1. [QS]“നിനക്കു ലിവ്യാഥാനെ മീൻചൂണ്ടകൊണ്ടു പിടിക്കാൻ കഴിയുമോ? [QE][QS2]അഥവാ, കയറുകൊണ്ട് അതിന്റെ നാക്ക് നിനക്കു ബന്ധിക്കാമോ? [QE]
2. [QS]അതിന്റെ മൂക്കിൽക്കൂടി ഒരു ചരട് കോർത്തെടുക്കാമോ? [QE][QS2]അതിന്റെ താടിയെല്ലിൽ ഒരു കൊളുത്ത് കുത്തിയിറക്കാൻ പറ്റുമോ? [QE]
3. [QS]അതു നിന്നോട് കരുണയ്ക്കായി യാചിച്ചുകൊണ്ടിരിക്കുമോ? [QE][QS2]അതു സൗമ്യമായി നിന്നോടു സംസാരിക്കുമോ? [QE]
4. [QS]അതിനെ ആജീവനാന്തം നിന്റെ അടിമയായി എടുക്കുന്നതിന് [QE][QS2]അതു നീയുമായി ഒരു കരാറുചെയ്യുമോ? [QE]
5. [QS]ഒരു പക്ഷിയെന്നപോലെ അതിനെ നിനക്ക് ഓമനിക്കാമോ? [QE][QS2]അഥവാ, നിന്റെ പെൺകുട്ടികളോടൊപ്പം കളിക്കുന്നതിന് അതിനെ കെട്ടിയിടാമോ? [QE]
6. [QS]വ്യാപാരികൾ അതിനുവേണ്ടി വിലപേശുമോ? [QE][QS2]കച്ചവടക്കാർ അതിനെ പങ്കിട്ടെടുക്കുമോ? [QE]
7. [QS]അതിന്റെ ത്വക്ക് ചാട്ടുളികൊണ്ടു നിറയ്ക്കാമോ? [QE][QS2]അഥവാ, അതിന്റെ തലയിൽ മത്സ്യവേധത്തിനുള്ള കുന്തം തറയ്ക്കാമോ? [QE]
8. [QS]അതിന്റെമേൽ നീ ഒന്നു കൈവെച്ചാൽ, [QE][QS2]ആ മൽപ്പിടുത്തം നീ എന്നെന്നും ഓർക്കുകയും [QE][QS2]പിന്നീടൊരിക്കലും അതിനു തുനിയുകയുമില്ല! [QE]
9. [QS]അതിനെ കീഴ്പ്പെടുത്താം എന്ന ആശതന്നെ വ്യർഥം; [QE][QS2]അതിന്റെ കാഴ്ചയിൽത്തന്നെ നീ വീണുപോകുമല്ലോ. [QE]
10. [QS]അതിനെ ഉണർത്താൻതക്ക ശൂരത ആർക്കുമില്ല; [QE][QS2]അങ്ങനെയെങ്കിൽ എന്റെമുമ്പിൽ നിൽക്കാവുന്നവൻ ആര്? [QE]
11. [QS]ഞാൻ കടപ്പെട്ടിരിക്കുന്നു എന്ന് അവകാശപ്പെടാൻ കഴിയുന്നയാൾ ആർ? [QE][QS2]ആകാശത്തിൻകീഴിലുള്ള സകലതും എനിക്കു സ്വന്തം. [QE][PBR]
12. [QS]“ലിവ്യാഥാന്റെ അവയവങ്ങളെയോ മഹാശക്തിയെയോ [QE][QS2]ചേലൊത്ത രൂപത്തെയോപറ്റി ഞാൻ മൗനിയാകുകയില്ല. [QE]
13. [QS]അതിന്റെ പുറമേയുള്ള തുകൽ ആർക്കു നീക്കംചെയ്യാം? [QE][QS2]അതിന്റെ ഇരട്ടക്കവചം കുത്തിത്തുളയ്ക്കാൻ ആർക്കു കഴിയും? [QE]
14. [QS]അതിന്റെ മുഖദ്വാരങ്ങൾ തുറക്കാൻ ആർക്കു കഴിയും? [QE][QS2]അതിന്റെ ദന്തനിര ഭയാനകമത്രേ. [QE]
15. [QS]അതിന്റെ ചെതുമ്പലുകൾ[* അഥവാ, അഹങ്കാരം ] പരിചകളാണ്, [QE][QS2]അവ ഭദ്രമായി മുദ്രവെച്ച് അടച്ചിരിക്കുന്നു; [QE]
16. [QS]വായു കടക്കാത്തവിധം [QE][QS2]അവ ഒന്നിനോടൊന്നു ചേർന്നിരിക്കുന്നു. [QE]
17. [QS]അവ ഒന്നിനോടൊന്നിണക്കപ്പെട്ട് [QE][QS2]വേർപെടുത്താൻ കഴിയാത്തവിധം ഒട്ടിച്ചേർന്നിരിക്കുന്നു. [QE]
18. [QS]അതിന്റെ ഉഗ്രമായ ഉച്ഛ്വാസത്താൽ മിന്നൽ ചിതറും; [QE][QS2]അതിന്റെ കണ്ണുകൾ പ്രഭാതത്തിലെ രശ്മികൾപോലെയാണ്. [QE]
19. [QS]അതിന്റെ വായിൽനിന്ന് തീപ്പന്തം ബഹിർഗമിക്കുന്നു; [QE][QS2]അതിൽനിന്ന് തീപ്പൊരികൾ മിന്നിച്ചിതറുന്നു. [QE]
20. [QS]തിളയ്ക്കുന്ന കലത്തിൽനിന്നും കത്തുന്ന ഞാങ്ങണച്ചെടിയിൽനിന്നും എന്നപോലെ [QE][QS2]അതിന്റെ നാസാരന്ധ്രത്തിൽനിന്ന് പുക വമിക്കുന്നു. [QE]
21. [QS]അതിന്റെ ശ്വാസം കനൽ ജ്വലിപ്പിക്കുന്നു; [QE][QS2]അതിന്റെ വായിൽനിന്ന് ആഗ്നേയാസ്ത്രങ്ങൾ പായുന്നു. [QE]
22. [QS]അതിന്റെ കഴുത്തിൽ കരുത്തു കുടികൊള്ളുന്നു; [QE][QS2]സംഭ്രമം അതിന്റെ മുമ്പിൽ കുതിക്കുന്നു, [QE]
23. [QS]അതിന്റെ മാംസപാളികൾ അതിന്റെമേൽ ഉറപ്പായും [QE][QS2]ഇളക്കമില്ലാതെയും പറ്റിച്ചേർന്നും ഇരിക്കുന്നു, [QE]
24. [QS]അതിന്റെ നെഞ്ച് പാറപോലെ കഠിനം; [QE][QS2]തിരികല്ലിന്റെ പിള്ളപോലെ ഉറപ്പുള്ളതുതന്നെ. [QE]
25. [QS]അതു തലയുയർത്തുമ്പോൾ ബലശാലികൾ ഭയപ്പെടുന്നു; [QE][QS2]അതിന്റെ മർദനത്തിൽ അവർ പിന്മാറുന്നു. [QE]
26. [QS]വാൾകൊണ്ടുള്ള വെട്ട് അതിന്റെമേൽ ഫലിക്കുകയില്ല; [QE][QS2]കുന്തമോ ചാട്ടുളിയോ വേലോ[† അതായത്, കനംകുറഞ്ഞ നീളമുള്ള കുന്തം. ] എല്ലാം ഫലശൂന്യംതന്നെ. [QE]
27. [QS]അതിന് ഇരുമ്പ് വൈക്കോൽപോലെയും [QE][QS2]വെങ്കലം ചെതുക്കായ തടിപോലെയുംമാത്രം. [QE]
28. [QS]അസ്ത്രംകൊണ്ട് അതിനെ ഓടിക്കാൻ കഴിയില്ല; [QE][QS2]കവിണക്കല്ല് അതിനു പതിർപോലെയാണ്. [QE]
29. [QS]ഗദ അതിന് ഒരു കച്ചിത്തുരുമ്പുപോലെമാത്രം; [QE][QS2]ശൂലത്തിന്റെ കിലുകിലാരവത്തെ അതു പരിഹസിക്കുന്നു. [QE]
30. [QS]അതിന്റെ അധോഭാഗം മൂർച്ചയുള്ള ഓട്ടക്കലക്കഷണംപോലെയാണ്; [QE][QS2]ചെളിമേൽ ഒരു മെതിവണ്ടിപോലെ അതു വലിയുന്നു. [QE]
31. [QS]അത് ആഴിയെ തിളയ്ക്കുന്ന കുട്ടകംപോലെ കടയുന്നു; [QE][QS2]കടലിനെ അതു തൈലപ്പാത്രംപോലെ ഇളക്കിമറിക്കുന്നു. [QE]
32. [QS]അതു പോകുന്ന പാതയിൽ ഒരു തിളങ്ങുന്ന കപ്പൽച്ചാൽ ഉണ്ടാക്കുന്നു; [QE][QS2]കടലിനു നരബാധിച്ച പ്രതീതി ജനിപ്പിക്കുന്നു. [QE]
33. [QS]ഭൂമിയിൽ ഒന്നും അതിനു തുല്യമല്ല; [QE][QS2]അതു ഭയമില്ലാത്ത ഒരു ജീവിതന്നെ. [QE]
34. [QS]ഗർവമുള്ള ഏതൊന്നിനെയും അതു പുച്ഛിച്ചുതള്ളുന്നു; [QE][QS2]അഹന്തയുള്ള എല്ലാറ്റിനുംമീതേ അതു രാജാവുതന്നെ.” [QE]