1. {#1ദൈവം അരുളിച്ചെയ്യുന്നു }
2. [PS]അതിനുശേഷം യഹോവ ചുഴലിക്കാറ്റിൽനിന്ന് ഇയ്യോബിനോട് ഇപ്രകാരം ഉത്തരമരുളി: [PE][QS]“പരിജ്ഞാനമില്ലാത്ത വാക്കുകളാൽ [QE][QS2]ആലോചനയെ ഇരുട്ടാക്കിത്തീർക്കുന്ന ഇവനാര്? [QE]
3. [QS]പുരുഷനെപ്പോലെ അര മുറുക്കുക; [QE][QS2]ഞാൻ നിന്നോടു ചോദിക്കും, [QE][QS2]നീ എനിക്ക് ഉത്തരം നൽകണം. [QE][PBR]
4. [QS]“ഞാൻ ഭൂമിക്ക് അടിസ്ഥാനമിട്ടപ്പോൾ നീ എവിടെയായിരുന്നു? [QE][QS2]നിനക്കു വിവേകമുണ്ടെങ്കിൽ പറയുക. [QE]
5. [QS]അതിന്റെ അളവുകൾ നിർണയിച്ചതാര്? നിശ്ചയമായും നിനക്കതറിയാം! [QE][QS2]അഥവാ, അതിനു കുറുകെ അളവുനൂൽ പിടിച്ചതാരാണ്? [QE]
6. [QS](6-7)ഉദയനക്ഷത്രങ്ങൾ ഒത്തുചേർന്നു ഗീതങ്ങൾ ആലപിക്കുകയും [QE][QS2]ദൈവപുത്രന്മാരെല്ലാം[* അഥവാ, ദൈവദൂതന്മാരെല്ലാം ] ആനന്ദത്താൽ ആർത്തുവിളിക്കുകയും ചെയ്തപ്പോൾ, [QE][QS]അതിന്റെ അടിസ്ഥാനങ്ങൾ എവിടെയാണ് സ്ഥാപിച്ചത്? [QE][QS2]അതിന്റെ ആണിക്കല്ല് സ്ഥാപിച്ചത് ആരാണ്? [QE][PBR]
7.
8. [QS]“ഭൂഗർഭത്തിൽനിന്നു സമുദ്രം പൊട്ടിപ്പുറപ്പെട്ടപ്പോൾ [QE][QS2]കതകുകൾ ചേർത്തടച്ച് അതിനെ പിന്നിലൊതുക്കിയത് ആരാണ്? [QE]
9. [QS]ഞാൻ മേഘത്തെ അതിന്റെ വസ്ത്രമാക്കി [QE][QS2]ഘോരാന്ധകാരത്താൽ അതിനെ മൂടിപ്പൊതിയുകയും ചെയ്തപ്പോൾ, [QE]
10. [QS]ഞാൻ അതിന് അതിരുകൾ നിശ്ചയിച്ച്; [QE][QS2]കതകുകളും ഓടാമ്പലുകളും സ്ഥാപിച്ചപ്പോൾ, [QE]
11. [QS]‘നിനക്ക് ഇവിടെവരെ വരാം; ഇതിനപ്പുറം പാടില്ല; [QE][QS2]അഹന്തനിറഞ്ഞ തിരമാലകൾ ഇവിടെയാണ് നിൽക്കേണ്ടത് എന്നു പറഞ്ഞപ്പോൾ,’ [QE]
12. [QS](12-13)ഭൂമിയുടെ അതിരുകളെ പിടിച്ചുകൊള്ളുന്നതിനും [QE][QS2]ദുഷ്ടരെ അതിൽനിന്ന് കുടഞ്ഞുകളയുന്നതിനുംവേണ്ടി [QE][QS]നീ പ്രഭാതത്തിന് എപ്പോഴെങ്കിലും ഉത്തരവുകൾ നൽകിയിട്ടുണ്ടോ? [QE][QS2]അരുണോദയത്തിന് അതിന്റെ സ്ഥാനം നിയമിച്ചുകൊടുത്തിട്ടുണ്ടോ? [QE]
13.
14. [QS]മുദ്രയ്ക്കുകീഴേയുള്ള കളിമണ്ണുപോലെ ഭൂമിക്ക് ആകൃതി കൈവരുന്നു; [QE][QS2]ഒരു വസ്ത്രത്തിന്റേത് എന്നപോലെ അതിലെ സവിശേഷതകൾ സ്പഷ്ടമായി കാണപ്പെടുന്നു. [QE]
15. [QS]ദുഷ്ടർക്ക് വെളിച്ചം നിഷേധിക്കപ്പെട്ടു, [QE][QS2]അവരുടെ ഉയർത്തപ്പെട്ട ഭുജം തകർക്കപ്പെട്ടു. [QE][PBR]
16. [QS]“സമുദ്രത്തിന്റെ ഉറവുകളിലേക്കു നീ യാത്രചെയ്തിട്ടുണ്ടോ? [QE][QS2]ആഴിയുടെ അഗാധതലങ്ങളിൽ നീ നടന്നിട്ടുണ്ടോ? [QE]
17. [QS]മരണത്തിന്റെ കവാടങ്ങൾ നിനക്കു വെളിപ്പെട്ടിട്ടുണ്ടോ? [QE][QS2]കൂരിരുട്ടിന്റെ കവാടങ്ങൾ നീ ദർശിച്ചിട്ടുണ്ടോ? [QE]
18. [QS]ഭൂമിയുടെ വിശാലത നീ ഗ്രഹിച്ചിട്ടുണ്ടോ? [QE][QS2]ഇവയെല്ലാം നിനക്കറിയാമെങ്കിൽ, എന്നോടു പറയുക. [QE][PBR]
19. [QS]“പ്രകാശത്തിന്റെ വസതിയിലേക്കുള്ള പാത എവിടെ? [QE][QS2]ഇരുളിന്റെ പാർപ്പിടവും എവിടെ? [QE]
20. [QS]അതിനെ അതിന്റെ അതിരിനകത്തേക്കു നയിക്കാൻ നിനക്കു കഴിയുമോ? [QE][QS2]അതിന്റെ ആവാസകേന്ദ്രങ്ങളിലേക്കുള്ള പാത നിനക്ക് അറിയാമോ? [QE]
21. [QS]നിശ്ചയമായും നിനക്കറിയാം, നീ അന്നേ ഭൂജാതനായിരുന്നല്ലോ! [QE][QS2]നീ ദീർഘവർഷങ്ങൾ പിന്നിടുകയും ചെയ്തല്ലോ! [QE][PBR]
22. [QS]“ഹിമത്തിന്റെ ഭണ്ഡാരപ്പുരകളിൽ നീ കടന്നിട്ടുണ്ടോ? [QE][QS2]അഥവാ, കന്മഴയുടെ സംഭരണശാലകൾ നീ കണ്ടിട്ടുണ്ടോ? [QE]
23. [QS]ദുരന്തകാലത്തേക്കും യുദ്ധവും സൈനികനീക്കവുമുള്ള സമയത്തേക്കും [QE][QS2]ഞാൻ അവയെ കരുതിവെച്ചിരിക്കുന്നു. [QE]
24. [QS]വെളിച്ചം വിഭജിക്കപ്പെടുന്ന വഴി ഏതാണ്? [QE][QS2]കിഴക്കൻകാറ്റു ഭൂമിയിൽ വ്യാപിക്കുന്നതും ഏതു വഴിയിലൂടെയാണ്? [QE]
25. [QS](25-27)നിർജനദേശത്തും ആൾപ്പാർപ്പില്ലാത്ത [QE][QS2]മരുഭൂമിയിലും മഴ പെയ്യിക്കാനും [QE][QS]തരിശും ശൂന്യവുമായ സ്ഥലത്തിന്റെ ദാഹം തീർക്കാനും [QE][QS2]പുല്ലിൽ പുതുമുകുളങ്ങൾ മുളപ്പിക്കുന്നതിനും [QE][QS]ആരാണ് പേമാരിക്ക് ഒരു ചാലും ഇടിമിന്നലിന് [QE][QS2]ഒരു മാർഗവും വെട്ടിക്കൊടുത്തത്? [QE]
26.
27.
28. [QS]മഴയ്ക്ക് ഒരു പിതാവുണ്ടോ? [QE][QS2]മഞ്ഞുതുള്ളികളെ ജനിപ്പിച്ചതാര്? [QE]
29. [QS]ആരുടെ ഗർഭത്തിൽനിന്നാണ് ഹിമം പുറത്തുവന്നത്? [QE][QS2]ആകാശത്തിലെ മൂടൽമഞ്ഞിന് ജന്മമേകുന്നത് ആരാണ്? [QE]
30. [QS]വെള്ളം ശിലപോലെ കട്ടിയാകുന്നതെപ്പോൾ, [QE][QS2]ആഴിയുടെ ഉപരിതലം ഉറഞ്ഞ് കട്ടിയായിത്തീരുന്നതും എപ്പോൾ? [QE][PBR]
31. [QS]“കാർത്തികനക്ഷത്രവ്യൂഹത്തിന്റെ ചങ്ങലകൾ[† മൂ.ഭാ. സൗന്ദര്യം ] നിനക്കു ബന്ധിക്കാൻ കഴിയുമോ? [QE][QS2]മകയിരത്തിന്റെ കെട്ടുകൾ നിനക്ക് അഴിക്കാമോ? [QE]
32. [QS]നിനക്ക് നക്ഷത്രവ്യൂഹത്തെ നിശ്ചിതസമയത്തു പുറപ്പെടുവിക്കാമോ? [QE][QS2]സപ്തർഷികളെയും അവയുടെ ഉപഗ്രഹങ്ങളെയും നയിക്കാമോ? [QE]
33. [QS]ആകാശമണ്ഡലത്തിന്റെ നിയമങ്ങൾ നീ അറിയുന്നുണ്ടോ? [QE][QS2]ഭൂമിയുടെമേൽ ദൈവത്തിന്റെ[‡ അഥവാ, അവയുടെ ] അധികാരസീമ നിനക്കു നിർണയിക്കാൻ കഴിയുമോ? [QE][PBR]
34. [QS]“നിന്റെ സ്വരം മേഘമാലകൾക്കൊപ്പം ഉയർത്തി [QE][QS2]ജലപ്രവാഹത്താൽ നിന്നെ ആമഗ്നനാക്കാൻ ആജ്ഞാപിക്കാമോ? [QE]
35. [QS]ഇടിമിന്നലുകളെ അവയുടെ പാതയിൽക്കൂടെ പറഞ്ഞയയ്ക്കുന്നത് നീയാണോ? [QE][QS2]‘അടിയങ്ങൾ ഇതാ,’ എന്ന് അവ നിന്നോടു ബോധിപ്പിക്കുന്നുണ്ടോ? [QE]
36. [QS]ഞാറപ്പക്ഷിക്കു ജ്ഞാനം നൽകുന്നത് ആര്? [QE][QS2]പൂവൻകോഴിക്കു വിവേകം നൽകുന്നത് ഏതൊരുവൻ?[§ ഈ വാക്യത്തിന്റെ അർഥം വ്യക്തമല്ല. ] [QE]
37. [QS](37-38)പൊടി കട്ടപിടിക്കുമ്പോഴും [QE][QS2]മൺകട്ടകൾ ഒന്നിച്ചിരിക്കുമ്പോഴും [QE][QS]മേഘങ്ങളെ എണ്ണുന്നതിനുള്ള ജ്ഞാനം ആർക്കുണ്ട്? [QE][QS2]ആകാശത്തിലെ ജലസംഭരണികളെ ചരിക്കുന്നതിന് ആർക്കു കഴിയും? [QE][PBR]
38.
39. [QS](39-40)“സിംഹങ്ങൾ അവയുടെ ഗുഹകളിൽ പതുങ്ങിക്കിടക്കുമ്പോഴും [QE][QS2]അവ കുറ്റിക്കാട്ടിൽ പതിയിരിക്കുമ്പോഴും [QE][QS]സിംഹിക്കുവേണ്ടി ഇരയെ വേട്ടയാടാൻ നിനക്കു കഴിയുമോ? [QE][QS2]സിംഹക്കുട്ടികളുടെ വിശപ്പു ശമിപ്പിക്കാൻ നീ പ്രാപ്തനോ? [QE]
40.
41. [QS]കാക്കക്കുഞ്ഞുങ്ങൾ തീറ്റകിട്ടാതെ ദൈവത്തോടു നിലവിളിച്ച് [QE][QS2]ആഹാരത്തിനുവേണ്ടി പറന്നലയുമ്പോൾ, [QE][QS2]അതിന് ആഹാരം നൽകുന്നത് ആരാണ്? [QE][PBR]