1. {#1നിനവേയുടെ ദയനീയസ്ഥിതി } [QS]രക്തച്ചൊരിച്ചിലുകളുടെ പട്ടണത്തിന് അയ്യോ കഷ്ടം! [QE][QS2]കള്ളവും കവർച്ചയും [QE][QS]അതിൽ നിറഞ്ഞിരിക്കുന്നു, [QE][QS2]പീഡിതർ അവിടെ ഇല്ലാതിരിക്കുകയില്ല! [QE]
2. [QS]ചമ്മട്ടിയുടെ പ്രഹരശബ്ദം, [QE][QS2]ചക്രങ്ങൾ ഉരുളുന്ന ശബ്ദം, [QE][QS]ഓടുന്ന കുതിരകൾ, [QE][QS2]കുതിക്കുന്ന രഥങ്ങൾ! [QE]
3. [QS]മുന്നേറുന്ന കുതിരപ്പട, [QE][QS2]മിന്നുന്ന വാളുകൾ, [QE][QS2]വെട്ടിത്തിളങ്ങുന്ന കുന്തങ്ങൾ, [QE][QS]അനേകം അത്യാഹിതങ്ങൾ, [QE][QS2]അനവധി ശവക്കൂമ്പാരങ്ങൾ, [QE][QS]അസംഖ്യം ശവശരീരങ്ങൾ, [QE][QS2]ജനം ശവങ്ങളിൽ തട്ടിവീഴുന്നു— [QE]
4. [QS]ഇതെല്ലാം സംഭവിച്ചത് ഒരു വേശ്യയുടെ അമിതാവേശംകൊണ്ടുതന്നെ; [QE][QS2]അവൾ വശീകരണവും ക്ഷുദ്രനൈപുണ്യവുമുള്ളവൾ! [QE][QS]വ്യഭിചാരത്താൽ രാജ്യങ്ങളെയും [QE][QS2]ദുർമന്ത്രവാദത്താൽ ജനതകളെയും കീഴ്പ്പെടുത്തിയവൾതന്നെ. [QE][PBR]
5. [QS]“ഞാൻ നിനക്ക് എതിരാണ്,” സൈന്യങ്ങളുടെ യഹോവ അരുളിച്ചെയ്യുന്നു. [QE][QS2]“ഞാൻ നിന്റെ വസ്ത്രം മുഖത്തോളം ഉയർത്തും. [QE][QS]ഞാൻ രാഷ്ട്രങ്ങളെ നിന്റെ നഗ്നതയും [QE][QS2]രാജ്യങ്ങളെ നിന്റെ ഗുഹ്യഭാഗവും കാണിക്കും. [QE]
6. [QS]ഞാൻ നിന്റെമേൽ അമേധ്യം എറിഞ്ഞ്, [QE][QS2]നിന്ദയോടെ നിന്നോട് ഇടപെട്ട്, [QE][QS2]നിന്നെ ഒരു കാഴ്ചവസ്തുവാക്കും. [QE]
7. [QS]നിന്നെ കാണുന്നവരൊക്കെയും നിന്നിൽനിന്ന് അകന്നുമാറും. [QE][QS2]‘നിനവേ ജീർണിച്ചിരിക്കുന്നു, അവൾക്കുവേണ്ടി ആർ വിലപിക്കും?’ എന്ന് അവർ പറയും. [QE][QS2]നിന്നെ ആശ്വസിപ്പിക്കാൻ ഞാൻ എവിടെനിന്ന് ആശ്വാസകരെ കണ്ടെത്തും?” [QE][PBR]
8. [QS]നൈൽനദീതീരത്ത് [QE][QS2]വെള്ളത്താൽ ചുറ്റപ്പെട്ടുകിടക്കുന്ന [QE][QS2]നോ-അമ്മോനെക്കാൾ[* അഥവാ തേബ്സിനെക്കാൾ ] നീ ഉത്തമയോ? [QE][QS]നദി അവൾക്കു പ്രതിരോധവും [QE][QS2]വെള്ളം മതിലും ആയിരുന്നു. [QE]
9. [QS]കൂശും ഈജിപ്റ്റും അവളുടെ അന്തമില്ലാത്ത ബലവും [QE][QS2]പൂത്യരും ലൂബ്യരും അവളോടു സഖ്യമുള്ളവരുടെ കൂട്ടത്തിലും ആയിരുന്നു. [QE]
10. [QS]എങ്കിലും അവൾ തടവിലായി, [QE][QS2]നാടുകടത്തപ്പെടുകയും ചെയ്തു. [QE][QS]സകലചത്വരങ്ങളിലുംവെച്ച് [QE][QS2]അവളുടെ ശിശുക്കൾ എറിഞ്ഞുകൊല്ലപ്പെട്ടു. [QE][QS]അവളുടെ പ്രഭുക്കന്മാർക്കുവേണ്ടി നറുക്കിട്ടു [QE][QS2]എല്ലാ മഹാന്മാരും ചങ്ങലയാൽ ബന്ധിക്കപ്പെട്ടു. [QE]
11. [QS]നീയും ലഹരിയാൽ മത്തുപിടിക്കും; [QE][QS2]ശത്രുനിമിത്തം നീ ഒളിവിൽപ്പോയി [QE][QS2]ഒരു സുരക്ഷിതസ്ഥാനം അന്വേഷിക്കും. [QE][PBR]
12. [QS]നിന്റെ കോട്ടകളെല്ലാം [QE][QS2]വിളഞ്ഞ ആദ്യഫലമുള്ള അത്തിവൃക്ഷത്തിനു തുല്യം; [QE][QS]അവ കുലുക്കിയാൽ [QE][QS2]തിന്നുന്നവരുടെ വായിൽത്തന്നെ അത്തിക്കായ്കൾ വീഴും. [QE]
13. [QS]നിന്റെ സൈന്യങ്ങളെ നോക്കൂ [QE][QS2]അവരെല്ലാം അശക്തർതന്നെ![† മൂ.ഭാ. നാരികൾതന്നെ. ] [QE][QS]നിന്റെ ദേശത്തിലെ കവാടങ്ങൾ [QE][QS2]ശത്രുക്കൾക്കായി മലർക്കെ തുറക്കപ്പെട്ടിരിക്കുന്നു; [QE][QS2]അഗ്നി അതിന്റെ ഓടാമ്പലുകളെ ദഹിപ്പിച്ചിരിക്കന്നു. [QE][PBR]
14. [QS]ഉപരോധത്തിനായി വെള്ളം ശേഖരിക്ക [QE][QS2]നിന്റെ പ്രതിരോധം ശക്തിപ്പെടുത്തുക! [QE][QS]ചെളിയിൽ അധ്വാനിച്ച് [QE][QS2]ചാന്തു കുഴച്ച് [QE][QS2]ഇഷ്ടികക്കെട്ടിന്റെ കേടുതീർക്കുക! [QE]
15. [QS]അവിടെ അഗ്നി നിന്നെ വിഴുങ്ങും; [QE][QS2]വാൾ നിന്നെ അരിഞ്ഞുവീഴ്ത്തും [QE][QS2]വിട്ടിലിനെ എന്നപോലെ നിന്നെ വിഴുങ്ങിക്കളയും. [QE][QS]നീ വിട്ടിലിനെപ്പോലെ പെരുകി, [QE][QS2]വെട്ടുക്കിളിയെപ്പോലെ വർധിക്കുക. [QE]
16. [QS]നിന്റെ വ്യാപാരികളുടെ എണ്ണം [QE][QS2]നീ ആകാശത്തിലെ നക്ഷത്രങ്ങളെക്കാൾ അധികം വർധിപ്പിച്ചു, [QE][QS]എന്നാൽ അവർ വെട്ടുക്കിളി എന്നപോലെ [QE][QS2]ദേശത്തെ നശിപ്പിച്ച് പറന്നുപോകുന്നു. [QE]
17. [QS]നിന്റെ കാവൽക്കാർ വെട്ടുക്കിളികളെപ്പോലെയും [QE][QS2]നിന്റെ ഉദ്യോഗസ്ഥർ ശൈത്യദിനത്തിൽ മതിലുകളിൽ [QE][QS2]പറ്റിപ്പിടിച്ചിരിക്കുന്ന വെട്ടുക്കിളിക്കൂട്ടം പോലെയുമാകുന്നു. [QE][QS]എന്നാൽ, സൂര്യൻ ഉദിക്കുമ്പോൾ അവ പറന്നുപോകുന്നു, [QE][QS2]എവിടേക്കെന്ന് ആരും അറിയുന്നതുമില്ല. [QE][PBR]
18. [QS]അല്ലയോ അശ്ശൂർരാജാവേ, നിന്റെ ഇടയന്മാർ[‡ ഇടയന്മാർ, വിവക്ഷിക്കുന്നത് ഭരണാധിപന്മാർ. ] മയങ്ങുന്നു; [QE][QS2]നിന്റെ പ്രഭുക്കന്മാർ വിശ്രമത്തിനായി കിടക്കുന്നു. [QE][QS]ഒരുമിച്ചുകൂട്ടുന്നതിന് ആരുമില്ലാതെ [QE][QS2]നിന്റെ ജനം പർവതങ്ങളിൽ ചിതറിയിരിക്കുന്നു. [QE]
19. [QS]നിന്റെ മുറിവ് ഉണക്കാൻ ഒന്നിനാലും സാധ്യമല്ല; [QE][QS2]നിന്റെ മുറിവ് മാരകംതന്നെ. [QE][QS]നിന്റെ വാർത്ത കേൾക്കുന്നവരെല്ലാം [QE][QS2]നിന്റെ പതനത്തിൽ കൈകൊട്ടുന്നു, [QE][QS]നിന്റെ അന്തമില്ലാത്ത ദ്രോഹം [QE][QS2]ഏൽക്കാത്തവരായി ആരുണ്ട്? [QE]