1. {#1യോഹന്നാൻസ്നാപകൻ വഴി ഒരുക്കുന്നു } [PS]റോമാ ചക്രവർത്തി, തീബെര്യൊസ് കൈസറുടെ ഭരണത്തിന്റെ പതിനഞ്ചാംവർഷത്തിൽ, പൊന്തിയോസ് പീലാത്തോസ് യെഹൂദ്യപ്രവിശ്യയിലെ ഭരണാധികാരിയും ഹെരോദാവ് ഗലീലാപ്രവിശ്യയിലും അദ്ദേഹത്തിന്റെ സഹോദരൻ ഫിലിപ്പൊസ് ഇതൂര്യ, ത്രഖോനിത്തി എന്നീ പ്രദേശങ്ങളിലും ലുസാന്യാസ് അബിലേനയിലും ഭരിച്ചുകൊണ്ടിരുന്നു.[* മൂ.ഭാ. ടെട്രാക്ക്, അതായത്, നാലിൽ ഒരുഭാഗത്തിന്റെ ഭരണാധികാരി; ഇവർ ഹെരോദാരാജാവിന്റെ മക്കൾ, എന്നാൽ ഇപ്പോൾ റോമാ ചക്രവർത്തിയുടെ ആധിപത്യത്തിനുകീഴിൽ ഭരണം നിർവഹിക്കുന്നു. ]
2. ഹന്നാവും കയ്യഫാവും മഹാപുരോഹിതന്മാരായിരുന്ന ഈ സമയത്ത്, സെഖര്യാവിന്റെ മകനായ യോഹന്നാന് മരുഭൂമിയിൽവെച്ചു ദൈവത്തിന്റെ അരുളപ്പാടുണ്ടായി.
3. അദ്ദേഹം യോർദാൻനദിക്ക് അടുത്തുള്ള ഗ്രാമങ്ങളിലെല്ലാം ചെന്ന്, ഗ്രാമവാസികൾ അവരുടെ പാപങ്ങളെക്കുറിച്ചു പശ്ചാത്തപിച്ച് അവയുടെ മോചനത്തിനായി ദൈവത്തിലേക്കു തിരിയണം എന്നും; ഇതിന്റെ തെളിവിനായി സ്നാനം സ്വീകരിക്കണം എന്നും പ്രസംഗിച്ചു:[† മൂ.ഭാ. ചെന്ന്, പാപങ്ങളുടെ മോചനത്തിനായുള്ള മാനസാന്തരസ്നാനം പ്രസംഗിച്ചു. ] [PE]
4. [QS]“മരുഭൂമിയിൽ വിളംബരംചെയ്യുന്നവന്റെ ശബ്ദം! [QE][QS]‘കർത്താവിന്റെ വഴിയൊരുക്കുക; [QE][QS2]അവിടത്തേക്കുവേണ്ടി പാത നേരേയാക്കുക! [QE]
5. [QS]എല്ലാ താഴ്വരകളും നികത്തപ്പെടും. [QE][QS2]എല്ലാ പർവതങ്ങളും കുന്നുകളും താഴ്ത്തപ്പെടും. [QE][QS]വളഞ്ഞവഴികൾ നേരേയാക്കുകയും [QE][QS2]ദുർഘടപാതകൾ സുഗമമാക്കുകയും ചെയ്യും. [QE]
6. [QS]എല്ലാ മനുഷ്യരും ദൈവത്തിന്റെ രക്ഷ കാണും’ ” [QE][MS]എന്നിങ്ങനെ യെശയ്യാപ്രവാചകന്റെ പുസ്തകത്തിൽ എഴുതിയിരിക്കുന്നതുപോലെതന്നെ. [ME]
7. [PS]തന്നിൽനിന്ന് സ്നാനം സ്വീകരിക്കാൻ വന്ന ജനസഞ്ചയത്തോട് യോഹന്നാൻ വിളിച്ചുപറഞ്ഞു, “അണലിക്കുഞ്ഞുങ്ങളേ![‡ അതായത്, വഴി തെറ്റിക്കുന്നവരേ! ] വരാൻപോകുന്ന ക്രോധത്തിൽനിന്ന് ഒഴിഞ്ഞുമാറാൻ നിങ്ങൾക്കു മുന്നറിയിപ്പു തന്നതാരാണ്?
8. മാനസാന്തരത്തിന് അനുയോജ്യമായ ഫലം പുറപ്പെടുവിക്കുക. ‘ഞങ്ങൾക്കു പിതാവായി അബ്രാഹാം ഉണ്ട്’ എന്നു സ്വയം പുകഴാമെന്നു കരുതേണ്ട. കാരണം ഞാൻ നിങ്ങളോടു പറയുന്നു: ഈ കല്ലുകളിൽനിന്ന് അബ്രാഹാമിനുവേണ്ടി മക്കളെ ഉളവാക്കാൻ ദൈവത്തിനു കഴിയും.
9. ഇപ്പോൾത്തന്നെ വൃക്ഷങ്ങളുടെ തായ്‌വേരിൽ കോടാലി വെച്ചിരിക്കുന്നു; സത്ഫലം പുറപ്പെടുവിക്കാത്ത വൃക്ഷങ്ങളെല്ലാം വെട്ടി തീയിൽ എറിഞ്ഞുകളയും.” [PE]
10.
11. [PS]അപ്പോൾ ജനമെല്ലാം ഏകസ്വരത്തിൽ, “ഞങ്ങൾ എന്താണു ചെയ്യേണ്ടത്?” എന്നു ചോദിച്ചു. [PE]
12. [PS]അതിനു യോഹന്നാൻ, “രണ്ട് ഉടുപ്പുള്ളയാൾ ഉടുപ്പൊന്നും ഇല്ലാത്തയാൾക്ക് ഒരുടുപ്പ് കൊടുക്കട്ടെ; ഭക്ഷണമുള്ള വ്യക്തിയും അങ്ങനെതന്നെ ചെയ്യട്ടെ” എന്ന് ഉത്തരം പറഞ്ഞു. [PE]
13. [PS]നികുതിപിരിവുകാരും സ്നാനം സ്വീകരിക്കാൻ വന്നു. “ഗുരോ, ഞങ്ങൾ എന്തു ചെയ്യണം?” എന്ന് അവർ ചോദിച്ചു. [PE]
14. [PS]“നിങ്ങൾക്കു കൽപ്പന കിട്ടിയിട്ടുള്ളതിൽ അധികമായ നികുതി നിങ്ങൾ ചുമത്തരുത്,” എന്ന് അദ്ദേഹം അവരോടു പ്രതിവചിച്ചു. [PE]
15. [PS]അപ്പോൾ ചില സൈനികർ അദ്ദേഹത്തോട്, “എന്താണ് ഞങ്ങൾ ചെയ്യേണ്ടത്?” എന്നു ചോദിച്ചു. [PE][PS]“ബലം പ്രയോഗിച്ചു പണം വാങ്ങുകയോ ജനങ്ങളുടെമേൽ വ്യാജമായി കുറ്റം ചുമത്തുകയോ ചെയ്യരുത്; നിങ്ങളുടെ ശമ്പളംകൊണ്ടു തൃപ്തിപ്പെടുക,” എന്ന് ഉത്തരം പറഞ്ഞു. [PE][PS]തങ്ങൾ ഉൽക്കടവാഞ്ഛയോടെ കാത്തിരുന്ന ക്രിസ്തു ഈ യോഹന്നാൻതന്നെ ആയിരിക്കുകയില്ലേ? എന്ന് ജനം ഹൃദയത്തിൽ ചിന്തിച്ചുകൊണ്ടിരുന്നു.
16. അവർക്കെല്ലാവർക്കും മറുപടിയായി യോഹന്നാൻ പറഞ്ഞത്: “ഞാൻ നിങ്ങൾക്ക് ജലസ്നാനം നൽകുന്നു. എന്നാൽ എന്നെക്കാൾ ശ്രേഷ്ഠനായ ഒരാൾ എന്റെ പിന്നാലെ വരുന്നു; അദ്ദേഹത്തിന്റെ ചെരിപ്പിന്റെ വാറഴിക്കുന്ന ഒരു അടിമയാകാൻപോലും എനിക്കു യോഗ്യതയില്ല. അദ്ദേഹം നിങ്ങൾക്ക് പരിശുദ്ധാത്മാവുകൊണ്ടും അഗ്നികൊണ്ടും സ്നാനം നൽകും.
17. വീശുമുറം അദ്ദേഹത്തിന്റെ കൈയിൽ ഉണ്ട്; അദ്ദേഹം തന്റെ മെതിക്കളം പൂർണമായി വെടിപ്പാക്കിയശേഷം ഗോതമ്പും പതിരും വേർതിരിച്ച് ഗോതമ്പ് കളപ്പുരയിൽ ശേഖരിക്കുകയും പതിർ കെടാത്ത തീയിൽ ദഹിപ്പിച്ചുകളയുകയും ചെയ്യും.”
18. ഇങ്ങനെയുള്ള പല വചനങ്ങൾകൊണ്ട് യോഹന്നാൻ ജനത്തെ പ്രബോധിപ്പിച്ച് അവരോടു സുവിശേഷം അറിയിച്ചു. [PE]
19. [PS]എന്നാൽ, ഗലീലയിലെ ഭരണാധികാരിയായ ഹെരോദാവ്, അദ്ദേഹത്തിന്റെ സഹോദരന്റെ ഭാര്യയായ ഹെരോദ്യയെ സ്വന്തമാക്കി. ഇതിനുപുറമേ മറ്റനേകം ദോഷങ്ങളും അദ്ദേഹം ചെയ്തു. ഇതെല്ലാം നിമിത്തവും യോഹന്നാൻ ഹെരോദാവിനെ പരസ്യമായി ശാസിച്ചു.
20. അതിനാൽ യോഹന്നാനെ കാരാഗൃഹത്തിൽ അടച്ചുകൊണ്ട് ഹെരോദാവ് താൻ ചെയ്തുവന്ന സകലപാതകങ്ങൾക്കും മകുടം ചാർത്തി. [PE]
21. {#1യേശുവിന്റെ സ്നാനവും വംശാവലിയും } [PS]ഒരു ദിവസം ജനക്കൂട്ടം യോഹന്നാനിൽനിന്ന് സ്നാനം സ്വീകരിച്ചുകൊണ്ടിരുന്നപ്പോൾ യേശുവും വന്ന് സ്നാനമേറ്റു. അദ്ദേഹം പ്രാർഥനാനിരതനായിരിക്കുമ്പോൾ സ്വർഗം തുറക്കപ്പെട്ടു.
22. പരിശുദ്ധാത്മാവ് ഒരു പ്രാവിന്റെ രൂപത്തിൽ അദ്ദേഹത്തിന്റെമേൽ ഇറങ്ങിവന്നു. “നീ എന്റെ പ്രിയപുത്രൻ; നിന്നിൽ ഞാൻ പ്രസാദിച്ചിരിക്കുന്നു,” എന്നു സ്വർഗത്തിൽനിന്ന് ഒരു അശരീരിയും ഉണ്ടായി. [PE]
23. [PS]യേശു തന്റെ ശുശ്രൂഷ ആരംഭിക്കുമ്പോൾ അദ്ദേഹത്തിന് ഏകദേശം മുപ്പതുവയസ്സായിരുന്നു. അദ്ദേഹം യോസേഫിന്റെ മകനെന്നാണ് ജനം കരുതിയിരുന്നത്. എന്നാൽ യോസേഫ്, [PE][PBR] [LS]ഹേലിയുടെ മകനായിരുന്നു, [LE]
24. [LS] ഹേലി മത്ഥാത്തിന്റെ മകൻ, [LE][LS]മത്ഥാത്ത് ലേവിയുടെ മകൻ, [LE][LS]ലേവി മെൽക്കിയുടെ മകൻ, [LE][LS]മെൽക്കി യന്നായിയുടെ മകൻ, [LE][LS]യന്നായി യോസേഫിന്റെ മകൻ, [LE]
25. [LS] യോസേഫ് മത്തഥ്യാസിന്റെ മകൻ, [LE][LS]മത്തഥ്യാസ് ആമോസിന്റെ മകൻ, [LE][LS]ആമോസ് നാഹൂമിന്റെ മകൻ, [LE][LS]നാഹൂം എസ്ലിയുടെ മകൻ, [LE][LS]എസ്ലി നഗ്ഗായിയുടെ മകൻ, [LE][LS]നഗ്ഗായി മയാത്തിന്റെ മകൻ, [LE]
26. [LS] മയാത്ത് മത്തഥ്യാസിന്റെ മകൻ, [LE][LS]മത്തഥ്യാസ് ശെമയിയുടെ മകൻ, [LE][LS]ശെമയി യോസെക്കിന്റെ മകൻ, [LE][LS]യോസെക്ക് യോദായുടെ മകൻ, [LE]
27. [LS] യോദാ യോഹന്നാന്റെ മകൻ, [LE][LS]യോഹന്നാൻ രേസയുടെ മകൻ, [LE][LS]രേസ സെരൂബ്ബാബേലിന്റെ മകൻ, [LE][LS]സെരൂബ്ബാബേൽ ശലഥിയേലിന്റെ മകൻ, [LE][LS]ശലഥിയേൽ നേരിയുടെ മകൻ, [LE]
28. [LS] നേരി മെൽക്കിയുടെ മകൻ, [LE][LS]മെൽക്കി അദ്ദിയുടെ മകൻ, [LE][LS]അദ്ദി കോസാമിന്റെ മകൻ, [LE][LS]കോസാം എൽമാദാമിന്റെ മകൻ, [LE][LS]എൽമാദാം ഏരിന്റെ മകൻ, [LE][LS]ഏർ യോശുവിന്റെ മകൻ, [LE]
29. [LS] യോശു എലീയേസരിന്റെ മകൻ, [LE][LS]എലീയേസർ യോരീമിന്റെ മകൻ, [LE][LS]യോരീം മത്ഥാത്തിന്റെ മകൻ, [LE][LS]മത്ഥാത്ത് ലേവിയുടെ മകൻ, [LE]
30. [LS] ലേവി ശിമയോന്റെ മകൻ, [LE][LS]ശിമയോൻ യെഹൂദയുടെ മകൻ, [LE][LS]യെഹൂദ യോസേഫിന്റെ മകൻ, [LE][LS]യോസേഫ് യോനാമിന്റെ മകൻ, [LE][LS]യോനാം എല്യാക്കീമിന്റെ മകൻ, [LE]
31. [LS] എല്യാക്കീം മെല്യാവിന്റെ മകൻ, [LE][LS]മെല്യാവു മെന്നയുടെ മകൻ, [LE][LS]മെന്നാ മത്തഥയുടെ മകൻ, [LE][LS]മത്തഥാ നാഥാന്റെ മകൻ, [LE][LS]നാഥാൻ ദാവീദിന്റെ മകൻ, [LE]
32. [LS] ദാവീദ് യിശ്ശായിയുടെ മകൻ, [LE][LS]യിശ്ശായി ഓബേദിന്റെ മകൻ, [LE][LS]ഓബേദ് ബോവസിന്റെ മകൻ, [LE][LS]ബോവസ് സൽമോന്റെ മകൻ, [LE][LS]സൽമോൻ നഹശോന്റെ മകൻ, [LE][LS]നഹശോൻ അമ്മീനാദാബിന്റെ മകൻ, [LE]
33. [LS] അമ്മീനാദാബ് അരാമിന്റെ മകൻ, [LE][LS]അരാം ഹെസ്രോന്റെ മകൻ, [LE][LS]ഹെസ്രോൻ പാരെസിന്റെ മകൻ, [LE][LS]പാരെസ് യെഹൂദയുടെ മകൻ, [LE]
34. [LS] യെഹൂദ യാക്കോബിന്റെ മകൻ, [LE][LS]യാക്കോബ് യിസ്ഹാക്കിന്റെ മകൻ, [LE][LS]യിസ്ഹാക്ക് അബ്രാഹാമിന്റെ മകൻ, [LE][LS]അബ്രാഹാം തേരഹിന്റെ മകൻ, [LE][LS]തേരഹ് നാഹോരിന്റെ മകൻ, [LE]
35. [LS] നാഹോർ സെരൂഗിന്റെ മകൻ, [LE][LS]സെരൂഗ് രെഗുവിന്റെ മകൻ, [LE][LS]രെഗു ഫാലെഗിന്റെ മകൻ, [LE][LS]ഫാലെഗ് ഏബെരിന്റെ മകൻ, [LE][LS]ഏബെർ ശേലാമിന്റെ മകൻ, [LE]
36. [LS] ശേലാം കയിനാന്റെ മകൻ, [LE][LS]കയിനാൻ അർഫക്സാദിന്റെ മകൻ, [LE][LS]അർഫക്സാദ് ശേമിന്റെ മകൻ, [LE][LS]ശേം നോഹയുടെ മകൻ, [LE][LS]നോഹ ലാമെക്കിന്റെ മകൻ, [LE]
37. [LS] ലാമെക്ക് മെഥൂശെലായുടെ മകൻ, [LE][LS]മെഥൂശല ഹാനോക്കിന്റെ മകൻ, [LE][LS]ഹാനോക്ക് യാരെദിന്റെ മകൻ, [LE][LS]യാരെദ് മലെല്യേലിന്റെ മകൻ, [LE][LS]മലെല്യേൽ കയിനാന്റെ മകൻ, [LE]
38. [LS] കയിനാൻ ഏനോശിന്റെ മകൻ, [LE][LS]ഏനോശ് ശേത്തിന്റ മകൻ, [LE][LS]ശേത്ത് ആദാമിന്റെ മകൻ, [LE][LS]ആദാം ദൈവത്തിന്റെ മകൻ. [LE]