1. {#1എലീഫസ് }
2. [PS]അപ്പോൾ തേമാന്യനായ എലീഫാസ് ഇപ്രകാരം ഉത്തരം പറഞ്ഞു: [PE][QS]“നിന്നോട് ആരെങ്കിലും ഒരു വാക്കു സംസാരിക്കാൻ തുനിഞ്ഞാൽ നീ അക്ഷമനാകുമോ? [QE][QS2]എന്നാൽ ആർക്കു സംസാരിക്കാതിരിക്കാൻ കഴിയും? [QE]
3. [QS]നീ ധാരാളംപേരെ ഉദ്ബോധിപ്പിച്ചിട്ടുണ്ട്; [QE][QS2]ശക്തിക്ഷയിച്ച കൈകളെ നീ ബലപ്പെടുത്തിയിട്ടുള്ളതും ഓർക്കുക. [QE]
4. [QS]ഇടറുന്നവരെ നിന്റെ വാക്കുകൾ ഉറപ്പിച്ചുനിർത്തി; [QE][QS2]ദുർബലമായ കാൽമുട്ടുകൾക്കു നീ ബലം പകർന്നു. [QE]
5. [QS]ഇപ്പോഴിതാ, ദുരന്തം നിന്നെ വേട്ടയാടിയിരിക്കുന്നു, നിന്റെ ധൈര്യം ചോർന്നുപോകുകയും ചെയ്തിരിക്കുന്നു; [QE][QS2]അതു നിന്നെ ആഞ്ഞടിച്ചപ്പോൾ നീ പരിഭ്രാന്തനായിരിക്കുന്നു. [QE]
6. [QS]നിന്റെ ദൈവഭക്തി നിനക്ക് ആത്മവിശ്വാസം നൽകുന്നില്ലേ? [QE][QS2]നിന്റെ നിർമലമാർഗങ്ങളല്ലേ നിനക്കു പ്രത്യാശ നൽകുന്നത്? [QE][PBR]
7. [QS]“ഓർത്തുനോക്കുക: നിഷ്കളങ്കരായ ആരെങ്കിലും നശിച്ചുപോയിട്ടുണ്ടോ? [QE][QS2]പരമാർഥികൾ എപ്പോഴെങ്കിലും മുടിഞ്ഞുപോയിട്ടുണ്ടോ? [QE]
8. [QS]എന്റെ നിരീക്ഷണത്തിൽ, അനീതി ഉഴുകയും [QE][QS2]ദോഷം വിതയ്ക്കുകയും ചെയ്യുന്നവർ അതുതന്നെ കൊയ്തുകൂട്ടുന്നു. [QE]
9. [QS]ദൈവത്തിന്റെ നിശ്വാസത്താൽ അവർ നശിക്കുന്നു; [QE][QS2]അവിടത്തെ കോപാഗ്നിയിൽ അവർ വെന്തുവെണ്ണീറാകുന്നു. [QE]
10. [QS]സിംഹം അലറുകയും മുരളുകയും ചെയ്തേക്കാം, [QE][QS2]എന്നിട്ടും ഭീകരസിംഹങ്ങളുടെ ദംഷ്ട്രങ്ങൾ തകർക്കപ്പെടുന്നു. [QE]
11. [QS]സിംഹം ഇര കിട്ടായ്കയാൽ നശിച്ചുപോകുകയും [QE][QS2]സിംഹിയുടെ കുട്ടികൾ ചിതറിപ്പോകുകയും ചെയ്യുന്നു. [QE][PBR]
12. [QS]“ഇപ്പോൾ ഒരു വാർത്ത രഹസ്യമായി എന്റെ ചെവിയിലെത്തി; [QE][QS2]അതിന്റെ മന്ത്രണം എന്റെ കാതുകളിൽ പതിച്ചു. [QE]
13. [QS]രാത്രിയിൽ അസ്വസ്ഥചിന്തകൾ ഉളവാക്കുന്ന സ്വപ്നങ്ങൾക്കിടയിൽ, [QE][QS2]മനുഷ്യർ ഗാഢനിദ്രയിൽ ആണ്ടുപോകുന്ന നേരത്തുതന്നെ, [QE]
14. [QS]ഭീതിയും നടുക്കവും എന്നെ പിടികൂടി; [QE][QS2]എന്റെ അസ്ഥികളെയെല്ലാം അതു പിടിച്ചുകുലുക്കി. [QE]
15. [QS]ഒരാത്മാവ് എന്റെ മുഖത്തുകൂടി തെന്നിമാറി; [QE][QS2]എന്റെ ശരീരം രോമാഞ്ചമണിഞ്ഞു. [QE]
16. [QS]അതു നിശ്ചലമായി നിന്നു; [QE][QS2]എങ്കിലും ആ രൂപം എന്താണെന്നു തിരിച്ചറിയാൻ എനിക്കു കഴിഞ്ഞില്ല. [QE][QS]ഒരു രൂപം എന്റെ കണ്ണുകൾക്കുമുമ്പിൽ നിലകൊണ്ടു; [QE][QS2]നിശ്ശബ്ദതയിൽ ഞാൻ ഒരു പതിഞ്ഞസ്വരം കേട്ടു: [QE]
17. [QS]‘മർത്യനു ദൈവത്തെക്കാൾ നീതിമാനാകാൻ കഴിയുമോ? [QE][QS2]തന്റെ സ്രഷ്ടാവിനെക്കാൾ നിർമലനാകാൻ ഒരു മനുഷ്യനു സാധിക്കുമോ? [QE]
18. [QS]ദൈവം തന്റെ സേവകരിൽ വിശ്വാസം അർപ്പിക്കുന്നില്ലെങ്കിൽ; [QE][QS2]തന്റെ ദൂതന്മാരിൽ അങ്ങ് കുറ്റമാരോപിക്കുന്നെങ്കിൽ, [QE]
19. [QS]മൺകൂടാരങ്ങളിൽ വസിക്കുന്നവർ, [QE][QS2]പൊടിയിൽനിന്ന് ഉദ്ഭവിച്ചവർ, [QE][QS2]നിശാശലഭത്തെക്കാൾ വേഗത്തിൽ ചവിട്ടിയരയ്ക്കപ്പെടുന്നവർ എത്രയധികം കുറ്റക്കാരായിരിക്കും! [QE]
20. [QS]ഉഷസ്സിനും സായംസന്ധ്യക്കും മധ്യേ അവർ ഛിന്നഭിന്നമാകുന്നു; [QE][QS2]അഗണ്യരായി, അവർ എന്നെന്നേക്കുമായി അപ്രത്യക്ഷരാകുന്നു. [QE]
21. [QS]അവരുടെ ജീവതന്തു അവർക്കുള്ളിൽത്തന്നെ അറ്റുപോകുകയല്ലേ? [QE][QS2]അവർ ജ്ഞാനം പ്രാപിക്കാതെ മരിക്കുകയല്ലേ ചെയ്യുന്നത്?’ [QE][PBR]