ആ തീയിൽ കുളിർമാറ്റുന്നു, [QE][QS2]“തീകാഞ്ഞുകൊണ്ട് ആഹാ! നല്ല തീ, എന്റെ കുളിർ മാറി” എന്നു പറയുന്നു. [QE]
17. [QS]ശേഷിച്ചഭാഗംകൊണ്ട് അയാൾ ഒരു ദേവതയെ നിർമിക്കുന്നു, അയാളുടെ വിഗ്രഹത്തെത്തന്നെ; [QE][QS2]അയാൾ അതിന്റെ മുമ്പിൽ വീണ് അതിനെ നമസ്കരിക്കുന്നു. [QE][QS]അതിനോട് പ്രാർഥിച്ച്, “എന്നെ രക്ഷിക്കണമേ; [QE][QS2]നീ എന്റെ ദേവതയല്ലോ!” എന്ന് അയാൾ പറയുന്നു. [QE]
18. [QS]അവർ ഒന്നും അറിയുന്നില്ല, ഒന്നും ഗ്രഹിക്കുന്നതുമില്ല; [QE][QS2]കാണാതവണ്ണം അവരുടെ കണ്ണ് അടയ്ക്കപ്പെട്ടിരിക്കുന്നു, [QE][QS2]ഗ്രഹിക്കാതവണ്ണം അവരുടെ ഹൃദയവും അടയ്ക്കപ്പെട്ടിരിക്കുന്നു. [QE]
19. [QS]“അതിൽ ഒരുഭാഗം ഞാൻ തീ കത്തിച്ചു; [QE][QS2]അതിന്റെ കനൽകൊണ്ട് അപ്പം ചുട്ടു, [QE][QS2]മാംസവും ചുട്ടുതിന്നു. [QE][QS]അതിന്റെ ശേഷിച്ചഭാഗംകൊണ്ട് ഞാൻ ഒരു മ്ലേച്ഛവിഗ്രഹമുണ്ടാക്കുമോ? [QE][QS2]ഒരു മരമുട്ടിയുടെമുമ്പിൽ ഞാൻ സാഷ്ടാംഗം വീഴാമോ?” [QE][QS]എന്നിങ്ങനെ ആരും ഹൃദയത്തിൽ ചിന്തിക്കുന്നില്ല, [QE][QS2]അതിനുതക്ക ബോധവും വിവേകവും ആർക്കുംതന്നെയില്ല. [QE]
20. [QS]അങ്ങനെയുള്ള മനുഷ്യൻ പുല്ലെന്നുധരിച്ചു ചാരം തിന്നുന്ന മൃഗത്തെപ്പോലെയാണ്;[† അഥവാ, മനുഷ്യൻ ചാരം മേയുന്നു. ] അയാളുടെ കബളിപ്പിക്കപ്പെട്ട ഹൃദയം അയാളെ വഴിതെറ്റിക്കുന്നു; [QE][QS2]അവന് സ്വയം രക്ഷിക്കാനോ, “എന്റെ വലങ്കൈയിൽ ഉള്ളതു വെറുമൊരു വ്യാജദേവതയല്ലേ?” [QE][QS2]എന്നു ചോദിക്കാനോ അയാൾക്കു കഴിയുന്നില്ല. [QE][PBR]
21. [QS]“യാക്കോബേ, ഈ കാര്യങ്ങൾ ഓർക്കുക, [QE][QS2]ഇസ്രായേലേ, നീ എന്റെ ദാസനാണല്ലോ. [QE][QS]ഞാൻ നിന്നെ നിർമിച്ചു, നീ എന്റെ ഭൃത്യൻതന്നെ; [QE][QS2]ഇസ്രായേലേ, ഞാൻ നിന്നെ മറന്നുകളയുകയില്ല. [QE]
22. [QS]ഞാൻ നിന്റെ ലംഘനങ്ങൾ ഒരു കാർമേഘത്തെപ്പോലെ മായിച്ചുകളഞ്ഞിരിക്കുന്നു; [QE][QS2]പ്രഭാതമഞ്ഞുപോലെ നിന്റെ പാപങ്ങളും. [QE][QS]എന്റെ അടുത്തേക്കു മടങ്ങിവരിക, [QE][QS2]കാരണം ഞാൻ നിന്നെ വീണ്ടെടുത്തിരിക്കുന്നു.” [QE][PBR]
23. [QS]ആകാശമേ, ആഹ്ലാദത്തോടെ പാടുക, യഹോവ ഇതു ചെയ്തിരിക്കുന്നു; [QE][QS2]ഭൂമിയുടെ അധോഭാഗങ്ങളേ, ഉച്ചത്തിൽ ആർക്കുക. [QE][QS]പർവതങ്ങളേ, പൊട്ടിയാർക്കുക, [QE][QS2]വനങ്ങളേ, അതിലെ സകലവൃക്ഷങ്ങളുമേ, [QE][QS]യഹോവ യാക്കോബിനെ വീണ്ടെടുത്തല്ലോ, [QE][QS2]ഇസ്രായേലിൽ അവിടത്തെ മഹത്ത്വം വെളിപ്പെടുത്തുകയും ചെയ്തല്ലോ. [QE]
24. {#1ജെറുശലേമിലെ പുനരധിവാസം } [QS]“നിന്റെ വീണ്ടെടുപ്പുകാരൻ, ഗർഭത്തിൽ നിന്നെ ഉരുവാക്കിയവനുമായ, [QE][QS2]യഹോവ ഇപ്രകാരം അരുളിച്ചെയ്യുന്നു: [QE][PBR] [QS]“യഹോവയായ ഞാൻ [QE][QS2]സകലതും ഉണ്ടാക്കിയിരിക്കുന്നു, [QE][QS2]ഞാൻതന്നെ ആകാശത്തെ വിരിക്കുന്നു; [QE][QS2]ഞാൻ ഭൂമിയെ പരത്തിയിരിക്കുന്നു. [QE]
25. [QS]വ്യാജപ്രവാചകരുടെ ചിഹ്നങ്ങൾ ഞാൻ നിഷ്ഫലമാക്കുകയും [QE][QS2]ദേവപ്രശ്നംവെക്കുന്നവരെ മൂഢരാക്കുകയുംചെയ്യുന്നു, [QE][QS]ജ്ഞാനികളുടെ പാണ്ഡിത്യം മറിച്ചിട്ട് [QE][QS2]അതു വെറും ഭോഷത്തമാക്കി മാറ്റുന്നു. [QE]
26. [QS]എന്റെ ദാസന്മാരുടെ വചനം ഞാൻ നിവൃത്തിയാക്കുന്നു, [QE][QS2]എന്റെ സന്ദേശവാഹകരുടെ പ്രവചനം ഞാൻ നിറവേറ്റുന്നു. [QE][PBR] [QS]“ജെറുശലേമിനെക്കുറിച്ച്, ‘നിന്നിൽ നിവാസികൾ ഉണ്ടാകും,’ എന്നും [QE][QS2]യെഹൂദാനഗരങ്ങളെക്കുറിച്ച്, ‘അവ പണിയപ്പെടും,’ എന്നും [QE][QS2]അതിലെ നാശാവശിഷ്ടങ്ങളെക്കുറിച്ച്, ‘ഞാൻ അവ പുനഃസ്ഥാപിക്കും,’ എന്നും ഞാൻ കൽപ്പിക്കുന്നു. [QE]
27. [QS]ആഴിയോട് ഞാൻ കൽപ്പിക്കുന്നു, ‘ഉണങ്ങിപ്പോകുക, [QE][QS2]ഞാൻ നിന്റെ നദികളെ വറ്റിച്ചുകളയും,’ [QE]
28. [QS]കോരെശിനെക്കുറിച്ച്, ‘ഞാൻ നിയമിച്ച ഇടയൻ, [QE][QS2]അയാൾ എന്റെ ഹിതമെല്ലാം നിറവേറ്റും; [QE][QS]ജെറുശലേമിനെക്കുറിച്ച്, “അതു പുനർനിർമിക്കപ്പെടട്ടെ,” എന്നും [QE][QS2]ദൈവാലയത്തെക്കുറിച്ച്, “അതിന്റെ അടിസ്ഥാനം ഇടപ്പെടട്ടെ” ’ എന്നും കൽപ്പിക്കുന്നതു ഞാൻതന്നെ.” [QE][PBR] [PBR]