1. [QS]“ഇപ്പോൾത്തന്നെ വിളിച്ചുചോദിക്കുക; പക്ഷേ, ആരാണ് നിനക്ക് ഉത്തരം നൽകുക? [QE][QS2]വിശുദ്ധരിൽ[* വിശുദ്ധരിൽ, വിവക്ഷിക്കുന്നത് ദൂതന്മാരിൽ ] ആരുടെ മുമ്പിലാണ് നീ ശരണാർഥിയാകുന്നത്? [QE]
2. [QS]നീരസം ഭോഷരെ കൊല്ലുന്നു; [QE][QS2]അസൂയ ബുദ്ധിഹീനരെ നശിപ്പിക്കുന്നു. [QE]
3. [QS]ഭോഷർ തഴച്ചുവളരുന്നതു ഞാൻ കണ്ടിട്ടുണ്ട്, [QE][QS2]എന്നാൽ അവരുടെ വാസസ്ഥലം ധൃതഗതിയിൽ ശാപഗ്രസ്തമാക്കപ്പെടുന്നു. [QE]
4. [QS]അവരുടെ മക്കൾക്ക് സുരക്ഷിതത്വം അന്യമായിരിക്കുന്നു, [QE][QS2]അവർക്കുവേണ്ടി വാദിക്കാൻ ആരും ഇല്ലാത്തതിനാൽ കോടതിയിൽവെച്ച് അവർ തകർക്കപ്പെടുന്നു. [QE]
5. [QS]അവരുടെ വിളവ് വിശപ്പുള്ളവർ വിഴുങ്ങിക്കളയുന്നു, [QE][QS2]മുൾച്ചെടിയുടെ ഫലംപോലും അവർ അപഹരിക്കുന്നു, [QE][QS2]അവരുടെ സമ്പത്തിനായി ദാഹാർത്തർ കിതയ്ക്കുന്നു. [QE]
6. [QS]കഷ്ടത പൂഴിയിൽനിന്നു മുളച്ചുപൊങ്ങുന്നില്ല, [QE][QS2]അനർഥം ഭൂമിയിൽനിന്നു നാമ്പെടുക്കുന്നതുമില്ല. [QE]
7. [QS]തീപ്പൊരി മുകളിലേക്കു പാറുന്നതുപോലെ [QE][QS2]മനുഷ്യൻ കഷ്ടതയിലേക്കു പിറന്നുവീഴുന്നു. [QE][PBR]
8. [QS]“എന്നാൽ ഞാൻ നിന്റെ സ്ഥാനത്തായിരുന്നെങ്കിൽ, ഞാൻ ദൈവത്തെ അന്വേഷിക്കുമായിരുന്നു; [QE][QS2]എന്റെ സങ്കടം അവിടത്തെ മുമ്പിൽ സമർപ്പിക്കുമായിരുന്നു. [QE]
9. [QS]അളക്കാൻ സാധിക്കാത്ത വൻകാര്യങ്ങളും [QE][QS2]അസംഖ്യം അത്ഭുതങ്ങളും അവിടന്ന് പ്രവർത്തിക്കുന്നു. [QE]
10. [QS]അവിടന്ന് ഭൂമിയിൽ മഴപെയ്യിക്കുകയും [QE][QS2]വയലുകളെ ജലധാരയാൽ അനുഗ്രഹിക്കുകയും ചെയ്യുന്നു. [QE]
11. [QS]അവിടന്ന് എളിയവരെ ഉദ്ധരിക്കുകയും [QE][QS2]വിലപിക്കുന്നവരെ സുരക്ഷിതസ്ഥാനത്തേക്ക് ഉയർത്തുകയും ചെയ്യുന്നു. [QE]
12. [QS]അവിടന്ന് കൗശലക്കാരുടെ പദ്ധതികൾ തകിടംമറിക്കുന്നു; [QE][QS2]അതുകൊണ്ട് അവരുടെ കൈകൾ വിജയം കൈവരിക്കാതെ പോകുന്നു. [QE]
13. [QS]അവിടന്ന് ജ്ഞാനികളെ അവരുടെ കൗശലങ്ങളിൽ കുടുക്കുന്നു; [QE][QS2]സൂത്രശാലികളുടെ ആസൂത്രണങ്ങൾ വേഗത്തിൽത്തന്നെ പാളിപ്പോകുന്നു. [QE]
14. [QS]പകൽസമയത്ത് ഇരുട്ട് അവരെ മൂടുന്നു; [QE][QS2]മധ്യാഹ്നത്തിൽ രാത്രിയിലെന്നപോലെ അവർ തപ്പിനടക്കുന്നു. [QE]
15. [QS]അവിടന്ന് ദരിദ്രരെ സൂത്രശാലികളുടെ മൂർച്ചയേറിയ വാക്കുകളിൽനിന്നും [QE][QS2]ബലവാന്മാരുടെ കൈയിൽനിന്നും സംരക്ഷിക്കുന്നു. [QE]
16. [QS]അതിനാൽ ദരിദ്രർക്കു പ്രത്യാശയുണ്ട്; [QE][QS2]അനീതിയോ, അതിന്റെ വായ് പൊത്തുന്നു. [QE][PBR]
17. [QS]“നോക്കൂ, ദൈവം ശാസിക്കുന്ന മനുഷ്യൻ എത്ര അനുഗ്രഹിക്കപ്പെട്ടവൻ; [QE][QS2]അതിനാൽ സർവശക്തന്റെ ശിക്ഷണം നീ നിന്ദിക്കരുത്. [QE]
18. [QS]അവിടന്ന് മുറിവേൽപ്പിക്കുകയും അവിടന്നുതന്നെ മുറിവുകെട്ടുകയും ചെയ്യുന്നു; [QE][QS2]അവിടന്ന് പ്രഹരിക്കുകയും അവിടത്തെ കരം സൗഖ്യം നൽകുകയുംചെയ്യുന്നു. [QE]
19. [QS]ആറു ദുരന്തങ്ങളിൽനിന്നും അവിടന്ന് നിന്നെ കരകയറ്റും; [QE][QS2]ഏഴാമത്തേതിൽ ഒരു തിന്മയും നിന്നെ സ്പർശിക്കുകയില്ല. [QE]
20. [QS]ക്ഷാമകാലത്ത് അവിടന്ന് നിന്നെ മരണത്തിൽനിന്നു വിടുവിക്കും, [QE][QS2]യുദ്ധമുഖത്ത് വാളിന്റെ വായ്ത്തലയിൽനിന്നും. [QE]
21. [QS]നാവുകൊണ്ടുള്ള പ്രഹരങ്ങളിൽനിന്നു നീ മറയ്ക്കപ്പെടും [QE][QS2]വിനാശം വരുമ്പോൾ നീ ഭയപ്പെടേണ്ടതുമില്ല. [QE]
22. [QS]നാശത്തെയും ക്ഷാമത്തെയും നീ പരിഹസിക്കും; [QE][QS2]വന്യമൃഗങ്ങളെ നീ ഭയപ്പെടേണ്ടതുമില്ല. [QE]
23. [QS]നിലത്തെ കല്ലുകളോടുപോലും നിനക്കു സഖ്യമുണ്ടാകും; [QE][QS2]കാട്ടിലെ മൃഗങ്ങൾ നിന്നോട് ഇണങ്ങിയിരിക്കും. [QE]
24. [QS]നിന്റെ കൂടാരം സുരക്ഷിതമെന്നു നീ അറിയും; [QE][QS2]നീ സമ്പത്ത് പരിശോധിക്കുമ്പോൾ ഒന്നും നഷ്ടപ്പെട്ടതായി കാണുകയില്ല. [QE]
25. [QS]നിന്റെ മക്കൾ അനേകമെന്നും [QE][QS2]നിന്റെ സന്തതികൾ ഭൂമിയിലെ പുല്ലുപോലെയെന്നും നീ മനസ്സിലാക്കും. [QE]
26. [QS]വിളഞ്ഞ കറ്റകൾ തക്കസമയത്ത് അടുക്കിവെക്കുന്നതുപോലെ [QE][QS2]പൂർണവാർധക്യത്തിൽ നീ കല്ലറയിലേക്ക് ആനയിക്കപ്പെടും. [QE][PBR]
27. [QS]“ഇവയെല്ലാം ഞങ്ങൾ അന്വേഷിച്ചറിഞ്ഞു, അവ വാസ്തവമാണുതാനും. [QE][QS2]എന്റെ ഉപദേശം കേൾക്കുക, നിന്റെ നന്മയ്ക്കായി അതു പ്രാവർത്തികമാക്കുക.” [QE]