1. {#1ഇയ്യോബ് സംവാദം തുടരുന്നു }
2. [PS]ഇയ്യോബ് തന്റെ പ്രഭാഷണം ഇപ്രകാരം തുടർന്നു: [PE][QS]“അയ്യോ! കഴിഞ്ഞുപോയ മാസങ്ങൾ എനിക്കു തിരിച്ചു കിട്ടിയിരുന്നെങ്കിൽ [QE][QS2]ദൈവം എന്നെ കാത്തുസൂക്ഷിച്ച ദിവസങ്ങൾ മടങ്ങിവന്നിരുന്നെങ്കിൽ, [QE]
3. [QS]അവിടത്തെ വിളക്ക് എന്റെ തലയ്ക്കുമീതേ പ്രകാശിച്ചപ്പോൾ [QE][QS2]അവിടത്തെ പ്രകാശത്താൽ ഞാൻ ഇരുളടഞ്ഞവഴികൾ താണ്ടിയ ദിനങ്ങൾതന്നെ. [QE]
4. [QS]എന്റെ ഉൽക്കൃഷ്ടദിനങ്ങളിലെപ്പോലെ [QE][QS2]ദൈവത്തിന്റെ സഖിത്വം എന്റെ കൂടാരത്തിനുമീതേ ഉണ്ടായിരിക്കുകയും [QE]
5. [QS]സർവശക്തൻ എന്നോടുകൂടെ ഇരിക്കുകയും [QE][QS2]എന്റെ മക്കൾ എനിക്കുചുറ്റും ഉണ്ടായിരുന്നപോലെ ഞാൻ ആയിത്തീരുകയും ചെയ്തെങ്കിൽ! [QE]
6. [QS]അന്ന് എന്റെ കാലടികൾ വെണ്ണയിൽ കുളിച്ചിരുന്നു; [QE][QS2]പാറകൾ എനിക്കുവേണ്ടി ഒലിവെണ്ണയുടെ അരുവികൾ ഒഴുക്കിയിരുന്നു. [QE][PBR]
7. [QS]“അന്നു ഞാൻ പട്ടണവാതിൽക്കലേക്കു പോകുകയും [QE][QS2]ചത്വരങ്ങളിൽ ഉപവിഷ്ടനാകുകയും ചെയ്തിരുന്നപ്പോൾ. [QE]
8. [QS]യുവാക്കൾ എന്നെക്കണ്ട് ആദരപൂർവം വഴിമാറിത്തന്നിരുന്നു, [QE][QS2]വയോധികർ എന്നെക്കണ്ട് എഴുന്നേറ്റിരുന്നു. [QE]
9. [QS]പ്രഭുക്കന്മാർ സംസാരം നിർത്തുകയും [QE][QS2]അവർ അവരുടെ കൈകൊണ്ടു വായ് പൊത്തുകയും ചെയ്യുമായിരുന്നു. [QE]
10. [QS]പ്രമാണികൾ നിശ്ശബ്ദരായി നിൽക്കുകയും [QE][QS2]അവരുടെ നാവ് മേലണ്ണാക്കിനോടു പറ്റിച്ചേരുകയും ചെയ്യുമായിരുന്നു. [QE]
11. [QS]എന്റെ പ്രഭാഷണം കേട്ടവരൊക്കെ എന്നെ ശ്ലാഘിച്ചിരുന്നു, [QE][QS2]എന്നെ കണ്ടവരൊക്കെ എന്നെ പ്രശംസിച്ചിരുന്നു, [QE]
12. [QS]കാരണം സഹായത്തിനായി നിലവിളിച്ച ദരിദ്രരെയും [QE][QS2]ആരും സഹായത്തിനില്ലാത്ത അനാഥരെയും ഞാൻ മോചിപ്പിച്ചിരുന്നു. [QE]
13. [QS]നാശത്തിന്റെ വക്കിലെത്തിയിരുന്നവർ എന്നെ അനുഗ്രഹിച്ചു; [QE][QS2]വിധവയുടെ ഹൃദയത്തിൽനിന്ന് ആനന്ദഗീതം ഉയരാൻ ഞാൻ വഴിയൊരുക്കി. [QE]
14. [QS]ഞാൻ നീതിനിഷ്ഠ ഒരു വസ്ത്രംപോലെ അണിഞ്ഞു; [QE][QS2]നീതി എന്റെ പുറങ്കുപ്പായവും തലപ്പാവും ആയിരുന്നു. [QE]
15. [QS]ഞാൻ അന്ധർക്കു കണ്ണുകളും [QE][QS2]മുടന്തർക്കു കാലുകളും ആയിരുന്നു. [QE]
16. [QS]ബുദ്ധിമുട്ടനുഭവിക്കുന്നവർക്കു ഞാൻ പിതാവായിരുന്നു; [QE][QS2]അപരിചിതന്റെ വ്യവഹാരംപോലും ഞാൻ ഏറ്റെടുത്തു നടത്തി. [QE]
17. [QS]ദുഷ്ടരുടെ അണപ്പല്ലുകൾ ഞാൻ തകർത്തു; [QE][QS2]അവരുടെ പല്ലുകൾക്കിടയിൽനിന്ന് ഞാൻ ഇരകളെ വിടുവിച്ചു. [QE][PBR]
18. [QS]“അപ്പോൾ ഞാൻ വിചാരിച്ചു, ‘എന്റെ ഭവനത്തിൽവെച്ചുതന്നെ ഞാൻ മരിക്കും, [QE][QS2]മണൽത്തരിപോലെ എന്റെ ദിവസങ്ങൾ അസംഖ്യമായിരിക്കും. [QE]
19. [QS]എന്റെ വേരുകൾ വെള്ളത്തിനരികിൽ എത്തും, [QE][QS2]രാത്രിമുഴുവൻ മഞ്ഞുവെള്ളം എന്റെ ശാഖകളിൽ തങ്ങിനിൽക്കും. [QE]
20. [QS]എന്റെ തേജസ്സ് നിത്യഹരിതമായിരിക്കും; [QE][QS2]എന്റെ വില്ല് എന്റെ കൈയിൽ എന്നും നവീനമായിരിക്കും.’ [QE][PBR]
21. [QS]“ജനം വളരെ പ്രതീക്ഷയോടെ എന്റെ വാക്കുകൾ ചെവിക്കൊണ്ടിരുന്നു, [QE][QS2]എന്റെ ഉപദേശത്തിനു നിശ്ശബ്ദരായി കാത്തിരിക്കുകയും ചെയ്തിരുന്നു. [QE]
22. [QS]ഞാൻ സംസാരിച്ചുകഴിഞ്ഞാൽ, പിന്നെ അവർക്ക് ഒന്നുംതന്നെ പറയാൻ ഉണ്ടായിരുന്നില്ല; [QE][QS2]എന്റെ വാക്കുകൾ അവരുടെ ഉള്ളിൽ പതിഞ്ഞിരുന്നു. [QE]
23. [QS]മഴയ്ക്കുവേണ്ടിയെന്നപോലെ അവർ എനിക്കുവേണ്ടി കാത്തിരുന്നു; [QE][QS2]വസന്തകാലമഴപോലെ അവർ എന്റെ മൊഴികൾ ആസ്വദിച്ചു. [QE]
24. [QS]അവരെ നോക്കി ഞാൻ മന്ദഹസിച്ചപ്പോൾ അവർക്കത് അവിശ്വസനീയമായിരുന്നു; [QE][QS2]എന്റെ മുഖത്തെ പ്രകാശം അവർക്ക് അമൂല്യമായിരുന്നു.[* ഈ വാക്യഭാഗത്തിനുള്ള എബ്രായപദങ്ങളുടെ അർഥം വ്യക്തമല്ല. ] [QE]
25. [QS]ഞാൻ അവർക്കു വഴികാട്ടിയും നായകനുമായിത്തീർന്നു; [QE][QS2]സൈന്യമധ്യത്തിലെ രാജാവിനെപ്പോലെയും [QE][QS2]വിലപിക്കുന്നവർക്ക് ആശ്വാസദായകനെപ്പോലെയും ആയിത്തീർന്നു ഞാൻ. [QE][PBR]