1. [QS]കള്ളത്തുലാസ് യഹോവയ്ക്ക് വെറുപ്പാകുന്നു, [QE][QS2]കൃത്യതയുള്ള തൂക്കം അവിടത്തെ പ്രസാദം നേടിത്തരും. [QE][PBR]
2. [QS]അഹന്ത വരുമ്പോൾ അപമാനം കൂടെവരുന്നു, [QE][QS2]എന്നാൽ എളിമയോടൊപ്പം ജ്ഞാനം വരുന്നു. [QE][PBR]
3. [QS]നീതിനിഷ്ഠരുടെ സത്യസന്ധത അവർക്കു വഴികാട്ടിയാകുന്നു, [QE][QS2]എന്നാൽ അവിശ്വസ്തർ തങ്ങളുടെ കാപട്യംമൂലം നശിച്ചുപോകുന്നു. [QE][PBR]
4. [QS]സമ്പത്ത് ക്രോധദിവസത്തിൽ ഉപകരിക്കുകയില്ല, [QE][QS2]എന്നാൽ നീതിനിഷ്ഠമായ ജീവിതം മരണത്തിൽനിന്നു വിടുവിക്കുന്നു. [QE][PBR]
5. [QS]നിഷ്കളങ്കരുടെ നീതി അവർക്കു നേർവഴി ഒരുക്കുന്നു, [QE][QS2]എന്നാൽ നീചർ തങ്ങളുടെ ദുഷ്‌പ്രവൃത്തിമൂലം വീണുപോകും. [QE][PBR]
6. [QS]സത്യസന്ധരുടെ നീതിനിഷ്ഠ അവരെ വിടുവിക്കുന്നു, [QE][QS2]എന്നാൽ അവിശ്വസ്തരോ, തങ്ങളുടെ അത്യാർത്തിയാൽ കെണിയിലകപ്പെടുന്നു. [QE][PBR]
7. [QS]ദുഷ്ടരുടെ മരണത്തോടെ അവരുടെ പ്രതീക്ഷകളും തകരുന്നു; [QE][QS2]അവരുടെ ശക്തിയിൽ ചെയ്ത വാഗ്ദാനങ്ങളൊക്കെയും നിഷ്ഫലമാകുന്നു. [QE][PBR]
8. [QS]നീതിനിഷ്ഠർ അനർഥത്തിൽനിന്നു വിടുവിക്കപ്പെടുന്നു, [QE][QS2]എന്നാൽ ദുഷ്ടത പ്രവർത്തിക്കുന്നവർ അതിൽ പെട്ടുപോകുന്നു. [QE][PBR]
9. [QS]അഭക്തർ തങ്ങളുടെ അധരങ്ങളാൽ അയൽവാസിക്കു നാശംവരുത്തുന്നു, [QE][QS2]എന്നാൽ നീതിനിഷ്ഠർ തങ്ങളുടെ പരിജ്ഞാനത്താൽ വിമോചിതരാകും. [QE][PBR]
10. [QS]നീതിനിഷ്ഠരുടെ അഭിവൃദ്ധിയിൽ നഗരവാസികൾ ആഹ്ലാദിക്കുന്നു; [QE][QS2]ദുഷ്ടരുടെ നാശത്തിൽ ആനന്ദഘോഷം ഉണ്ടാകുന്നു. [QE][PBR]
11. [QS]സത്യസന്ധർക്കു ലഭിക്കുന്ന അനുഗ്രഹംമൂലം നഗരത്തിന് അഭിവൃദ്ധിയുണ്ടാകുന്നു, [QE][QS2]എന്നാൽ ദുഷ്ടരുടെ ആലോചനയാൽ നഗരം നശിക്കുന്നു. [QE][PBR]
12. [QS]അയൽവാസിയെ അവഹേളിക്കുന്നവർ വകതിരിവില്ലാത്തവർ [QE][QS2]എന്നാൽ വിവേകി തന്റെ നാവിനെ അടക്കിനിർത്തുന്നു. [QE][PBR]
13. [QS]കിംവദന്തി ആത്മവിശ്വാസത്തെ ഒറ്റിക്കൊടുക്കുന്നു, [QE][QS2]എന്നാൽ വിശ്വസ്തരോ, രഹസ്യം കാത്തുസൂക്ഷിക്കുന്നു. [QE][PBR]
14. [QS]മാർഗനിർദേശങ്ങളുടെ അഭാവത്താൽ ഒരു ദേശം നിലംപരിശാകുന്നു, [QE][QS2]എന്നാൽ ഉപദേഷ്ടാക്കളുടെ ബാഹുല്യം വിജയം ഉറപ്പിക്കുന്നു. [QE][PBR]
15. [QS]അന്യനുവേണ്ടി ജാമ്യംനിൽക്കുന്നവർ തീർച്ചയായും ദുഃഖിക്കേണ്ടിവരും, [QE][QS2]ഒരു ജാമ്യക്കരാറിലും കൈയൊപ്പു ചാർത്താതിരിക്കുന്നവർ സുരക്ഷിതരായിരിക്കും. [QE][PBR]
16. [QS]ദയാശീലയായ വനിത ആദരിക്കപ്പെടുന്നു, [QE][QS2]എന്നാൽ അനുകമ്പയില്ലാത്ത പുരുഷൻ സമ്പത്തുമാത്രം ആർജിക്കുന്നു. [QE][PBR]
17. [QS]ദയാലു തനിക്കുതന്നെ നന്മനേടുന്നു, [QE][QS2]എന്നാൽ ക്രൂരർ തങ്ങൾക്കുതന്നെ അനർഥം വരുത്തുന്നു. [QE][PBR]
18. [QS]ദുഷ്ടർ വഞ്ചനയോടെ കൂലിവാങ്ങുന്നു, [QE][QS2]എന്നാൽ നീതി വിതയ്ക്കുന്നവർ നിലനിൽക്കുന്ന പ്രതിഫലം വാങ്ങുന്നു. [QE][PBR]
19. [QS]നീതിമാർഗത്തിൽ ഉറച്ചുനിൽക്കുന്നവർ ജീവനെ നേടും, [QE][QS2]എന്നാൽ അധർമം പിൻതുടരുന്നവർ മരണത്തെ പുൽകുന്നു. [QE][PBR]
20. [QS]യഹോവ വക്രഹൃദയമുള്ളവരെ വെറുക്കുന്നു, [QE][QS2]എന്നാൽ നിഷ്കളങ്കമാർഗത്തിൽ സഞ്ചരിക്കുന്നവരിൽ അവിടന്ന് ആനന്ദിക്കുന്നു. [QE][PBR]
21. [QS]ദുഷ്ടർ ശിക്ഷിക്കപ്പെടാതിരിക്കുകയില്ല; സുനിശ്ചിതം, [QE][QS2]എന്നാൽ നീതിനിഷ്ഠരുടെ സന്തതി സ്വതന്ത്രരാക്കപ്പെടും. [QE][PBR]
22. [QS]വിവേചനശക്തിയില്ലാത്ത സുന്ദരി, [QE][QS2]പന്നിയുടെ മൂക്കിലെ സ്വർണമൂക്കുത്തിപോലെ. [QE][PBR]
23. [QS]നീതിനിഷ്ഠരുടെ അഭിലാഷം നന്മയിലേക്കുമാത്രം നയിക്കുന്നു, [QE][QS2]എന്നാൽ ദുഷ്ടരുടെ പ്രതീക്ഷ ന്യായവിധിമാത്രം. [QE][PBR]
24. [QS]ഒരു മനുഷ്യൻ ഉദാരമായി നൽകുന്നു, എന്നിട്ടും അതിൽ അധികമായി നേടുന്നു; [QE][QS2]മറ്റൊരുകൂട്ടം അനധികൃതമായി പിടിച്ചുവെക്കുന്നു, എന്നിട്ടും ദാരിദ്ര്യംമാത്രം ശേഷിക്കുന്നു. [QE][PBR]
25. [QS]ഉദാരമനസ്കരായവർ അഭിവൃദ്ധിപ്പെടും; [QE][QS2]അന്യരെ ആശ്വസിപ്പിക്കുന്നവർക്ക് ആശ്വാസം ലഭിക്കും.[* മൂ.ഭാ. വെള്ളം നൽകുന്നവർക്ക് വെള്ളം ലഭിക്കും. ] [QE][PBR]
26. [QS]ധാന്യം പൂഴ്ത്തിവെക്കുന്നവരെ ജനം ശപിക്കും, [QE][QS2]എന്നാൽ അതു വിൽക്കുന്നവരുടെ ശിരസ്സിൽ അനുഗ്രഹം വർഷിക്കും. [QE][PBR]
27. [QS]ശ്രദ്ധയോടെ നന്മ അന്വേഷിക്കുന്നവർക്ക് അംഗീകാരം ലഭിക്കും, [QE][QS2]തിന്മ തേടുന്നവർ അതുതന്നെ കണ്ടെത്തും. [QE][PBR]
28. [QS]സ്വന്തം സമ്പത്തിൽ ആശ്രയിക്കുന്നവർ വീണുപോകും, [QE][QS2]എന്നാൽ നീതിനിഷ്ഠർ പച്ചിലപോലെ തഴയ്ക്കും. [QE][PBR]
29. [QS]സ്വകുടുംബത്തിൽ നാശം വരുത്തുന്നവരുടെ ഓഹരി കാറ്റായിരിക്കും, [QE][QS2]എന്നാൽ ഭോഷർ ജ്ഞാനിക്കു ദാസ്യവൃത്തിചെയ്യും. [QE][PBR]
30. [QS]നീതിനിഷ്ഠരുടെ പ്രതിഫലം ജീവവൃക്ഷം, [QE][QS2]ജ്ഞാനമുള്ളവർ സുഹൃത്തുക്കളെ[† അഥവാ, ആത്മാക്കളെ ] നേടുന്നു. [QE][PBR]
31. [QS]ഈ ലോകത്തിൽ നീതിനിഷ്ഠർക്കു പ്രതിഫലം ലഭിക്കുന്നു എങ്കിൽ, [QE][QS2]അഭക്തർക്കും പാപികൾക്കും എത്രമടങ്ങായിരിക്കും![‡ 1 പത്രോ. 4:18 ] [QE][PBR]