1. {#1ഇയ്യോബ് }
2. [PS]അപ്പോൾ ഇയ്യോബ് ഇപ്രകാരം മറുപടി പറഞ്ഞു: [PE][QS]“അയ്യോ! എന്റെ ദുഃഖം ഒന്നു തൂക്കിനോക്കിയെങ്കിൽ, [QE][QS2]എന്റെ ദുരിതങ്ങളെല്ലാം ഒരു തുലാസിൽ വെച്ചിരുന്നെങ്കിൽ! [QE]
3. [QS]അതു സമുദ്രതീരത്തെ മണൽത്തരികളെക്കാൾ ഘനമേറിയതായിരിക്കും, നിശ്ചയം. [QE][QS2]അതുകൊണ്ടാണ് എന്റെ വാക്കുകൾ വീണ്ടുവിചാരമില്ലാത്ത ഒന്നായിപ്പോയത്. [QE]
4. [QS]സർവശക്തന്റെ അസ്ത്രങ്ങൾ എന്റെമേൽ തറച്ചു, [QE][QS2]അവയുടെ വിഷം എന്റെ ആത്മാവു പാനംചെയ്തു; [QE][QS2]ദൈവത്തിന്റെ ഘോരത്വങ്ങൾ എനിക്കെതിരേ അണിനിരന്നിരിക്കുന്നു. [QE]
5. [QS]തിന്നുന്നതിനു പുല്ലുള്ളപ്പോൾ കാട്ടുകഴുത കരയുമോ? [QE][QS2]തീറ്റി മുമ്പിലിരിക്കെ കാള മുക്കുറയിടുമോ? [QE]
6. [QS]രുചിയില്ലാത്ത ആഹാരം ഉപ്പു ചേർക്കാതെ കഴിക്കാൻ കഴിയുമോ? [QE][QS2]മുട്ടയുടെ വെള്ളയ്ക്ക്[* ഈ വാക്യഭാഗത്തിനുള്ള എബ്രായപദങ്ങളുടെ അർഥം വ്യക്തമല്ല. ] എന്ത് രുചിയാണുള്ളത്? [QE]
7. [QS]അതു കൈകൊണ്ട് തൊടാൻപോലും ഞാൻ ഇഷ്ടപ്പെടുന്നില്ല; [QE][QS2]അത്തരം ഭക്ഷണം എനിക്ക് മനംപിരട്ടൽ ഉണ്ടാക്കുന്നു. [QE][PBR]
8. [QS]“ഞാൻ ആശിച്ചവ എനിക്കു കിട്ടിയിരുന്നെങ്കിൽ! [QE][QS2]എന്റെ പ്രതീക്ഷകൾ ദൈവം സാധിപ്പിച്ചുതന്നിരുന്നെങ്കിൽ! [QE]
9. [QS]എന്നെ തകർത്തുകളയാൻ ദൈവത്തിന് ഇഷ്ടംതോന്നിയെങ്കിൽ! [QE][QS2]അവിടന്നു തന്റെ കൈനീട്ടി എന്നെ സംഹരിച്ചെങ്കിൽ നന്നായിരുന്നു. [QE]
10. [QS]അതെനിക്ക് എത്രയോ ആശ്വാസമാകുമായിരുന്നു— [QE][QS2]പരിശുദ്ധനായവന്റെ വചനം ഞാൻ നിരസിച്ചുകളഞ്ഞില്ല എന്നോർത്ത് [QE][QS2]വിട്ടുമാറാത്ത വേദനയിൽ ഞാൻ ആനന്ദിക്കുമായിരുന്നു. [QE][PBR]
11. [QS]“കാത്തിരിക്കേണ്ടതിന് എനിക്കു ശക്തിയെവിടെ? [QE][QS2]എന്തിനുവേണ്ടിയാണു ഞാൻ എന്റെ ജീവിതം നീട്ടിക്കൊണ്ടുപോകേണ്ടത്? [QE]
12. [QS]എനിക്ക് കരിങ്കല്ലിന്റെ കരുത്താണോ ഉള്ളത്? [QE][QS2]എന്റെ ശരീരം വെങ്കലംകൊണ്ടുള്ള നിർമിതിയോ? [QE]
13. [QS]എന്നെ സഹായിക്കാൻ തക്ക ശേഷി എനിക്കുണ്ടോ? [QE][QS2]വിജയം എന്നിൽനിന്ന് ഓടിമറഞ്ഞില്ലേ? [QE][PBR]
14. [QS]“സ്നേഹിതരോട് ദയ കാട്ടാതിരിക്കുന്ന ആൾ [QE][QS2]സർവശക്തനോടുള്ള ഭയമാണ് ഉപേക്ഷിച്ചുകളയുന്നത്. [QE]
15. [QS](15-16)എന്റെ സഹോദരന്മാർ ഇടയ്ക്കിടെ ഒഴുകുന്ന അരുവിപോലെയാണ്, അവർ ആശ്രയിക്കാൻ കൊള്ളാവുന്നവരല്ല. [QE][QS2]ഉരുകുന്ന ഹിമത്താൽ കലങ്ങുമ്പോൾ [QE][QS]അലിയുന്ന മഞ്ഞിനാൽ കവിയുമ്പോൾ [QE][QS2]കരകവിഞ്ഞൊഴുകുന്ന നീരൊഴുക്കുപോലെയാണ് അവർ; [QE]
16.
17. [QS]എന്നാൽ വേനൽക്കാലത്ത് ഒഴുക്കു നിലച്ച്, [QE][QS2]ഉഷ്ണത്തിൽ അവയുടെ ചാലുകളിൽനിന്ന് അവ അദൃശ്യമായിപ്പോകുന്നു. [QE]
18. [QS]വ്യാപാരസംഘങ്ങൾ അവയുടെ സഞ്ചാരപഥം വിട്ടു തിരിയുന്നു; [QE][QS2]അവർ ഊഷരഭൂമിയിലേക്കു തിരിഞ്ഞ് നശിച്ചുപോകുന്നു. [QE]
19. [QS]തേമായിലെ വ്യാപാരസംഘങ്ങൾ ഈ വെള്ളം തേടിച്ചെല്ലുന്നു; [QE][QS2]ശേബയിലെ വ്യാപാരികൾ അവയ്ക്കായി പ്രതീക്ഷയോടെ നോക്കുന്നു. [QE]
20. [QS]തങ്ങൾ വിശ്വാസമർപ്പിച്ചവയെപ്പറ്റി അവർക്കു നിരാശതോന്നുന്നു; [QE][QS2]അവർ അവിടെയെത്തി ലജ്ജിതരാകുന്നു. [QE]
21. [QS]ഇപ്പോൾ നിങ്ങൾ ഒന്നിനും ഉപകരിക്കാത്തവരെന്നു തെളിയിച്ചിരിക്കുന്നു; [QE][QS2]ഭീകരമായതെന്തോ കണ്ട് നിങ്ങൾ ഭ്രമിച്ചിരിക്കുന്നു. [QE]
22. [QS]‘എനിക്ക് എന്തെങ്കിലും നൽകൂ എന്നോ [QE][QS2]നിങ്ങളുടെ ധനത്തിൽനിന്ന് എനിക്കുവേണ്ടി മോചനദ്രവ്യം അടയ്‌ക്കൂ എന്നോ ഞാൻ പറഞ്ഞുവോ? [QE]
23. [QS]ശത്രുവിന്റെ കൈയിൽനിന്ന് എന്നെ വിടുവിക്കണമെന്നോ [QE][QS2]മർദകരുടെ ഇടയിൽനിന്ന് എന്നെ മോചിപ്പിക്കണമെന്നോ ഞാൻ ആവശ്യപ്പെട്ടോ?’ [QE][PBR]
24. [QS]“എന്നെ ഉപദേശിക്കുക; ഞാൻ മിണ്ടാതിരിക്കാം; [QE][QS2]എവിടെയാണ് എനിക്കു വീഴ്ചപറ്റിയതെന്ന് ചൂണ്ടിക്കാണിക്കുക. [QE]
25. [QS]സത്യസന്ധമായ വാക്കുകൾ എത്ര വേദനാജനകം! [QE][QS2]എന്നാൽ നിങ്ങൾ എന്താണ് വാദിച്ചു തെളിയിക്കാൻ തുനിയുന്നത്? [QE]
26. [QS]എന്റെ വാക്കുകളെ തിരുത്താനാണോ നിങ്ങൾ തുനിയുന്നത്? [QE][QS2]നിസ്സഹായന്റെ വാക്കുകളെ കാറ്റിനു തുല്യമാണോ പരിഗണിക്കുന്നത്. [QE]
27. [QS]അനാഥരെപ്പോലും നിങ്ങൾ നറുക്കിട്ടു വിൽക്കുന്നു; [QE][QS2]നിങ്ങളുടെ സ്നേഹിതരെപ്പോലും നിങ്ങൾ മാറ്റക്കച്ചവടംചെയ്യുന്നു. [QE][PBR]
28. [QS]“ഇപ്പോൾ എന്നെ കരുണയോടെ നോക്കുക; [QE][QS2]നിങ്ങളുടെ മുഖത്തുനോക്കി ഞാൻ വ്യാജം പറയുമോ? [QE]
29. [QS]മതിയാക്കുക, അന്യായം പ്രവർത്തിക്കരുതേ; [QE][QS2]പുനർവിചിന്തനം ചെയ്താലും, എന്റെ സത്യസന്ധതയാണ് ചോദ്യംചെയ്യപ്പെടുന്നത്. [QE]
30. [QS]എന്റെ നാവിൽ ഏതെങ്കിലും ദുഷ്ടത കാണുന്നുണ്ടോ? [QE][QS2]എന്റെ വായ്ക്കു വിപത്തിനെ തിരിച്ചറിയാൻ കഴിവില്ലേ? [QE][PBR]