1. {#2ഇരുപതാംസൂക്തം } [QS]ദുഷ്ടരോടു നീ അസൂയപ്പെടരുത്, [QE][QS2]അവരുമായുള്ള കൂട്ടുകെട്ട് നീ അഭിലഷിക്കുകയുമരുത്; [QE]
2. [QS]കാരണം അവരുടെ ഹൃദയം അതിക്രമത്തിനു കളമൊരുക്കുന്നു, [QE][QS2]അവരുടെ അധരങ്ങൾ സംഘർഷം സൃഷ്ടിക്കുന്നതിനെപ്പറ്റി സംസാരിക്കുന്നു. [QE]
3. {#2ഇരുപത്തിയൊന്നാംസൂക്തം } [QS]ജ്ഞാനത്താൽ ഒരു ഭവനം നിർമിക്കപ്പെടുന്നു, [QE][QS2]വിവേകത്തിലൂടെ അതു സ്ഥിരപ്പെടുകയും ചെയ്യുന്നു. [QE]
4. [QS]അതിന്റെ മുറികൾ പരിജ്ഞാനത്താൽ നിറയ്ക്കപ്പെടുന്നു; [QE][QS2]അമൂല്യവും രമണീയവുമായ നിക്ഷേപങ്ങൾകൊണ്ടുതന്നെ. [QE]
5. {#2ഇരുപത്തിരണ്ടാംസൂക്തം } [QS]ജ്ഞാനിക്ക് ബലമുള്ളവരെക്കാൾ ശക്തിയുണ്ട്, [QE][QS2]പരിജ്ഞാനി ശക്തിക്കുമേൽ ശക്തിനേടുന്നു. [QE]
6. [QS]യുദ്ധത്തിൽ മുന്നേറാൻ മാർഗനിർദേശങ്ങൾ ആവശ്യമാണ്, [QE][QS2]എന്നാൽ ഉപദേഷ്ടാക്കളുടെ ബാഹുല്യം വിജയം ഉറപ്പിക്കുന്നു. [QE]
7. {#2ഇരുപത്തിമൂന്നാംസൂക്തം } [QS]ജ്ഞാനം ഭോഷർക്ക് അപ്രാപ്യം; [QE][QS2]പട്ടണകവാടത്തിൽ സമ്മേളിക്കുമ്പോൾ അവർക്ക് പ്രതിവാദം ഇല്ലാതെയാകുന്നു. [QE]
8. {#2ഇരുപത്തിനാലാംസൂക്തം } [QS]ദുഷ്കൃത്യങ്ങൾ ആസൂത്രണംചെയ്യുന്നവർ [QE][QS2]ഗൂഢാലോചനയിൽ വിദഗ്ദ്ധർ എന്നു വിളിക്കപ്പെടും. [QE]
9. [QS]ഭോഷത്തം ആസൂത്രണംചെയ്യുന്നത് പാപം, [QE][QS2]പരിഹാസിയെ ജനം വെറുക്കുന്നു. [QE]
10. {#2ഇരുപത്തിയഞ്ചാംസൂക്തം } [QS]ആപത്ഘട്ടത്തിൽ നിങ്ങൾ ഇടറിപ്പോകുന്നെങ്കിൽ, [QE][QS2]നിങ്ങളുടെ ശക്തി എത്രയോ പരിമിതം! [QE]
11. [QS]അന്യായമായി മരണത്തിലേക്കു നയിക്കപ്പെടുന്നവരെ വിടുവിക്കുക; [QE][QS2]കൊലക്കളത്തിലേക്ക് ഇടറിയിടറി നീങ്ങുന്നവരെ രക്ഷിക്കുക. [QE]
12. [QS]“ഞങ്ങൾ ഇതേപ്പറ്റി യാതൊന്നും അറിഞ്ഞിരുന്നില്ല,” എന്നു നീ പറഞ്ഞാൽ, [QE][QS2]ഹൃദയത്തെ തൂക്കിനോക്കുന്നവൻ അതു മനസ്സിലാക്കാതിരിക്കുമോ? [QE][QS]നിന്റെ ജീവൻ സംരക്ഷിക്കുന്ന അവിടത്തേക്ക് ഇത് അറിയാതിരിക്കുമോ? [QE][QS2]അവിടന്ന് ഓരോരുത്തർക്കും അവരുടെ പ്രവൃത്തികൾക്കനുസരിച്ച് പകരം ചെയ്യാതിരിക്കുമോ? [QE]
13. {#2ഇരുപത്തിയാറാംസൂക്തം } [QS]എന്റെ കുഞ്ഞേ,[* മൂ.ഭാ. എന്റെ മകനേ; വാ. 21 കാണുക. ] തേൻ കഴിക്കുക, അതു നല്ലതാണ്; [QE][QS2]തേനടയിലെ തേൻ നിന്റെ നാവിന് ആസ്വാദ്യമാണ്. [QE]
14. [QS]അതുപോലെതന്നെ, ജ്ഞാനം നിനക്ക് തേൻപോലെയെന്ന് അറിയുക: [QE][QS2]അതു നീ കണ്ടെത്തിയാൽ, നിനക്കു ശോഭനമായൊരു ഭാവിയുണ്ട്, [QE][QS2]നിന്റെ പ്രത്യാശ അറ്റുപോകുകയില്ല. [QE]
15. {#2ഇരുപത്തിയേഴാംസൂക്തം } [QS]നീതിനിഷ്ഠരുടെ ഭവനത്തിനെതിരേ ദുഷ്ടരെപ്പോലെ പതിയിരിക്കരുത്, [QE][QS2]അവരുടെ പാർപ്പിടം കൊള്ളയിടുകയുമരുത്; [QE]
16. [QS]കാരണം നീതിനിഷ്ഠർ ഏഴുവട്ടം വീണാലും അവർ എഴുന്നേൽക്കുകതന്നെചെയ്യും, [QE][QS2]എന്നാൽ ദുരന്തമുണ്ടാകുമ്പോൾ ദുഷ്ടർ നിലംപരിശാകുന്നു. [QE]
17. {#2ഇരുപത്തിയെട്ടാംസൂക്തം } [QS]നിങ്ങളുടെ ശത്രുവിന്റെ പതനത്തിൽ ആനന്ദിക്കരുത്; [QE][QS2]അവരുടെ കാലിടറുമ്പോൾ നിന്റെ ഹൃദയം സന്തോഷിക്കുകയുമരുത്, [QE]
18. [QS]അങ്ങനെയായാൽ, യഹോവ അതുകണ്ട് അതൃപ്തനാകുകയും [QE][QS2]അവിടത്തെ കോപം ശത്രുവിൽനിന്നു പിൻവലിക്കുകയും ചെയ്യും. [QE]
19. {#2ഇരുപത്തിഒൻപതാംസൂക്തം } [QS]ദുഷ്ടർനിമിത്തം ക്ഷോഭിക്കുകയോ [QE][QS2]നീചരായവരോട് അസൂയപ്പെടുകയോ അരുത്, [QE]
20. [QS]കാരണം നീചർക്കു ഭാവിപ്രതീക്ഷയില്ല, [QE][QS2]ദുഷ്ടരുടെ വിളക്ക് ഊതിയണയ്ക്കപ്പെടുകയും ചെയ്യും. [QE]
21. {#2മുപ്പതാംസൂക്തം } [QS]എന്റെ കുഞ്ഞേ, യഹോവയെയും രാജാവിനെയും ഭയപ്പെടുക, [QE][QS2]മത്സരികളുടെ സംഘത്തിൽ ചേരുകയുമരുത്, [QE]
22. [QS]കാരണം അവരിരുവരും മത്സരികൾക്കുനേരേ ശീഘ്രനാശം അയയ്ക്കും, [QE][QS2]അവർ എന്തൊക്കെ ദുരിതങ്ങളാണ് അഴിച്ചുവിടുന്നതെന്ന് ആർക്കറിയാം? [QE]
23. {#3ജ്ഞാനിയുടെ സൂക്തങ്ങൾ തുടരുന്നു } [PS]ഇവയും ജ്ഞാനിയുടെ സൂക്തങ്ങൾതന്നെയാണ്: [PE][QS]വിധിനിർണയത്തിൽ പക്ഷഭേദം ഉചിതമല്ല: [QE]
24. [QS]ഒരു കുറ്റവാളിയോട്, “താങ്കൾ നിരപരാധിയാണ്,” എന്നു പറയുന്നവരെ [QE][QS2]പൊതുജനം ശപിക്കുകയും ജനതകൾ വെറുക്കുകയും ചെയ്യും. [QE]
25. [QS]എന്നാൽ കുറ്റവാളിയെ ശിക്ഷിക്കുന്നവർക്ക് നന്മ കൈവരും, [QE][QS2]അനവധി അനുഗ്രഹങ്ങൾ വന്നുചേരും. [QE][PBR]
26. [QS]സത്യസന്ധമായ ഉത്തരം [QE][QS2]യഥാർഥ സൗഹൃദത്തിന്റെ ചിഹ്നമാണ്.[† മൂ.ഭാ. ചുണ്ടിൽ നൽകുന്ന ചുംബനംപോലെ ] [QE][PBR]
27. [QS]വെളിയിൽ നിന്റെ വേല ക്രമീകരിക്കുക [QE][QS2]നിന്റെ പുരയിടം ഒരുക്കുക; [QE][QS2]അതിനുശേഷം നിന്റെ ഗൃഹനിർമിതി തുടങ്ങുക. [QE][PBR]
28. [QS]മതിയായ കാരണമില്ലാതെ നിന്റെ അയൽവാസിക്കെതിരേ മൊഴിനൽകരുത്— [QE][QS2]നിന്റെ അധരങ്ങൾകൊണ്ട് അവരെ വഞ്ചിക്കരുത്. [QE]
29. [QS]“അവർ എന്നോടു ചെയ്തതുപോലെതന്നെ ഞാൻ അവരോടുംചെയ്യും; [QE][QS2]അവർ ചെയ്തതിനൊക്കെ ഞാൻ അവരോടു പകരംവീട്ടും,” എന്നു പറയരുത്. [QE][PBR]
30. [QS]ഞാൻ അലസരുടെ കൃഷിയിടത്തിനരികിലൂടെയും [QE][QS2]ബുദ്ധിഹീനരുടെ മുന്തിരിത്തോപ്പിനരികിലൂടെയും നടന്നുപോയി; [QE]
31. [QS]അവിടെയെല്ലാം മുൾച്ചെടികൾ പടർന്നുപിടിച്ചിരിക്കുന്നു, [QE][QS2]നിലമെല്ലാം കളകൾ മൂടിയിരിക്കുന്നു, [QE][QS2]അതിലെ മതിലുകൾ ഇടിഞ്ഞുപോയിരിക്കുന്നു. [QE]
32. [QS]ഞാൻ നിരീക്ഷിച്ചവ വിചിന്തനത്തിനു വിധേയമാക്കി, [QE][QS2]ഞാൻ കണ്ടതിൽനിന്നും ഒരു പാഠം പഠിച്ചു: [QE]
33. [QS]ഒരൽപ്പം ഉറക്കം, ഒരൽപ്പം മയക്കം, [QE][QS2]ഒരൽപ്പനേരംകൂടി കൈകൾ കെട്ടിപ്പിണച്ചുള്ള വിശ്രമം; [QE]
34. [QS]അങ്ങനെ ദാരിദ്ര്യം കൊള്ളക്കാരെപ്പോലെ നിന്റെമേൽ ചാടിവീഴും [QE][QS2]ദുർഭിക്ഷത ഒരു ആയുധപാണിയെപ്പോലെ നിന്നെ ആക്രമിക്കും. [QE]