1. [QS]ദൈവമേ, അവിടത്തെ അചഞ്ചലസ്നേഹത്തിന് അനുയോജ്യമായവിധത്തിൽ, [QE][QS2]അടിയനോടു കരുണയുണ്ടാകണമേ; [QE][QS]അങ്ങയുടെ മഹാകാരുണ്യംനിമിത്തം [QE][QS2]എന്റെ ലംഘനങ്ങൾ മായിച്ചുകളയണമേ. [QE]
2. [QS]എന്റെ എല്ലാവിധ അകൃത്യങ്ങളും കഴുകിക്കളഞ്ഞ് [QE][QS2]എന്റെ പാപത്തിൽനിന്ന് എന്നെ ശുദ്ധീകരിക്കണമേ. [QE][PBR]
3. [QS]എന്റെ അതിക്രമങ്ങൾ ഞാനറിയുന്നു, [QE][QS2]എന്റെ പാപം എപ്പോഴും എന്റെ കൺമുമ്പിലുണ്ട്. [QE]
4. [QS]അവിടത്തേക്കെതിരായി, അവിടത്തോടുമാത്രം ഞാൻ പാപംചെയ്തിരിക്കുന്നു [QE][QS2]അവിടത്തെ ദൃഷ്ടിയിൽ ഞാൻ തിന്മ പ്രവർത്തിച്ചിരിക്കുന്നു; [QE][QS]ആകയാൽ അവിടത്തെ ന്യായത്തീർപ്പുകൾ നീതിയുക്തവും [QE][QS2]അവിടത്തെ വിധിന്യായം ന്യായയുക്തവുമാകുന്നു. [QE]
5. [QS]ഇതാ ഞാൻ പിറന്നത് പാപിയായിട്ടാണ്, [QE][QS2]എന്റെ അമ്മ എന്നെ ഗർഭംധരിച്ചപ്പോൾത്തന്നെ ഞാൻ പാപിയാണ്. [QE]
6. [QS]അന്തരാത്മാവിലെ സത്യമാണല്ലോ അവിടന്ന് അഭിലഷിക്കുന്നത്; [QE][QS2]ഹൃദയാന്തർഭാഗത്തിലും എന്നെ ജ്ഞാനം അഭ്യസിപ്പിച്ചു. [QE][PBR]
7. [QS]ഈസോപ്പുകൊണ്ട് എന്നെ ശുദ്ധീകരിക്കണമേ, അപ്പോൾ ഞാൻ നിർമലനാകും; [QE][QS2]എന്നെ കഴുകണമേ, അപ്പോൾ ഞാൻ ഹിമത്തെക്കാൾ വെണ്മയുള്ളവനാകും. [QE]
8. [QS]ആനന്ദവും ആഹ്ലാദവും എന്നെ കേൾപ്പിക്കണമേ; [QE][QS2]അവിടന്ന് തകർത്ത അസ്ഥികൾ ഉല്ലസിക്കട്ടെ. [QE]
9. [QS]എന്റെ പാപങ്ങളിൽനിന്നും തിരുമുഖം മറയ്ക്കണമേ [QE][QS2]എന്റെ അകൃത്യങ്ങളെല്ലാം മായിച്ചുകളയണമേ. [QE][PBR]
10. [QS]ദൈവമേ, നിർമലമായൊരു ഹൃദയം എന്നിൽ സൃഷ്ടിക്കണമേ, [QE][QS2]അചഞ്ചലമായ ഒരാത്മാവിനെ എന്നിൽ പുതുക്കണമേ. [QE]
11. [QS]അവിടത്തെ സന്നിധാനത്തിൽനിന്ന് എന്നെ പുറന്തള്ളുകയോ [QE][QS2]അവിടത്തെ പരിശുദ്ധാത്മാവിനെ എന്നിൽനിന്ന് എടുത്തുകളയുകയോ അരുതേ. [QE]
12. [QS]അവിടത്തെ രക്ഷയുടെ സന്തോഷത്തിലേക്ക് എന്നെ മടക്കിവരുത്തണമേ, [QE][QS2]അനുസരിക്കാൻ ഒരുക്കമുള്ള ഒരു ആത്മാവിനെ അനുവദിച്ചുനൽകി എന്നെ താങ്ങിനിർത്തണമേ. [QE][PBR]
13. [QS]അപ്പോൾ ഞാൻ അതിക്രമികൾക്ക് അവിടത്തെ വഴികൾ അഭ്യസിപ്പിച്ചുകൊടുക്കും, [QE][QS2]അങ്ങനെ പാപികൾ തിരുസന്നിധിയിലേക്ക് മടങ്ങിവരികയും ചെയ്യും. [QE]
14. [QS]ദൈവമേ, എന്റെ രക്ഷയുടെ ദൈവമേ, [QE][QS2]രക്തംചൊരിഞ്ഞ കുറ്റത്തിൽനിന്ന് എന്നെ വിടുവിക്കണമേ, [QE][QS2]അപ്പോൾ എന്റെ നാവ് അവിടത്തെ നീതിയെപ്പറ്റി പാടും. [QE]
15. [QS]കർത്താവേ, എന്റെ അധരങ്ങളെ തുറക്കണമേ; [QE][QS2]എന്റെ നാവ് അവിടത്തെ സ്തുതിഗാനമാലപിക്കട്ടെ. [QE]
16. [QS]അവിടന്ന് യാഗം അഭിലഷിക്കുന്നില്ലല്ലോ, അങ്ങനെയായിരുന്നെങ്കിൽ ഞാനത് അർപ്പിക്കുമായിരുന്നു. [QE][QS2]ദഹനയാഗങ്ങളിൽ അവിടന്ന് പ്രസാദിക്കുന്നതുമില്ല. [QE]
17. [QS]ദൈവത്തിന് ഹിതകരമായ യാഗം തകർന്ന മനസ്സല്ലോ; [QE][QS2]പശ്ചാത്താപത്താൽ തകർന്ന ഹൃദയത്തെ [QE][QS2]ദൈവമേ, അവിടന്നൊരിക്കലും നിരസിക്കുകയില്ലല്ലോ. [QE][PBR]
18. [QS]അവിടത്തെ പ്രസാദംമൂലം സീയോനെ അഭിവൃദ്ധിപ്പെടുത്തണമേ, [QE][QS2]ജെറുശലേമിന്റെ മതിലുകളെ പണിയണമേ. [QE]
19. [QS]അപ്പോൾ നീതിമാന്റെ അർപ്പണങ്ങൾ; [QE][QS2]ദഹനയാഗങ്ങൾ, അവിടത്തേക്ക് പ്രസാദകരമായ സമ്പൂർണദഹനയാഗങ്ങൾതന്നെ അർപ്പിക്കപ്പെടും; [QE][QS2]അപ്പോൾ അവിടത്തെ യാഗപീഠത്തിൽ കാളകൾ അർപ്പിക്കപ്പെടും. [QE]സംഗീതസംവിധായകന്.[* സങ്കീ. 3:8-ലെ കുറിപ്പ് കാണുക. ] [PE]