1. [QS]“കാട്ടാടുകളുടെ പ്രസവകാലം നിനക്കറിയാമോ? [QE][QS2]മാൻപേടകൾ പ്രസവിക്കുന്നതു നീ നിരീക്ഷിച്ചിട്ടുണ്ടോ? [QE]
2. [QS]അവയ്ക്കു ഗർഭം തികയുന്ന മാസം കണക്കുകൂട്ടാൻ നിനക്കു കഴിയുമോ? [QE][QS2]അവയുടെ പ്രസവകാലം നിനക്ക് അറിയാമോ? [QE]
3. [QS]അവ മുട്ടുകുത്തി കുനിഞ്ഞു കുട്ടികളെ പ്രസവിക്കുന്നു; [QE][QS2]അവയുടെ പ്രസവവേദന പെട്ടെന്നു കഴിഞ്ഞുപോകുന്നു. [QE]
4. [QS]അവയുടെ സന്തതികൾ ബലപ്പെട്ട് വനാന്തരങ്ങളിൽ വളർന്നുവരുന്നു. [QE][QS2]അവ പുറപ്പെട്ടുപോകുന്നു; തിരികെ വരുന്നതുമില്ല. [QE][PBR]
5. [QS]“സ്വാതന്ത്ര്യത്തോടെ കാട്ടുകഴുതയെ പോകാൻ അനുവദിച്ചത് ആരാണ്? [QE][QS2]അതിന്റെ കെട്ടുകൾ അഴിച്ചുവിട്ടത് ആരാണ്? [QE]
6. [QS]മരുഭൂമിയെ അവയ്ക്കു ഭവനമായും [QE][QS2]ഓരുനിലങ്ങളെ അവയുടെ പാർപ്പിടമായും ഞാൻ നൽകി. [QE]
7. [QS]പട്ടണത്തിലെ ആരവത്തെ അതു പുച്ഛിക്കുന്നു; [QE][QS2]തെളിക്കുന്നവരുടെ ഒച്ച അതു കേൾക്കുന്നുമില്ല. [QE]
8. [QS]മലനിരകളെ അതു മേച്ചിൽസ്ഥലമാക്കുന്നു, [QE][QS2]പച്ചയായ എല്ലാറ്റിനെയും അതു തെരഞ്ഞു കണ്ടെത്തുന്നു. [QE][PBR]
9. [QS]“കാട്ടുകാള നിന്നെ സേവിക്കാൻ മനസ്സുവെക്കുമോ? [QE][QS2]അതു നിന്റെ പുൽത്തൊട്ടിക്കരികെ രാപാർക്കുമോ? [QE]
10. [QS]ഒരു കാട്ടുകാളയെ നിനക്ക് നുകത്തിൽ കയറുകൊണ്ടു ബന്ധിക്കാമോ? [QE][QS2]അതു നിന്റെ പിന്നാലെ വന്ന് വയൽ ഉഴുമോ? [QE]
11. [QS]അതു കരുത്തുറ്റതാകുകയാൽ നിനക്ക് അതിൽ ആശ്രയിക്കാൻ കഴിയുമോ? [QE][QS2]നിന്റെ കഠിനജോലികൾ ചെയ്യാൻ അതിനെ ഏൽപ്പിക്കുമോ? [QE]
12. [QS]അതു നിന്റെ കറ്റകൾ വലിച്ചുകൊണ്ടുവന്ന് [QE][QS2]മെതിക്കളത്തിൽ എത്തിക്കുമെന്നു നിനക്കു വിശ്വസിക്കാൻ കഴിയുമോ? [QE][PBR]
13. [QS]“ഒട്ടകപ്പക്ഷികൾ അഭിമാനത്തോടെ ചിറകു വീശുന്നു; [QE][QS2]എന്നാൽ കൊക്കിന്റെയോ ചിറകുകളോടോ തൂവലുകളോടോ [QE][QS2]അവ താരതമ്യംചെയ്യാൻ കഴിയുകയില്ലല്ലോ? [QE]
14. [QS]അവൾ നിലത്തു മുട്ടയിടുന്നു [QE][QS2]അതു മണലിൽ ചൂടേൽക്കാൻ ഉപേക്ഷിക്കുന്നു. [QE]
15. [QS]അതു ചവിട്ടേറ്റ് ഉടഞ്ഞുപോകുമെന്നോ [QE][QS2]കാട്ടുമൃഗം ചവിട്ടിമെതിക്കുമെന്നോ അതു ചിന്തിക്കുന്നില്ല. [QE]
16. [QS]അവൾ തന്റെ കുഞ്ഞുങ്ങളോട്, അവ തനിക്കുള്ളവയല്ല എന്ന മട്ടിൽ ക്രൂരമായിപ്പെരുമാറുന്നു; [QE][QS2]അവളുടെ പ്രസവവേദന വ്യർഥമായിപ്പോകും എന്നതിലും അവൾക്ക് ആകുലതയില്ല. [QE]
17. [QS]കാരണം ദൈവം അവൾക്കു ജ്ഞാനം നൽകിയില്ല; [QE][QS2]അഥവാ, വിവേകശക്തിയും അനുവദിച്ചുനൽകിയില്ല. [QE]
18. [QS]അതു ചിറകുവിരിച്ചുകൊണ്ട് ഓടുമ്പോൾ [QE][QS2]കുതിരയെയും അതിന്മേൽ സവാരിചെയ്യുന്നവനെയും പരിഹസിക്കുന്നു. [QE][PBR]
19. [QS]“കുതിരയ്ക്കു ശക്തി നൽകിയത് നീയോ? [QE][QS2]അതിന്റെ കഴുത്തിൽ നീയോ കുഞ്ചിരോമം അണിയിച്ചത്? [QE]
20. [QS]അതിനെ വെട്ടുക്കിളിയെപ്പോലെ നിനക്കു കുതിച്ചുചാടിക്കാമോ? [QE][QS2]അതിന്റെ ശക്തിയേറിയ ചീറ്റൽ ഭയാനകംതന്നെ! [QE]
21. [QS]അതു താഴ്വരയിൽ മാന്തുകയും കരുത്തിൽ ഊറ്റംകൊള്ളുകയും [QE][QS2]സൈന്യനിരയ്ക്കുനേരേ പാഞ്ഞടുക്കുകയും ചെയ്യുന്നു. [QE]
22. [QS]അതു ഭയത്തെ പുച്ഛിച്ചുതള്ളി കൂസലില്ലാതെ മുന്നേറുന്നു; [QE][QS2]വാളിൽനിന്ന് അതു പിന്തിരിയുന്നതുമില്ല. [QE]
23. [QS]ആവനാഴിയുടെ കിലുകിലുക്കത്തെയും [QE][QS2]കുന്തത്തിന്റെയും ശൂലത്തിന്റെയും തിളക്കത്തെയും അത് എതിരിടുന്നു. [QE]
24. [QS]ഉഗ്രരോഷത്തോടും ആവേശത്തോടും അതു ദൂരം പിന്നിടുന്നു; [QE][QS2]കാഹളശബ്ദം കേട്ടാൽ അത് അടങ്ങിനിൽക്കുകയില്ല. [QE]
25. [QS]കാഹളം മുഴങ്ങുന്തോറും അത്, ‘ആഹാ!’ എന്നു ചിനയ്ക്കുന്നു! [QE][QS2]വിദൂരതയിൽനിന്ന് അത് യുദ്ധത്തിന്റെ ഗന്ധം മണത്തറിയുന്നു, [QE][QS2]പടനായകരുടെ അട്ടഹാസവും ആർപ്പുവിളിയുംതന്നെ. [QE][PBR]
26. [QS]“പരുന്ത് പറന്നുയരുന്നതും ദക്ഷിണദിശയിലേക്കു [QE][QS2]ചിറകുകൾ വിരിക്കുന്നതും നിന്റെ ജ്ഞാനംനിമിത്തമോ? [QE]
27. [QS]നിന്റെ ആജ്ഞയനുസരിച്ചോ കഴുകൻ പറന്നുയരുന്നതും [QE][QS2]ഉയരത്തിൽ കൂടുകെട്ടുന്നതും? [QE]
28. [QS]പാറപ്പിളർപ്പിൽ അതു വസിക്കുകയും അവിടെ രാപാർക്കുകയും ചെയ്യുന്നു; [QE][QS2]കിഴുക്കാംതൂക്കായ പാറ അതിന്റെ ശക്തികേന്ദ്രമാകുന്നു. [QE]
29. [QS]അവിടെനിന്നും അത് ഇര തേടുന്നു; [QE][QS2]അതിന്റെ ദൃഷ്ടി വിദൂരതയിൽനിന്ന് ഇര കണ്ടെത്തുന്നു. [QE]
30. [QS]അതിന്റെ കുഞ്ഞുങ്ങൾ ചോര വലിച്ചുകുടിക്കുന്നു; [QE][QS2]ശവം എവിടെയുണ്ടോ അവിടെ കഴുകനുമുണ്ട്.” [QE]