1. {#1വ്യഭിചാരത്തിനെതിരേ മുന്നറിയിപ്പ് } [QS]എന്റെ കുഞ്ഞേ, എന്റെ ജ്ഞാനം ശ്രദ്ധിക്കുക, [QE][QS2]ഉൾക്കാഴ്ചനിറഞ്ഞ എന്റെ സൂക്തങ്ങൾക്കു ചെവിചായ്‌ക്കുക, [QE]
2. [QS]അങ്ങനെ നീ വിവേചനശക്തി നിലനിർത്തുകയും [QE][QS2]നിന്റെ അധരങ്ങൾ പരിജ്ഞാനം പ്രസ്താവിക്കുകയും ചെയ്യട്ടെ. [QE]
3. [QS]വ്യഭിചാരിണിയുടെ അധരങ്ങൾ തേൻ പൊഴിക്കുന്നു, [QE][QS2]അവളുടെ ഭാഷണം എണ്ണയെക്കാൾ മൃദുവാകുന്നു; [QE]
4. [QS]എന്നാൽ ഒടുവിൽ അവൾ കാഞ്ഞിരംപോലെ കയ്‌പുള്ളവളും [QE][QS2]ഇരുവായ്ത്തലയുള്ള വാളുപോലെ മൂർച്ചയുള്ളവളും ആയിത്തീരുന്നു. [QE]
5. [QS]അവളുടെ കാലടികൾ പാതാളത്തിലേക്ക് ഇറങ്ങിപ്പോകുന്നു; [QE][QS2]അവളുടെ ചുവടുകൾ നേരേ പാതാളത്തിലേക്കു നയിക്കുന്നു. [QE]
6. [QS]ജീവന്റെ വഴി അവൾ ചിന്തിക്കുന്നതേയില്ല; [QE][QS2]അവളുടെ പാത ലക്ഷ്യമില്ലാതെ അലയുന്നത്, അവൾ അത് അറിയുന്നതുമില്ല. [QE][PBR]
7. [QS]അതുകൊണ്ട് എന്റെ കുഞ്ഞുങ്ങളേ, എന്നെ ശ്രദ്ധിക്കുക; [QE][QS2]എന്റെ മൊഴികളിൽനിന്ന് ഒരിക്കലും വ്യതിചലിക്കരുത്. [QE]
8. [QS]നീ അവളിൽനിന്നും അകന്നിരിക്കുക, [QE][QS2]അവളുടെ വീട്ടുവാതിലിനോടു നീ സമീപിക്കരുത്, [QE]
9. [QS]നിന്റെ ഊർജസ്വലത മറ്റുള്ളവർക്കായി നഷ്ടപ്പെടുത്താതിരിക്കുക[* അഥവാ, അങ്ങനെചെയ്താൽ നിനക്ക് നിന്റെ മാന്യത നഷ്ടമാകും. ] [QE][QS2]നിന്റെ കുലീനത [† മൂ.ഭാ. സംവത്സരങ്ങൾ ] ക്രൂരരായവർക്ക് അടിയറവുവെക്കരുത്, [QE]
10. [QS]അന്യർ നിന്റെ സമ്പത്തുകൊണ്ട് ആഘോഷിക്കുകയും [QE][QS2]നിന്റെ കഠിനാധ്വാനം അന്യഭവനത്തെ സമ്പന്നമാക്കുകയും ചെയ്യാതിരിക്കട്ടെ. [QE]
11. [QS]നിന്റെ ജീവിതാന്ത്യത്തിൽ നീ ഞരങ്ങും, [QE][QS2]നിന്റെ മാംസവും ശരീരവും ക്ഷയിക്കുമ്പോൾത്തന്നെ. [QE]
12. [QS]അപ്പോൾ നീ പറയും, “ശിക്ഷണത്തെ ഞാൻ എത്രമാത്രം വെറുത്തു! [QE][QS2]എന്റെ ഹൃദയം ശാസനയെ എങ്ങനെയെല്ലാം തിരസ്കരിച്ചു! [QE]
13. [QS]ഞാൻ എന്റെ ഗുരുക്കന്മാരെ അനുസരിച്ചില്ല [QE][QS2]എന്റെ പ്രബോധകരെ ശ്രദ്ധിച്ചതുമില്ല. [QE]
14. [QS]ദൈവജനത്തിന്റെ സഭാമധ്യേ [QE][QS2]ഞാൻ സമ്പൂർണ നാശത്തിന്റെ വക്കിൽ എത്തിയിരിക്കുന്നു.” [QE][PBR]
15. [QS]നിന്റെ സ്വന്തം ജലസംഭരണിയിൽനിന്ന് പാനംചെയ്യുക, [QE][QS2]നിന്റെ കിണറ്റിൽനിന്നുള്ള വെള്ളംമാത്രം കുടിക്കുക.[‡ അതായത്, നിന്റെ പ്രിയപത്നിയുടെ സ്നേഹംമാത്രം പങ്കിടുക. ] [QE]
16. [QS]നിന്റെ നീരുറവകൾ തെരുവോരങ്ങളിലേക്കു കവിഞ്ഞൊഴുകണമോ, [QE][QS2]നിന്റെ അരുവികൾ ചത്വരങ്ങളിലേക്ക് ഒഴുക്കണമോ?[§ അതായത്, ആരുമായും ലൈംഗികബന്ധത്തിലേർപ്പെടാമോ? ] [QE]
17. [QS]അതു നിന്റേതുമാത്രമായിരിക്കട്ടെ, [QE][QS2]ഒരിക്കലും അത് അന്യരുമായി പങ്കിടാനുള്ളതല്ല. [QE]
18. [QS]നിന്റെ ജലധാര അനുഗൃഹീതമാകട്ടെ, [QE][QS2]നിന്റെ യൗവനത്തിലെ ധർമപത്നിയുമൊത്ത് ആനന്ദിക്കുക. [QE]
19. [QS]അവൾ അനുരാഗിയായ മാൻപേട, അതേ അഴകാർന്ന മാനിനും തുല്യം— [QE][QS2]അവളുടെ മാറിടം എപ്പോഴും നിന്നെ തൃപ്തനാക്കട്ടെ, [QE][QS2]അവളുടെ പ്രേമത്താൽ നീ എപ്പോഴും ലഹരിപിടിച്ചവനായിരിക്കട്ടെ. [QE]
20. [QS]എന്റെ കുഞ്ഞേ, അന്യപുരുഷന്റെ ഭാര്യയെക്കണ്ടു നീ ഉന്മത്തനായിത്തീരുന്നത് എന്തിന്? [QE][QS2]ലൈംഗികധാർമികതയില്ലാത്തവളുടെ മാറിടം പുണരുന്നതും എന്തിന്? [QE][PBR]
21. [QS]ഒരു മനുഷ്യന്റെ പ്രവൃത്തികളെല്ലാം യഹോവയുടെ സൂക്ഷ്മനിരീക്ഷണത്തിലാണ്, [QE][QS2]അവരുടെ വഴികളെല്ലാം അവിടന്നു പരിശോധിക്കുന്നു. [QE]
22. [QS]ദുഷ്ടരുടെ അപരാധങ്ങളെല്ലാം അവരെ കെണിയിൽപ്പെടുത്തുന്നു; [QE][QS2]അവരുടെ പാപച്ചരടുകൾതന്നെ അവരെ ബന്ധനസ്ഥരാക്കുന്നു. [QE]
23. [QS]സ്വയനിയന്ത്രണമില്ലായ്കയാൽ അവർ മൃതിയടയുന്നു, [QE][QS2]മഹാഭോഷത്തത്താൽ അവർ വഴിപിഴച്ചുപോകുന്നു. [QE]