1. [PS]ശലോമോന്റെ ഉത്തമഗീതം. [PE][PBR]
2. {യുവതി[* ആൺ, പെൺ എന്നീ പ്രധാന പ്രഭാഷകരെ യുവാവ്, യുവതി എന്നിങ്ങനെ സൂചിപ്പിച്ചിരിക്കുന്നു. ഈ സൂചന പ്രധാനമായും എബ്രായഭാഷയിൽ പ്രതിപാദിച്ചിരിക്കുന്ന ലിംഗഭേദത്തിന്റെ അടിസ്ഥാനത്തിലാണ്. മറ്റുള്ളവരുടെ വാക്കുകൾ തോഴിമാർ എന്ന് സൂചിപ്പിച്ചിരിക്കുന്നു. ചില സന്ദർഭങ്ങളിൽ ഈ നിലയിലുള്ള വിഭജനവും ശീർഷകവും തർക്കവിധേയമാണ്. ] } [QS]അധരങ്ങളാൽ എന്മേൽ ചുംബനവർഷം ചൊരിഞ്ഞാലും— [QE][QS2]നിന്റെ പ്രേമം വീഞ്ഞിനെക്കാൾ ആനന്ദകരം. [QE]
3. [QS]നിന്റെ സുഗന്ധതൈലങ്ങളുടെ സൗരഭ്യം ഹൃദയഹാരി; [QE][QS2]നിന്റെ നാമം സുഗന്ധതൈലം പകർന്നതുപോലെതന്നെ. [QE][QS2]അതുകൊണ്ട് യുവതികൾ നിന്നെ പ്രേമിക്കുന്നതിൽ അത്ഭുതം ലവലേശമില്ല! [QE]
4. [QS]എന്നെ നിന്നോടൊപ്പം ദൂരത്തേക്കു കൊണ്ടുപോകുക—വേഗമാകട്ടെ! [QE][QS2]രാജാവ് തന്റെ പള്ളിയറകളിലേക്കെന്നെ ആനയിക്കട്ടെ. [QE]{തോഴിമാർ }[QS]ഞങ്ങൾ അത്യാഹ്ലാദത്തോടെ നിന്നിൽ ആനന്ദിക്കും; [QE][QS2]നിന്റെ പ്രേമത്തെ ഞങ്ങൾ വീഞ്ഞിനെക്കാൾ അധികം പ്രകീർത്തിക്കും. [QE]{യുവതി }[QS]അവർ നിന്നെ പ്രകീർത്തിക്കുന്നത് എത്രയോ ഉചിതം. [QE][PBR]
5. [QS]ജെറുശലേംപുത്രിമാരേ, [QE][QS2]ഞാൻ കറുത്തിട്ടെങ്കിലും അഴകുള്ളവൾ, [QE][QS]കേദാർ കൂടാരങ്ങൾപോലെയും [QE][QS2]ശലോമോന്റെ കൂടാരശീലകൾപോലെയുംതന്നെ. [QE]
6. [QS]ഞാൻ ഇരുൾനിറമുള്ളവളാകയാൽ എന്നെ തുറിച്ചുനോക്കരുത്, [QE][QS2]ഞാൻ ഇരുണ്ടുപോയത് സൂര്യതാപമേറ്റതിനാലാണ്. [QE][QS]എന്റെ അമ്മയുടെ പുത്രന്മാർ എന്നോട് കോപിഷ്ഠരായി [QE][QS2]അവരുടെ മുന്തിരിത്തോപ്പുകൾക്ക് എന്നെ കാവൽനിർത്തി; [QE][QS2]എന്റെ സ്വന്തം മുന്തിരിത്തോപ്പ് എനിക്ക് അവഗണിക്കേണ്ടിവന്നു. [QE]
7. [QS]എന്റെ പ്രേമഭാജനമേ, എന്നോടു പറയൂ, [QE][QS2]നിന്റെ ആട്ടിൻപറ്റങ്ങളുടെ മേച്ചിൽപ്പുറം എവിടെയാണ്? [QE][QS2]അവയുടെ മധ്യാഹ്ന വിശ്രമസ്ഥാനം എവിടെയാണ്? [QE][QS]ഞാൻ എന്തിന് മുഖാവരണം അണിഞ്ഞവളെപ്പോലെ [QE][QS2]നിന്റെ ചങ്ങാതിമാരുടെ ആട്ടിൻപറ്റങ്ങൾക്കരികെ അലഞ്ഞുതിരിയണം? [QE]
8. {തോഴിമാർ } [QS]സ്ത്രീകളിൽ അതിസുന്ദരീ, നിനക്കത് അജ്ഞാതമെങ്കിൽ [QE][QS2]ആട്ടിൻപറ്റങ്ങളുടെ കാലടികൾ പിൻതുടരുകയും [QE][QS]നിന്റെ കുഞ്ഞാടുകളെ [QE][QS2]ഇടയകൂടാരങ്ങൾക്കരികെ മേയ്ക്കുകയുംചെയ്യുക. [QE]
9. {യുവാവ് } [QS]എന്റെ പ്രിയേ, ഫറവോന്റെ രഥങ്ങളിലെ [QE][QS2]മദിപ്പിക്കുന്ന പെൺകുതിരകളിലൊന്നിനെപ്പോലെയാകുന്നു നീ. [QE]
10. [QS]നിന്റെ കവിൾത്തടങ്ങൾ കർണാഭരണങ്ങളാലും [QE][QS2]നിന്റെ കണ്ഠം രത്നാഭരണങ്ങളാലും അലംകൃതമായിരിക്കുന്നു. [QE]
11. [QS]വെള്ളിമണികൾകൊണ്ട് അലങ്കരിച്ച തങ്കക്കമ്മലുകൾ [QE][QS2]ഞങ്ങൾ നിനക്കായി പണിയും. [QE]
12. {യുവതി } [QS]രാജാവ് ഭക്ഷണത്തിനിരുന്നപ്പോൾ, [QE][QS2]എന്റെ സുഗന്ധതൈലം സൗരഭ്യം പരത്തി. [QE]
13. [QS]എന്റെ പ്രിയൻ എനിക്ക് [QE][QS2]എന്റെ സ്തനങ്ങൾക്കിടയിൽ വിശ്രമിക്കുന്ന മീറക്കെട്ടുപോലെ[† അഥവാ, നറുമ്പശ ] ആകുന്നു. [QE]
14. [QS]എന്റെ പ്രിയൻ എനിക്ക് എൻ-ഗെദി മുന്തിരിത്തോപ്പുകളിലെ [QE][QS2]മൈലാഞ്ചിപ്പൂക്കുലപോലെ ആകുന്നു. [QE]
15. {യുവാവ് } [QS]എന്റെ പ്രിയേ! നീ എത്ര സുന്ദരി! [QE][QS2]നീ സുന്ദരിതന്നെ! [QE][QS2]നിന്റെ നയനങ്ങൾ പ്രാവുകൾപോലെതന്നെ. [QE]
16. {യുവതി } [QS]എന്റെ പ്രിയാ, നീ എത്ര സുന്ദരൻ! [QE][QS2]നീ അതിസുന്ദരൻതന്നെ! [QE][QS2]നമ്മുടെ കിടക്കയും ശ്യാമളംതന്നെ.[‡ അഥവാ, പച്ചപ്പുതന്നെ ] [QE]
17. {യുവാവ് } [QS]നമ്മുടെ ഭവനത്തിന്റെ ഉത്തരങ്ങൾ ദേവദാരുക്കളാകുന്നു; [QE][QS2]അതിന്റെ കഴുക്കോൽ സരളവൃക്ഷവുമാകുന്നു. [QE]