1. [QS]ഞങ്ങൾക്കല്ല യഹോവേ, ഞങ്ങൾക്കല്ല; [QE][QS2]അവിടത്തെ അചഞ്ചലസ്നേഹവും വിശ്വസ്തതയുംനിമിത്തം [QE][QS2]തിരുനാമത്തിനുതന്നെ മഹത്ത്വം ഉണ്ടാകട്ടെ. [QE][PBR]
2. [QS]ജനതകളെക്കൊണ്ട് “അവരുടെ ദൈവം എവിടെ,” [QE][QS2]എന്നു ചോദിപ്പിക്കുന്നതെന്തിന്? [QE]
3. [QS]ഞങ്ങളുടെ ദൈവം സ്വർഗത്തിലുണ്ട്; [QE][QS2]അവിടന്ന് തനിക്ക് ഇഷ്ടമുള്ളതൊക്കെയും ചെയ്യുന്നു. [QE]
4. [QS]എന്നാൽ അവരുടെ വിഗ്രഹങ്ങൾ വെള്ളിയും സ്വർണവുമാണ്; [QE][QS2]മനുഷ്യകരങ്ങളാൽ നിർമിതവുമാണ്. [QE]
5. [QS]അവയ്ക്കു വായുണ്ട്, എന്നാൽ സംസാരിക്കാൻ കഴിയുന്നില്ല; [QE][QS2]കണ്ണുണ്ട്, എന്നാൽ കാണാൻ കഴിയുന്നില്ല. [QE]
6. [QS]അവയ്ക്ക് കാതുണ്ട്, എന്നാൽ കേൾക്കാൻ കഴിയുന്നില്ല; [QE][QS2]മൂക്കുണ്ട് എങ്കിലും മണക്കുന്നില്ല. [QE]
7. [QS]അവയ്ക്കു കൈയുണ്ട്, എങ്കിലും സ്പർശിക്കുന്നില്ല; [QE][QS2]കാലുണ്ട്, എങ്കിലും നടക്കുന്നില്ല; [QE][QS2]തൊണ്ടകൊണ്ട് സംസാരിക്കുന്നതിനും അവയ്ക്കു കഴിവില്ല. [QE]
8. [QS]അവയെ നിർമിക്കുന്നവർ അവയെപ്പോലെയാകുന്നു, [QE][QS2]അവയിൽ ആശ്രയിക്കുന്ന എല്ലാവരും അങ്ങനെതന്നെ. [QE][PBR]
9. [QS]ഇസ്രായേലേ, യഹോവയിൽ ആശ്രയിക്കുക— [QE][QS2]അവിടന്ന് അവരുടെ സഹായവും പരിചയും ആകുന്നു. [QE]
10. [QS]അഹരോൻഗൃഹമേ, യഹോവയിൽ ആശ്രയിക്കുക— [QE][QS2]അവിടന്ന് അവരുടെ സഹായവും പരിചയും ആകുന്നു. [QE]
11. [QS]യഹോവയെ ഭയപ്പെടുന്ന എല്ലാവരുമേ, യഹോവയിൽ ആശ്രയിക്കുക— [QE][QS2]അവിടന്ന് അവരുടെ സഹായവും പരിചയും ആകുന്നു. [QE][PBR]
12. [QS]യഹോവ നമ്മെ ഓർക്കുകയും അനുഗ്രഹിക്കുകയും ചെയ്യും: [QE][QS2]അവിടന്ന് ഇസ്രായേൽഗൃഹത്തെ അനുഗ്രഹിക്കും [QE][QS2]അവിടന്ന് അഹരോൻഗൃഹത്തെ അനുഗ്രഹിക്കും [QE]
13. [QS]യഹോവയെ ഭയപ്പെടുന്ന എല്ലാവരെയും അവിടന്ന് അനുഗ്രഹിക്കും— [QE][QS2]ചെറിയവരെയും വലിയവരെയും ഒരുപോലെതന്നെ. [QE][PBR]
14. [QS]യഹോവ നിങ്ങളെ വർധിപ്പിക്കട്ടെ; [QE][QS2]നിങ്ങളെയും നിങ്ങളുടെ മക്കളെയുംതന്നെ. [QE]
15. [QS]ആകാശവും ഭൂമിയും നിർമിച്ച യഹോവയാൽ [QE][QS2]നിങ്ങൾ അനുഗ്രഹിക്കപ്പെടുമാറാകട്ടെ. [QE][PBR]
16. [QS]സ്വർഗം യഹോവയുടേതാകുന്നു, [QE][QS2]എന്നാൽ ഭൂമി അവിടന്ന് മനുഷ്യർക്കു നൽകിയിരിക്കുന്നു. [QE]
17. [QS]മരിച്ചവരാരും യഹോവയെ വാഴ്ത്തുന്നില്ല, [QE][QS2]നിശ്ശബ്ദതയിൽ ആണ്ടുപോയവരും അങ്ങനെതന്നെ; [QE]
18. [QS]എന്നാൽ നാമാണ് യഹോവയെ പുകഴ്ത്തുന്നത്, [QE][QS2]ഇന്നും എന്നെന്നേക്കും. [QE][PBR] [QS]യഹോവയെ വാഴ്ത്തുക.[* മൂ.ഭാ. ഹാലേലൂ യാഹ്; അതായത്, ഹാലേലൂയാ. ] [QE]