1. [PS]ഓബദ്യാവിനുണ്ടായ ദർശനം. [PE][PBR] [PBR] [PS]യഹോവയായ കർത്താവ് ഏദോമിനെക്കുറിച്ച് ഇപ്രകാരം അരുളിച്ചെയ്യുന്നു— [PE][QS]യഹോവയിൽനിന്ന് നാം ഒരു സന്ദേശം കേട്ടിരിക്കുന്നു: [QE][QS2]“എഴുന്നേൽക്കുക, അവളുടെനേരേ യുദ്ധത്തിനായി നാം പുറപ്പെടുക,” [QE][QS]എന്ന് അറിയിക്കുന്നതിന്, ഒരു സ്ഥാനപതിയെ രാഷ്ട്രങ്ങളിലേക്ക് അയച്ചിരിക്കുന്നു. [QE][PBR]
2. [QS]“നോക്കുക, ഞാൻ നിന്നെ രാഷ്ട്രങ്ങൾക്കിടയിൽ ചെറുതാക്കും; [QE][QS2]നീ ഏറ്റവും നിന്ദിക്കപ്പെടും. [QE]
3. [QS]നിന്റെ ഹൃദയത്തിന്റെ അഹങ്കാരം നിന്നെ ചതിച്ചിരിക്കുന്നു, [QE][QS2]പാറപ്പിളർപ്പുകളിൽ വസിക്കുകയും [QE][QS2]ഉന്നതങ്ങളിൽ വീടുവെച്ചിരിക്കുകയും ചെയ്യുന്ന നീ, [QE][QS]‘എന്നെ ആർ നിലത്തു തള്ളിയിടും?’ [QE][QS2]എന്നു നീ നിന്നോടുതന്നെ പറയുന്നു. [QE]
4. [QS]നീ കഴുകനെപ്പോലെ ഉയർന്നു പറന്നാലും [QE][QS2]നക്ഷത്രങ്ങളുടെ ഇടയിൽ നിന്റെ കൂടുണ്ടാക്കിയാലും [QE][QS2]അവിടെനിന്നു ഞാൻ നിന്നെ ഇറക്കിക്കൊണ്ടുവരും,” [QE][QS4]എന്ന് യഹോവ അരുളിച്ചെയ്യുന്നു. [QE]
5. [QS]“കള്ളന്മാർ നിന്റെ അടുക്കൽ വന്നാലോ [QE][QS2]രാത്രിയിൽ കൊള്ളക്കാർ വന്നാലോ [QE][QS]ഓ, എത്ര ഭയങ്കരമായവ നിന്നെ കാത്തിരിക്കുന്നു! [QE][QS2]തങ്ങൾക്കു വേണ്ടതല്ലേ അവർ മോഷ്ടിക്കൂ? [QE][QS]മുന്തിരിപ്പഴം പറിക്കുന്നവർ നിന്റെ അടുക്കൽ വന്നാൽ [QE][QS2]കാലാപെറുക്കാനുള്ള പഴമെങ്കിലും അവർ ശേഷിപ്പിക്കുകയില്ലേ? [QE]
6. [QS]എന്നാൽ ഏശാവ് എങ്ങനെ കവർച്ചചെയ്യപ്പെടും [QE][QS2]അവന്റെ ഗുപ്തമാക്കപ്പെട്ട നിക്ഷേപങ്ങൾ എങ്ങനെ കൊള്ളയടിക്കപ്പെടും! [QE]
7. [QS]നിന്നോടു സഖ്യമുള്ളവർ നിന്നെ അതിർത്തിയിലേക്കു പായിക്കും; [QE][QS2]നിന്റെ സ്നേഹിതർ നിന്നെ ചതിച്ചു കീഴടക്കും; [QE][QS]നിന്റെ ആഹാരം ഭക്ഷിക്കുന്നവർ നിനക്കു കെണിവെക്കും,[* ഈ വാക്യഭാഗത്തിനുള്ള എബ്രായപദങ്ങളുടെ അർഥം വ്യക്തമല്ല. ] [QE][QS2]എന്നാൽ നീ അതു മനസ്സിലാക്കുകയില്ല.” [QE][PBR]
8. [QS]യഹോവ ഇപ്രകാരം അരുളിച്ചെയ്യുന്നു: [QE][QS2]“അന്നാളിൽ ഞാൻ ഏദോമിൽനിന്ന് ജ്ഞാനികളെയും [QE][QS2]ഏശാവിന്റെ പർവതത്തിൽനിന്ന് വിവേകികളെയും നശിപ്പിക്കുകയില്ലേ? [QE]
9. [QS]തേമാനേ, നിന്റെ വീരന്മാർ പരിഭ്രാന്തരായിത്തീരുകയും [QE][QS2]ഏശാവിന്റെ പർവതങ്ങളിലുള്ള ഏവരും [QE][QS2]വെട്ടേറ്റു നശിച്ചുപോകുകയും ചെയ്യും. [QE]
10. [QS]നിന്റെ സഹോദരനായ യാക്കോബിനോടു നീ ചെയ്ത അക്രമംനിമിത്തം, [QE][QS2]ലജ്ജ നിന്നെ മൂടും; [QE][QS2]നീ എന്നേക്കുമായി നശിപ്പിക്കപ്പെടും. [QE]
11. [QS]അപരിചിതർ അദ്ദേഹത്തിന്റെ സമ്പത്ത് അപഹരിച്ചു കൊണ്ടുപോകുകയും [QE][QS2]വിദേശികൾ അദ്ദേഹത്തിന്റെ കവാടങ്ങളിൽക്കൂടി കടന്ന് [QE][QS]ജെറുശലേമിനു നറുക്കിടുകയും ചെയ്ത ദിവസം [QE][QS2]നീ അകന്നുനിന്നു, [QE][QS2]നീയും അവരിൽ ഒരാളെപ്പോലെ ആയിരുന്നു. [QE]
12. [QS]നിന്റെ സഹോദരന്റെ ദൗർഭാഗ്യദിനത്തിൽ [QE][QS2]നീ അവന്റെ നാശം കണ്ട് ആഹ്ലാദിക്കരുതായിരുന്നു, [QE][QS]യെഹൂദാജനത്തെക്കുറിച്ച് അവരുടെ വിനാശദിനത്തിൽ [QE][QS2]നീ ആനന്ദിക്കരുതായിരുന്നു, [QE][QS]അവരുടെ കഷ്ടദിവസത്തിൽ [QE][QS2]നീ വമ്പു പറയരുതായിരുന്നു. [QE]
13. [QS]എന്റെ ജനത്തിന്റെ അനർഥദിവസത്തിൽ [QE][QS2]അവരുടെ കവാടങ്ങൾക്കുള്ളിൽ നീ കടക്കരുതായിരുന്നു; [QE][QS]അനർഥദിവസത്തിൽ അവരുടെ അത്യാപത്തിൽ [QE][QS2]നീ ആഹ്ലാദിക്കരുതായിരുന്നു, [QE][QS]അവരുടെ അനർഥദിവസത്തിൽ [QE][QS2]നീ അവരുടെ സമ്പത്ത് കൊള്ളയടിക്കരുതായിരുന്നു. [QE]
14. [QS]അവരിലെ പലായിതരെ വെട്ടിമുറിക്കാൻ [QE][QS2]വഴിത്തലയ്ക്കൽ നീ കാത്തുനിൽക്കരുതായിരുന്നു, [QE][QS]ദുരിതദിനത്തിൽ അവരിൽ ശേഷിച്ചിട്ടുണ്ടായിരുന്നവരെ [QE][QS2]നീ ഏൽപ്പിച്ചുകൊടുക്കരുതായിരുന്നു. [QE][PBR]
15. [QS]“സകലജനതകൾക്കും [QE][QS2]യഹോവയുടെ നാൾ അടുത്തിരിക്കുന്നു. [QE][QS]നീ ചെയ്തതുതന്നെ നിന്നോടും ചെയ്യും; [QE][QS2]നിന്റെ ചെയ്തികൾ നിന്റെ തലമേൽത്തന്നെ മടങ്ങിവരും. [QE]
16. [QS]നിങ്ങൾ എന്റെ വിശുദ്ധപർവതത്തിൽവെച്ചു കുടിച്ചതുപോലെതന്നെ [QE][QS2]സകലജനതകളും നിരന്തരം കുടിക്കും; [QE][QS]അവർ കുടിക്കും, പിന്നെയും കുടിക്കും; [QE][QS2]അങ്ങനെ അവർ, തങ്ങൾ ഉണ്ടായിരുന്നതേയില്ല എന്നപോലെ ആയിത്തീരും. [QE]
17. [QS]എന്നാൽ സീയോൻപർവതത്തിൽ ഒരു രക്ഷിതഗണം ഉണ്ടായിരിക്കും; [QE][QS2]അതു വിശുദ്ധമായിരിക്കും, [QE][QS2]യാക്കോബിൻഗൃഹം തങ്ങളുടെ അവകാശങ്ങളെ കൈവശമാക്കും. [QE]
18. [QS]യാക്കോബുഗൃഹം തീയും [QE][QS2]യോസേഫുഗൃഹം ജ്വാലയും ആയിരിക്കും [QE][QS]ഏശാവുഗൃഹം വൈക്കോൽക്കുറ്റി ആയിരിക്കും, [QE][QS2]അവർ അതിനെ കത്തിച്ചു ദഹിപ്പിച്ചുകളയും. [QE][QS]ഏശാവുഗൃഹത്തിൽ [QE][QS2]ഒരുവനും ശേഷിക്കുകയില്ല.” [QE][QS4]യഹോവയാണ് ഇത് അരുളിച്ചെയ്തിരിക്കുന്നത്. [QE][PBR]
19. [QS]തെക്കേദേശക്കാർ[† അതായത്, യെഹൂദയ്ക്കു തെക്കുള്ളവർ. ] [QE][QS2]ഏശാവിന്റെ പർവതങ്ങളിൽ താമസിക്കും [QE][QS]കുന്നിൻപ്രദേശങ്ങളിലുള്ളവർ [QE][QS2]ഫെലിസ്ത്യരുടെദേശവും കൈവശമാക്കും. [QE][QS]അവർ എഫ്രയീമിന്റെയും ശമര്യരുടെയും ദേശങ്ങൾ കൈവശപ്പെടുത്തും [QE][QS2]ബെന്യാമീനോ, ഗിലെയാദിനെ അവകാശമാക്കും. [QE]
20. [QS]കനാനിലുള്ള ഇസ്രായേൽ പ്രവാസികളുടെ ഈ സമൂഹം [QE][QS2]സാരെഫാത്തുവരെയുള്ള ഈ ദേശം കൈവശമാക്കും; [QE][QS]ജെറുശലേമിൽനിന്നുള്ള പ്രവാസികളിൽ സെഫാരദിലുള്ളവർ [QE][QS2]തെക്കേദേശത്തിലെ നഗരങ്ങൾ കൈവശമാക്കും. [QE]
21. [QS]വിമോചിതരായവർ ഏശാവിന്റെ പർവതങ്ങളെ ഭരിക്കുന്നതിന് [QE][QS2]സീയോൻ പർവതത്തിലേക്ക് കയറിച്ചെല്ലും. [QE][QS2]രാജ്യം യഹോവയ്ക്കാകും. [QE]