1. {#1ഈജിപ്റ്റിനെക്കുറിച്ചുള്ള ഒരു സന്ദേശം } [PS]രാഷ്ട്രങ്ങളെക്കുറിച്ച് യിരെമ്യാപ്രവാചകനുണ്ടായ യഹോവയുടെ അരുളപ്പാട് ഇവയാണ്: [PE][PBR]
2.
3. [PS]ഈജിപ്റ്റിനെക്കുറിച്ചുള്ളത്: [PE][PBR] [PS]യെഹൂദാരാജാവായ യോശിയാവിന്റെ മകനായ യെഹോയാക്കീമിന്റെ നാലാമാണ്ടിൽ യൂഫ്രട്ടീസ് നദീതീരത്തുള്ള കർക്കെമീശിൽവെച്ച് ബാബേൽരാജാവായ നെബൂഖദ്നേസരിനാൽ തോൽപ്പിക്കപ്പെട്ടതും ഈജിപ്റ്റുരാജാവായ ഫറവോൻ നെഖോവിന്റേതുമായ സൈന്യത്തിനെതിരേയുള്ള അരുളപ്പാടുതന്നെ: [PE][QS]“പരിചയും കവചവും ഒരുക്കിക്കൊണ്ടു [QE][QS2]യുദ്ധത്തിന് അണിനിരക്കുക! [QE]
4. [QS]ആൺകുതിരകളെ യുദ്ധസജ്ജമാക്കുക, [QE][QS2]അതിന്മേൽ ആരൂഢരാകുക! [QE][QS]ശിരോകവചമണിഞ്ഞ് [QE][QS2]അണിനിരക്കുക! [QE][QS]കുന്തങ്ങൾ മിനുക്കി [QE][QS2]കവചം ധരിക്കുക! [QE]
5. [QS]ഞാൻ എന്താണ് കാണുന്നത്? [QE][QS2]അവർ ഭയന്നുവിറച്ചിരിക്കുന്നു, [QE][QS]അവരുടെ ധീരരായ സൈനികർ [QE][QS2]തോറ്റു പിൻവാങ്ങുന്നു. [QE][QS]അവർ തിരിഞ്ഞുനോക്കാതെ [QE][QS2]പലായനംചെയ്യുന്നു. [QE][QS2]സർവത്ര ഭീതി,” [QE][QS4]എന്ന് യഹോവയുടെ അരുളപ്പാട്. [QE]
6. [QS]“ഏറ്റവും വേഗമുള്ളവർക്കു പലായനംചെയ്യുന്നതിനോ [QE][QS2]ശക്തരായവർക്കു രക്ഷപ്പെടുന്നതിനോ കഴിയുന്നില്ല. [QE][QS]വടക്ക് യൂഫ്രട്ടീസ് നദീതീരത്ത് [QE][QS2]അവർ കാലിടറി നിലംപൊത്തുന്നു. [QE][PBR]
7. [QS]“നൈൽനദിപോലെ പൊങ്ങുകയും [QE][QS2]അലറിപ്പായുന്ന നദിപോലെ മുന്നേറുകയും ചെയ്യുന്ന ഇവനാര്? [QE]
8. [QS]ഈജിപ്റ്റ് നൈൽനദിപോലെ പൊങ്ങുന്നു, [QE][QS2]കുതിച്ചുയരുന്ന വെള്ളമുള്ള നദികൾപോലെതന്നെ. [QE][QS]അവൾ പറയുന്നു, ‘ഞാൻ പൊങ്ങിച്ചെന്ന് ഭൂമിയെ മൂടും; [QE][QS2]നഗരങ്ങളെയും അതിലെ ജനത്തെയും ഞാൻ നശിപ്പിക്കും.’ [QE]
9. [QS]കുതിരകളേ, കുതിക്കുക! [QE][QS2]രഥങ്ങളേ, ഇരച്ചുകയറുക! [QE][QS]യോദ്ധാക്കളേ, അണിയണിയായി മുന്നേറുക—പരിചയേന്തുന്ന കൂശ്യരും പൂത്യരും [QE][QS2]വില്ലുകുലയ്ക്കുന്ന ലൂദ്യാ പുരുഷന്മാരുംതന്നെ. [QE]
10. [QS]എന്നാൽ ആ ദിവസം സൈന്യങ്ങളുടെ യഹോവയായ കർത്താവിന്റേതാകുന്നു— [QE][QS2]ഒരു പ്രതികാരദിവസം തന്റെ ശത്രുക്കളോടു പ്രതികാരംചെയ്യുന്ന ദിവസംതന്നെ. [QE][QS]വാൾ തൃപ്തിയാകുവോളം ആഹരിക്കും [QE][QS2]ദാഹശമനം വരുംവരെ രക്തം കുടിക്കും. [QE][QS]ഈ നരസംഹാരം വടക്കേ ദേശത്തിൽ യൂഫ്രട്ടീസ് നദീതീരത്ത് [QE][QS2]സൈന്യങ്ങളുടെ യഹോവയായ കർത്താവിനുള്ള ഒരു യാഗം അർപ്പണമാണല്ലോ. [QE][PBR]
11. [QS]“കന്യകയായ ഈജിപ്റ്റിൻ പുത്രീ, [QE][QS2]ഗിലെയാദിൽ ചെന്നു തൈലം വാങ്ങുക. [QE][QS]എന്നാൽ നീ വ്യർഥമായി ഔഷധങ്ങൾ വർധിപ്പിക്കുന്നു; [QE][QS2]നിനക്കു രോഗശാന്തി ഉണ്ടാകുകയില്ല. [QE]
12. [QS]രാഷ്ട്രങ്ങൾ നിന്റെ ലജ്ജയെക്കുറിച്ചു കേൾക്കും; [QE][QS2]നിന്റെ നിലവിളിയാൽ ഭൂമി നിറയും. [QE][QS]ഒരു യോദ്ധാവ് മറ്റൊരു യോദ്ധാവിങ്കൽ ഇടറിവീഴും; [QE][QS2]ഇരുവരും ഒന്നിച്ചു വീണുപോകും.” [QE]
13.
14. [PS]ബാബേൽരാജാവായ നെബൂഖദ്നേസർ ഈജിപ്റ്റിനെ ആക്രമിക്കാൻ വരുന്നതിനെക്കുറിച്ച് യിരെമ്യാപ്രവാചകനോടു യഹോവ കൽപ്പിച്ച അരുളപ്പാട് ഇതാണ്: [PE][QS]“ഈജിപ്റ്റിൽ ഇതു പ്രസ്താവിക്കുക, മിഗ്ദോലിൽ ഇതു വിളംബരംചെയ്യുക; [QE][QS2]നോഫിലും തഹ്പനേസിലും ഇതു പ്രസിദ്ധമാക്കുക: [QE][QS]‘വാൾ നിങ്ങൾക്കു ചുറ്റുമുള്ളവരെ വിഴുങ്ങിക്കളഞ്ഞിരിക്കുകയാൽ [QE][QS2]അണിനിരന്ന് ഒരുങ്ങിനിൽക്കുക.’ [QE]
15. [QS]നിന്റെ യോദ്ധാക്കൾ മുഖംപൊത്തി വീഴുന്നത് എന്തുകൊണ്ട്? [QE][QS2]യഹോവ അവരെ തള്ളിയിട്ടതുകൊണ്ട് അവർക്കു നിൽക്കാൻ കഴിയുന്നില്ല. [QE]
16. [QS]അവർ വീണ്ടും വീണ്ടും ഇടറിവീഴും; [QE][QS2]ഒരാൾ മറ്റൊരാളിന്റെമേൽ വീഴും. [QE][QS]അപ്പോൾ അവർ, ‘എഴുന്നേൽക്കുക, നമുക്കു മടങ്ങിപ്പോകാം [QE][QS2]പീഡിപ്പിക്കുന്നവന്റെ വാളിൽനിന്നൊഴിഞ്ഞ് [QE][QS2]നമ്മുടെ ജനത്തിന്റെ അടുക്കലേക്കും സ്വന്തം ദേശത്തേക്കും പോകാം,’ എന്നു പറയും. [QE]
17. [QS]അവിടെവെച്ച് അവർ വിളിച്ചുപറഞ്ഞു: [QE][QS2]‘ഈജിപ്റ്റുരാജാവായ ഫറവോൻ ഒരു ബഹളക്കാരൻമാത്രം; [QE][QS2]അദ്ദേഹം തന്റെ അവസരം നഷ്ടപ്പെടുത്തിക്കളഞ്ഞു.’ [QE][PBR]
18. [QS]“ജീവനുള്ള ഞാൻ ശപഥംചെയ്യുന്നു, [QE][QS2]പർവതങ്ങളുടെ ഇടയിൽ താബോർപോലെയും [QE][QS]സമുദ്രതീരത്തെ കർമേൽപോലെയും ഒരുവൻ വരും,” [QE][QS2]എന്ന് സൈന്യങ്ങളുടെ യഹോവ എന്നു പേരുള്ള രാജാവ് പ്രഖ്യാപിക്കുന്നു. [QE]
19. [QS]“ഈജിപ്റ്റിൽ വസിക്കുന്ന പുത്രീ, [QE][QS2]പ്രവാസത്തിലേക്കു പോകാൻ ഭാണ്ഡം മുറുക്കുക, [QE][QS]കാരണം നോഫ് ശൂന്യമാക്കപ്പെടുകയും [QE][QS2]നിവാസികളില്ലാതെ തകർന്നടിയുകയും ചെയ്യും. [QE][PBR]
20. [QS]“ഈജിപ്റ്റ് അഴകുള്ള ഒരു പശുക്കിടാവാകുന്നു, [QE][QS2]എന്നാൽ ചോര കുടിക്കുന്ന ഒരു ഈച്ച [QE][QS2]വടക്കുനിന്നു പറന്നുവന്ന് അതിന്റെമേൽ ഇരിക്കും. [QE]
21. [QS]അവളുടെ മധ്യേയുള്ള കൂലിപ്പട്ടാളക്കാർ [QE][QS2]തടിപ്പിച്ച കാളക്കിടാങ്ങളെപ്പോലെ. [QE][QS]അവരും ഒന്നുചേർന്നു പിന്തിരിഞ്ഞ് ഓടിപ്പോകും; [QE][QS2]അവരുടെ ശിക്ഷാസമയമായ [QE][QS]നാശദിവസം വരുന്നതുമൂലം [QE][QS2]അവർ ഉറച്ചുനിൽക്കുകയില്ല. [QE]
22. [QS]ശത്രു ശക്തിയോടെ മുന്നേറുമ്പോൾ; [QE][QS2]മരംവെട്ടുകാരെപ്പോലെ [QE][QS]മഴുവുമായി അവർ അവൾക്കെതിരേ വന്നടുക്കും. [QE][QS2]അപ്പോൾ ഈജിപ്റ്റ് ഓടിപ്പോകുന്ന പാമ്പിനെപ്പോലെ ചീറ്റും. [QE]
23. [QS]അവളുടെ വനം അവർ വെട്ടിനശിപ്പിക്കും; [QE][QS2]അത് എത്ര നിബിഡമായിരുന്നാലും,” [QE][QS4]എന്ന് യഹോവ അരുളിച്ചെയ്യുന്നു, [QE][QS]“അവർ വെട്ടുക്കിളികളെക്കാൾ അസംഖ്യം [QE][QS2]അവരെ എണ്ണി തിട്ടപ്പെടുത്താൻ കഴിയില്ല. [QE]
24. [QS]ഈജിപ്റ്റുപുത്രി ലജ്ജിതയായിത്തീരും, [QE][QS2]ഉത്തരദേശത്തെ ജനങ്ങളുടെ കൈയിൽ അവൾ ഏൽപ്പിക്കപ്പെടും.” [QE]
25. [PS]ഇസ്രായേലിന്റെ ദൈവമായ സൈന്യങ്ങളുടെ യഹോവ അരുളിച്ചെയ്യുന്നു: “ഇതാ, ഞാൻ നോവിലെ ആമോനെയും ഫറവോനെയും ഈജിപ്റ്റിനെയും അവളുടെ ദേവതകളോടും രാജാക്കന്മാരോടുംകൂടെ ശിക്ഷിക്കും; ഫറവോനെയും അവനിൽ ആശ്രയിക്കുന്ന എല്ലാവരെയുംതന്നെ.
26. അവർക്കു ജീവഹാനി വരുത്താൻ ആഗ്രഹിക്കുന്നവരുടെ കൈയിലും ബാബേൽരാജാവായ നെബൂഖദ്നേസരിന്റെ കൈയിലും അവന്റെ ദാസന്മാരുടെ കൈയിലും ഞാൻ അവരെ ഏൽപ്പിക്കും. അതിനുശേഷം പൂർവകാലത്തെന്നപോലെ അവിടെ നിവാസികൾ ഉണ്ടാകും,” എന്ന് യഹോവയുടെ അരുളപ്പാട്. [PE]
27. [QS]“എന്റെ ദാസനായ യാക്കോബേ, നീ ഭയപ്പെടേണ്ട; [QE][QS2]ഇസ്രായേലേ, നീ പരിഭ്രമിക്കേണ്ടാ. [QE][QS]ഞാൻ നിങ്ങളെ ദൂരത്തുനിന്നു രക്ഷിക്കും; [QE][QS2]നിങ്ങളുടെ സന്തതികളെ അവർ പ്രവാസത്തിലിരിക്കുന്ന രാജ്യത്തുനിന്നും. [QE][QS]യാക്കോബ് മടങ്ങിവന്നു ശാന്തമായും സുരക്ഷിതമായും ജീവിക്കും, [QE][QS2]ആരും അവരെ ഭയപ്പെടുത്തുകയില്ല. [QE]
28. [QS]എന്റെ ദാസനായ യാക്കോബേ, നീ ഭയപ്പെടരുത്, [QE][QS2]കാരണം ഞാൻ നിന്നോടുകൂടെയുണ്ട്,” [QE][QS2]എന്ന് യഹോവയുടെ അരുളപ്പാട്. [QE][QS]“ഞാൻ നിങ്ങളെ ചിതറിച്ചുകളഞ്ഞ സകലരാജ്യങ്ങളെയും [QE][QS2]പൂർണമായും നശിപ്പിച്ചുകളയുമെങ്കിലും [QE][QS2]നിന്നെ ഞാൻ നിശ്ശേഷം നശിപ്പിക്കുകയില്ല. [QE][QS]ഞാൻ നിന്നെ ശിക്ഷിക്കും, ന്യായമായിമാത്രം; [QE][QS2]ഞാൻ നിന്നെ തീരെ ശിക്ഷിക്കാതെ വിടുകയില്ലതാനും.” [QE]