1. {#1എലീഫസ് }
2. [PS]അതിനുശേഷം തേമാന്യനായ എലീഫാസ് ഉത്തരം പറഞ്ഞത്: [PE][QS]“ഒരു മനുഷ്യൻ ദൈവത്തിന് ഉപകാരിയായിത്തീരുമോ? [QE][QS2]ഒരു ജ്ഞാനിക്കുപോലും ദൈവത്തിന് ഉപകാരംചെയ്യാൻ കഴിയുമോ? [QE]
3. [QS]നീ നീതിമാനായിരുന്നാൽ സർവശക്തന് എന്ത് ആനന്ദമാണ് ലഭിക്കുന്നത്? [QE][QS2]നിന്റെ വഴികൾ കളങ്കരഹിതമായിരുന്നാൽ അവിടത്തേക്ക് എന്തു പ്രയോജനമാണുള്ളത്? [QE][PBR]
4. [QS]“നിന്റെ ഭക്തിനിമിത്തമാണോ അവിടന്നു നിന്നെ ശാസിക്കുകയും [QE][QS2]നിനക്കെതിരേ ന്യായവിധി നടത്തുകയും ചെയ്യുന്നത്? [QE]
5. [QS]നിന്റെ ദുഷ്ടത അതിബഹുലവും [QE][QS2]നിന്റെ പാപങ്ങൾ അസംഖ്യവുമല്ലേ? [QE]
6. [QS]നീ കാരണംകൂടാതെ നിന്റെ സഹോദരങ്ങളോടു ജാമ്യം വാങ്ങി; [QE][QS2]നീ മനുഷ്യരുടെ വസ്ത്രമുരിഞ്ഞ് അവരെ നഗ്നരായി പറഞ്ഞയച്ചു. [QE]
7. [QS]ക്ഷീണിതർക്കു നീ കുടിക്കാൻ വെള്ളം കൊടുത്തില്ല; [QE][QS2]വിശക്കുന്നവരുടെ ആഹാരം നീ നിഷേധിച്ചു. [QE]
8. [QS]ഭൂമി കൈവശമാക്കുന്ന ഒരു ശക്തൻ നീ ആയിരുന്നെങ്കിലും; [QE][QS2]ബഹുമാന്യനായ ഒരു മനുഷ്യൻ അതിൽ പാർക്കുന്നു. [QE]
9. [QS]വിധവകളെ നീ വെറുംകൈയോടെ ആട്ടിപ്പായിച്ചു, [QE][QS2]അനാഥരുടെ ശക്തി നീ തകർത്തുകളഞ്ഞു. [QE]
10. [QS]അതുകൊണ്ടാണ് നിനക്കുചുറ്റും കുരുക്കുകൾ മുറുകുന്നത്; [QE][QS2]പെട്ടെന്നുള്ള ആപത്തു നിന്നെ കീഴ്പ്പെടുത്തുന്നതും അതുകൊണ്ടുതന്നെ. [QE]
11. [QS]കണ്ണു കാണാതവണ്ണം ഘോരാന്ധകാരവും [QE][QS2]ജലപ്രളയവും നിന്നെ മൂടുന്നതും അതുകൊണ്ടുതന്നെ. [QE][PBR]
12. [QS]“ദൈവം സ്വർഗോന്നതിയിൽ വസിക്കുന്നില്ലേ? [QE][QS2]വിദൂരസ്ഥങ്ങളായ നക്ഷത്രങ്ങൾ എത്ര ഉയരത്തിലെന്നു നോക്കുക! [QE]
13. [QS]എന്നിട്ടും നീ പറയുന്നു: ‘ദൈവത്തിന് എന്തറിയാം? [QE][QS2]കൂരിരുട്ടിൽ വിധി പ്രസ്താവിക്കാൻ അവിടത്തേക്കു കഴിയുമോ? [QE]
14. [QS]ആകാശവിതാനത്തിന്മേൽ അവിടന്നു നടകൊള്ളുന്നു. [QE][QS2]മേഘങ്ങൾ അവിടത്തെ മറയ്ക്കുന്നു, അതുകൊണ്ട് അവിടത്തേക്ക് നമ്മളെ കാണാൻ കഴിയുകയില്ല.’ [QE]
15. [QS]ദുഷ്ടർ സഞ്ചരിച്ച പുരാതനമാർഗം [QE][QS2]നീയും പിൻതുടരുമോ? [QE]
16. [QS]സമയത്തിനുമുമ്പുതന്നെ അവരെ പിടിച്ചുകൊണ്ടുപോയി, [QE][QS2]അവരുടെ അടിസ്ഥാനങ്ങളെ പെരുവെള്ളം ഒഴുക്കിക്കളഞ്ഞു. [QE]
17. [QS]അവർ ദൈവത്തോട് പറഞ്ഞു: ‘ഞങ്ങളെ വിട്ടുപോകുക! [QE][QS2]സർവശക്തന് ഞങ്ങളോട് എന്തുചെയ്യാൻ കഴിയും?’ [QE]
18. [QS]എന്നിട്ടും അവിടന്നാണ് അവരുടെ ഭവനങ്ങൾ നന്മകൊണ്ടു നിറച്ചത്, [QE][QS2]അതുകൊണ്ട് ദുഷ്ടരുടെ ആലോചനയിൽനിന്നു ഞാൻ അകന്നുമാറി നിൽക്കുന്നു. [QE]
19. [QS]നീതിനിഷ്ഠർ അവരുടെ പതനം കണ്ട് ആനന്ദിക്കുന്നു; [QE][QS2]നിഷ്കളങ്കർ അവരെ പരിഹസിക്കുന്നു. [QE]
20. [QS]‘നിശ്ചയമായും നമ്മുടെ എതിരാളികൾ സംഹരിക്കപ്പെട്ടിരിക്കുന്നു, [QE][QS2]അഗ്നി അവരുടെ സമ്പത്ത് ദഹിപ്പിച്ചുകളഞ്ഞു,’ എന്ന് അവർ പറയുന്നു. [QE][PBR]
21. [QS]“ദൈവത്തിനു കീഴടങ്ങി അവിടത്തോടു സമാധാനമായിരിക്കുക; [QE][QS2]അങ്ങനെയെങ്കിൽ നിനക്കു നന്മ കൈവരും. [QE]
22. [QS]അവിടത്തെ വായിൽനിന്ന് ഉപദേശം കൈക്കൊള്ളുക; [QE][QS2]അവിടത്തെ വചനം നിന്റെ ഹൃദയത്തിൽ സംഗ്രഹിക്കുക. [QE]
23. [QS]സർവശക്തനിലേക്കു നീ മടങ്ങിവരുമെങ്കിൽ അവിടന്നു നിന്നെ പുനരുദ്ധരിക്കും: [QE][QS2]നീതികേടു നിന്റെ കൂടാരത്തിൽനിന്ന് അകറ്റിക്കളയുകയും [QE]
24. [QS]നിന്റെ സ്വർണത്തെ പൊടിയിലും [QE][QS2]നിന്റെ ഓഫീർതങ്കം നീരൊഴുക്കുകളിലെ കൽക്കൂനകളിലും ഇട്ടുകളയുകയും ചെയ്യുമെങ്കിൽ, [QE]
25. [QS]സർവശക്തൻ നിന്റെ സ്വർണവും [QE][QS2]വിശിഷ്ടവെള്ളിയും ആയിത്തീരും. [QE]
26. [QS]അപ്പോൾ നീ നിശ്ചയമായും സർവശക്തനിൽ ആനന്ദം കണ്ടെത്തും, [QE][QS2]നീ ദൈവത്തിങ്കലേക്കു നിന്റെ മുഖമുയർത്തും. [QE]
27. [QS]നീ അവിടത്തോടു പ്രാർഥിക്കും, അവിടന്നു നിന്റെ പ്രാർഥന കേൾക്കും; [QE][QS2]നീ നിന്റെ നേർച്ചകൾ നിവർത്തിക്കും. [QE]
28. [QS]നീ ഒരു കാര്യം തീരുമാനിക്കും, അതു നിനക്കു സാധിതമാകും. [QE][QS2]നിന്റെ വഴികളിൽ വെളിച്ചം പ്രകാശിക്കും. [QE]
29. [QS]മനുഷ്യർ താഴ്ത്തപ്പെടുമ്പോൾ, ‘അവരെ കൈപിടിച്ച് ഉയർത്തൂ’ എന്നു നീ പറയും. [QE][QS2]അപ്പോൾ താഴ്ത്തപ്പെട്ടവരെ ദൈവം രക്ഷിക്കും. [QE]
30. [QS]നിർദോഷിയല്ലാത്തവരെപ്പോലും അവിടന്നു വിടുവിക്കും; [QE][QS2]നിന്റെ കൈകളുടെ നൈർമല്യത്താൽ അവർ വിടുവിക്കപ്പെടും.” [QE]