1. {#1ജ്ഞാനം സർവോന്നതം } [QS]എന്റെ കുഞ്ഞുങ്ങളേ,[* മൂ.ഭാ. എന്റെ മകനേ; വാ. 10, 20 കാണുക ] പിതാവിന്റെ നിർദേശങ്ങൾ ശ്രവിക്കുക; [QE][QS2]അതിൽ ശ്രദ്ധനൽകി വിവേചനശക്തി കൈവരിക്കുക. [QE]
2. [QS]കാരണം ഞാൻ നിനക്കു സദുപദേശം നൽകുന്നു, [QE][QS2]എന്റെ അഭ്യസനം നിരാകരിക്കരുത്. [QE]
3. [QS]ഞാനും എന്റെ പിതാവിനു മകനും [QE][QS2]മാതാവിന്റെ ഏക ഓമനസന്താനവും ആയിരുന്നു. [QE]
4. [QS]എന്റെ പിതാവ് എന്നെ പഠിപ്പിച്ച് എന്നോട് ഇപ്രകാരം പറഞ്ഞു: [QE][QS2]“എന്റെ വാക്കുകൾ നീ ഹൃദയപൂർവം സ്വീകരിക്കുക; [QE][QS2]എന്റെ കൽപ്പനകൾ പാലിച്ചാൽ നീ ജീവിക്കും. [QE]
5. [QS]ജ്ഞാനം നേടുക, വിവേകം ആർജിക്കുക; [QE][QS2]എന്റെ വാക്കുകൾ വിസ്മരിക്കുകയോ അവയിൽനിന്നു വ്യതിചലിക്കുകയോ അരുത്. [QE]
6. [QS]ജ്ഞാനത്തെ ഉപേക്ഷിക്കരുത്, അവൾ നിന്നെ സംരക്ഷിക്കും; [QE][QS2]അവളെ സ്നേഹിക്കുക, അവൾ നിനക്കു കാവൽനിൽക്കും. [QE]
7. [QS]ജ്ഞാനം പരമപ്രധാനമാണ്; ആകയാൽ നീ ജ്ഞാനം കൈവരിക്കുക. [QE][QS2]നിനക്കുള്ളതെല്ലാം ചെലവഴിച്ചിട്ടായാലും[† അഥവാ, മറ്റുള്ളതെന്തു ചെയ്താലും ] അറിവ് സമ്പാദിക്കുക. [QE]
8. [QS]അവളെ[‡ അവൾ, വിവക്ഷിക്കുന്നത് ജ്ഞാനം ] താലോലിക്കുക, അവൾ നിന്നെ ഉയർത്തും; [QE][QS2]അവളെ ആലിംഗനംചെയ്യുക, അവൾ നിന്നെ ആദരിക്കും. [QE]
9. [QS]അവൾ നിന്റെ ശിരസ്സിന് അഴകേകുന്ന ഒരു ലതാമകുടം അണിയിക്കുകയും [QE][QS2]ശോഭയുള്ള കിരീടം നിനക്ക് ഉപഹാരമായി നൽകുകയും ചെയ്യും.” [QE][PBR]
10. [QS]എന്റെ കുഞ്ഞേ, എന്റെ വാക്കുകൾ ശ്രദ്ധിച്ച് അവ അംഗീകരിക്കുക, [QE][QS2]എന്നാൽ നീ ദീർഘായുസ്സുള്ള വ്യക്തിയായിരിക്കും. [QE]
11. [QS]ഞാൻ നിന്നെ ജ്ഞാനമാർഗത്തിലേക്കു നയിക്കുന്നു [QE][QS2]നേരായ പാതകളിൽ നിന്നെ നടത്തുകയും ചെയ്യുന്നു. [QE]
12. [QS]നീ നടക്കുമ്പോൾ നിന്റെ കാലടികൾക്കു തടസ്സം നേരിടുകയില്ല; [QE][QS2]ഓടുമ്പോൾ, നീ ഇടറിവീഴുകയുമില്ല. [QE]
13. [QS]ശിക്ഷണം മുറുകെപ്പിടിക്കുക, അതിനെ കൈവെടിയരുത്; [QE][QS2]അതിനെ സംരക്ഷിക്കുക, കാരണം അതാകുന്നു നിന്റെ ജീവൻ. [QE]
14. [QS]ദുഷ്ടരുടെ വഴിയിൽ നീ പ്രവേശിക്കരുത് [QE][QS2]ദുർമാർഗികളുടെ പാതയിൽ നീ സഞ്ചരിക്കുകയുമരുത്. [QE]
15. [QS]അത് ഒഴിവാക്കുക, ആ വഴിയിൽക്കൂടി സഞ്ചരിക്കരുത്; [QE][QS2]അത് വിട്ടൊഴിഞ്ഞ് നിന്റെ ലക്ഷ്യത്തിലേക്കു കുതിക്കുക. [QE]
16. [QS]കാരണം അകൃത്യംചെയ്യുന്നതുവരെ അവർക്ക് ഉറക്കംവരികയില്ല; [QE][QS2]ആരെയെങ്കിലും വീഴ്ത്തിയില്ലെങ്കിൽ അവരെ സുഖനിദ്ര കൈവിടുന്നു, [QE]
17. [QS]അവർ ദുഷ്ടതയുടെ ആഹാരം ഭക്ഷിക്കുന്നു [QE][QS2]അതിക്രമത്തിന്റെ വീഞ്ഞു പാനംചെയ്യുന്നു. [QE][PBR]
18. [QS]നീതിനിഷ്ഠരുടെ പാത അരുണോദയത്തിലെ പ്രഭപോലെയാകുന്നു, [QE][QS2]അതു നട്ടുച്ചവരെ അധികമധികമായി പ്രശോഭിച്ചുകൊണ്ടിരിക്കും. [QE]
19. [QS]എന്നാൽ ദുഷ്ടരുടെ പാതകൾ ഘോരാന്ധകാരംപോലെയാണ്; [QE][QS2]ഏതിൽ തട്ടിവീഴുമെന്ന് അവർ അറിയുന്നില്ല. [QE][PBR]
20. [QS]എന്റെ കുഞ്ഞേ, എന്റെ വാക്കുകൾ സശ്രദ്ധം ശ്രവിക്കുക; [QE][QS2]എന്റെ മൊഴികൾക്കു ചെവിചായ്‌ക്കുക. [QE]
21. [QS]അവ നിന്റെ കൺമുമ്പിൽനിന്നും മറയാൻ അനുവദിക്കരുത്, [QE][QS2]അവ നിന്റെ ഹൃദയത്തിൽത്തന്നെ സൂക്ഷിക്കുക; [QE]
22. [QS]കാരണം, കണ്ടെത്തുന്നവർക്ക് അവ ജീവനും [QE][QS2]അവരുടെ ശരീരംമുഴുവൻ ആരോഗ്യവും നൽകുന്നു. [QE]
23. [QS]എല്ലാറ്റിനുമുപരി നിന്റെ ഹൃദയത്തെ സംരക്ഷിക്കുക, [QE][QS2]കാരണം അതിൽനിന്നാണ് ജീവന്റെ ഉറവ ഉത്ഭവിക്കുന്നത്. [QE]
24. [QS]വഞ്ചന നിന്റെ വായിൽനിന്ന് ഒഴിവാക്കുക; [QE][QS2]ദുർഭാഷണത്തിൽനിന്നു നിന്റെ അധരങ്ങളെ അകറ്റിനിർത്തുക. [QE]
25. [QS]നിന്റെ ദൃഷ്ടികൾ ഋജുവായിരിക്കട്ടെ; [QE][QS2]നിന്റെ കണ്ണുകൾ മുൻപോട്ടുതന്നെ പതിപ്പിക്കുക. [QE]
26. [QS]നിന്റെ പാദങ്ങൾക്കു പാത നിരപ്പാക്കുക[§ അഥവാ, ആലോചന നൽകുക ] [QE][QS2]അപ്പോൾ നിന്റെ വഴികളെല്ലാം സുസ്ഥിരമായിരിക്കും. [QE]
27. [QS]നീ വലത്തോട്ടോ ഇടത്തോട്ടോ വ്യതിചലിക്കരുത്; [QE][QS2]നിന്റെ കാലുകൾ തിന്മയിൽനിന്ന് ഒഴിഞ്ഞിരിക്കട്ടെ. [QE]