1. {#1ന്യായവിധിയും രക്ഷയും } [QS]“എന്നെ അന്വേഷിക്കാത്തവർക്ക് ഞാൻ എന്നെത്തന്നെ വെളിപ്പെടുത്തി; [QE][QS2]എന്നെ ആവശ്യപ്പെടാത്തവർ എന്നെ കണ്ടെത്തി. [QE][QS]എന്റെ നാമം വിളിച്ചപേക്ഷിക്കാത്ത ജനതയോട്, [QE][QS2]‘ഇതാ ഞാൻ, ഇതാ ഞാൻ’ എന്നു പറഞ്ഞു. [QE]
2. [QS]നന്നല്ലാത്ത മാർഗത്തിൽക്കൂടി [QE][QS2]സ്വന്തം സങ്കൽപ്പമനുസരിച്ചു ജീവിക്കുന്ന, [QE][QS]ദുർവാശിയുള്ള ജനത്തിന്റെനേരേ [QE][QS2]ഞാൻ ദിവസംമുഴുവനും കൈനീട്ടി— [QE]
3. [QS]അവർ പൂന്തോട്ടങ്ങളിൽ ബലിയർപ്പിച്ചും [QE][QS2]ബലിപീഠങ്ങളിലെ ഇഷ്ടികകളിന്മേൽ ധൂപംകാട്ടിയും [QE][QS]എന്റെ മുഖത്തുനോക്കി [QE][QS2]അവർ എന്നെ നിരന്തരം പ്രകോപിപ്പിക്കുന്നു. [QE]
4. [QS]അവർ രാത്രിമുഴുവനും കല്ലറകൾക്കിടയിൽ [QE][QS2]രഹസ്യമായി ഉറങ്ങാതിരിക്കുന്നു, [QE][QS]പന്നിയിറച്ചി തിന്നുകയും [QE][QS2]നിഷിദ്ധമാംസത്തിന്റെ ചാറിനാൽ പാത്രങ്ങൾ നിറയ്ക്കുകയുംചെയ്യുന്നു; [QE]
5. [QS]‘മാറിനിൽക്കുക, എന്നോട് അടുക്കരുത്, [QE][QS2]ഞാൻ നിന്നെക്കാൾ അതിവിശുദ്ധൻ!’ എന്ന് അവർ പറയുന്നു. [QE][QS]ഇങ്ങനെയുള്ളവർ എന്റെ മൂക്കിലെ പുകയും [QE][QS2]ദിവസം മുഴുവൻ കത്തുന്ന തീയും ആകുന്നു. [QE][PBR]
6. [QS]“ഇതാ, അത് എന്റെമുമ്പിൽ എഴുതപ്പെട്ടിരിക്കുന്നു: [QE][QS2]ഞാൻ പകരം വീട്ടാതെ അടങ്ങിയിരിക്കുകയില്ല; [QE][QS2]അവരുടെ മാറിടത്തിലേക്കുതന്നെ ഞാൻ പകരംവീട്ടും— [QE]
7. [QS]നിങ്ങളുടെ പാപങ്ങൾക്കും നിങ്ങളുടെ പൂർവികരുടെ പാപങ്ങൾക്കുംതന്നെ,” [QE][QS2]യഹോവ അരുളിച്ചെയ്യുന്നു. [QE][QS]“അവർ പർവതങ്ങളിൽ ധൂപംകാട്ടുകയും [QE][QS2]മലകളിൽ എന്നെ പരിഹസിക്കുകയും ചെയ്തതിനാൽ, [QE][QS]അവരുടെ പൂർവകാല പ്രവൃത്തികളുടെ മുഴുവൻ തുകയും [QE][QS2]ഞാൻ അവരുടെ മാറിടത്തിലേക്കുതന്നെ അളന്നുകൊടുക്കും.” [QE]
8. [PS]യഹോവ ഇപ്രകാരം അരുളിച്ചെയ്യുന്നു: [PE][QS]“മുന്തിരിക്കുലയിൽ പുതുവീഞ്ഞു കാണുമ്പോൾ, [QE][QS2]ജനം, ‘അതിനെ നശിപ്പിക്കരുത്, [QE][QS2]അതിൽ അനുഗ്രഹം ഉണ്ടല്ലോ,’ എന്നു പറയുന്നതുപോലെ, [QE][QS]എന്റെ ദാസന്മാർക്കുവേണ്ടി ഞാൻ പ്രവർത്തിക്കും; [QE][QS2]ഞാൻ അവരെ എല്ലാവരെയും നശിപ്പിക്കുകയില്ല. [QE]
9. [QS]ഞാൻ യാക്കോബിൽനിന്ന് ഒരു സന്തതിയെയും [QE][QS2]യെഹൂദ്യയിൽനിന്ന് എന്റെ പർവതങ്ങൾക്ക് ഒരു അവകാശിയെയും ശേഷിപ്പിക്കും. [QE][QS]തെരഞ്ഞെടുക്കപ്പെട്ട എന്റെ ജനം അത് അവകാശമാക്കുകയും [QE][QS2]എന്റെ ദാസന്മാർ അവിടെ അധിവസിക്കുകയും ചെയ്യും. [QE]
10. [QS]എന്നെ അന്വേഷിക്കുന്ന എന്റെ ജനത്തിന്, [QE][QS2]ശാരോൻസമതലം അവരുടെ ആട്ടിൻപറ്റത്തിന്റെ ഒരു മേച്ചിൽപ്പുറവും [QE][QS2]ആഖോർതാഴ്വര അവരുടെ കന്നുകാലികളുടെ വിശ്രമസ്ഥലവും ആകും. [QE][PBR]
11. [QS]“എന്നാൽ നിങ്ങൾ യഹോവയെ ഉപേക്ഷിക്കയും [QE][QS2]എന്റെ വിശുദ്ധപർവതത്തെ മറക്കുകയുംചെയ്ത്, [QE][QS]ഗദുദേവന്[* സൗഭാഗ്യം എന്നർഥം. ] മേശയൊരുക്കുകയും [QE][QS2]മേനിദേവിക്ക് [† വിധി അഥവാ, അന്ത്യം എന്നർഥം. ] വീഞ്ഞുകലർത്തി പാനപാത്രം നിറയ്ക്കുകയും ചെയ്താൽ, [QE]
12. [QS]ഞാൻ നിങ്ങളെ വാളിന് ഇരയാക്കും, [QE][QS2]നിങ്ങൾ എല്ലാവരും വധിക്കപ്പെട്ടവരായി വീഴും; [QE][QS]കാരണം, ഞാൻ വിളിച്ചു, എന്നാൽ നിങ്ങൾ ഉത്തരം നൽകിയില്ല, [QE][QS2]ഞാൻ സംസാരിച്ചു, എന്നാൽ നിങ്ങൾ ശ്രദ്ധിച്ചില്ല. [QE][QS]എന്റെ കണ്ണുകൾക്കുമുമ്പിൽ നിങ്ങൾ തിന്മ പ്രവർത്തിക്കുകയും [QE][QS2]എനിക്ക് അനിഷ്ടമായതു നിങ്ങൾ തെരഞ്ഞെടുക്കുകയും ചെയ്തല്ലോ.” [QE]
13. [PS]അതിനാൽ യഹോവയായ കർത്താവ് ഇപ്രകാരം അരുളിച്ചെയ്യുന്നു: [PE][QS]“എന്റെ ദാസന്മാർ ഭക്ഷിക്കും, [QE][QS2]എന്നാൽ നിങ്ങൾ വിശന്നിരിക്കും; [QE][QS]എന്റെ ദാസന്മാർ പാനംചെയ്യും, [QE][QS2]എന്നാൽ നിങ്ങൾ ദാഹിച്ചിരിക്കും; [QE][QS]എന്റെ ദാസന്മാർ ആനന്ദിക്കും, [QE][QS2]എന്നാൽ നിങ്ങൾ ലജ്ജിതരാകും. [QE]
14. [QS]എന്റെ ദാസന്മാർ ഗാനമാലപിക്കും [QE][QS2]അവരുടെ ഹൃദയത്തിൽനിന്നുള്ള ആനന്ദത്താൽത്തന്നെ, [QE][QS]എന്നാൽ നിങ്ങൾ ഹൃദയവ്യഥയാൽ നിലവിളിക്കും. [QE][QS2]ഹൃദയഭാരത്തോടെ മുറയിടുകയും ചെയ്യും. [QE]
15. [QS]എന്റെ തെരഞ്ഞെടുക്കപ്പെട്ടവർക്ക് [QE][QS2]നിങ്ങളുടെ പേര് ഒരു ശാപവാക്കായി നിങ്ങൾ ശേഷിപ്പിക്കും; [QE][QS]യഹോവയായ കർത്താവ് നിങ്ങളെ കൊന്നുകളയും, [QE][QS2]എന്നാൽ തന്റെ ദാസന്മാർക്ക് അവിടന്ന് മറ്റൊരു പേരു നൽകും. [QE]
16. [QS]പൂർവകാലത്തെ കഷ്ടത മറക്കപ്പെടുകയും [QE][QS2]എന്റെ കണ്ണിനു മറഞ്ഞിരിക്കുകയും ചെയ്യുകയാൽ, [QE][QS]ദേശത്തുവെച്ച് അനുഗ്രഹം ആശംസിക്കുന്നയാൾ [QE][QS2]ഏകസത്യദൈവത്തിന്റെ നാമത്തിലായിരിക്കും ആശംസിക്കുന്നത്, [QE][QS]ദേശത്തുവെച്ചു ശപഥംചെയ്യുന്നയാൾ [QE][QS2]ഏകസത്യദൈവത്തിന്റെ നാമത്തിലായിരിക്കും ശപഥംചെയ്യുന്നത്. [QE]
17. {#1പുതിയ ആകാശവും പുതിയ ഭൂമിയും } [QS]“ഇതാ, ഞാൻ പുതിയ ആകാശവും [QE][QS2]പുതിയ ഭൂമിയും സൃഷ്ടിക്കും. [QE][QS]പഴയകാര്യങ്ങൾ ഇനി ഓർക്കുകയോ [QE][QS2]മനസ്സിൽ വരികയോ ചെയ്യുകയില്ല. [QE]
18. [QS]പ്രത്യുത, ഞാൻ സൃഷ്ടിക്കുന്നതിൽ [QE][QS2]നിങ്ങൾ സന്തുഷ്ടരായി എന്നേക്കും ആനന്ദിക്കുക, [QE][QS]ഞാൻ ജെറുശലേമിനെ ഒരു ആനന്ദമാകുവാനും [QE][QS2]അതിലെ ജനത്തെ ഒരു സന്തോഷമാകാനുമായിട്ടാണ് സൃഷ്ടിക്കുന്നത്. [QE]
19. [QS]ഞാൻ ജെറുശലേമിൽ ആനന്ദിക്കും [QE][QS2]എന്റെ ജനത്തിൽ ആഹ്ലാദിക്കും; [QE][QS]കരച്ചിലിന്റെയോ നിലവിളിയുടെയോ ശബ്ദം [QE][QS2]ഇനി അവിടെ കേൾക്കുകയില്ല. [QE][PBR]
20. [QS]“ഇനിയൊരിക്കലും അവിടെ [QE][QS2]അല്പായുസ്സുകളായ ശിശുക്കൾ ഉണ്ടാകുകയില്ല [QE][QS2]തന്റെ ആയുഷ്കാലം പൂർത്തിയാക്കാത്ത ഒരു വൃദ്ധനും; [QE][QS]നൂറാം വയസ്സിൽ മരിക്കുന്നയാൾ [QE][QS2]ഒരു ശിശുവായി കരുതപ്പെടും; [QE][QS]നൂറുവയസ്സുവരെ എത്താത്തയാൾ [QE][QS2]ശാപഗ്രസ്തരെന്നു പരിഗണിക്കപ്പെടും. [QE]
21. [QS]അവർ വീടുകൾ നിർമിച്ച് അവയിൽ വസിക്കും; [QE][QS2]അവർ മുന്തിരിത്തോപ്പുകൾ നട്ട് അവയുടെ ഫലം അനുഭവിക്കും. [QE]
22. [QS]അവർ ഇനിയൊരിക്കലും മറ്റുള്ളവർക്കു താമസിക്കുന്നതിനായി പണിയുകയോ [QE][QS2]അവർ നടുകയും മറ്റുള്ളവർ ഭക്ഷിക്കുകയുമോ ചെയ്യുകയില്ല. [QE][QS]എന്റെ ജനത്തിന്റെ ആയുസ്സ് [QE][QS2]വൃക്ഷത്തിന്റെ ആയുസ്സുപോലെയാകും. [QE][QS]എന്റെ തെരഞ്ഞെടുക്കപ്പെട്ടവർ ദീർഘകാലം [QE][QS2]തങ്ങളുടെ പ്രയത്നഫലം അനുഭവിക്കും. [QE]
23. [QS]അവർ വ്യർഥമായി അധ്വാനിക്കുകയോ [QE][QS2]ആപത്തിനായി പ്രസവിക്കുകയോ ചെയ്യുകയില്ല; [QE][QS]കാരണം അവരും അവരുടെ സന്തതികളും [QE][QS2]യഹോവയാൽ അനുഗ്രഹിക്കപ്പെടുന്നവരുടെ പിൻഗാമികളാണ്. [QE]
24. [QS]അവർ വിളിക്കുന്നതിനുമുമ്പേ ഞാൻ ഉത്തരമരുളും; [QE][QS2]അവർ സംസാരിച്ചുകൊണ്ടിരിക്കെത്തന്നെ ഞാൻ അതു കേൾക്കും. [QE]
25. [QS]ചെന്നായും കുഞ്ഞാടും ഒരുമിച്ചു മേയും [QE][QS2]സിംഹം കാളയെപ്പോലെ പുല്ലുതിന്നും [QE][QS2]പൊടി സർപ്പത്തിന് ആഹാരമാകും. [QE][QS]എന്റെ വിശുദ്ധപർവതത്തിൽ എല്ലായിടത്തും [QE][QS2]ഉപദ്രവമോ നാശമോ ഉണ്ടാകുകയില്ല,” [QE][QS4]എന്ന് യഹോവ അരുളിച്ചെയ്യുന്നു. [QE]