1. {#1ദുഷ്ടരാജാക്കന്മാർക്കുള്ള ശിക്ഷ } [PS]യഹോവ ഇപ്രകാരം അരുളിച്ചെയ്യുന്നു: “നീ യെഹൂദാരാജാവിന്റെ കൊട്ടാരത്തിൽചെന്ന് ഈ വചനം വിളംബരംചെയ്യുക:
2. ‘ദാവീദിന്റെ സിംഹാസനത്തിൽ ഉപവിഷ്ടനായിരിക്കുന്ന യെഹൂദാരാജാവേ, ഈ കവാടങ്ങളിലൂടെ പ്രവേശിക്കുന്ന നീയും നിന്റെ ഉദ്യോഗസ്ഥരും നിന്റെ ജനവും യഹോവയുടെ വചനം കേൾക്കുക.
3. യഹോവ ഇപ്രകാരം അരുളിച്ചെയ്യുന്നു: നിങ്ങൾ നീതിയും ന്യായവും പ്രവർത്തിക്കുക. പീഡകരുടെ കൈയിൽനിന്ന് കൊള്ളചെയ്യപ്പെട്ടവരെ വിടുവിക്കുക. വിദേശികളോടും അനാഥരോടും വിധവകളോടും തിന്മയും അക്രമവും ചെയ്യരുത്; ഈ സ്ഥലത്ത് നിഷ്കളങ്കരക്തം ചൊരിയുകയുമരുത്.
4. നിങ്ങൾ ഗൗരവത്തോടെ ഈ കൽപ്പനകൾ പാലിക്കുമെങ്കിൽ, ദാവീദിന്റെ സിംഹാസനത്തിൽ ഇരിക്കുന്നവരും രഥങ്ങളിലും കുതിരകളിലും സഞ്ചരിക്കുന്നവരുമായ രാജാക്കന്മാരും അവരുടെ ഉദ്യോഗസ്ഥരും പ്രജകളും ഈ കൊട്ടാരത്തിന്റെ കവാടങ്ങളിൽക്കൂടി കടക്കും.
5. എന്നാൽ നിങ്ങൾ ഈ കൽപ്പനകൾ പാലിക്കാത്തപക്ഷം ഈ കൊട്ടാരം ശൂന്യമായിത്തീരുമെന്ന് ഞാൻ എന്നെക്കൊണ്ടുതന്നെ ശപഥംചെയ്യുന്നു, എന്ന് യഹോവയുടെ അരുളപ്പാട്.’ ” [PE]
6. [PS]യെഹൂദാരാജാവിന്റെ അരമനയെപ്പറ്റി യഹോവ ഇപ്രകാരം അരുളിച്ചെയ്യുന്നു: [PE][QS]“നീ എനിക്കു ഗിലെയാദിനെപ്പോലെയും [QE][QS2]ലെബാനോൻ ഗിരിശൃംഗംപോലെയും ആകുന്നു. [QE][QS]എന്നാൽ നിശ്ചയമായും ഞാൻ നിന്നെ മരുഭൂമിയെപ്പോലെയും [QE][QS2]നിവാസികളില്ലാത്ത പട്ടണംപോലെയും ആക്കിത്തീർക്കും. [QE]
7. [QS]ഞാൻ നിനക്കെതിരായി അവരവരുടെ ആയുധം ധരിച്ച, [QE][QS2]വിനാശകന്മാരെ അയയ്ക്കും. [QE][QS]അവർ നിന്റെ അതിവിശിഷ്ടമായ ദേവദാരുത്തുലാങ്ങളെ [QE][QS2]വെട്ടി തീയിലേക്ക് എറിഞ്ഞുകളയും. [QE]
8. [PS]“അനേകം രാഷ്ട്രങ്ങളിൽനിന്നുള്ളവർ ഈ നഗരത്തിനു സമീപത്തുകൂടി കടന്നുപോകുമ്പോൾ, ‘യഹോവ ഈ മഹാനഗരത്തോട് ഇപ്രകാരം ചെയ്തതെന്തുകൊണ്ട്?’ എന്നു പരസ്പരം ചോദിക്കും.
9. ‘അവർ തങ്ങളുടെ ദൈവമായ യഹോവയോടുള്ള ഉടമ്പടി ലംഘിച്ച് അന്യദേവതകളെ ആരാധിക്കുകയും സേവിക്കുകയും ചെയ്യുകയാൽത്തന്നെ,’ എന്ന് ഉത്തരം പറയും.” [PE]
10. [QS]മരിച്ച രാജാവിനെക്കുറിച്ചു കരയുകയോ അദ്ദേഹത്തിനുവേണ്ടി വിലപിക്കുകയോ വേണ്ട; [QE][QS2]എന്നാൽ, അടിമയായി പോകുന്നവനെക്കുറിച്ചു വിലപിക്കുക, [QE][QS]കാരണം അവൻ ഒരിക്കലും മടങ്ങിവരികയോ [QE][QS2]സ്വദേശം കാണുകയോ ഇല്ല. [QE]
11. [MS] തന്റെ പിതാവായ യോശിയാവിന്റെ അനന്തരാവകാശിയായ രാജാവായിത്തീർന്നിട്ട് ഈ നഗരം വിട്ടുപോയ യെഹൂദാരാജാവും യോശിയാവിന്റെ മകനുമായ ശല്ലൂമിനെക്കുറിച്ച്[* യഹോവാഹാസ് എന്നും അറിയപ്പെട്ടിരുന്നു. ] യഹോവ ഇപ്രകാരം അരുളിച്ചെയ്യുന്നു: “അവൻ ഒരിക്കലും ഇവിടേക്കു മടങ്ങിവരികയില്ല.
12. അവർ അവനെ ബന്ദിയാക്കിക്കൊണ്ടുപോയ ആ സ്ഥലത്തുവെച്ചുതന്നെ മരിക്കും; ഈ ദേശം അവൻ ഇനി കാണുകയില്ല.” [ME]
13. [QS]“അനീതികൊണ്ടു തന്റെ കൊട്ടാരവും [QE][QS2]അന്യായംകൊണ്ടു തന്റെ മാളികകളും പണിത്, [QE][QS]തന്റെ ജനത്തെക്കൊണ്ടു കൂലികൂടാതെ വേലചെയ്യിച്ച് [QE][QS2]അവർക്കു പ്രതിഫലം നൽകാതിരിക്കുകയും, ചെയ്യുന്നവന് ഹാ കഷ്ടം. [QE]
14. [QS]‘എനിക്കുവേണ്ടി വിശാലമായ മാളികകളുള്ള [QE][QS2]അതിഗംഭീരമായ ഒരു കൊട്ടാരം ഞാൻ നിർമിക്കും,’ എന്നും അവൻ പറയുന്നു. [QE][QS]അങ്ങനെ അവൻ ജനാലകൾ വിസ്താരത്തിൽ ഉണ്ടാക്കുന്നു, [QE][QS2]ദേവദാരുകൊണ്ട് അതിനു തട്ടിടുകയും [QE][QS2]ചെമപ്പുനിറംകൊണ്ടു മോടി വരുത്തുകയുംചെയ്യുന്നു. [QE][PBR]
15. [QS]“ദേവദാരുവിന്റെ എണ്ണംകൊണ്ട് കേമത്തം കാണിച്ചാൽ [QE][QS2]നീ രാജാവായിത്തീരുമോ? [QE][QS]നിന്റെ പിതാവ് ഭക്ഷിക്കുകയും പാനംചെയ്യുകയും ചെയ്തിരുന്നില്ലേ? [QE][QS2]അദ്ദേഹം നീതിയും ന്യായവും പ്രവർത്തിച്ചിരുന്നു, [QE][QS2]അതിനാൽ അദ്ദേഹത്തിനു സകലതും നന്മയായിത്തീർന്നു. [QE]
16. [QS]അദ്ദേഹം ദരിദ്രർക്കും അഗതികൾക്കും ന്യായം പാലിച്ചുകൊടുത്തു, [QE][QS2]അതിനാൽ സകലതും നന്മയ്ക്കായിത്തീർന്നു. [QE][QS]എന്നെ അറിയുക എന്നതിന്റെ അർഥം അതല്ലേ?” [QE][QS2]എന്ന് യഹോവയുടെ അരുളപ്പാട്. [QE]
17. [QS]“എന്നാൽ നിന്റെ കണ്ണുകളും നിന്റെ ഹൃദയവും [QE][QS2]സത്യസന്ധമല്ലാത്ത ലാഭത്തിനുമാത്രമായി ക്രമീകരിച്ചിരിക്കുന്നു, [QE][QS]കുറ്റമില്ലാത്ത രക്തം ചൊരിയുന്നതിനും [QE][QS2]പീഡനവും പിടിച്ചുപറിയും നടത്തുന്നതിനുംതന്നെ.” [QE]
18. [MS] അതുകൊണ്ട് യെഹൂദാരാജാവും യോശിയാവിന്റെ മകനുമായ യെഹോയാക്കീമിനെക്കുറിച്ച് യഹോവ ഇപ്രകാരം അരുളിച്ചെയ്യുന്നു: [ME][QS]“ ‘അയ്യോ! എന്റെ സഹോദരാ! അയ്യോ എന്റെ സഹോദരീ!’ [QE][QS2]എന്ന് അവനെക്കുറിച്ച് അവർ വിലപിക്കുകയില്ല. [QE][QS]‘അയ്യോ! എന്റെ യജമാനനേ! രാജതിരുമനസ്സേ!’ [QE][QS2]എന്നും അവർ വിലപിക്കുകയില്ല. [QE]
19. [QS]ജെറുശലേമിന്റെ കവാടങ്ങൾക്കു വെളിയിലേക്ക് [QE][QS2]ഒരു കഴുതയെ വലിച്ചെറിഞ്ഞ് [QE][QS2]കുഴിച്ചിടുന്നതുപോലെ അവനെ കുഴിച്ചിടും.” [QE][PBR]
20. [QS]“ലെബാനോനിലേക്കു കയറിച്ചെന്നു വിലപിക്കുക, [QE][QS2]ബാശാനിൽ നിന്റെ ശബ്ദം ഉയരട്ടെ, [QE][QS]അബാരീമിൽനിന്നു നിലവിളിക്കുക, [QE][QS2]കാരണം നിന്റെ എല്ലാ സ്നേഹിതരെയും കീഴ്പ്പെടുത്തിയിരിക്കുന്നു. [QE]
21. [QS]നിന്റെ ഐശ്വര്യകാലത്തു ഞാൻ നിന്നോട് സംസാരിച്ചു, [QE][QS2]എന്നാൽ ‘ഞാൻ കേൾക്കുകയില്ല!’ എന്നു നീ മറുപടി പറഞ്ഞു. [QE][QS]എന്നെ അനുസരിക്കാതിരിക്കുക എന്നതുതന്നെയായിരുന്നു [QE][QS2]യൗവനംമുതലേ നിനക്കുണ്ടായിരുന്ന ശീലം. [QE]
22. [QS]നിന്റെ ഇടയന്മാരെയെല്ലാം കാറ്റു പറപ്പിച്ചുകളയും, [QE][QS2]നിന്റെ സ്നേഹിതർ എല്ലാവരും പ്രവാസത്തിലേക്കു പോകും. [QE][QS]അപ്പോൾ നിന്റെ സകലദുഷ്ടതയുംനിമിത്തം [QE][QS2]നീ ലജ്ജിതനും അപമാനിതനുമായിത്തീരും. [QE]
23. [QS]ദേവദാരുക്കളിൽ കൂടുവെച്ച് [QE][QS2]‘ലെബാനോനിൽ,[† അതായത്, ജെറുശലേമിൽ; 1 രാജാ. 7:2 കാണുക. ]’ വസിക്കുന്നവളേ, [QE][QS]പ്രസവവേദന ബാധിച്ചവളെപ്പോലെ [QE][QS2]വ്യസനം നിന്നെ പിടികൂടുമ്പോൾ നീ എത്ര ഞരങ്ങും! [QE]
24. [PS]“ജീവനുള്ള ഞാൻ ശപഥംചെയ്യുന്നു, യെഹൂദാരാജാവായ യെഹോയാക്കീമിന്റെ മകനായ യെഹോയാഖീന്[‡ മൂ.ഭാ. കൊന്യാവ്, യെഹോയാഖീൻ എന്നതിന്റെ മറ്റൊരുരൂപം. വാ. 28 കാണുക. ] എന്റെ വലങ്കൈയിലെ ഒരു മുദ്രമോതിരമായിരുന്നാലും ഞാൻ നിന്നെ ഊരി എറിഞ്ഞുകളയും,” എന്ന് യഹോവയുടെ അരുളപ്പാട്.
25. “ഞാൻ നിന്നെ നിനക്കു ജീവഹാനി വരുത്താൻ ആഗ്രഹിക്കുന്നവരുടെ കൈയിലും, നീ ഭയപ്പെടുന്ന ബാബേൽരാജാവായ നെബൂഖദ്നേസരിന്റെ കൈയിലും ബാബേല്യരുടെ[§ അഥവാ, കൽദയരുടെ ] കൈയിലും ഏൽപ്പിച്ചുകളയും.
26. ഞാൻ നിന്നെയും നിന്നെ പ്രസവിച്ച മാതാവിനെയും നിങ്ങൾ ജനിച്ചതല്ലാത്ത മറ്റൊരു ദേശത്തേക്ക് എറിഞ്ഞുകളയും; അവിടെവെച്ചു നിങ്ങൾ രണ്ടുപേരും മരിക്കും.
27. മടങ്ങിവരാൻ ആഗ്രഹിക്കുന്ന ദേശത്തേക്ക് നിങ്ങൾ മടങ്ങിവരികയില്ല.” [PE]
28. [QS]യെഹോയാക്കീൻ എന്ന ഈ മനുഷ്യൻ നിന്ദയോടെ ഉടയ്ക്കപ്പെട്ട ഒരു മൺപാത്രമോ? [QE][QS2]അതോ, ആർക്കും വേണ്ടാത്ത ഒരു പാത്രമോ? [QE][QS]അവനെയും അവന്റെ സന്തതികളെയും അവർ അറിഞ്ഞിട്ടില്ലാത്ത [QE][QS2]ഒരു ദേശത്തേക്ക് എറിഞ്ഞുകളയാൻ എന്താണു കാരണം? [QE]
29. [QS]ദേശമേ, ദേശമേ, ദേശമേ, [QE][QS2]യഹോവയുടെ വചനം കേൾക്കുക! [QE]
30. [QS]യഹോവ ഇപ്രകാരം അരുളിച്ചെയ്യുന്നു: [QE][QS]“ഈ മനുഷ്യനെ മക്കളില്ലാത്ത ഒരുവനെന്നും [QE][QS2]ജീവിതകാലത്തൊരിക്കലും ശുഭം വരാത്തവനെന്നും എഴുതുവിൻ, [QE][QS]കാരണം അവന്റെ സന്തതിയിൽ ഒരുവനും [QE][QS2]ഇനി ദാവീദിന്റെ സിംഹാസനത്തിൽ ഇരിക്കുകയോ [QE][QS2]യെഹൂദ്യയിൽ വാഴാൻ തക്കവണ്ണം ഐശ്വര്യം പ്രാപിക്കുകയോ ഇല്ല.” [QE]