1. [QS]യഹോവേ, ഞങ്ങൾക്ക് എന്തു സംഭവിച്ചു എന്നു നോക്കണമേ; [QE][QS2]നോക്കൂ, ഞങ്ങളുടെ നിന്ദ കാണണമേ. [QE]
2. [QS]ഞങ്ങളുടെ ഓഹരി അപരിചിതർക്കും [QE][QS2]ഞങ്ങളുടെ ഭവനങ്ങൾ വിദേശികൾക്കും ആയിപ്പോയി. [QE]
3. [QS]ഞങ്ങൾ അനാഥരും പിതാവില്ലാത്തവരും ആയി, [QE][QS2]ഞങ്ങളുടെ മാതാക്കൾ വിധവമാരെപ്പോലെ ആയി. [QE]
4. [QS]ഞങ്ങൾക്കുള്ള വെള്ളം ഞങ്ങൾ വിലകൊടുത്തു വാങ്ങണം; [QE][QS2]വിലകൊടുത്താൽമാത്രമേ ഞങ്ങൾക്കു വിറകു ലഭിക്കുകയുള്ളൂ; [QE]
5. [QS]ഞങ്ങളെ പിൻതുടരുന്നവർ ഞങ്ങളുടെ കുതികാലുകളിൽ എത്തി; [QE][QS2]ഞങ്ങൾ ക്ഷീണിച്ചു, വിശ്രമം കണ്ടെത്തുന്നതുമില്ല. [QE]
6. [QS]മതിയാവോളം അപ്പം കിട്ടേണ്ടതിന് [QE][QS2]ഞങ്ങൾ ഈജിപ്റ്റിനും അശ്ശൂരിനും കീഴടങ്ങി. [QE]
7. [QS]ഞങ്ങളുടെ പിതാക്കന്മാർ പാപംചെയ്ത് കടന്നുപോയി [QE][QS2]ഞങ്ങളോ അവർക്കുള്ള ശിക്ഷ അനുഭവിക്കുന്നു. [QE]
8. [QS]അടിമകൾ ഞങ്ങളെ ഭരിക്കുന്നു [QE][QS2]അവരുടെ കൈകളിൽനിന്ന് ഞങ്ങളെ വിടുവിക്കാൻ ആരുമില്ല. [QE]
9. [QS]മരുഭൂമിയിലെ വാൾനിമിത്തം [QE][QS2]ജീവൻ പണയംവെച്ച് ഞങ്ങൾ അപ്പം തേടുന്നു. [QE]
10. [QS]വിശപ്പിന്റെ താപത്താൽ [QE][QS2]ഞങ്ങളുടെ ത്വക്ക് അടുപ്പുപോലെ നീറുന്നു. [QE]
11. [QS]സ്ത്രീകൾ സീയോനിലും [QE][QS2]കന്യകമാർ യെഹൂദാപട്ടണങ്ങളിലും ബലാൽക്കാരംചെയ്യപ്പെട്ടു. [QE]
12. [QS]പ്രഭുക്കന്മാർ അവരുടെ കരങ്ങളാൽ തൂക്കിലിടപ്പെട്ടു; [QE][QS2]ഗോത്രത്തലവന്മാരോട് യാതൊരു ആദരവും കാട്ടിയതുമില്ല. [QE]
13. [QS]യുവാക്കൾ തിരികല്ലിൽ പണിയുന്നു, [QE][QS2]ബാലന്മാർ വിറകുകെട്ടെടുത്ത് ഇടറുന്നു [QE]
14. [QS]ഗോത്രത്തലവന്മാർ നഗരകവാടത്തിൽനിന്ന് പൊയ്പ്പോയി, [QE][QS2]യുവാക്കൾ അവരുടെ സംഗീതാലാപനം അവസാനിപ്പിച്ചു. [QE]
15. [QS]ഞങ്ങളുടെ ഹൃദയത്തിൽനിന്ന് ആനന്ദം പോയിരിക്കുന്നു; [QE][QS2]ഞങ്ങളുടെ നൃത്തം വിലാപമായി മാറി. [QE]
16. [QS]ഞങ്ങളുടെ ശിരസ്സിൽനിന്ന് കിരീടം വീണിരിക്കുന്നു, [QE][QS2]ഞങ്ങൾക്ക് അയ്യോ കഷ്ടം, കാരണം ഞങ്ങൾ പാപംചെയ്തിരിക്കുന്നു! [QE]
17. [QS]അതിനാൽ ഞങ്ങളുടെ ഹൃദയം തളർന്നിരിക്കുന്നു [QE][QS2]അതിനാൽ ഞങ്ങളുടെ കണ്ണുകൾ മങ്ങിപ്പോയി. [QE]
18. [QS]പതുങ്ങി നടക്കുന്ന കുറുക്കന്മാരെക്കൊണ്ട് [QE][QS2]സീയോൻപർവതം ശൂന്യമായി കിടക്കുന്നു. [QE][PBR]
19. [QS]യഹോവേ, അവിടന്ന് ശാശ്വതമായി വാഴണമേ; [QE][QS2]അങ്ങയുടെ സിംഹാസനം തലമുറതലമുറയായി നിലനിൽക്കുന്നു. [QE]
20. [QS]എന്തുകൊണ്ട് അവിടന്ന് എപ്പോഴും ഞങ്ങളെ മറക്കുന്നു? [QE][QS2]എന്തിന് ഞങ്ങളെ ഇത്രത്തോളം ഉപേക്ഷിക്കുന്നു? [QE]
21. [QS](21-22)അങ്ങ് ഞങ്ങളെ നിശ്ശേഷം തള്ളിക്കളഞ്ഞിട്ടില്ലായെങ്കിൽ, [QE][QS2]അളവില്ലാത്തവിധം ഞങ്ങളോട് കോപിച്ചിട്ടില്ലായെങ്കിൽ. [QE][QS]യഹോവേ, ഞങ്ങൾ മടങ്ങിവരേണ്ടതിനു ഞങ്ങളെ അവിടത്തേക്കായി പുനരുദ്ധരിക്കണമേ, [QE][QS2]പണ്ടത്തെപ്പോലെ ഞങ്ങളുടെ നാളുകൾ പുതുക്കണമേ. [QE]
22.