1. [QS]“ഇതിങ്കൽ എന്റെ ഹൃദയം വിറയ്ക്കുന്നു; [QE][QS2]അതു സ്വസ്ഥാനത്തു കുതിച്ചുചാടുന്നു. [QE]
2. [QS]അവിടത്തെ ശബ്ദത്തിന്റെ ഗർജനവും [QE][QS2]അവിടത്തെ വായിൽനിന്നുള്ള മുഴക്കവും ശ്രദ്ധിക്കുക. [QE]
3. [QS]അവിടത്തെ മിന്നൽപ്പിണരുകളെ ആകാശത്തിൻകീഴിലെല്ലാം അഴിച്ചുവിടുന്നു, [QE][QS2]അതിനെയും ഭൂമിയുടെ അറുതിയോളം അയയ്ക്കുകയും ചെയ്യുന്നു. [QE]
4. [QS]അവയ്ക്കു പിന്നാലെ ഒരു ഗർജനശബ്ദം ഉയരുന്നു; [QE][QS2]തന്റെ മഹത്തായ നാദത്തോടെ അവിടന്ന് ഇടിമുഴക്കുന്നു; [QE][QS]തന്റെ ശബ്ദം മുഴങ്ങുമ്പോഴും [QE][QS2]അവിടന്നു മിന്നൽപ്പിണരിനെ തടഞ്ഞുവെക്കുന്നില്ല. [QE]
5. [QS]ദൈവത്തിന്റെ നാദം അത്ഭുതകരമായി ഇടിമുഴക്കും സൃഷ്ടിക്കുന്നു; [QE][QS2]നമുക്കു ഗ്രഹിക്കാനാകാത്ത വൻകാര്യങ്ങൾ അവിടന്നു പ്രവർത്തിക്കുന്നു. [QE]
6. [QS]മഞ്ഞിനോട്, ‘ഭൂമിയിൽ പതിക്കുക’ എന്നും [QE][QS2]മഴയോട്, ‘അതിശക്തമായ പേമാരി പൊഴിക്കുക’ എന്നും അവിടന്നു കൽപ്പിക്കുന്നു. [QE]
7. [QS]സകലമനുഷ്യരും അവിടത്തെ പ്രവൃത്തി ഗ്രഹിക്കേണ്ടതിന്, [QE][QS2]അവിടന്ന് ഓരോ മനുഷ്യന്റെയും പ്രവൃത്തികൾ നിർത്തിവെപ്പിക്കുന്നു.[* മൂ.ഭാ. മുദ്രവെപ്പിക്കുന്നു ] [QE]
8. [QS]മൃഗങ്ങളെല്ലാം അവയുടെ ഒളിവിടങ്ങളിലേക്കു മടങ്ങുന്നു; [QE][QS2]ഓരോന്നും അതിന്റെ ഗുഹയിൽ കിടക്കുന്നു. [QE]
9. [QS]കൊടുങ്കാറ്റ് അതിന്റെ പള്ളിയറയിൽനിന്നു വരുന്നു; [QE][QS2]വടക്കൻകാറ്റിൽനിന്നു ശൈത്യവും. [QE]
10. [QS]ദൈവത്തിന്റെ നിശ്വാസത്താൽ മഞ്ഞുകട്ട ഉളവാകുന്നു; [QE][QS2]ആഴിയുടെ പരപ്പ് ദ്രവിച്ചുറഞ്ഞു കട്ടിയാകുന്നു. [QE]
11. [QS]ഈർപ്പത്താൽ അവിടന്നു മേഘത്തെ സാന്ദ്രമാക്കുന്നു; [QE][QS2]അവയിലൂടെ അവിടന്നു മിന്നൽപ്പിണർ ചിതറിക്കുന്നു. [QE]
12. [QS]ഭൂമുഖത്തെങ്ങും [QE][QS2]അവിടന്നു കൽപ്പിക്കുന്നതൊക്കെയും നിറവേറ്റുന്നതിന് [QE][QS2]അവിടത്തെ നിർദേശപ്രകാരം അവ ചുറ്റിസഞ്ചരിക്കുന്നു. [QE]
13. [QS]അവിടന്നു മേഘങ്ങളെ അയച്ച് മനുഷ്യരെ ശിക്ഷിക്കുന്നു, [QE][QS2]അല്ലായെങ്കിൽ ഭൂമിയെ നനയ്ക്കുകയും അവിടത്തെ സ്നേഹം പ്രകടിപ്പിക്കുകയും ചെയ്യുന്നു. [QE][PBR]
14. [QS]“ഇയ്യോബേ, ഇതു ശ്രദ്ധിക്കുക; [QE][QS2]ഒന്നു നിൽക്കുക, ദൈവത്തിന്റെ അത്ഭുതങ്ങളെപ്പറ്റി ചിന്തിക്കുക. [QE]
15. [QS]ദൈവം മേഘജാലങ്ങളെ എങ്ങനെ നിയന്ത്രിക്കുന്നു എന്നും [QE][QS2]തന്റെ മിന്നൽപ്പിണരിനെ എങ്ങനെ പ്രകാശിപ്പിക്കുന്നു എന്നും താങ്കൾക്കറിയാമോ? [QE]
16. [QS]മേഘപാളികൾ സന്തുലിതാവസ്ഥയിൽ തങ്ങിനിൽക്കുന്നത് എങ്ങനെ എന്നും [QE][QS2]ജ്ഞാനപൂർണനായവന്റെ അത്ഭുതങ്ങളെപ്പറ്റിയും നീ അറിയുന്നുണ്ടോ? [QE]
17. [QS]തെക്കൻകാറ്റിനാൽ ഭൂമി ശാന്തമായിരിക്കുമ്പോൾപ്പോലും [QE][QS2]വസ്ത്രത്തിനുള്ളിൽ വിയർത്തൊലിക്കുന്ന നിനക്കു [QE]
18. [QS]വെങ്കലക്കണ്ണാടി വാർത്തെടുക്കുമ്പോലെ [QE][QS2]ആകാശത്തെ വിരിക്കുന്നവന്റെ പങ്കാളിയാകാൻ നിനക്കു കഴിയുമോ? [QE][PBR]
19. [QS]“അവിടത്തോട് എന്തു പറയണമെന്നു ഞങ്ങളെ ഉപദേശിക്കുക, [QE][QS2]ഞങ്ങളിൽ ബാധിച്ചിരിക്കുന്ന അന്ധകാരംനിമിത്തം പരാതി തയ്യാറാക്കാൻപോലും ഞങ്ങൾക്കു കഴിയുന്നില്ല. [QE]
20. [QS]എനിക്കു സംസാരിക്കണം എന്ന് അവിടത്തോടു ബോധിപ്പിക്കണമോ? [QE][QS2]അങ്ങനെ സ്വയം വിഴുങ്ങപ്പെടാൻ ആഗ്രഹിക്കുന്നവരുണ്ടോ? [QE]
21. [QS]കാറ്റടിച്ച് മേഘമൊഴിഞ്ഞ സ്വച്ഛമായ ആകാശത്തിൽ [QE][QS2]ജ്വലിച്ചുകൊണ്ടിരിക്കുന്ന സൂര്യനെ [QE][QS2]നോക്കാൻ ആർക്കും കഴിയുകയില്ല. [QE]
22. [QS]ഉത്തരദിക്കിൽനിന്നും സൗവർണശോഭയിൽ അവിടന്ന് ആഗമിക്കുന്നു; [QE][QS2]ദൈവം ഭയജനകമായ തേജസ്സിലേറി വരുന്നു. [QE]
23. [QS]സർവശക്തൻ നമുക്ക് അപ്രാപ്യൻ, അവിടന്നു ശക്തിയിൽ അത്യുന്നതൻ; [QE][QS2]അവിടന്നു ന്യായവും മഹത്തായ നീതിയും ഉള്ളവൻ ആയതിനാൽ ആരെയും അടിച്ചമർത്തുന്നില്ല. [QE]
24. [QS]അതിനാൽ മനുഷ്യർ അവിടത്തെ ഭയപ്പെടുന്നു; [QE][QS2]ജ്ഞാനികളെന്നു ഭാവിക്കുന്നവരെ അവിടന്ന് ആദരിക്കുന്നില്ല.” [QE]