1. [QS]കൂട്ടംവിട്ടുനടക്കുന്ന മനുഷ്യൻ സ്വാർഥതാത്പര്യങ്ങൾ പിൻതുടരുകയും [QE][QS2]നല്ല തീരുമാനങ്ങളെയെല്ലാം വെല്ലുവിളിക്കുകയും ചെയ്യുന്നു. [QE][PBR]
2. [QS]ഭോഷർ വിവേകത്തിൽ ആഹ്ലാദം കണ്ടെത്തുന്നില്ല; [QE][QS2]എന്നാൽ അവർ സ്വന്തം അഭിപ്രായം പ്രകടിപ്പിക്കുന്നതിലാണ് ആനന്ദിക്കുന്നത്. [QE][PBR]
3. [QS]ദുഷ്ടരോടൊപ്പം വിദ്വേഷം തലപൊക്കുന്നു, [QE][QS2]അപമാനത്തോടൊപ്പം അപകീർത്തിയും വന്നുചേരുന്നു. [QE][PBR]
4. [QS]ഒരു മനുഷ്യന്റെ വാക്കുകൾ അഗാധമായ ജലപ്പരപ്പുപോലെയാകാം; [QE][QS2]എന്നാൽ ജ്ഞാനത്തിന്റെ ഉറവ കളകളാരവത്തോടെ ഒഴുകുന്ന അരുവിപോലെയും. [QE][PBR]
5. [QS]ദുഷ്ടരോട് പക്ഷഭേദം കാണിക്കുന്നതും [QE][QS2]നിരപരാധിക്കു നീതി നിഷേധിക്കുന്നതും ഉചിതമല്ല. [QE][PBR]
6. [QS]ഭോഷത്തമുള്ളവരുടെ വാക്കുകൾ കലഹം സൃഷ്ടിക്കുന്നു, [QE][QS2]അവരുടെ അധരം അടി ഇരന്നുവാങ്ങുന്നു. [QE][PBR]
7. [QS]ഭോഷരുടെ വായ് അവർക്കു നാശഹേതുവും [QE][QS2]അധരങ്ങൾ അവരുടെ ജീവനു കെണിയും ആകുന്നു. [QE][PBR]
8. [QS]ഏഷണി പറയുന്നവരുടെ വാക്കുകൾ സ്വാദുഭോജനംപോലെയാകുന്നു; [QE][QS2]അതു ശരീരത്തിന്റെ അന്തർഭാഗത്തേക്ക് ഇറങ്ങിച്ചെല്ലുന്നു. [QE][PBR]
9. [QS]സ്വന്തം തൊഴിലിൽ അലസത കാണിക്കുന്നവർ [QE][QS2]വിനാശം വിതയ്ക്കുന്നവരുടെ സഹോദരങ്ങളാകുന്നു. [QE][PBR]
10. [QS]യഹോവയുടെ നാമം കെട്ടുറപ്പുള്ള ഒരു കോട്ടയാണ്; [QE][QS2]നീതിനിഷ്ഠർ അവിടേക്കോടിച്ചെന്ന് സുരക്ഷിതരാകുന്നു. [QE][PBR]
11. [QS]ധനമുള്ളവരുടെ സമ്പത്ത് അവർക്കു കോട്ടകെട്ടിയ നഗരമാണ്; [QE][QS2]അത് ആർക്കും കയറാൻപറ്റാത്ത മതിലെന്ന് അവർ സങ്കൽപ്പിക്കുന്നു. [QE][PBR]
12. [QS]അഹന്ത നാശത്തിന്റെ മുന്നോടിയാണ്, [QE][QS2]എന്നാൽ എളിമ ബഹുമതിക്കു മുമ്പേപോകുന്നു. [QE][PBR]
13. [QS]കേൾക്കുന്നതിനുമുമ്പേ ഉത്തരം നൽകുന്നത് [QE][QS2]മടയത്തരവും അപമാനവും ആകുന്നു. [QE][PBR]
14. [QS]ഉന്മേഷമുള്ളഹൃദയം രോഗാതുരത അതിജീവിക്കുന്നു, [QE][QS2]എന്നാൽ തകർന്ന ഹൃദയം ആർക്ക് സഹിക്കാൻ കഴിയും? [QE][PBR]
15. [QS]വിവേകമുള്ളവരുടെ ഹൃദയം പരിജ്ഞാനം ആർജിക്കുന്നു, [QE][QS2]ജ്ഞാനിയുടെ കാതുകൾ അതു കണ്ടെത്തുന്നു. [QE][PBR]
16. [QS]ദാനം ദാതാവിനു വഴിതുറക്കുകയും [QE][QS2]അദ്ദേഹത്തെ മഹാന്മാരുടെ നിരയിലേക്ക് ആനയിക്കുകയും ചെയ്യുന്നു. [QE][PBR]
17. [QS]എതിരാളി എതിർവിസ്താരം ചെയ്യുന്നതുവരെ [QE][QS2]ആദ്യം അവതരിപ്പിക്കുന്ന വാദം യുക്തിസഹം എന്നു കരുതപ്പെടും. [QE][PBR]
18. [QS]നറുക്കിടുന്നതു തർക്കങ്ങൾക്കു പരിഹാരം വരുത്തുകയും [QE][QS2]പ്രബലരായ പ്രതിയോഗികളെ സമവായത്തിൽ എത്തിക്കുകയും ചെയ്യുന്നു. [QE][PBR]
19. [QS]ഹൃദയത്തിൽ മുറിവേറ്റ സഹോദരങ്ങളെ അനുരഞ്ജിപ്പിക്കുന്നത് കെട്ടുറപ്പുള്ള കോട്ടകടക്കുന്നതിനെക്കാൾ ദുഷ്കരം; [QE][QS2]തർക്കങ്ങൾ കോട്ടവാതിലിന്റെ ഇരുമ്പഴികൾപോലെയും. [QE][PBR]
20. [QS]ഒരു മനുഷ്യന്റെ വായുടെ ഫലത്തിൽനിന്ന് അയാളുടെ വയറിനു തൃപ്തിവരുന്നു; [QE][QS2]അവരുടെ അധരങ്ങളുടെ വിളവുകൊണ്ട് അവർ സംതൃപ്തരാകുന്നു. [QE][PBR]
21. [QS]മരണവും ജീവനും നൽകാനുള്ള ശക്തി നാവിനുണ്ട്, [QE][QS2]അതിനെ ഇഷ്ടപ്പെടുന്നവർ അതിന്റെ ഫലമനുഭവിക്കും. [QE][PBR]
22. [QS]ഭാര്യയെ കണ്ടെത്തുന്നവൻ നന്മ കണ്ടെത്തുകയും [QE][QS2]യഹോവയിൽനിന്നു പ്രസാദം കൈപ്പറ്റുകയും ചെയ്യുന്നു. [QE][PBR]
23. [QS]ദരിദ്രർ കരുണയ്ക്കായി കേണപേക്ഷിക്കുന്നു, [QE][QS2]എന്നാൽ ധനികർ പരുഷമായി പ്രതിവാദം നടത്തുന്നു. [QE][PBR]
24. [QS]അവിശ്വസ്തരായ സുഹൃത്തുക്കളുള്ളവർ പെട്ടെന്നു നശിച്ചുപോകും, [QE][QS2]എന്നാൽ സഹോദരങ്ങളെക്കാൾ ചേർന്നുനിൽക്കുന്ന സുഹൃത്തുക്കളുമുണ്ട്. [QE][PBR]