1. {#1ഇയ്യോബിന്റെ അവസാനവാക്കുകൾ }
2. [PS]ഇയ്യോബ് തന്റെ പ്രഭാഷണം ഇപ്രകാരം തുടർന്നു: [PE][QS]“എനിക്കു നീതി നിഷേധിച്ച് [QE][QS2]എന്റെ ജീവിതം ദുഃഖപൂർണമാക്കിയ സർവശക്തനായ ജീവനുള്ള ദൈവത്താണ, [QE]
3. [QS]എന്നിൽ ജീവനുള്ള കാലത്തോളം, [QE][QS2]എന്റെ നാസികയിൽ ദൈവത്തിന്റെ ശ്വാസം നിലനിൽക്കുന്നതുവരെയും, [QE]
4. [QS]എന്റെ അധരങ്ങൾ നീതികേടു സംസാരിക്കുകയില്ല; [QE][QS2]എന്റെ നാവു വഞ്ചന ഉച്ചരിക്കയുമില്ല. [QE]
5. [QS]നിങ്ങളുടെ ഭാഗം ശരിയെന്നു ഞാൻ ഒരിക്കലും അംഗീകരിക്കുകയില്ല; [QE][QS2]മരിക്കുന്നതുവരെ എന്റെ പരമാർഥത ഞാൻ ത്യജിക്കുകയില്ല. [QE]
6. [QS]എന്റെ നീതിനിഷ്ഠയിൽ ഞാൻ ഉറച്ചുനിൽക്കും, അതു ഞാൻ ഒരിക്കലും ഉപേക്ഷിക്കുകയില്ല; [QE][QS2]എന്റെ ജീവിതകാലത്തൊരിക്കലും എന്റെ മനസ്സാക്ഷി എന്നെ നിന്ദിക്കുകയില്ല. [QE][PBR]
7. [QS]“എന്റെ ശത്രു ദുഷ്ടരെപ്പോലെയും [QE][QS2]എന്റെ എതിരാളി നീതികെട്ടവരെപ്പോലെയുമിരിക്കട്ടെ! [QE]
8. [QS]അഭക്തർ ഛേദിക്കപ്പെടുകയും [QE][QS2]ദൈവം അവരുടെ ജീവൻ എടുത്തുകളകയും ചെയ്യുമ്പോൾ അവർക്കുള്ള പ്രത്യാശയെന്ത്? [QE]
9. [QS]അവർക്കു കഷ്ടത വരുമ്പോൾ [QE][QS2]ദൈവം അവരുടെ നിലവിളി കേൾക്കുമോ? [QE]
10. [QS]അവർ സർവശക്തനിൽ സന്തോഷിക്കുമോ? [QE][QS2]എപ്പോഴും ദൈവത്തെ വിളിച്ചപേക്ഷിക്കുമോ? [QE][PBR]
11. [QS]“ദൈവശക്തിയെക്കുറിച്ചു ഞാൻ നിങ്ങളെ പഠിപ്പിക്കാം; [QE][QS2]സർവശക്തന്റെ മാർഗങ്ങളൊന്നും ഞാൻ മറച്ചുവെക്കുകയില്ല. [QE]
12. [QS]ഇതാ, നിങ്ങളെല്ലാവരും ഇതു നേരിട്ടു കണ്ടുകഴിഞ്ഞു; [QE][QS2]പിന്നെ എന്തിനാണ് ഈ പാഴ്ച്ചൊല്ലുകൾ? [QE][PBR]
13. [QS]“ഇതെല്ലാം ദൈവം ദുഷ്ടമനുഷ്യർക്കു നൽകുന്ന ഭാഗധേയവും [QE][QS2]നിഷ്ഠുരർക്കു സർവശക്തനിൽനിന്നു ലഭിക്കുന്ന പൈതൃകവും ആകുന്നു: [QE]
14. [QS]അവർക്ക് എത്രയധികം മക്കൾ ഉണ്ടായാലും അവരെല്ലാം വാളിനു വിധിക്കപ്പെട്ടിരിക്കുന്നു; [QE][QS2]അവരുടെ സന്തതിക്കു മതിവരുവോളം ഭക്ഷിക്കാൻ ലഭിക്കുകയില്ല. [QE]
15. [QS]അവരിൽ ശേഷിക്കുന്നവരെ മഹാമാരി കുഴിമാടത്തിലെത്തിക്കും, [QE][QS2]അവരുടെ വിധവകൾ അവരെയോർത്തു വിലപിക്കുകയുമില്ല. [QE]
16. [QS]അവർ മണ്ണുപോലെ വെള്ളി വാരിക്കൂട്ടിയാലും, [QE][QS2]കളിമൺകൂനകൾപോലെ വിശേഷവസ്ത്രങ്ങൾ ഒരുക്കിവെച്ചാലും, [QE]
17. [QS]അവർ ശേഖരിച്ചുവെക്കുന്നവ നീതിനിഷ്ഠർ ധരിക്കും; [QE][QS2]നിഷ്കളങ്കർ അവരുടെ വെള്ളി പങ്കിടും. [QE]
18. [QS]അവർ പണിയുന്ന വീട് പട്ടുനൂൽപ്പുഴുവിന്റെ കൂടുപോലെ; [QE][QS2]അഥവാ, കാവൽക്കാരൻ കെട്ടുന്ന മാടംപോലെയല്ലോ. [QE]
19. [QS]ധനികരായി അവർ കിടക്കയിലേക്കു പോകുന്നു, എന്നാൽ പിന്നീട് അങ്ങനെ ചെയ്യാൻ കഴിയില്ല; [QE][QS2]കാരണം, കിടക്കവിട്ട് കണ്ണു തുറക്കുമ്പോൾ എല്ലാം പോയ്പ്പോയിരിക്കും. [QE]
20. [QS]പ്രളയംപോലെ ഭയം അവരെ കീഴടക്കുന്നു; [QE][QS2]കൊടുങ്കാറ്റ് രാത്രിയിൽ അവരെ പറപ്പിച്ചുകൊണ്ടുപോകുന്നു. [QE]
21. [QS]കിഴക്കൻകാറ്റ് അവരെ എടുത്തുകൊണ്ടുപോകുന്നു; [QE][QS2]തങ്ങളുടെ സ്ഥാനത്തുനിന്നും അത് അവരെ തൂത്തെറിയുന്നു. [QE]
22. [QS]അതിന്റെ ശക്തിയിൽനിന്ന് ഓടിരക്ഷപ്പെടാൻ ശ്രമിക്കുന്നവരെ [QE][QS2]അത് നിർദാക്ഷിണ്യം ചുഴറ്റിയെറിയുന്നു; [QE]
23. [QS]അത് അവരെ നോക്കി കൈകൊട്ടും; [QE][QS2]കാറ്റിന്റെ ഒരു ഊത്തിനാൽ അവരെ സ്വസ്ഥാനത്തുനിന്നു പുറന്തള്ളും.” [QE]