1. [QS]സമാധാനത്തോടും ശാന്തതയോടുമുള്ള ഒരു ഉണങ്ങിയ അപ്പക്കഷണം [QE][QS2]കലഹമുള്ള ഭവനത്തിലെ സമൃദ്ധമായ വിരുന്നിനെക്കാൾ നല്ലത്. [QE][PBR]
2. [QS]വിവേകമുള്ള സേവകർ യജമാനന്റെ നാണംകെട്ട മക്കളുടെമേൽ ആധിപത്യംനടത്തുകയും [QE][QS2]കൂടാതെ, മക്കളിൽ ഒരാളെപ്പോലെ പിതൃസ്വത്തിൽ അവകാശിയാകുകയും ചെയ്യും. [QE][PBR]
3. [QS]തീച്ചൂളയിൽ വെള്ളിയും ഉലയിൽ സ്വർണവും ശുദ്ധിചെയ്യപ്പെടുന്നു, [QE][QS2]എന്നാൽ യഹോവ ഹൃദയം പരിശോധിക്കുന്നു. [QE][PBR]
4. [QS]ദുഷ്ടർ കുടിലഭാഷണങ്ങൾക്കു ചെവികൊടുക്കുന്നു; [QE][QS2]കള്ളം പറയുന്നവർ നാശഹേതുകമായ അധരങ്ങൾ ശ്രദ്ധിക്കുന്നു. [QE][PBR]
5. [QS]ദരിദ്രരെ പരിഹസിക്കുന്നവർ അവരുടെ സ്രഷ്ടാവിനോട് അനാദരവുകാട്ടുന്നു; [QE][QS2]അന്യരുടെ ദുരന്തത്തിൽ ആനന്ദിക്കുന്നവർ ശിക്ഷിക്കപ്പെടാതിരിക്കുകയില്ല. [QE][PBR]
6. [QS]പേരക്കുട്ടികൾ വൃദ്ധർക്കൊരു മകുടവും [QE][QS2]മക്കൾ മാതാപിതാക്കൾക്കൊരു അഭിമാനവുമാണ്. [QE][PBR]
7. [QS]അതിഭാഷണം ഭോഷർക്കു ഭൂഷണമല്ല— [QE][QS2]വ്യാജഭാഷണം ഭരണകർത്താക്കൾക്ക് എത്രയധികം അനുചിതവും! [QE][PBR]
8. [QS]കൈക്കൂലി നൽകുന്നവർക്ക് അതൊരു വശീകരണോപാധിയാണ്; [QE][QS2]എല്ലാറ്റിലും വിജയം കൈവരിക്കാമെന്ന് അവർ കരുതുന്നു. [QE][PBR]
9. [QS]അകൃത്യം ക്ഷമിക്കുന്നവർ സ്നേഹം വർധിപ്പിക്കുന്നു, [QE][QS2]എന്നാൽ അതു നിരന്തരം ഓർമപ്പെടുത്തുന്നവർ സ്നേഹിതരെ അകറ്റുന്നു. [QE][PBR]
10. [QS]ഭോഷരുടെ മുതുകത്തു നൽകുന്ന നൂറ് അടിയെക്കാൾ [QE][QS2]വിവേകിക്കു നൽകുന്ന ഒരു ശാസന കൂടുതൽ പ്രയോജനംനൽകുന്നു. [QE][PBR]
11. [QS]അധർമികൾ മാത്സര്യത്തിന് ഉത്സാഹിക്കുന്നു; [QE][QS2]അവർക്കെതിരേ മരണത്തിന്റെ ദൂതൻ നിയോഗിക്കപ്പെടും. [QE][PBR]
12. [QS]കുട്ടികൾ അപഹരിക്കപ്പെട്ട തള്ളക്കരടിയെ നേരിടുന്നതിനെക്കാൾ അപകടകരമാണ്, [QE][QS2]ഭോഷരുടെ മടയത്തരങ്ങൾ നേരിടുന്നത്. [QE][PBR]
13. [QS]നന്മയ്ക്കുപകരം തിന്മചെയ്യുന്നവരുടെ ഭവനത്തിൽനിന്ന്, [QE][QS2]തിന്മ ഒരുനാളും വിട്ടൊഴിയുകയില്ല. [QE][PBR]
14. [QS]കലഹത്തിന്റെ ആരംഭം ഒരു അണക്കെട്ടു പൊട്ടിപ്പിളരുന്നതുപോലെയാണ്; [QE][QS2]അതുകൊണ്ട് തർക്കം ഉടലെടുക്കുന്നതിനുമുമ്പുതന്നെ അത് ഒഴിവാക്കുക. [QE][PBR]
15. [QS]കുറ്റവാളിയെ മോചിപ്പിക്കുന്നതും നിരപരാധിക്ക് ശിക്ഷവിധിക്കുന്നതും— [QE][QS2]ഇവ രണ്ടും യഹോവയ്ക്ക് അറപ്പാകുന്നു. [QE][PBR]
16. [QS]ജ്ഞാനം സമ്പാദിക്കാൻ ആഗ്രഹമില്ലാത്ത ഭോഷരുടെ [QE][QS2]വിദ്യാഭ്യാസത്തിനു പണം ചെലവഴിക്കുന്നതു എന്തു ഭോഷത്തം? [QE][PBR]
17. [QS]ഒരു സുഹൃത്തിന്റെ സ്നേഹം എല്ലാക്കാലത്തേക്കും ഉള്ളത്, [QE][QS2]ആപത്തുകാലത്തു സഹായിയായി നിൽക്കുന്നതിനുവേണ്ടിയാണ് ഒരു കൂടപ്പിറപ്പ് ജനിക്കുന്നത്. [QE][PBR]
18. [QS]ബുദ്ധിഹീനർ ജാമ്യക്കരാറിൽ കൈയൊപ്പുചാർത്തുകയും [QE][QS2]അയൽവാസിയുടെ ബാധ്യത ഏൽക്കുകയും ചെയ്യുന്നു. [QE][PBR]
19. [QS]കലഹപ്രിയർ പാപത്തെ പ്രണയിക്കുന്നു; [QE][QS2]ഉയർന്ന മതിൽ നിർമിക്കുന്നവർ നാശം ക്ഷണിച്ചുവരുത്തുന്നു. [QE][PBR]
20. [QS]വക്രഹൃദയമുള്ളവർ അഭിവൃദ്ധിപ്രാപിക്കുന്നില്ല, [QE][QS2]വഞ്ചനയോടെ സംസാരിക്കുന്നവർ അനർഥത്തിലേക്കു വഴുതിവീഴും. [QE][PBR]
21. [QS]മാതാപിതാക്കൾക്ക് ഭോഷരായ മക്കൾ ഉണ്ടായിരിക്കുന്നതു വേദനാജനകം; [QE][QS2]ഭോഷരുടെ മാതാപിതാക്കൾക്ക് ആനന്ദം അന്യമായിരിക്കും. [QE][PBR]
22. [QS]സന്തുഷ്ടഹൃദയം നല്ലൊരു ഔഷധം, [QE][QS2]എന്നാൽ തകർന്ന മനസ്സ് അസ്ഥികളെ ഉരുക്കുന്നു. [QE][PBR]
23. [QS]ദുഷ്ടർ രഹസ്യമായി കൈക്കൂലി വാങ്ങുന്നു [QE][QS2]നീതിയുടെ വഴികൾ അട്ടിമറിക്കാൻ അവർ അപ്രകാരംചെയ്യുന്നു. [QE][PBR]
24. [QS]വിവേകികൾ തങ്ങളുടെ ദൃഷ്ടി ജ്ഞാനത്തിൽ ഉറപ്പിക്കുന്നു, [QE][QS2]എന്നാൽ ഭോഷരുടെ കണ്ണുകൾ ഭൂമിയുടെ അതിർത്തികളിൽ അലയുന്നു. [QE][PBR]
25. [QS]ഭോഷരായ മക്കൾ[* മൂ.ഭാ. ഭോഷനായ മകൻ ] അവരുടെ പിതാവിനു സങ്കടവും [QE][QS2]തങ്ങളുടെ പെറ്റമ്മയ്ക്കു കയ്‌പും കൊണ്ടുവരുന്നു. [QE][PBR]
26. [QS]നിഷ്കളങ്കർക്കു പിഴ കൽപ്പിക്കുന്നത് ഉചിതമല്ല, [QE][QS2]സത്യസന്ധതയുള്ള ഉദ്യോഗസ്ഥരെ പ്രഹരിക്കുന്നതും യുക്തമല്ല. [QE][PBR]
27. [QS]പരിജ്ഞാനമുള്ളവർ തങ്ങളുടെ വാക്കുകൾ നിയന്ത്രിച്ച് ഉപയോഗിക്കുന്നു, [QE][QS2]വിവേകമുള്ള മനുഷ്യർ സമചിത്തത പാലിക്കുന്നു. [QE][PBR]
28. [QS]നിശ്ശബ്ദതപാലിക്കുന്ന ഭോഷർപോലും ജ്ഞാനികളായി പരിഗണിക്കപ്പെടും [QE][QS2]നാവടക്കിയിരിക്കുന്നവർ വിവേകികളായും എണ്ണപ്പെടും. [QE][PBR]