1. [QS]“എന്റെ കണ്ണുകൾ ഇതെല്ലാം കണ്ടു; [QE][QS2]എന്റെ കാതുകൾ കേൾക്കുകയും ഗ്രഹിക്കുകയും ചെയ്തിരിക്കുന്നു. [QE]
2. [QS]നിങ്ങൾക്കറിയാവുന്നത് എനിക്കുമറിയാം; [QE][QS2]ഞാൻ നിങ്ങളെക്കാൾ കുറഞ്ഞവനുമല്ല. [QE]
3. [QS]എന്നാൽ ഞാൻ സർവശക്തനോടു സംസാരിക്കും; [QE][QS2]എന്റെ വാദം ദൈവസന്നിധാനത്തിൽ ഉന്നയിക്കുകയും ചെയ്യും, അതാണ് ഞാൻ ആഗ്രഹിക്കുന്നത്. [QE]
4. [QS]യോഗ്യതയില്ലാത്ത വൈദ്യന്മാരാണ് നിങ്ങളെല്ലാവരും; [QE][QS2]നിങ്ങൾ എന്നെ വ്യാജവാർത്തകൾകൊണ്ട് കളങ്കിതനാക്കുന്നു! [QE]
5. [QS]ഹാ! നിങ്ങൾ പൂർണമായും മൗനം അവലംബിച്ചിരുന്നെങ്കിൽ! [QE][QS2]അതു നിങ്ങൾക്കു ജ്ഞാനമായിരിക്കുമായിരുന്നു. [QE]
6. [QS]ഇപ്പോൾ എന്റെ വാദം കേൾക്കൂ; [QE][QS2]എന്റെ അധരങ്ങളിൽനിന്നുള്ള വ്യവഹാരം ശ്രദ്ധിക്കുക. [QE]
7. [QS]നിങ്ങൾ ദൈവത്തിനുവേണ്ടി അനീതി സംസാരിക്കുമോ? [QE][QS2]അവിടത്തേക്കുവേണ്ടി വ്യാജവാക്കുകൾ ഉച്ചരിക്കുമോ? [QE]
8. [QS]നിങ്ങൾ അവിടത്തോട് പക്ഷഭേദം കാണിക്കുമോ? [QE][QS2]ദൈവത്തിനുവേണ്ടി നിങ്ങൾ വ്യവഹാരം നടത്തുമോ? [QE]
9. [QS]അവിടന്നു നിങ്ങളെ പരീക്ഷിച്ചാൽ നിങ്ങൾ യോഗ്യരെന്നു തെളിയുമോ? [QE][QS2]അഥവാ, ഒരുത്തൻ മനുഷ്യനെ വഞ്ചിക്കുന്നതുപോലെ നിങ്ങൾക്കു ദൈവത്തെ വഞ്ചിക്കാൻ കഴിയുമോ? [QE]
10. [QS]നിങ്ങൾ ഗൂഢമായി മുഖപക്ഷം കാണിച്ചാൽ [QE][QS2]അവിടന്നു തീർച്ചയായും നിങ്ങളെ ശാസിക്കും. [QE]
11. [QS]അവിടത്തെ പ്രതാപം നിങ്ങളെ ഭയപ്പെടുത്തുന്നില്ലേ? [QE][QS2]അവിടത്തെക്കുറിച്ചുള്ള ഭീതി നിങ്ങളുടെമേൽ പതിക്കുന്നില്ലേ? [QE]
12. [QS]നിങ്ങളുടെ മഹദ്വചനങ്ങൾ നാശത്തിന്റെ പഴമൊഴികളത്രേ; [QE][QS2]നിങ്ങളുടെ പ്രതിരോധനിരകൾ കളിമൺകോട്ടകൾതന്നെ. [QE][PBR]
13. [QS]“മൗനമായിരിക്കുക, എന്നെ സംസാരിക്കാൻ അനുവദിക്കുക; [QE][QS2]പിന്നെ എനിക്കു വരുന്നതു വരട്ടെ. [QE]
14. [QS]എന്തിനു ഞാൻ എന്റെ ശരീരം അപകടത്തിലാക്കുകയും [QE][QS2]എന്റെ ജീവൻ പണയപ്പെടുത്തുകയും ചെയ്യണം? [QE]
15. [QS]അവിടന്ന് എന്നെ കൊന്നാലും ഞാൻ ദൈവത്തിൽ പ്രത്യാശവെക്കും; [QE][QS2]എന്റെ വഴികൾ ശരിയെന്നു തിരുസന്നിധിയിൽ ഞാൻ ബോധിപ്പിക്കും. [QE]
16. [QS]തീർച്ചയായും, ഇതുതന്നെയായിരിക്കും എന്റെ മോചനത്തിനുള്ള മാർഗം. [QE][QS2]അഭക്തർ അവിടത്തെ സന്നിധിയിൽ വരുന്നതിനു ധൈര്യപ്പെടുകയില്ല! [QE]
17. [QS]എന്റെ വാക്കുകൾ ശ്രദ്ധയോടെ കേൾക്കുക; [QE][QS2]എന്റെ പ്രസ്താവന നിങ്ങളുടെ ചെവികളിൽ മുഴങ്ങട്ടെ. [QE]
18. [QS]ഇപ്പോൾ ഞാൻ എന്റെ വ്യവഹാരം തയ്യാറാക്കിയിരിക്കുന്നു; [QE][QS2]ഞാൻ കുറ്റവിമുക്തനാക്കപ്പെടും എന്ന് എനിക്കുറപ്പുണ്ട്. [QE]
19. [QS]എനിക്കെതിരേ ആരോപണമുയർത്താൻ ആർക്കെങ്കിലും കഴിഞ്ഞാൽ? [QE][QS2]ഞാൻ നിശ്ശബ്ദനായിരുന്ന് മരണംവരിക്കും. [QE][PBR]
20. [QS]“ദൈവമേ, ഈ രണ്ടു കാര്യങ്ങൾമാത്രം എനിക്ക് അനുവദിച്ചുതരണമേ, [QE][QS2]അങ്ങനെയെങ്കിൽ ഞാൻ അങ്ങയിൽനിന്ന് ഒന്നും ഒളിക്കുകയില്ല: [QE]
21. [QS]അങ്ങയുടെ കരം എന്നിൽനിന്ന് ദൂരേക്ക് അകറ്റണമേ; [QE][QS2]അങ്ങയുടെ ഭീകരതകൊണ്ട് എന്നെ ഭ്രമിപ്പിക്കുകയും ചെയ്യരുതേ. [QE]
22. [QS]പിന്നീട്, അങ്ങ് എന്നെ വിളിക്കൂ, ഞാൻ ഉത്തരം പറയാം, [QE][QS2]അഥവാ, ഞാൻ സംസാരിക്കട്ടെ, അങ്ങ് ഉത്തരമരുളിയാലും. [QE]
23. [QS]ഞാൻ ചെയ്തുകൂട്ടിയ അതിക്രമങ്ങളും പാപങ്ങളും എത്രമാത്രം? [QE][QS2]എന്റെ ലംഘനവും എന്റെ പാപവും എന്നെ അറിയിക്കണമേ. [QE]
24. [QS]അങ്ങ് എനിക്കു തിരുമുഖം മറയ്ക്കുകയും [QE][QS2]എന്നെ ശത്രുവായി കണക്കാക്കുകയും ചെയ്യുന്നത് എന്തിന്? [QE]
25. [QS]കൊഴിഞ്ഞുവീഴുന്ന ഇലയെ അങ്ങു ദണ്ഡിപ്പിക്കുമോ? [QE][QS2]ഉണങ്ങിയ പതിരിനെ അങ്ങു പിൻതുടരുമോ? [QE]
26. [QS]അങ്ങ് എനിക്കെതിരേ കയ്‌പുള്ളത് രേഖപ്പെടുത്തുന്നു; [QE][QS2]എന്റെ യൗവനകാല പാപങ്ങളുടെ ഫലം എന്നെ അനുഭവിപ്പിക്കുന്നു. [QE]
27. [QS]അങ്ങ് എന്റെ കാൽ ആമത്തിലിടുന്നു; [QE][QS2]എന്റെ കാലടികളിൽ അടയാളംകുറിച്ച് [QE][QS2]എന്റെ വഴികളെല്ലാം സസൂക്ഷ്മം നിരീക്ഷിക്കുന്നു. [QE][PBR]
28. [QS]“ചീഞ്ഞഴുകുന്ന വസ്തുപോലെയും [QE][QS2]ചിതലരിച്ച വസ്ത്രംപോലെയും മനുഷ്യൻ ക്ഷയിക്കുന്നു. [QE][PBR]