1. [QS]“സ്ത്രീജാതനായ മനുഷ്യന്റെ ജീവിതകാലം [QE][QS2]നൈമിഷികവും ദുരിതപൂർണവും ആയിരിക്കും. [QE]
2. [QS]അവർ ഒരു പുഷ്പംപോലെ പൊട്ടിവിരിയുകയും വാടിക്കൊഴിയുകയും ചെയ്യുന്നു; [QE][QS2]ക്ഷണികമായ ഒരു നിഴൽപോലെ പെട്ടെന്നു മാഞ്ഞുമറയുന്നു. [QE]
3. [QS]അങ്ങനെയുള്ള ഒരു പ്രാണിയുടെമേലാണോ അങ്ങു ദൃഷ്ടി പതിപ്പിക്കുന്നത്? [QE][QS2]എന്നെയോ അങ്ങയുടെ സന്നിധിയിൽ ന്യായവിസ്താരത്തിലേക്കു നടത്തുന്നത്? [QE]
4. [QS]അശുദ്ധിയിൽനിന്ന് വിശുദ്ധിയെ നിർമിക്കാൻ ആർക്കു കഴിയും? [QE][QS2]ആർക്കും സാധ്യമല്ല! [QE]
5. [QS]ഒരു മനുഷ്യന്റെ നാളുകൾ നിർണയിക്കപ്പെട്ടിരിക്കുന്നു; [QE][QS2]അവന്റെ കാലചക്രം അങ്ങ് മാസക്കണക്കിൽ നിജപ്പെടുത്തിയിരിക്കുന്നു [QE][QS2]ലംഘിക്കാൻ നിർവാഹമില്ലാത്ത ഒരു പരിധി നിശ്ചയിച്ചുമിരിക്കുന്നു. [QE]
6. [QS]ഒരു തൊഴിലാളിയെപ്പോലെ തന്റെ നാളുകൾ തികയ്ക്കുംവരെ [QE][QS2]അങ്ങയുടെ കണ്ണുകൾ അയാളിൽനിന്നു മാറ്റണമേ, അയാളെ വെറുതേ വിടണമേ. [QE][PBR]
7. [QS]“ഒരു വൃക്ഷം വെട്ടിയിട്ടാൽ [QE][QS2]അതു വീണ്ടും മുളയ്ക്കുമെന്നു പ്രത്യാശയുണ്ട്; [QE][QS2]അതിലെ പൊട്ടിച്ചിനപ്പുകൾക്കു നാശം സംഭവിക്കുകയില്ല. [QE]
8. [QS]അതിന്റെ വേരുകൾ നിലത്തു പഴകിപ്പോയാലും [QE][QS2]അതിന്റെ കുറ്റി ഉണങ്ങിയ മണ്ണിൽ കെട്ടുപോയാലും [QE]
9. [QS]വെള്ളത്തിന്റെ ഗന്ധം കിട്ടിയാൽ അതു മുളയ്ക്കും; [QE][QS2]ഒരു ചെടിപോലെ ശാഖകൾ പുറപ്പെടുവിക്കും. [QE]
10. [QS]എന്നാൽ മനുഷ്യൻ മരിച്ചു നിലംപറ്റെ കിടക്കുന്നു; [QE][QS2]അന്ത്യശ്വാസം വലിച്ചുകഴിഞ്ഞാൽ പിന്നെ അവൻ എവിടെ? [QE]
11. [QS]സമുദ്രം ഉൾവലിയുന്നതുപോലെയും [QE][QS2]നദീതടം വറ്റിവരണ്ട് ഉണങ്ങുന്നതുപോലെയും, [QE]
12. [QS]മനുഷ്യൻ കിടന്നാൽ പിന്നെ എഴുന്നേൽക്കുന്നില്ല; [QE][QS2]ആകാശം ഇല്ലാതാകുംവരെ അവൻ ഉണരുകയോ [QE][QS2]ഉറക്കംവിട്ട് എഴുന്നേൽക്കുകയോ ചെയ്യുന്നില്ല. [QE][PBR]
13. [QS]“അയ്യോ! അങ്ങ് എന്നെ ശവക്കുഴിയിൽ മറച്ചിരുന്നെങ്കിൽ! [QE][QS2]അങ്ങയുടെ കോപം വിട്ടുപോകുന്നതുവരെ എന്നെ ഒളിപ്പിച്ചിരുന്നെങ്കിൽ! [QE][QS]എനിക്ക് ഒരു കാലപരിധി നിശ്ചയിച്ച് [QE][QS2]എന്നെ ഓർത്തിരുന്നെങ്കിൽ! [QE]
14. [QS]ഒരു മനുഷ്യൻ മരിച്ചാൽ വീണ്ടും ജീവിക്കുമോ? [QE][QS2]എന്നാൽ എനിക്കു നവജീവൻ[* അഥവാ, മോചനം ] ലഭിക്കുന്നതുവരെ [QE][QS2]എന്റെ കഠിനാധ്വാനകാലം മുഴുവനും ഞാൻ കാത്തിരിക്കുമായിരുന്നു. [QE]
15. [QS]അങ്ങു വിളിക്കും, ഞാൻ ഉത്തരം പറയും; [QE][QS2]അങ്ങയുടെ കൈവേലയോട് അങ്ങേക്കു താത്പര്യം തോന്നുമായിരുന്നു. [QE]
16. [QS]ഇപ്പോൾ അങ്ങ് എന്റെ കാലടികൾ എണ്ണുന്നു; [QE][QS2]എന്നാൽ എന്റെ പാപത്തിന്മേൽ ദൃഷ്ടി വെക്കുന്നതുമില്ല. [QE]
17. [QS]എന്റെ അകൃത്യങ്ങൾ ഒരു സഞ്ചിയിലാക്കി മുദ്ര വെച്ചിരിക്കുന്നു; [QE][QS2]എന്റെ അനീതിക്കുമേൽ അങ്ങു മൂടുപടം വിരിക്കുന്നു. [QE][PBR]
18. [QS]“എന്നാൽ ഒരു പർവതം അല്പാല്പം പൊടിഞ്ഞുപോകുന്നതുപോലെയും [QE][QS2]ഒരു പാറ സ്വസ്ഥാനം വിട്ടു മാറിപ്പോകുന്നതുപോലെയും [QE]
19. [QS]വെള്ളം പാറകൾക്കു തേയ്മാനം വരുത്തുന്നതുപോലെയും [QE][QS2]ജലപ്രവാഹങ്ങൾ നിലത്തെ മണ്ണിനെ ഒഴുക്കിക്കൊണ്ടു പോകുന്നതുപോലെയും [QE][QS2]ഒരു മനുഷ്യന്റെ ആശയെയും അങ്ങു നശിപ്പിക്കുന്നു. [QE]
20. [QS]അങ്ങ് അവരെ എന്നേക്കുമായി തള്ളിയിടുന്നു, അവൻ കടന്നുപോകുന്നു; [QE][QS2]അവിടന്ന് അവരുടെ മുഖം വിരൂപമാക്കുകയും അവരെ പറഞ്ഞയയ്ക്കുകയും ചെയ്യുന്നു. [QE]
21. [QS]അവരുടെ മക്കൾ ബഹുമതി പ്രാപിച്ചാൽ അവർ അത് അറിയുന്നില്ല; [QE][QS2]അവരുടെ മക്കൾക്കു താഴ്ച ഭവിക്കുന്നതും അവർ കാണുന്നില്ല. [QE]
22. [QS]എന്നാൽ തന്റെ ശരീരത്തിലെ വേദനമാത്രം അവർ അറിയുന്നു, [QE][QS2]അവർ വിലപിക്കുന്നത് അവർക്കുവേണ്ടിമാത്രം.” [QE]