1. {#1ബാബേലിന്റെ പതനം } [QS]“ബാബേൽപുത്രിയായ കന്യകേ, [QE][QS2]ഇറങ്ങി പൊടിയിൽ ഇരിക്കുക. [QE][QS]ബാബേല്യരുടെ[* അഥവാ, കൽദയരായ ] നഗരറാണിയായവളേ, [QE][QS2]സിംഹാസനത്തിൽനിന്നും നിഷ്കാസിതയായി തറയിൽ ഇരിക്കുക. [QE][QS]ഇനിയൊരിക്കലും നീ പേലവഗാത്രിയെന്നോ [QE][QS2]കോമളാംഗിയെന്നോ വിളിക്കപ്പെടുകയില്ല. [QE]
2. [QS]തിരികല്ലെടുത്തു മാവു പൊടിക്കുക; [QE][QS2]നിന്റെ മൂടുപടം നീക്കുക. [QE][QS]നിന്റെ വസ്ത്രം ഉയർത്തുക, [QE][QS2]തുട മറയ്ക്കാതെ നദി കടക്കുക. [QE]
3. [QS]നിന്റെ നഗ്നത അനാവൃതമാക്കപ്പെടും, [QE][QS2]നിന്റെ ഗുഹ്യഭാഗം വെളിപ്പെടും. [QE][QS]ഞാൻ ഒരു മനുഷ്യനെയും ആദരിക്കാതെ [QE][QS2]പ്രതികാരം നടത്തും.” [QE][PBR]
4. [QS]ഞങ്ങളുടെ വീണ്ടെടുപ്പുകാരൻ ഇസ്രായേലിന്റെ പരിശുദ്ധനാകുന്നു, [QE][QS2]സൈന്യങ്ങളുടെ യഹോവ എന്നാകുന്നു അവിടത്തെ നാമം. [QE][PBR]
5. [QS]“ബാബേല്യപുത്രീ, [QE][QS2]നിശ്ശബ്ദയായിരിക്കൂ, അന്ധകാരത്തിലേക്കു കടക്കൂ; [QE][QS]രാജ്യങ്ങളുടെ തമ്പുരാട്ടി എന്ന് [QE][QS2]ഇനി നീ വിളിക്കപ്പെടുകയില്ല. [QE]
6. [QS]ഞാൻ എന്റെ ജനത്തോടു കോപിച്ചു, [QE][QS2]എന്റെ അവകാശത്തെ ഞാൻ മലിനമാക്കി; [QE][QS]നിന്റെ കൈയിൽ ഞാൻ അവരെ ഏൽപ്പിച്ചു, [QE][QS2]നീ അവരോടു കരുണ കാണിച്ചില്ല. [QE][QS]വൃദ്ധരുടെമേൽപോലും [QE][QS2]നീ നിന്റെ ഭാരമേറിയ നുകം വെച്ചു. [QE]
7. [QS]‘ഞാൻ എന്നേക്കും ഒരു തമ്പുരാട്ടിതന്നെ ആയിരിക്കും,’ [QE][QS2]എന്നു നീ പറഞ്ഞു. [QE][QS]ഈ കാര്യങ്ങൾ നീ ഹൃദയത്തിൽ കരുതുകയോ [QE][QS2]അതിന്റെ പരിണതഫലം എന്താകുമെന്ന് ചിന്തിക്കുകയോ ചെയ്തില്ല. [QE][PBR]
8. [QS]“എന്നാൽ ഇപ്പോൾ, സുഖലോലുപയായവളേ, കേൾക്കുക, [QE][QS2]നിങ്ങളുടെ സുരക്ഷയിൽ വിശ്രമിക്കുന്നവളേ, [QE][QS]‘ഞാൻ ആകുന്നു, എന്നെക്കാൾ മികച്ച ആരുമില്ല, [QE][QS2]ഞാൻ ഒരിക്കലും ഒരു വിധവയാകുകയില്ല, [QE][QS]പുത്രനഷ്ടം അനുഭവിക്കുകയുമില്ല,’ [QE][QS2]എന്ന് സ്വയം പറയുന്നവളേ, [QE]
9. [QS]ഒരൊറ്റ നിമിഷംകൊണ്ട്, ഒരേദിവസംതന്നെ [QE][QS2]ഇവ രണ്ടും നീ നേരിടും. [QE][QS]നിനക്ക് അസംഖ്യം ക്ഷുദ്രപ്രയോഗങ്ങളും [QE][QS2]ശക്തിയേറിയ എല്ലാ ആഭിചാരങ്ങളും ഉണ്ടായിരുന്നിട്ടും [QE][QS]പുത്രനഷ്ടവും വൈധവ്യവും [QE][QS2]അതിന്റെ പൂർണതയിൽ നിനക്കു നേരിടേണ്ടിവരും. [QE]
10. [QS]നീ നിന്റെ ദുഷ്ടതയിൽ ആശ്രയിച്ചു, [QE][QS2]‘ആരും എന്നെ കാണുന്നില്ല,’ എന്നു നീ പറഞ്ഞു. [QE][QS]നിന്റെ ജ്ഞാനവും നിന്റെ വിദ്യയും നിന്നെ വഴിതെറ്റിച്ചു. [QE][QS2]‘ഞാൻ ആകുന്നു, എന്നെക്കാൾ മികച്ച ആരുമില്ല’ [QE][QS2]എന്നു നീ ഹൃദയത്തിൽ പറഞ്ഞപ്പോൾത്തന്നെ. [QE]
11. [QS]അതിനാൽ അനർഥം നിന്റെമേൽ പതിക്കും, [QE][QS2]മന്ത്രവാദംകൊണ്ട് അതു നീക്കാൻ നിനക്കു കഴിയുകയില്ല. [QE][QS]നിനക്കു പരിഹരിക്കാനാകാത്ത [QE][QS2]ആപത്തു നിന്റെമേൽ വരും; [QE][QS]നിനക്കു ചിന്തിക്കാൻപോലും കഴിയാത്ത വിനാശം [QE][QS2]നിന്റെമേൽ പെട്ടെന്നുതന്നെ വീഴും. [QE][PBR]
12. [QS]“ഇപ്പോൾ, നീ ബാല്യംമുതൽ ചെയ്തുവന്ന [QE][QS2]നിന്റെ ആഭിചാരങ്ങളും [QE][QS2]ക്ഷുദ്രപ്രയോഗങ്ങളുടെ ബാഹുല്യവും തുടരുക. [QE][QS]ഒരുപക്ഷേ നിനക്കു ഫലം ലഭിച്ചേക്കാം, [QE][QS2]ഒരുപക്ഷേ നീ ഭീതി ജനിപ്പിച്ചേക്കാം. [QE]
13. [QS]ആലോചനയുടെ ബാഹുല്യംകൊണ്ടു നീ വലഞ്ഞിരിക്കുന്നു! [QE][QS2]ഇപ്പോൾ ജ്യോതിഷികൾ മുമ്പോട്ടുവരട്ടെ, [QE][QS]നക്ഷത്രം നോക്കുന്നവരും അമാവാസി കണ്ടു പ്രവചിക്കുന്നവരും, [QE][QS2]നിനക്കു സംഭവിക്കാൻ പോകുന്നവയിൽനിന്ന് നിന്നെ വിടുവിക്കട്ടെ. [QE]
14. [QS]ഇതാ, അവർ വൈക്കോൽക്കുറ്റിപോലെ ആകും; [QE][QS2]തീ അവരെ ദഹിപ്പിച്ചുകളയും. [QE][QS]അഗ്നിജ്വാലയുടെ ശക്തിയിൽനിന്നു [QE][QS2]തങ്ങളെത്തന്നെ രക്ഷിക്കാൻ അവർക്കു കഴിവില്ല. [QE][QS]അതു കുളിർമാറ്റുന്നതിനുള്ള കനലോ [QE][QS2]കായുവാൻ തക്ക തീയോ അല്ല. [QE]
15. [QS]ബാല്യംമുതൽ നിന്നോടു ചേർന്ന് അധ്വാനിച്ചിരുന്നവരും [QE][QS2]നിന്നോടു ചേർന്നു കച്ചവടംചെയ്തവരും [QE][QS2]അതിലപ്പുറമാകുകയില്ല. [QE][QS]അവർ ഓരോരുത്തരും അവരവരുടെ ദിശയിലേക്കു ചിതറിപ്പോകും; [QE][QS2]നിന്നെ രക്ഷിക്കാൻ ആരും അവശേഷിക്കുകയില്ല. [QE]