1. {#1ഇയ്യോബ് }
2. [PS]അപ്പോൾ ഇയ്യോബ് ഉത്തരം പറഞ്ഞു: [PE][QS]“നിങ്ങൾമാത്രമാണ് ജ്ഞാനികൾ; [QE][QS2]നിങ്ങളോടൊപ്പംതന്നെ ജ്ഞാനവും മരിക്കും. [QE]
3. [QS]എന്നാൽ നിങ്ങളെപ്പോലെതന്നെ എനിക്കും ബുദ്ധിയുണ്ട്; [QE][QS2]ഞാൻ നിങ്ങളെക്കാൾ ഒട്ടും മോശവുമല്ല. [QE][QS2]ഈ കാര്യങ്ങൾ ആർക്കാണ് അറിഞ്ഞുകൂടാത്തത്? [QE][PBR]
4. [QS]“ഞാൻ ദൈവത്തെ വിളിച്ചു, അവിടന്ന് ഉത്തരമരുളുകയും ചെയ്തു, [QE][QS2]എന്നാൽ ഞാൻ എന്റെ സ്നേഹിതന്മാർക്ക് ഒരു പരിഹാസപാത്രമാണ്; [QE][QS2]നീതിനിഷ്ഠനും നിഷ്കളങ്കനുമെങ്കിലും ഒരു പരിഹാസവിഷയംതന്നെ! [QE]
5. [QS]സുഖലോലുപൻ ആപത്തു വെറുക്കുന്നു; [QE][QS2]കാലിടറുന്നവരെയാണ് വിനാശം കാത്തിരിക്കുന്നത്. [QE]
6. [QS]കവർച്ചക്കാരുടെ കൂടാരങ്ങൾ സ്വസ്ഥമായിരിക്കുന്നു, [QE][QS2]ദൈവത്തെ പ്രകോപിപ്പിക്കുന്നവർ സുരക്ഷിതരായും ഇരിക്കുന്നു— [QE][QS2]അവരുടെ കരങ്ങളിലാണ് ദൈവം എന്ന് അവർ ചിന്തിക്കുന്നു! [QE][PBR]
7. [QS]“എന്നാൽ മൃഗങ്ങളോടു ചോദിക്കുക, അവ നിന്നെ പഠിപ്പിക്കും [QE][QS2]അല്ലെങ്കിൽ ആകാശത്തിലെ പക്ഷികളോടു ചോദിക്കുക, അവ നിന്നോടു സംസാരിക്കും; [QE]
8. [QS]നീ ഭൂമിയോടു സംസാരിക്കുക, അതു നിനക്ക് ആലോചന പറഞ്ഞുതരും [QE][QS2]അതുമല്ലെങ്കിൽ സമുദ്രത്തിലെ മത്സ്യങ്ങൾ നിനക്ക് അറിവു തരട്ടെ. [QE]
9. [QS]യഹോവയുടെ കൈ ഇതു ചെയ്തുവെന്ന് [QE][QS2]ഇവയിൽ ഏതിനാണ് അറിവില്ലാത്തത്? [QE]
10. [QS]എല്ലാ ജീവജാലങ്ങളുടെയും ജീവൻ നിലനിൽക്കുന്നത് അവിടത്തെ കരങ്ങളിൽ ആണല്ലോ, [QE][QS2]സകലമനുഷ്യരുടെയും ശ്വാസം നിയന്ത്രിക്കുന്നതും അവിടന്നാണ്. [QE]
11. [QS]നാവ് ഭക്ഷണത്തിന്റെ രുചിഭേദങ്ങൾ തിരിച്ചറിയുന്നതുപോലെ, [QE][QS2]ചെവി വാക്കുകൾ വിവേചിക്കുന്നില്ലേ? [QE]
12. [QS]വയോധികരിൽ ജ്ഞാനം കാണാതിരിക്കുമോ? [QE][QS2]ആയുർദൈർഘ്യത്തോടൊപ്പം വിവേകം ആർജിക്കാതിരിക്കുമോ? [QE][PBR]
13. [QS]“ജ്ഞാനവും ശക്തിയും ദൈവത്തിനുള്ളത്; [QE][QS2]ആലോചനയും വിവേകവും അവിടത്തേക്കുള്ളത്. [QE]
14. [QS]അവിടന്ന് തകർക്കുന്നതിനെ പുനരുദ്ധരിക്കാൻ സാധ്യമല്ല; [QE][QS2]അവിടന്ന് തടവിലാക്കുന്നവരെ മോചിപ്പിക്കുക അസാധ്യം. [QE]
15. [QS]അവിടന്നു മഴ മുടക്കിയാൽ, വരൾച്ചയുണ്ടാകുന്നു; [QE][QS2]അവിടന്ന് അതിനെ തുറന്നുവിട്ടാൽ അതു ഭൂമിയെ മുക്കിക്കളയുന്നു. [QE]
16. [QS]ശക്തിയും ജ്ഞാനവും അവിടത്തേക്കുള്ളത്; [QE][QS2]വഞ്ചിതരും വഞ്ചകരും അവിടത്തേക്കുള്ളവർതന്നെ. [QE]
17. [QS]അവിടന്ന് ഭരണാധിപരെ നഗ്നരാക്കി കൊണ്ടുപോകുന്നു, [QE][QS2]ന്യായാധിപരെ വിഡ്ഢിവേഷംകെട്ടിക്കുന്നു. [QE]
18. [QS]രാജാക്കന്മാർ ബന്ധിച്ച വിലങ്ങുകൾ അവിടന്ന് അഴിക്കുന്നു; [QE][QS2]അവിടന്നു രാജാക്കന്മാരെ കൗപീനധാരികളാക്കുന്നു. [QE]
19. [QS]അവിടന്നു പുരോഹിതന്മാരെ കവർച്ചയായി കൊണ്ടുപോകുന്നു; [QE][QS2]നാളുകളായി അജയ്യരായിരുന്ന ഭരണാധിപരെ അവിടന്ന് അട്ടിമറിക്കുന്നു. [QE]
20. [QS]അവിടന്നു വിശ്വസ്ത ഉപദേശകരെ മൂകരാക്കുകയും [QE][QS2]വയോധികരുടെ വിവേകം എടുത്തുകളയുകയും ചെയ്യുന്നു. [QE]
21. [QS]അവിടന്നു പ്രഭുക്കന്മാരെ നിന്ദ്യരാക്കുന്നു; [QE][QS2]ബലശാലികളുടെ അരക്കച്ച അഴിച്ചുകളയുന്നു. [QE]
22. [QS]അവിടന്ന് അന്ധകാരത്തിന്റെ അഗാധത വെളിപ്പെടുത്തുന്നു; [QE][QS2]കൂരിരുട്ടിനെ പ്രകാശമായി മാറ്റുന്നു. [QE]
23. [QS]അവിടന്നു രാഷ്ട്രങ്ങളെ പണിതുയർത്തുകയും നശിപ്പിക്കുകയും ചെയ്യുന്നു; [QE][QS2]അവിടന്നു രാഷ്ട്രങ്ങളെ വിസ്തൃതമാക്കുകയും ചിതറിക്കുകയും ചെയ്യുന്നു. [QE]
24. [QS]അവിടന്നു ഭൂമിയിലെ നേതാക്കന്മാരുടെ വിവേകം ക്ഷയിപ്പിക്കുന്നു; [QE][QS2]വഴിയില്ലാത്ത ഊഷരഭൂമിയിൽ അവരെ ഉഴലുമാറാക്കുന്നു. [QE]
25. [QS]അവർ വെളിച്ചമില്ലാതെ ഇരുളിൽ തപ്പിത്തടയുന്നു; [QE][QS2]അവിടന്ന് അവരെ മദോന്മത്തരെപ്പോലെ ചാഞ്ചാടി നടക്കുമാറാക്കുന്നു. [QE][PBR]