1. {#3അഞ്ചാംപുസ്തകം [BR]സങ്കീർത്തനങ്ങൾ 107–150 } [QS]യഹോവയ്ക്കു സ്തോത്രംചെയ്‌വിൻ, അവിടന്ന് നല്ലവനല്ലോ; [QE][QS2]അവിടത്തെ അചഞ്ചലസ്നേഹം ശാശ്വതമായിരിക്കുന്നു. [QE][PBR]
2. [QS]യഹോവയാൽ വീണ്ടെടുക്കപ്പെട്ടവർ, [QE][QS2]അവിടന്ന് ശത്രുക്കളുടെ കൈയിൽനിന്ന് വീണ്ടെടുത്തവർ, [QE]
3. [QS]കിഴക്കുനിന്നും പടിഞ്ഞാറുനിന്നും വടക്കുനിന്നും തെക്കുനിന്നും[* മൂ.ഭാ. വടക്കുനിന്നും സമുദ്രത്തിൽനിന്നും ] [QE][QS2]അവിടന്ന് കൂട്ടിച്ചേർത്തവരായ ജനം ഇപ്രകാരം പറയട്ടെ: [QE][PBR]
4. [QS]അവർ മരുഭൂമിയിൽ വിജനപാതയിൽ അലഞ്ഞുനടന്നു, [QE][QS2]വാസയോഗ്യമായ പട്ടണമൊന്നും അവർ കണ്ടെത്തിയില്ല. [QE]
5. [QS]അവർ വിശന്നും ദാഹിച്ചും അലഞ്ഞു, [QE][QS2]അവരുടെ ജീവൻ ചോർന്നുപോയിരിക്കുന്നു. [QE]
6. [QS]അപ്പോൾ തങ്ങളുടെ കഷ്ടതയിൽ അവർ യഹോവയോട് നിലവിളിച്ചു, [QE][QS2]അവരുടെ ദുരിതത്തിൽനിന്ന് അവിടന്ന് അവരെ വിടുവിച്ചു. [QE]
7. [QS]അവർക്കു വാസയോഗ്യമായ ഒരു നഗരത്തിലേക്ക് [QE][QS2]അവിടന്ന് അവരെ നേർപാതയിലൂടെ നയിച്ചു. [QE]
8. [QS]അവിടത്തെ അചഞ്ചലസ്നേഹംനിമിത്തവും [QE][QS2]അവിടന്ന് മനുഷ്യർക്കുവേണ്ടി ചെയ്ത അത്ഭുതപ്രവൃത്തികൾനിമിത്തവും അവർ യഹോവയ്ക്കു സ്തോത്രംചെയ്യട്ടെ, [QE]
9. [QS]കാരണം അവിടന്ന് ദാഹിക്കുന്നവരെ തൃപ്തരാക്കുകയും [QE][QS2]വിശക്കുന്നവരെ വിശിഷ്ടഭോജ്യങ്ങൾകൊണ്ടു നിറയ്ക്കുകയുംചെയ്യുന്നു. [QE][PBR]
10. [QS]ചിലർ ഇരുമ്പുചങ്ങലകളാൽ ബന്ധിതരായി കഷ്ടമനുഭവിച്ചു, [QE][QS2]കൂരിരുളിലും അന്ധതമസ്സിലും ജീവിച്ചു. [QE]
11. [QS]കാരണം അവർ ദൈവത്തിന്റെ കൽപ്പനകൾ തിരസ്കരിച്ചു [QE][QS2]അത്യുന്നതന്റെ ആലോചനകൾ നിരസിച്ചു. [QE]
12. [QS]അതിനാൽ അവിടന്ന് അവരെ കഠിനാധ്വാനത്തിന് ഏൽപ്പിച്ചു; [QE][QS2]അവർ തളർന്നുവീണു, സഹായിക്കാൻ ആരും ഉണ്ടായിരുന്നില്ല. [QE]
13. [QS]അപ്പോൾ തങ്ങളുടെ കഷ്ടതയിൽ അവർ യഹോവയോട് നിലവിളിച്ചു, [QE][QS2]അവരുടെ ദുരിതത്തിൽനിന്ന് അവിടന്ന് അവരെ രക്ഷിച്ചു. [QE]
14. [QS]അവിടന്ന് അവരെ അന്ധകാരത്തിൽനിന്ന്, അതേ, ഘോരാന്ധകാരത്തിൽനിന്നുതന്നെ വിടുവിച്ചു, [QE][QS2]അവരുടെ ചങ്ങലകളെ അവിടന്നു പൊട്ടിച്ചെറിഞ്ഞു. [QE]
15. [QS]അവിടത്തെ അചഞ്ചലസ്നേഹംനിമിത്തവും [QE][QS2]അവിടന്ന് മനുഷ്യർക്കുവേണ്ടി ചെയ്ത അത്ഭുതപ്രവൃത്തികൾനിമിത്തവും അവർ യഹോവയ്ക്കു സ്തോത്രംചെയ്യട്ടെ, [QE]
16. [QS]കാരണം, അവിടന്ന് വെങ്കലക്കവാടങ്ങളെ തകർക്കുകയും [QE][QS2]ഇരുമ്പോടാമ്പലുകളെ വെട്ടിമുറിക്കുകയും ചെയ്യുന്നു. [QE][PBR]
17. [QS]ചിലർ തങ്ങളുടെ ധിക്കാരംനിമിത്തം ഭോഷരായിത്തീർന്നു [QE][QS2]അവരുടെ അകൃത്യങ്ങളാൽ ദുരിതമനുഭവിച്ചു. [QE]
18. [QS]എല്ലാത്തരം ഭക്ഷണത്തോടും അവർക്ക് വിരക്തിതോന്നി, [QE][QS2]മരണകവാടത്തോട് അവർ സമീപിച്ചിരുന്നു. [QE]
19. [QS]അപ്പോൾ തങ്ങളുടെ കഷ്ടതയിൽ അവർ യഹോവയോട് നിലവിളിച്ചു, [QE][QS2]അവരുടെ ദുരിതത്തിൽനിന്ന് അവിടന്ന് അവരെ രക്ഷിച്ചു. [QE]
20. [QS]അവിടന്ന് തന്റെ വചനം അയച്ച് അവരെ സൗഖ്യമാക്കി; [QE][QS2]ശവക്കുഴികളിൽനിന്ന് അവിടന്ന് അവരെ മോചിപ്പിച്ചു. [QE]
21. [QS]അവിടത്തെ അചഞ്ചലസ്നേഹംനിമിത്തവും [QE][QS2]അവിടന്ന് മനുഷ്യർക്കുവേണ്ടി ചെയ്ത അത്ഭുതപ്രവൃത്തികൾനിമിത്തവും അവർ യഹോവയ്ക്കു സ്തോത്രംചെയ്യട്ടെ. [QE]
22. [QS]അവർ അവിടത്തേക്ക് സ്തോത്രയാഗങ്ങൾ അർപ്പിക്കുകയും [QE][QS2]അവിടത്തെ പ്രവൃത്തികൾ ആനന്ദഗീതങ്ങളാൽ വർണിക്കുകയും ചെയ്യട്ടെ. [QE][PBR]
23. [QS]ചിലർ മഹാസമുദ്രത്തിലെ വ്യാപാരികളായി; [QE][QS2]കടലിലൂടെയവർ കപ്പൽയാത്രചെയ്തു. [QE]
24. [QS]അവർ യഹോവയുടെ പ്രവൃത്തികളെ നിരീക്ഷിച്ചു, [QE][QS2]ആഴിയിൽ അവിടത്തെ അത്ഭുതങ്ങളെത്തന്നെ. [QE]
25. [QS]അവിടന്ന് ആജ്ഞാപിച്ചു; ഒരു കൊടുങ്കാറ്റ് ആഞ്ഞുവീശി, [QE][QS2]തിരമാലകൾ ഉയർന്നുപൊങ്ങി. [QE]
26. [QS]അവ ആകാശത്തോളം ഉയർന്ന് ആഴങ്ങളിലേക്ക് താഴ്ന്നമർന്നു; [QE][QS2]തങ്ങളുടെ ദുരിതങ്ങളിൽ അവരുടെ ധൈര്യം ചോർന്നൊലിച്ചു. [QE]
27. [QS]അവർ മദോന്മത്തരെപ്പോലെ ചാഞ്ചാടി ആടിയുലഞ്ഞു; [QE][QS2]അവർ അവരുടെ അറിവിന്റെ അന്ത്യത്തിലെത്തി. [QE]
28. [QS]അപ്പോൾ തങ്ങളുടെ കഷ്ടതയിൽ അവർ യഹോവയോട് നിലവിളിച്ചു, [QE][QS2]അവരുടെ ദുരിതത്തിൽനിന്ന് അവിടന്ന് അവരെ രക്ഷിച്ചു. [QE]
29. [QS]അവിടന്ന് കൊടുങ്കാറ്റിനെ ശാന്തമാക്കി; [QE][QS2]സമുദ്രത്തിലെ തിരമാലകൾ അമർന്നു. [QE]
30. [QS]അത് ശാന്തമായപ്പോൾ അവർ ആനന്ദിച്ചു, [QE][QS2]അവർ ആഗ്രഹിച്ച തുറമുഖത്തേക്ക് അവിടന്ന് അവരെ നയിച്ചു. [QE]
31. [QS]അവിടത്തെ അചഞ്ചലസ്നേഹംനിമിത്തവും [QE][QS2]അവിടന്ന് മനുഷ്യർക്കുവേണ്ടി ചെയ്ത അത്ഭുതപ്രവൃത്തികൾനിമിത്തവും അവർ യഹോവയ്ക്കു സ്തോത്രംചെയ്യട്ടെ. [QE]
32. [QS]ജനങ്ങളുടെ സഭയിൽ അവർ അവിടത്തെ വാഴ്ത്തട്ടെ [QE][QS2]സമുദായനേതാക്കന്മാരുടെ സംഘത്തിൽ അവിടത്തെ സ്തുതിക്കട്ടെ. [QE][PBR]
33. [QS]ദേശവാസികളുടെ ദുഷ്‌പ്രവൃത്തികൾനിമിത്തം [QE][QS2]അവിടന്ന് നദികളെ മരുഭൂമിയും [QE]
34. [QS]അരുവികളെ ദാഹാർത്തഭൂമിയും [QE][QS2]ഫലഭൂയിഷ്ഠമായ ഇടത്തെ ഓരുനിലവും ആക്കിയിരിക്കുന്നു. [QE]
35. [QS]അവിടന്ന് മരുഭൂമിയെ ജലാശയങ്ങളായും [QE][QS2]വരണ്ടനിലത്തെ നീർച്ചാലുകളായും മാറ്റുന്നു; [QE]
36. [QS]അവിടന്ന് അവിടെ വിശക്കുന്നവരെ കുടിപാർപ്പിക്കുന്നു, [QE][QS2]അവർക്കു വാസയോഗ്യമായ ഒരു പട്ടണം അവർ പണിതുയർത്തുന്നു. [QE]
37. [QS]അവർ നിലങ്ങൾ വിതച്ചു മുന്തിരിത്തോപ്പുകൾ നട്ടുപിടിപ്പിച്ചു [QE][QS2]അതിൽനിന്ന് അവർക്കു വിളസമൃദ്ധിയും ലഭിച്ചു; [QE]
38. [QS]അവിടന്ന് അവരെ അനുഗ്രഹിച്ചു, അവർ എണ്ണത്തിൽ അത്യധികം പെരുകി, [QE][QS2]അവരുടെ കാലിസമ്പത്ത് കുറയുന്നതിന് അവിടന്ന് അനുവദിച്ചതുമില്ല. [QE][PBR]
39. [QS]പീഡനം, ആപത്ത്, ദുഃഖം എന്നിവയാൽ അവിടന്ന് അവരെ താഴ്ത്തി, [QE][QS2]അങ്ങനെ അവരുടെ എണ്ണം കുറഞ്ഞു; [QE]
40. [QS]പ്രഭുക്കന്മാരെ നിന്ദാപാത്രങ്ങളാക്കി മാറ്റുന്ന യഹോവ [QE][QS2]ഗതിയില്ലാതെ ശൂന്യപ്രദേശങ്ങളിലൂടെ അലയുന്നതിന് അവരെ ഇടയാക്കി. [QE]
41. [QS]എന്നാൽ അശരണരെ അവിടന്ന് അവരുടെ കഷ്ടതയിൽനിന്ന് ഉദ്ധരിച്ചു [QE][QS2]അവരുടെ കുടുംബങ്ങളെ ആട്ടിൻപറ്റം എന്നതുപോലെ വർധിപ്പിച്ചു. [QE]
42. [QS]ഹൃദയപരമാർഥികൾ അതുകണ്ട് ആനന്ദിക്കുന്നു, [QE][QS2]എന്നാൽ ദുഷ്ടരെല്ലാം മൗനം അവലംബിക്കുന്നു. [QE][PBR]
43. [QS]ജ്ഞാനമുള്ളവർ ഈ കാര്യങ്ങൾ സശ്രദ്ധം മനസ്സിലാക്കുകയും [QE][QS2]യഹോവയുടെ അചഞ്ചലസ്നേഹത്തെപ്പറ്റി ചിന്തിക്കുകയും ചെയ്യട്ടെ. [QE]