1.
2. [PS]യഹോവ പിന്നെയും ഇയ്യോബിനോട് ഇപ്രകാരം അരുളിച്ചെയ്തു: [PE][QS]“സർവശക്തനോട് എതിർക്കുന്നവർ അവിടത്തെ തെറ്റുകൾ തിരുത്തുമോ? [QE][QS2]ദൈവത്തിൽ കുറ്റം ആരോപിക്കുന്നവർ ഇതിന് ഉത്തരം പറയട്ടെ.” [QE]
3.
4. [PS]അപ്പോൾ ഇയ്യോബ് യഹോവയോട് ഇപ്രകാരം മറുപടി പറഞ്ഞു: [PE][QS]“കണ്ടാലും, ഞാൻ എത്ര അയോഗ്യൻ! ഞാൻ അങ്ങയോട് എങ്ങനെ ഉത്തരം പറയും? [QE][QS2]ഞാൻ കൈകൊണ്ടു വായ് പൊത്തുകയാണ്. [QE]
5. [QS]ഒരുപ്രാവശ്യം ഞാൻ സംസാരിച്ചു, എന്നാൽ ഇനി എനിക്ക് ഒരു മറുപടിയുമില്ല. [QE][QS2]രണ്ടുപ്രാവശ്യം ഞാൻ മറുപടി പറഞ്ഞു; ഇനി ഞാൻ ഒന്നും മിണ്ടുകയില്ല.” [QE]
6.
7. [PS]അതിനുശേഷം യഹോവ ചുഴലിക്കാറ്റിൽനിന്ന് ഇയ്യോബിനോട് ഇങ്ങനെ ഉത്തരം പറഞ്ഞു: [PE][QS]“ഇപ്പോൾ നീ ഒരു പുരുഷനെപ്പോലെ അര മുറുക്കിക്കൊൾക; [QE][QS2]ഞാൻ നിന്നോടു ചോദിക്കും [QE][QS2]നീ എനിക്ക് ഉത്തരം നൽകണം. [QE][PBR]
8. [QS]“നീ എന്റെ ന്യായവിധിയെ റദ്ദാക്കുമോ? [QE][QS2]നീ നിന്നെത്തന്നെ നീതീകരിക്കേണ്ടതിന് എന്നെ കുറ്റം വിധിക്കുമോ? [QE]
9. [QS]അഥവാ, ദൈവത്തിന്റേതുപോലെയുള്ള ഒരു ഭുജം നിനക്കുണ്ടോ? [QE][QS2]അവിടത്തേതുപോലെ നിന്റെ ശബ്ദം ഇടിനാദം മുഴക്കുമോ? [QE]
10. [QS]മഹിമയും പ്രതാപവുംകൊണ്ടു നീ നിന്നെത്തന്നെ അലങ്കരിക്കുക, [QE][QS2]ബഹുമാനവും ഗാംഭീര്യവും നീ ധരിച്ചുകൊൾക. [QE]
11. [QS]നിന്റെ ക്രോധത്തിന്റെ ഘോരതയുടെ കെട്ടുകൾ അഴിയപ്പെടട്ടെ, [QE][QS2]അഹങ്കാരികളായ എല്ലാവരുടെയുംമേൽ നീ നിന്റെ ദൃഷ്ടിവെച്ച് അവരെ താഴ്ത്തിയാലും. [QE]
12. [QS]നിഗളികളായ ഓരോരുത്തരുടെമേലും നീ ദൃഷ്ടിവെച്ച് അവരെ നിസ്സാരരാക്കിയാലും. [QE][QS2]ദുഷ്ടന്മാർ നിൽക്കുന്നിടത്തുതന്നെവെച്ച് അവരെ ചവിട്ടിമെതിച്ചാലും. [QE]
13. [QS]അവരെ ഒന്നടങ്കം പൊടിയിലാഴ്ത്തിയാലും; [QE][QS2]ശവക്കുഴികളിൽ അവരുടെ മുഖം മറവുചെയ്താലും. [QE]
14. [QS]അപ്പോൾ നിന്റെ വലതുകരത്തിനു നിന്നെ രക്ഷിക്കാൻ കഴിയുമെന്നു [QE][QS2]ഞാൻതന്നെ സമ്മതിച്ചുതരാം. [QE][PBR]
15. [QS]“നിന്നെയെന്നപോലെ ഞാൻ നിർമിച്ച [QE][QS2]നീർക്കുതിരയെ നോക്കുക. [QE][QS2]അതു കാളയെപ്പോലെ പുല്ലുതിന്നുന്നു. [QE]
16. [QS]അതിന്റെ ഇടുപ്പിന്റെ ശക്തി നോക്കുക, [QE][QS2]ഉദരപേശികളിലാണ് അതിന്റെ ബലം. [QE]
17. [QS]ദേവദാരുപോലെയുള്ള അതിന്റെ വാൽ ആട്ടുന്നു; [QE][QS2]അതിന്റെ തുടകളിലെ ഞരമ്പുകൾ കൂടിപ്പിണഞ്ഞിരിക്കുന്നു. [QE]
18. [QS]അതിന്റെ അസ്ഥികൾ വെങ്കലക്കുഴലുകളാണ്, [QE][QS2]അതിന്റെ കൈകാലുകൾ ഇരുമ്പുദണ്ഡുകൾപോലെ. [QE]
19. [QS]ദൈവത്തിന്റെ സൃഷ്ടികളിൽ മുഖ്യസ്ഥാനമാണ് അതിനുള്ളത്; [QE][QS2]എങ്കിലും അതിന്റെ സ്രഷ്ടാവിന് ഒരു വാളുമായി അതിനെ സമീപിക്കാൻ കഴിയും. [QE]
20. [QS]പർവതങ്ങൾ അതിന് ആഹാരമൊരുക്കുന്നു; [QE][QS2]എല്ലാ കാട്ടുമൃഗങ്ങളും അതിനരികെ വിഹരിക്കുന്നു. [QE]
21. [QS]താമരച്ചെടിയുടെ തണലിലും [QE][QS2]ഞാങ്ങണയുടെ മറവിലെ ചതുപ്പുനിലത്തും അതു കിടക്കുന്നു. [QE]
22. [QS]താമരച്ചെടികൾ അതിന്റെ തണലിൽ അതിനെ മറയ്ക്കുന്നു; [QE][QS2]അരുവികളിലെ അലരിച്ചെടികൾ അതിനെ ചുറ്റിനിൽക്കുന്നു. [QE]
23. [QS]നദി ഇരമ്പിക്കയറിവന്നാൽ അതു പേടിക്കുകയില്ല; [QE][QS2]യോർദാൻനദി അതിന്റെ വായ്ക്കുനേരേ കുതിച്ചുയർന്നാലും അതു സുരക്ഷിതമായിരിക്കും! [QE]
24. [QS]അത് ഉണർന്നിരിക്കുമ്പോൾ ആർക്കെങ്കിലും അതിനെ പിടികൂടാമോ? [QE][QS2]അതിനു കെണിവെച്ച്, അതിന്റെ മൂക്കു തുളയ്ക്കാൻ ആർക്കു കഴിയും? [QE][PBR]